Құрамы 2 мл ерітіндінің құрамында белсенді зат 10. 0 мг винпоцетин



Дата17.07.2016
өлшемі67.1 Kb.
түріҚұрамы












Қазақстан Республикасы

Денсаулық сақтау министрлігі

Медициналық және

фармацевтикалық қызметті

бақылау комитеті Төрағасының

2012 жылғы “ 15 ” 03

№ 197 бұйрығымен

БЕКІТІЛГЕН





Дәрілік заттың медицинада қолданылуы

жөніндегі нұсқаулық
Винпосан®
Саудалық атауы

Винпосан®


Халықаралық патенттелмеген атауы

Винпоцетин


Дәрілік түрі

Инъекцияға арналған 0,5% 2 мл ерітінді


Құрамы

2 мл ерітіндінің құрамында



белсенді зат – 10.0 мг винпоцетин (100 % затқа шаққанда),

қосымша заттар: аскорбин қышқылы, бензил спирті, натрий метабисульфиті, сорбитол, шарап қышқылы, инъекцияға арналған су.
Сипаттамасы

Мөлдір түссіз немесе сәл жасылдау түсті сұйықтық.


Фармакотерапиялық тобы

Психостимуляторлар және басқа да ноотроптар.

АТЖ коды N06BX18
Фармакологиялық қасиеттері

Фармакокинетикасы

Парентеральді енгізгендегі таралу көлемі - 5,3 л/кг. Гистогематикалық бөгеттер арқылы жеңіл өтеді (соның ішінде гематоэнцефалдық бөгет арқылы), емшек сүтімен бөлініп шығады. Қан плазмасындағы ең жоғары концентрациясы қолданғаннан кейін 1 сағаттан соң байқалады. Винпоцетиннің қан плазмасындағы емдік концентрациясының мәні 10-нан 20 нг/мл дейін, биожетімділігі 57 - 70% құрайды. Қан плазмасының ақуыздарымен 66%-ға байланысады.



Метаболизмі мен шығарылуы. Жартылай шығарылу кезеңі 4,75 сағатқа тең. Бауырда биоөзгеріске ұшырайды. Басты метаболиті аповинкамин қышқылы болып табылады. Несеппен шығарылады: азғантай мөлшері – өзгеріссіз күйде, қалған бөлігі – метаболиттер түрінде.

Фармакодинамикасы

Препарат мидағы қанайналым мен метаболизмді жақсартады. Препараттың әсері кешенді әсер ету механизмінің есебінен жүзеге асады. Көтермелегіш аминқышқылдары туғызған зақымдаушы цитоуытты реакциялардың айқындылығын азайтады; жасушалық трансжарғақшалы натрий және кальций өзектерінің де, NMDA (N-метил-D-аспартат) және AMPA (α-амино-3-гидрокси-5-метил-4-изоксазол-пропион қышқылы) рецепторларының да функциялық белсенділігін тежейді. Аденозиннің нейропротективті әсерін қуаттандырады. Мидың метаболизмін көтермелейді, мидың глюкоза мен оттегін жұтуын және игеруін күшейтеді. Глюкозаның гематоэнцефалдық бөгет арқылы тасымалдануын көтермелейді, глюкоза метаболизмін аэробты бағытқа жылжытады. Са+2-кальмодулинге тәуелді цГМФ-фосфодиэстеразаны іріктеп тежейді, ми тіндеріндегі цАМФ және цГМФ концентрациясын, сондай-ақ АТФ концентрациясын және АТФ/АМФ арақатынасын арттырады. Норадреналин мен серотониннің мидағы метаболизмін белсендіреді, осылайша антиоксиданттық әсер бере отырып, көтерілуші норадренергиялық жүйенің әрекетін көтермелейді.

Винпосан® мидың микроциркуляциясын жақсартады, тромбоциттер агрегациясын тежейді, қанның жоғары тұтқырлығын төмендетеді, эритроциттердің деформацияланғыштығын жоғарылатады және олардың аденозинді сіңіруін бөгейді.

Винпосан® оттегінің тіндерге тасымалдануына ықпал ете отырып, оған эритроциттердің туыстығының азаюы салдарынан ми жасушаларының гипоксияға көтерімділігін жақсартады.

Винпосан® ми қан ағымы мен қанның минуттық көлемінің мидағы фракциясын іріктей және қарқынды күшейтеді, жалпы қанайналым параметрлеріне ықпал етпестен, ми қантамырларының қарсыласуын тудырады Қ, минуттық көлем, тамыр соғысының жиілігі, ҚЖШҚ). «Ұрлану» феноменін туғызбайды; мидың зақымдалған, ишемияланған тұсының қанайналымын күшейтеді, бұл кезде интактылы аумақтың қанайналымы өзгермейді.
Қолданылуы


  • неврологиялық және психикалық бұзылыстармен қатар жүретін ми қанайналымының бұзылулары: транзиторлық ишемияда, ишемиялық инсультте, инсульттен кейінгі жағдайларда, тамыр деменциясында, ми артерияларының атеросклерозында, вертебро-базилярлық жеткіліксіздікте, жарақаттан кейінгі және гипертензивті энцефалопатияда

  • көз торқабығы мен тамырлы қабығының қантамырлық ауруларында, соның ішінде орталық артерия немесе торқабық көктамырларының ангиоспазмы мен тромбозында

  • естудің тамырлық, уытты (соның ішінде дәрі-дәрмектік) немесе шығу тегі басқа төмендеуінде (идиопатиялық, шамадан артық шудан туындаған), Меньер ауруында, құлақтағы идиопатиялық шуылда

  • климактерикалық синдром кезіндегі вегето-тамырлық дистонияда



Қолдану тәсілі мен дозалары

Винпосанды® тек көктамыр ішіне тамшылатып, инфузияның ең жоғары минутына 80 тамшы жылдамдығымен баяу енгізіледі.

