С. В. Кинякин шачсь 24-це сентябрьста 1937 кизоня Москуса, рабочаень семьяса. Тонафнесь школаса, сяльде аделазе Мордовскяй государственнай университетть филологическяй факультетонц, лама киза ульсь редакторкс Мордо



Дата18.07.2016
өлшемі94.24 Kb.
МБОУ «Каргальская ООШ»

Литературнай ила
«Мокшэрзянь народть кайги лем церац»


Ётафтозе:

мокшень кялень и литературань тонафтысь

Чикарева Н.В.

Сергей Васильевич Кинякин – содаф мокшэрзянь поэт-лирик. Сонь стихонза и поэманза кельговсть лувихненди эсь интереснай содержанияснон, крхка образснон и эрявикс художественно-идейнай козяшиснон инкса.


С.В.Кинякин шачсь 24-це сентябрьста 1937 кизоня Москуса, рабочаень семьяса. Тонафнесь школаса, сяльде аделазе Мордовскяй государственнай университетть филологическяй факультетонц, лама киза ульсь редакторкс Мордовскяй книжнай издательстваса, работась «Мокша» журналть редакцияса ответственнай секретарькс. Стихонь сёрмадома ушедсь вузса тонафнемста. Синь печатлавсть «Мокшень правда» газетаса и «Мокша» журналса. Поэтть сембе эряфоц и судьбац лац моравихть эсь стихонзон эса, а сембода пяк одкс пингонь произведениянзон эса. А эряфонь киц С.Кинякинонь аф тёждяль. Кода ни азоськ, сон шачсь Москуса войнада ингольдень кизотнень. А мъзярда ушедсь Великай Отечественнай войнась, - Кинякиттнень семьяснонды савсь мърдамс Мордовияв, Зубово-Полянскяй райононь Пичпанда вели – шачема-касома юрхтозост. Сергей Кинякин нилеце кизонянц лангсокиге васедсь эряфть мархта шамада шамас. Аньцек ушедсь душман войнась, аньцек кенерсь тядянзон- алянзон мархта самс вели – эзк шабань сединяти сялговсь васенце сярдсь: сонь аляц Василий Фёдорович тусь фронту шачема масторть и тяка пингть эсь цёранц павазонц аралама.

Прасковья Герасимовнань – Сергей Кинякинонь тядянц лафтубряс ландясь авань и алянь тефне. Сон шиньберьф работась колхозса. Тядяти кржа пингта иляткшнесь анелякшнемс, симнемс-аннемс, ёфкскаса-мороса матотфнемс иляназонь мушка лаца акша пря цёранянц.

Тянь поэтсь мяляфтсы сонцьке. «Мон мяляфтса» стихотворенияса сон сёрмады:



Мон мяляфтса…

Да кие сянь аф мяляфтсы-
Мянь сявок,


кинди поталаксель шрась…
Войнась!
Сон оцю мяльхнень срафнесь-калафнесь,
Сон вярдень кевкс нюрямнязонок прась.


Сон тядянь потять кургстонок минь нельгозе Сон марожть лядезе –

илядыкс «танцти» кшить.

Минь – модамарьть лангс ванозь –

Шудесть сельгоньке,

Минь содаськ аф шить-

Сельмоведень псить.

Марожсь, лопатне, келувонь кутюфне, мелянь, лов ала эйндаф модамарьста крахмалсь – вов месне шабатненди и оцюфненди полафтозь кшить, копшать, сахарть. Сай Прасковья Герасимовна паксяста и сявсы кядняда цёранянц лугава тишенянь, умбравонь кочксема. А войнась увнась и дубордсь, вели сашендсть сёрмат, конат явсефнезь ламонц аватнень и шабатнень. Но Прасковья Герасимовна учсь, надиясь, што мирдец сай куду. Авась сидеста варжакснесь ся кить шири, куване сон прважазе Василий Фёдоровичень фронту, ванондсь эрь ётайть-потайть мельге. Эрь шиня учсезе сёрмань каннить, афоли канды тейнза фронтста лямбе валня – седиень петеманя. Лямбе вал ашезь учев, а ёжень машфты кулясь вачкодсь:



Куфци бабазе – лазонды шяфт,

Шаран перьфканза сокор унжанякс.

