Реферат пәні бойынша Тақырыбы
Жерді екпе ормандарға дайындау кезеңдері
жүктеу/скачать 57.17 Kb.
|
- Бұл бет үшін навигация:
- 1.2 Топырақ өңдеу
| 1 Жерді екпе ормандарға дайындау кезеңдері
Жерді екпе ормандарға дайындау бірнеше негізгі кезеңдерді қамтитын күрделі және маңызды процесс. Осы дайындықтың негізгі кезеңдерін қарастырсақ: 1.Топырақ дайындау: -Жерді өңдеудің механикалық және биологиялық әдістері. -тыңайтқыштар мен мелиоранттарды қолдану. 2.Плантация мақсаттарын анықтаңыз: -плантацияның құрылатын мақсаттарын белгілеу (ағаш өңдеу, топырақты қорғау және т.б.). 3.Орынды таңдау: -Климаттық жағдайларды және әртүрлі ағаш түрлерінің талаптарын ескере отырып, оңтайлы орынды анықтау. 4. Аймақты тазалау: -плантацияның дамуына кедергі келтіретін бар өсімдіктер мен кедергілерді жою. 5.Топырақты механикалық өңдеу: -ағаштың біркелкі өсуін қамтамасыз ету үшін жерді жырту және тегістеу. 6.Тыңайтқыштарды қолдану: -топырақ құнарлығын арттыру және өсімдіктердің денсаулығын нығайту үшін тыңайтқыштарды қолдану. 7.Өсімдіктерді отырғызу және күту: -Ағаш отырғызудың дұрыс технологиясы. -Суаруды, кесуді және зиянкестермен күресуді қоса алғанда, үнемі күтім жасау. 8.Мониторинг және бейімделу: -отырғызылған өсімдіктердің жағдайын үнемі бақылау және қажет болған жағдайда шаралар қабылдау. 9.Тұрақтылық және экологиялық аспектілер: -Плантацияның климаттың өзгеруіне және адам әрекетінің әсеріне тұрақтылығын есепке алу. -жағымсыз экологиялық зардаптарды азайту. 10.Экономикалық тиімділік: -Ұзақ мерзімді перспективада плантацияның экономикалық пайдасын болжау және шығындарды бағалау. 1.2 Топырақ өңдеу Топырақ өңдеу – ауыл шаруашылық дақылдарының өсіп-өнуіне қолайлы жағдайлар жасау үшін топырақ өңдеуші машиналар мен құралдардың жұмысшы органдары арқылы топыраққа мех. әсер ету. Топырақ өңдеу егісті арамшөптерден тазартуға, ауыл шаруашылық дақылдарының зиянкестері мен ауру таратушыларды жоюға, сонымен қатар өсімдік қалдықтарының, шымның, тыңайтқыштар мен гербицидтердің топыраққа сіңіп кетуіне және ауыл шаруашылық дақылдары тұқымының белгілі бір тереңдікке енуіне мүмкіндік береді. Топырақ өңдеу қаншалықты тереңдікте жүргізілуіне байланысты: негізгі – жер жырту, топырақты қопармай тереңнен қопсыту, т.б.; беткі қабатты сыдыра жырту, қопсыту, тырмалау, т.б.; арнайы – тереңнен қопара жырту, т.б. болып ажыратылады. Топырақ өңдеудің қопсыту, үгіту, аудару, тығыздау, егістік бетін тегістеу, топырақты араластыру, арамшөптерді кесу, топырақ бетінде өсімдіктің қысқа сабақтарын қалдыру, микрорельеф қалыптастыру, т.