Көрсеткіш – Шарттың (қосымша келісімнің) күні мен нөмірі

5.8. Анықтамалықтар – Кредиттеу мақсаты және Кредиттеу объектісі

5.8.1. Қолдану саласы

Осы анықтамалықтар кредиттеу мақсатын және кредиттеу объектісін анықтауға арналған.

5.8.2. Қазақстан Республикасының нормативтік құқықтық актілеріне сілтемелер

Осы анықтамалықта мынадай Қазақстан Республикасының нормативтік құқықтық актілеріне сілтемелер пайдаланылған:

- Ипотека туралы заң;

- «Тұрғын үй құрылысына үлестiк қатысу туралы» 2006 жылғы 7 шілдедегі Қазақстан Республикасының Заңы.

5.8.3. Терминдер және анықтамалар

Осы анықтамалықта тиісті анықтамасымен мына терминдер пайдаланылады:

иелену (сатып алу) - сатып алу -сату шарты бойынша бір тарап (сатушы) екінші тарапқа (сатып алушыға) шаруашылықты жүргізуді немесе оперативті басқаруды меншікке мүлікті (тауарды) беруге міндеттенеді, ал сатып алушы осы мүлікті (тауарды) қабылдауға және белгілі ақша сомасын (бағасын) төлеуге міндеттенеді;

тұрғын үй құрылысына үлестік қатысу - тұрғын үй құрылысына үлестік қатысу туралы шарт тараптарының тұрғын жайларды салу мақсатындағы қатынастары;

жөндеу – негізгі қорлардың (өндіріс қаражаттың) немесе жеке пайдаланудағы заттарды тұтыну құнын жартылай немесе толық қалпына келтіруіне байланысты технико-экономикалық және ұйымдық іс-шаралардың жиынтығы және сондай-ақ ақаулы элементтерді ауыстыру, зиянын жою, түзету және сол сияқтыларды;

құрылыс – жаңа үйлерді, инженерлік ғимараттарды және оларға ілеспелі объектілерді құруға бағытталған қызмет;

жаңғырту (кеңейту) – жақсарту, жетілдіру мақсатында бар цехтарды, негізгі, қосымша және қызмет көрсетуге арналған объектілерді қайта құрылымдау, қайта жабдықтау;

жалға алу – жалгерге жалдау ақысына уақытша иелену және пайдалануға берілетін мүлік шартының нысаны.

қаржы лизингi – лизинг беруші сатушыдан өз меншiгіне сатып алған және лизинг шартымен келiсiлген лизинг нысанасын лизинг алушыға белгiлi бір төлемақысына және белгiлi бір талаптармен уақытша иеленуге және кәсiпкерлiк мақсаттар үшін кемінде үш жыл мерзімге пайдалануға беруге мiндеттенетiн инвестициялық қызметтің түрі;

өндіріс – тауарларды, қызметтерді құру процессі;

өндірістік процессі үшін тауарлар – кәсіпорынға түсетін шикізат, материалдар, жартылай фабрикаттар және жинақталатын өнімдер дайын өнімге немесе берілген санда, сапада және белгілі мерзімдегі түрде қызметке айналады;

өндіріс процессі үшін қызметтер – орындау барысында жаңа материалдық-заттық өнім құрылмайтын, бірақ бар өнімнің сапасы өзгеретін қызмет түрі;

тұтыну тауарлары және қызметтер – жеке, отбасылық, үй шаруашылығында пайдалану үшін халықтың түпкілікті тұтынуға арналған тауарлар және қызметтер;

автомобиль көлігі – қызметтің негізгі саласын ұйымдастыру және автокөліктер құралдарын және инфрақұрылымды пайдалана отырып жолаушыларды, жүктерді және почтаны тасымалдауды жүзеге асыру болып табылатын көлік түрі;

жер (жер учаскесі) – жер қатынастары субъектілеріне бекітіліп берілетін, тұйық шекара ішінде бөлінген жер бөлігі Қазақстан Республикасының заңнамасында белгіленген тәртіпте тұрғын үйге (тұрғын үй ғимаратына) бекітілген жер аумағы;