Тихольдян, а монць кеняртькшнян – шять,

Шять валдоми кудсь хоть кржаняс.

Но тя валдонясь эзкиге мадсь,

Козк сувась куду тядязе ласькозь.

- Шавозь! – шапама вайгяльхть ювадсь, -

Шавозь, авакай, аляньконь, - Васькать.
Пингсь содась молеманц, а Сергей Кинякин содась касоманц. 1944-це кизоня сон панжезе школань кенкшть и васенцеда озась парта ваксс. Кода и сонь ялганза, велень шабатне, школав сась шава сумканяса: аш книгат, аш тетратть, аш карандашт. Аш коза и мезьса сёрмадомс. Но эста народсь тонаткшнесь ни сталмотненди и сталмонь сяськомати. Сяськсь Сергей Кинякинга. Сон сяськозе букварть – 1945 кизонь майста аделазе васенце классть. Тя.пингть аделавсь войнаське.
Вели кармасть сашендома орден, медаль мархта победительхне, конань аш пильгоц, конань – кядец. Но Василий Федорович аф шумбраста-тазаста, аф ранендафста изь учев. Пингта инголе тядять срмась шамац, шаржиясть шяяренза. Кучема-азома, надияма вастонди лядсь сонь кафкса кизоса Сергейняц. Авась путозе-ладязе: касфтомс церать оцю ломанькс.

И тядясь старандась, путнезе сембе вийнц, штоба цёрац касоль, полафтолезе алянц, афолезе прафта сонь честенц.


Сергей Кинякин тонафнесь и кудса-шиса лездсь тядянцты. А мзярда ни, 1951-це кизоня аделазе Пичпандонь сисем классонь школать, сон тядянцты лездсь кшинь-салонь добувамасовок.
Сась 1951 кизонь сёксесь. Сергейнди тага тума школав. Аньцек тяни школась ичкозе, соседняй велеса, Оцядуса. Колма пяндра сёксет, колма щёкань пиди тялот тапсека ташта щамняса, ленгянь карьняса Пичпандоста Оцядуву моли кить.
1956 кизоня сон аделазе Оцядувонь средняй школать. И Сергей Кинякин сась Саранскяи университету тонафнема.

Тяса сон васедсь поэзиять мархта, кода корхнихть, шамада шамас.


1958 кизоня «Мокшень правда» газетаса печатлафоль од поэтть васенце стихотворенияц «Мирнай гуленя». Тяда меле сонь вайгялец горнязевсь, кода од лихтибряста. Поэтсь сёрмады и кельгомать, и шачема крайть, и природать колга.сонь стихонзон эса ломаттнень кенярдемасна и пичефкссна. Лякс мярьгомс, сонь творчествасонза эряфсь и кельгомась.

Стих. «Эряфсь кельгома» (Милаева Кристина 8кл.)

Эряфсь – кельгома, кельгомась – эряф,

Тя фкя морось, тя фкя панжи садсь,

Аяш ётксост аф ёшмот, аф перяфкст, -

Тянь эсь коряван содаса лац.

Кельгса шачема крайть седивакска,

Кельгса сонь козяшинц, мазышинц,

Псиста ламаттнень кельгсайне, сяс-мес

Сембонь тянь тиезь сатозь синь синць.

Кельгса ваномать спутникнень мельге,

Кельгса васьфнеманц эрь космонавтть.

Вай, монь мяштезон павазсь аф тяльги,

Кинди эряви паваз – сак, сяфть!

Кельгса модать, мес лангсонза шачень,

Кельгса менельть, мес эсонза шись.

Кельгса родинать – макссь вии пацят,

И мес виде мондейне няфтьф кись.

Эсон кельгомась вестьке аф кулы,

Мон аф ёряса сонь тов и сей.

Кда эряфсон сон афоль уле,

Эста мезенди эряфсь мондейнь…

Кизоста кизос С.Кинякинонь вайгялец кемокснесь и кайгозевсь. Сон пачкодсь аф аньцек мокшень лувити, но вишкста сувась рузонь, удмуртонь, мариецонь, татаронь и лия лувить пилес и седис.