2 ампуланың (20 мг) ішіндегісін инфузияға арналған 500 мл ерітіндіде сұйылтады (0,9% натрий хлоридінің ерітіндісі, 5% глюкоза ерітіндісі, Рингер ерітіндісі).

Препараттың дозасы жақсы көтерімді болса, 2-3 күн ішінде дене салмағына 1 мг/кг дейін арттыруға болады. Орташа тәуліктік дозасы 70 кг дене салмағына есептегенде (500 мл инфузиялық ерітіндіге 5 ампула) 50 мг құрайды.

Емдеу курсының ұзақтығы - 10 – 14 күн.

Осыдан соң демеуші емге көшеді (препаратты таблеткалар түрінде ішке қабылдайды).


Жағымсыз әсерлері

- артериялық қан қысымының төмендеуі, тахикардия, экстрасистолия

- ұйқының бұзылуы (ұйқысыздық, ұйқышылдық), бас айналуы, бас ауруы, әлсіздік

- ауыздың құрғауы, жүрек айнуы, қыжыл

- тері жабындарының гиперемиясы, тері бөртпесі, есекжем

- енгізген жердегі тромбофлебит


Қолдануға болмайтын жағдайлар

- винпоцетинге немесе препараттың басқа да құрамдас бөліктеріне жоғары сезімталдықта

- геморрагиялық инсульттің жедел сатысында

- жүректің ишемиялық ауруының ауыр түрлерінде

- аритмияның ауыр түрлерінде

- 18 жасқа дейінгі балалар мен жасөспірімдерге

- жүктілікте, лактация кезеңінде
Дәрілермен өзара әрекеттесуі

Фармацевтикалық өзара әрекеттестігі

Винпосан® инъекцияға арналған ерітінді түрінде гепаринмен үйлесімсіз.

Варфаринмен бір мезгілде қолданғанда варфариннің антикоагулянттық әсерінің аздап азайғаны туралы хабарланған.

Дегенмен, қажет болған жағдайда антикоагулянттармен бір мезгілде емдеуге жол беріледі.

Құрысуға қарсы дәрілер (карбамазепин, дифенин), барбитур препараттары винпоцетиннің метаболизмін жеделдетеді және оның қан плазмасындағы концентрациясын төмендетеді.

Біріктірілген ішілетін контрацептивтер, макролидті антибиотиктер (кларитромицин, эритромицин), зеңге қарсы дәрілер (кетоканозол) винпоцетин әсерінің айқындығын өзгертеді, оның метаболизмін баяулатады және препараттың қан плазмасындағы концентрациясын арттырады.



Айрықша нұсқаулар

QT аралығының ұзару синдромы болғанда немесе QT аралығының ұзаруын тудыратын препараттармен бір мезгілде қолданғанда, ЭКГ бақылау ұсынылады.

Жүрек-қантамыр жүйесі тарапынан болатын аурулары бар науқастарға аритмияның даму қауіптілігіне (қарыншалардың фибрилляциясына дейін) байланысты көктамыр ішіне енгізуге болмайды. Геморрагиялық инсультте тек жедел құбылыстар азайғанда ғана парентеральді енгізу мүмкін болады (әдетте 5-7 күн).

Қант диабетімен ауыратын науқастарда Винпосанмен® емдеу кезінде қандағы глюкоза деңгейін бақылау ұсынылады, өйткені ерітіндінің құрамында сорбитол бар (2 мл ерітіндіде 120,0 г).



Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Препараттың жағымсыз әсерлерін ескере отырып, көлік құралдарын немесе қауіптілігі зор механизмдерді басқарғанда сақ болу керек.


Артық дозаланғанда

Артық дозалануы жөнінде деректер жоқ.



Симптомдары: жағымсыз әсерлерінің күшеюі.

Емі - симптоматикалық.
Шығарылу түрі мен қаптамасы

2 мл препараттан жарықтан қорғағыш СНС-1 маркалы немесе импорттық шыныдан жасалған ампулаларға құйылған.

5 ампуладан поливинилхлоридті үлбірден және алюминий фольгадан жасалған пішінді ұяшықты қаптамаға салады.

2 пішінді қаптама бекітілген медицинада қолданылуы жөніндегі мемлекеттік және орыс тілдеріндегі нұсқаулықпен бірге қораптық картоннан жасалған пәшкеге салынған. Әр пәшкеге ампула скарификаторы салынады.

Кертігі, сақинасы мен нүктесі бар ампулаларды қаптаған кезде скарификатор салынбайды.
Сақтау шарттары

Құрғақ, жарықтан қорғалған жерде, 30°С-ден аспайтын температурада сақтау керек.

Балалардың қолы жетпейтін жерде сақтау керек!
Сақтау мерзімі

2 жыл


Қаптамасында көрсетілген жарамдылық мерзімі өткеннен кейін препаратты пайдалануға болмайды.
Дәріханалардан босатылу шарттары

Рецепт арқылы


Өндіруші

«Химфарм» АҚ, ҚАЗАҚСТАН РЕСПУБЛИКАСЫ,

Шымкент қ., Рашидов к-сі, н/ж, т/ф : 561342

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«Химфарм» АҚ, Шымкент қ., ҚАЗАҚСТАН РЕСПУБЛИКАСЫ,

Рашидов к-сі, н/ж, т/ф: 560882

Телефон нөмірі 7252 (561342)

Факс нөмірі 7252 (561342)

Электронды поштасы standart@santo.kz






Достарыңызбен бөлісу:


©dereksiz.org 2019
әкімшілігінің қараңыз

    Басты бет