жылжымайтын тұрғын үй – тұрғын үйге арналған үйлер мен ғимараттар (ұзақ немесе тұрақты тұру) атап айтқанда үйлер, коттедждер, таунхаустар, пәтерлер және бөлмелер. Жылжымайтын тұрғын үй белгілі нормаларға сәйкес келу, оның ішінде санитарлық – сумен жабдықтау, канализациясы, жылыту жүйесі және т.б. болу тиіс;

коммерциялық жылжымайтын үй – кейіннен пайда табу мақсатымен коммерциялық қызметі пайдаланылатын жылжымайтын тұрғын емес объектісі. Коммерциялық тұрғын үйге сауда, банктік, офистік және ойын-сауық мақсаттарға арналған жеке үйлер жатады, яғни әкімшілік және офистік үй-жайлар, магазиндер, ресторандар, бизнес-орталықтар, сауда-көңіл көтеретін кешендер, әр түрлі қоймалар және павильондар, жертөлелерде, жартылай жертөле және басында тұрғын үйге арналмаған тұрғын үйлердің бірінші қабаттарындағы және кейін тұрғын үй қорынан шығарылған бұрынғы пәтерлер тұрғын үй емес үй-жайларындағы;

бағалы қағаздар – мүлiктiк құқықтарды куәландыратын белгiлi бір жазбалар мен басқа да белгiлеулердiң жиынтығы;

ипотекалық тұрғын үй қарызы – тұрғын үй салу не оны сатып алу және (немесе) жөндеу мақсатында берiлетiн ипотекалық қарыз;

ипотекалық қарыз – жылжымайтын мүлік ипотекасымен қамтамасыз етілген банк қарызы;

жылжымайтын мүлік ипотекасы (ипотека) – кепілге берілген жылжымайтын мүлік немесе ондағы үлесі кепіл берушiнiң немесе үшiншi тұлғаның иелiгi мен пайдалануында қалатын кепіл түрі;

жылжымайтын мүлiк – жер учаскелерi, сондай-ақ үйлер, ғимараттар және жермен берiк байланыстағы өзге де мүлiктер, яғни ауыстырылуы олардың мақсатына шектен тыс зиян келтiрусiз мүмкiн болмайтын объектiлер;

негізгі қорлар (қаражат) - өз табиғи нысанын сақтай отырып өндірістік процессінде қатысатын еңбек қаражаты. Ұйымның негізгі қызметінің қажеттілігі үшін арналады және пайдалану мерзімі бір жылдан астам болу тиіс. Тозу шамасы бойынша негізгі қаражат құны азайтылады және амортизация арқылы өзіндік құнына көшеді.

5.8.4. Жалпы ережелер

«Кредиттеу мақсаты» анықтамалығынан иелену/сатып алу, жөндеу немесе құрылыс мәнін таңдаған кезде – кредиттеу объектісі жылжымайтын тұрғын үй шығады, сондай-ақ қамтамасыз ету түрі жылжымайтын мүлік немесе жер (жер учаскелері) болып табылады, тиісінше осы қарыз дара кәсіпкерлерді ескермегенде жеке тұлғаға берілетін ипотекалық тұрғын үй қарызы болып табылады.

Тұтыну тауарлар мен қызметтер тек жеке тұлғаларға беріледі (оның ішінде жеке мақсаттарда дара кәсіпкерлерге, бизнесті дамыту үшін емес) және өзіне автомобиль көлігін қоспағанда тұтыну мұқтаждық үшін тауарларды және қызметтерді сатып алуды қамтиды.

Егер бір қарыз бірнеше мақсатқа берілген және бірнеше кредиттеу объектілері шыққан жағдайда, негізгі мақсаты және кредиттеу объектісі көрсетіледі.

5.8.5. Кредиттеу мақсаты - анықтамалығының құрылымы

№ р/с	Коды	Атауы
1	01	Иелену/сатып алу
2	02	Жөндеу
3	03	Құрылыс
4	04	Қайта құру / Кеңейту
5	05	Жалға алу
6	06	Қаржы лизингі
7	07	Тұрғын үй құрылысына үлестік қатысу
8	08	Өндіріс
9	09	Басқа

5.8.6. Кредиттеу объектісі - анықтамалығының құрылымы