Сонь перанц алда лиссть фкя сборникть мельге омбоцесь, колмоцесь…

Стих. «Кшити моран мора» (Мартышкина Мария 7 кл.)

Урнай комбайнась, моразь морай,

Ваннесы сонь сёронь океанць,

А тя песа – озада стирьморня

Учси алянц: ярхцамбяль сей кандсь.

Паксять эльс сон ацась руця-паця,

Конань лангса палозь палы шись.

Калаця путсь – алтюжяня лаца,

Мярьгат, шинясь пянакудса пись.

Ярхцай алясь.

Эрь кши кочамть, мярьгат,

Сонцень лямбе шинять эзда керсть.

Тяфта модась макссесы эсь эрьганц,

Конац од вийкс сувси ломанть верс.

Ярхцась алясь.

Рохазевсь комбайнась,

Тага зрнянь океанти лиссь.

Штоба панжезь панжель стирнять ваймоц,

Штоба шумбра улель азорсь – Кшись!
Стих. «Ванфтомак, Шкайнязе!» (Кинякина Анна 8 кл., Кинякин Лёша 8 кл., Мартышкина Таня (8 кл.)

Эряфське полафни, Эряфське полафни, Эряфське полафни,

Ломанцьке полафни, Ломанцьке полафни, Ломанцьке полафни,

Аньцек аф полафнят, Аньцек аф полафнят, Аньцек аф полафнят,

Шкайнязе, тон. Шкайнязе, тон. Шкайнязе, тон.

Ваймос-пряс колафнень, Уликсса колафнень, Шамафксса колафнень,

Эсь мяльса колафнень Ашуса колафнень Шнамаса колафнень

Виде кис латцесайть, Виде кис латцесайть, Виде кис латцесайть,

Шкайнязе, тон. Шкайнязе, тон. Шкайнязе, тон.

Ванфтомак, Шкайнязе, Ванфтомак, Шкайнязе, Ванфтомак, Шкайнязе,

Ванфтомак! Ванфтомак! Ванфтомак!

Сельмоди сельмода, Золотань калняда, Вельфке прянь кельгомда,

Седиень кельмода, Ведявань валняда, Ломань лангс сельгомда,

Кувака кяльда, Тётьмаконь ёньда, Авада-павада,

Салавань мяльда Пяк танцти онда Ламбама славада

Ванфтомак, Шкайнязе, Ванфтомак, Шкайнязе, Ванфтомак, Шкайнязе,

Ванфтомак! Ванфтомак! Ванфтомак!


Поэтть творчестваса оцю васта занцихть «Кизот-вайгяльбет», «Пакся» и лия поэманза, эсост келиста няфнесы народть эряфонц, сянь, кода минь ломаненьке виень аф ужяльдезь лездсть врагть каршес тюри цераснонды и аляснонды, работазь паксяса шинек-венек, макссезь сембе вийснон фронтти, нльне юкснезь эсь колгаст пичефксснон.
Кодама поэтонь аш мялец, штоба стихонза аральхть морокс! Виде, аф сембонь стихснон «фатнесазь» композиторхне, вешихть стама стихт, конат моравольхть. Тяфта и арасть Сергей Кинякинонь стихонза морокс «Умарина» и «Келу» ансамбльхненди и художественнай самодеятельностень артисттненди. Сергей Кинякин сермадозень и Мордовия Республикать гимнанц валонзон, конанди музыкать ладязе композиторсь Нина Кошелева.

Мора «Шаронды, шаронды ловнясь»
Эрьда морасаськ Мордовиять (Самошкина олеся 7 кл.)

Тага лаймарькснень ацазень порф,

Тага тузе тундать нармонь полга.

Эрьда гайняфтсаськ седиень морть

Панжезь панжи Мордовиять колга.

Вай, шачема край,

Кода одкстомат, одкстомат най.

Вай, шачема край,

Одонь тол эсот палы-юрнай!

Тядясь-Родинась ашта сонь норгсь,

Эрек ведьтонза симдезе Волгась.

Эрьда гайняфтсаськ седиень морть

Панжезь панжи Мордовиять колга.

