Р87 Ғылыми-практикалық конференция материалдарының электрондық жинағы. Алматы: «Өрлеу» баұо ақФ Қр ббжқбари, 2018. 380 б
МЕКТЕП ЖАСЫНА ДЕЙІНГІ БАЛАЛАРДЫҢ ЖАРҚЫН
жүктеу/скачать 3.87 Mb. Pdf көрінісі
|
|
МЕКТЕП ЖАСЫНА ДЕЙІНГІ БАЛАЛАРДЫҢ ЖАРҚЫН БОЛАШАҒЫНЫҢ ТҰҒЫРЫ - РУХАНИ ЖАҢҒЫРУ Бельгибаева Гульнар Айтбаевна № 57 балабақшасының меңгерушісі Алматы қаласы «Ұлттық салт-дәстүрлеріміз, тіліміз бен музыкамыз, әдебиетіміз, жоралғыларымыз, бір сөзбен айтқанда ұлттық рухымыз бойымызда мәңгі қалуға тиіс» Нұрсұлтан Назарбаев Елбасының «Болашаққа бағдар: рухани жаңғыру» атты мақаласында қазіргі Қазақстанның негізгі рухани құндылықтары айқын көрініс тапқан. Бұл мазмұны мағыналы, ауқымы өте кең, ұлттық сананы ХХІ ғасыр биігіне көтеретін рухани жаңғыру бағдарламасы деуге болады. Көшбасшы ғылым, білім, мәдениет пен тарихты тұтастай қамтитын ұлттық рухани жаңғыру бағдарламасын халыққа ұсынып, жаңа ұлттың, жаңа қазақтың феноменін анықтап беріп, осы жаңа дәуірдегі ұлттың рухани жаңғыру жолының алты бағдарын айқындап ұсынды. Оның ең негізгісі ұлттың терең тарихынан бастау алатын рухани ұстанымды сақтап қалу. Мақаланың әр тармағы жарқын болашаққа жетелейтін бағыт-бағдарға тұнып тұр. Елбасының мақаласын біз мектеп жасына дейінгі балалардың, яғни еліміздің болашағы өскелең ұрпақты оқыту мен тәрбиелеу жолындағы басты міндетіміздің тұғыры ретінде, олардың бойына рухани құндылықтарды сіңіре отырып, қазақтың салт-дәстүрін сақтап, мұратын жүзеге асырудың түп негіздерін көрсетіп берген тұжырымдамалық бағдарлама ретінде қабылдадық. Ата-бабаларымыздың тәуелсіздік жолындағы сан ғасырлық арманын, осынау ұлан байтақ жерін қорғап, осы уақытқа жеткізгені баршамызға аян. Рухани жаңғырған, дамыған елдің ұрпақтары сондай текті бабаларымыздың ұрпағы екендіктерін сезініп, еркіндік, білімді ұғымдарын саналарына сіңіріп, қастерлеуі қажет. Ұрпақ тәрбиесі – ата-бабамыздан келе жатқан рухани мұралардың бірі. Қай елдің болсын бірлігінің қалыптасуы мен өркендеуі дәстүрлі ұлттық тәрбие мен рухани құндылықтарымен сабақтасып жүзеге асатындығы белгілі. Сол себептен де төл дәстүрімізді, әдебиетіміз бен мәдениетімізді жаңғырту, тілімізді өркендету, еліміздің болашағы қазіргі ұрпақ болғандықтан оларды қазірден бастап, ең алдымен, білімді, ұлттық құндылықтар мен заманауи игіліктерді өз бойына біріктіріп, ұштастыра білетін, өз елінің нағыз жанашыр азаматтары ретінде қалыптастыру, 135 бүлдіршіндердің бойына ұлттық құндылықтарды дарытып, рухани бай мұрамызды бойларына сіңіре тәрбиелеу біздің міндетіміз. (http://rc-dd.kz/kk 1б) Рухани жаңғыруда маңызды бағдардың бірі «сананың ашықтығы». Сананы рухани жаңғыртуға бәсекеге қабілетті, білімді елдің ғана қолынан келеді. Бұл тұрғыда Алматы қаласы Білім басқармасының МКҚК «№57 балабақшасында» жас ұрпақты болашағына сеніммен қарайтын, елін, жерін сүйетін, өнер, білімге құштар болу үшін мектеп дейінгі ұйымда заманауи технологияларды қолдана отырып, заман талабына сай жаңғыру қағидаларын алға қоя отырып, ұлттық сананы оятатын іс-шаралар мен жұмыстар жүйелі атқарылады. Балалардың сөздік қорын молайтып, ана тіліне деген қызығушылықтарын арттырып, қазақтың данышпан, Ұлы адамдарының айтқан нақыл сөздерін есте сақтап және туған елге, жерге деген сүйіспеншілікке, патриоттық сезімге тәрбиелеп, рухани сезімдерін қалыптастыру, ұлттық сананы оятуда тәрбиеленушілер арасында «Мың бір мақал» атты мақал-мәтел жарысы ұйымдастырылды. Ұрпақ тәрбиесі жайындағы озық ұлттық мұраны бүгінгі тәлім-тәрбие барысында әдет-ғұрпымызды, салт-дәстүрімізді, жаңғырта отырып, жас ұрпақтың қалыптасуына тәрбие құралы ретінде қолданатын ұлттық ойындар балаларды әділдікке, достыққа, сыйластыққа, кішіпейілділікке тәрбиелей отырып, рухани адамгершілік қасиеттерді қалыптастырады. Алматы қаласы Білім басқармасының ұйымдастырумен «Балабақшада «Рухани жаңғыру» аясында ақпараттық технологияның қолданылуы» тақырыбында ұйымдастырылған қалалық семинар тыңдаушыларына көрсетілген «Ұлттық ойын қобдишасы» атты оқу қызметінде ұлттық ойындар туралы тәрбиеленушілердің білімдерін кеңейтіп, баланың бойына ұлттық құндылықтарды қалыптастыруда тәжірибе алмасты. Мектепке дейінгі тәрбие мен оқытуда педагогикалық үрдісті ұйымдастырудың негізгі түрі ойын іс-әрекеті болғандықтан сананы рухани жағынан үнемі жетілдіріп, дамытып отыруда ұлттық ойындар өте тиімді. Мектеп жасына дейінгі балалардың бойында отансүйгіштік сезімді дамытуға, ұлттық салт- дәстүрді сақтау, мемлекеттік рәміздерді құрметтеу сияқты сезімдерді қалыптастыруды жүзеге асыру мақсатында мектепке дейінгі ұйымда күнделікті оқу қызметтерінде, сонымен қатар «Тәуелсіздік күні», «Тұңғыш Президенті күні», «Қазақстан халқының тілдер күні» сияқты айтулы мерекелер кезінде еліміздің болашағы балабақша тәрбиеленушілеріне рухани тәлім-тәрбие беріп, ұлттық рух сезімін қалыптастыруға негізделген іс-шаралар жүйелі түрде ұйымдастырылып өткізіледі. жүктеу/скачать 3.87 Mb. Достарыңызбен бөлісу:
|