б. түрлері бар. Қопсыту – топырақ бөліктерінің өзара орналасуын соқа, қопсытқыш, көп пышақты топырақ өңдегіштің көмегімен топырақта ірі кеуектілік пайда болатындай етіп өзгерту. Үгіту – қатып қалған ірі кесек топырақтарды ұнтақтау, ұсату. Қопсыту, аудару, араластыру жұмыстырмен бір мезгілде жүргізіледі. Аудару – құрамындағы суы, қарашіріндісі, қоректік заттары мен микроорганизмдеріне қарай ерекшеленетін топырақ қабаттарын тік бағытта орнын ауыстыру. Тығыздау – топырақ бөліктерінің өзара орналасуын топырақта азғантай кеуектілік пайда болатындай етіп өзгерту. Егістік бетін тегістеу – топырақтағы тегіс емес жерлерді жөндеу; сүйреткі, ысырма, тырма, таптауыштардың көмегімен атқарылады. Топырақты араластыру – органик. заттар, тыңайтқыштар, әктің ыдырау өнімдері біркелкі таралып өңделетін біртектес қабат жасау. Арамшөптерді кесу қопсыту, аудару, топырақты араластыру жұмыстарымен қатар жүргізіледі. Топырақ бетінде өсімдіктің қысқа сабақтарын қалдыру кескіш-қопсытқыштың, тереңнен қопсытқыштың, аударғыштардың, тісті тырманың көмегімен орындалады. Микрорельеф қалыптастыру (атыз, жүйек, жал, саңылау, ұя) топырақтың ауа және су режимін реттеу үшін жасалынады. Жыртуға арналған қуатты қабат қалыптастыруда табиғи құнарлылығы төмен тұзды және шымтезекті топырақтарды құнарландыру үшін арнайы Топырақ өңдеу жұмыстары жүргізіледі. Ол үшін топырақтың бетіне немесе біршама тереңдігіне әр түрлі тыңайтқыштар енгізіледі. Топырақ өңдеудің басты мәселесі – жерді жырту сол егістік орналасқан аймақтардың табиғи жағдайларына тікелей байланысты. Мыс., Қазақстанның солт. аймақтарындағы дәнді дақылдар өсірілетін негізгі егістіктер жел эрозиясына қатты ұшырайтындықтан, негізінен қайырмалы соқамен жыртылмай, жай қопсытылады. Ал оңт. аудандардағы еңіс тау беткейлерінде су эрозиясы болмас үшін, жерді жыртқан кезде жырту бағытын беткей еңісіне көлденең етіп жырту немесе жемісті ағаштарды қолдан жасалған сатылы белдеулерге (терраса) орналастыру тәжірибесі қолданылады. Кейбір жағдайларда топырақ құнарлылығын топырақ ортасының жағымсыз реакциялары да кемітеді. Мыс., солт. аймақтарда топырақ ортасының қышқылды реакциясы басым болса, оңт. құрғақ шөлді аймақтарда керісінше сілтілі реакция басым түсіп, топырақ құнарына теріс әсер етеді. Бұл жағдаймен күресу үшін қышқылды топырақтардың сол қабатына қажетті мөлшерде әк енгізілсе, сілтілі топырақтардың қабатына тиісті мөлшерде гипс енгізіледі. Бұл шаралар топырақты хим. жақсарту деп аталады. Ал егістік жерлердегі көбейіп кететін арамшөптермен күресу үшін ауыспалы егіс жүйесінде арнайы сүрі жер танабы енгізіліп, жыл бойы әр түрлі өңдеулерден өтіп, арамшөптерден тазартылады. Топырақ өңдеудің біршама күрделі шаралары суармалы егістік жерлерде жүзеге асырылады. Көктемде және тұқым себер алдында Топырақ өңдеу үшін тырмалау, тырмалап қопсыту, тегістеп қопсыту жұмыстары жүргізіледі. Тұқым себілгеннен кейін топырақты нығыздап, жер бетіне өскіні шыққанға дейін және шыққаннан кейін де тырмалайды. Қайтадан тыңайтылған жерлердегі Топырақ өңдеу жұмыстарына шымтезекті-батпақты және жайылма, орманды және тыңайған жерлердегі өнімділігі аз топырақтарды өңдеу жатады. Жерді екпе ормандарға дайындау барысы жүктеу/скачать 57.17 Kb. Достарыңызбен бөлісу:
|