Лафту лангстонза ёрдазе орть,

Сотнесь шальваенц, соргонзон нолдась.

Эрьда гайняфтсаськ седиень морть

Панжезь панжи Мордовиять колга.
Морай – мазептьсы Москувонь хорть,

Кайги моронза – тол-нармонь толгат.

Эрьда гайняфтсаськ седиень морть

Панжезь панжи Мордовиять колга.
Мора « Аф апрякан эсот»

Мора «Сембодонга мазыняй»

Сиде моронят.

  1. Демократтнень – козянь сваттнень

Лафтубрясост сяканят:

Коста Бушти нинге мувольхть

Тяфтама дураконят?


  1. Мокшесь шуди, нинге шуди,

Кепсихть нинге эенза.

Милканязень коське кшити

Паморсть сембе пеенза.


  1. Тифтень пакшкя президенттне

Явондозь ни пярякать,

Штоба нинге сяда курок

Сатолеськ Америкать.


  1. Вярьге лии самолет,

Лии, лии – потай.

Миньцонк ся миллионер

Кие аф работай.


  1. Вай, лийкстан, вай, лийкстан,

Аш пильгалон шалгама.

Демократтненди спасиба –

Тонафтомазь лавгама.

Сергей Кинякинонь творчестванцты оцю мяль шарфни литературнай критикась, сонь произведениянза тонафневихть республиканьконь школанзон и вузонзон эса. Тонафневи и ся, мезе етафтсь поэтсь мокшекс. Нят—А.С.Пушкинонь, М.Ю.Лермонтовонь, Н.А.Некрасовонь, а тяфта жа Мордовиянь рузонь поэттнень, Удмуртиянь, Карелиянь, Чувашиянь поэттнень стихсна.


Сергей Кинякин етафтозе мокшекс эрзянь поэтть Яков Кулдуркаевонь «Эрьмезь» поэманц. Аф фкя киза Кинякин трудендась—етафнезе «Калевала» карело-финонь эпость, кона печатлавсь «Мокша» журналса.
Стих. А.Громыхин «Сарафан» (Аршинова Настя 5 кл.)

Стих. «Лездыня» (Казеева Аня 5 кл.)
Сарафан Лездыня

Мон стирнясь удалафан,

Лангсон якстерь сарафан,

Пиндолхт! – палы,

Вандолхт! – валы,

Прокс шить каршеса тюльпан.

А монь ялганязень Зинань

Удоманяц нльне штаф:

Сарафанць аф магазинонь,

Сон эсь кядьсон маштозь стаф.


Сявонь модамарьня ваткамс

Эх и сафтса –

Аньцек ватт!

Но мондейне тага сяконть:

- Матт!

Мяльге аш тянь марямс-кулемс:

Вдь мон ёран, -

Корхтан-торан, -

Сяконь ёран:

Сяда курок

Кудса шиса лезксокс улемс.

Стих. Тютчев «Тунда» (Мялин Юра 9 кл.)
Поэтсь лама киза работась аф аньцек Мокшэрзянь издательстваса, сон аф кржас покодсь «Мокша» журналса ответственнай секретарькс, Мордовиянь Писателень союзса председателень полафтыкс.

Сембоц поэтсь мокшень и рузонь кяльса нолдась кемоньда лама сборник.


Тевдонза ламоль. Ламоц од поэтонди и од писателенди лездсь касомс, няемс литератураса эсь кинц. А сембода пяк лездсь и лезды тейнек шарьхкодемс эряфонь киньконь, сонь Поэзияц, кона кассь и виензась лама кизоста Эряфть смузенц вешендемста.

Тядде 4-це ноябрьста Республикань кудть Колоннай залсонза Мордовия Республикань Оцюнясь В.Д.Волков макссь Сергей Кинякинонди Национальнай культурань виияфтоманцты оцю талекань путоманкса «Мордовиянь Республикань народнай поэт» лем. Миньге поздравляндасаськ Сергей Кинякинонь тя оцю лемть мархта, арьсетяма сейнза кеме шумбраши, оцю паваз и творческяй од кенярдемат.







Достарыңызбен бөлісу:


©dereksiz.org 2019
әкімшілігінің қараңыз

    Басты бет