Сабақтың типі: аралас сабақ Сабақтың түрі:дәстүрлі сабақ Сабақтың әдіс -тәсілі: түсіндіру, сұрақ-жауап, жаттығу, талдау. Сабақтың көрнекілігі: тақырыпқа байланысты үлестірмелі қағаздар. Пәнаралық байланыс: әдебиет Сабақтың барысы: І. Ұйымдастыру кезеңі: 1.Оқушылармен сәлемдесу. 2.Оқушылардың зейіндерін сабаққа аудару. 3.Оқушылардың сабаққа қатысын тексеру. 4.Оқушыларға сабақтың тақырыбы мен мақсаты туралы хабарлау ІІ. Үй тапсырмасын тексеру: 1. Тұрлаусыз мүшелер. Толықтауыш. 2. 47,48-жаттығулар. ІІІ. Жаңа тақырыпты түсіндіру: Тақтадағы сөйлемдер арқылы түсіндіру. Айсыз кеш қоңырқай ағаш үйдің қорасында қап-қараңғы боп тұнып қапты.
Бұл үйдегі барлық жайды қонақтарына орысша ұғындырған соң, Абай біраз тоқтап, қарсы алдындағы кесек денелі ұрыға көп қадалып қарады. (М.Ә.)
Осы жиынға сәлем айтқан – Зередей аналары екен.(М.Ә.)
5. Ыстық шаңға құмыққан Байжан купенің терезесін қайта түсіріп жіберді.
Лингвистикалық білім беру.
Тұрлаусыз мүшелердің екінші бір түрі – анықтауыш. Ол көбінесе зат есімнен болған мүшелерді сын, сапа, сан-мөлшер, иелік жағынан сипаттайды.
Анықтауыш сөйлеген сөзімізге көрік, өң береді. Көркем шығармадағы табиғат көрінісін адам келбетін, мінез-құлқын суреттеуде анықтауыш ерекше орын алады. Мысалы: Қыс бойы сұрапылдың ойнағы болған белес-белес елсіз Итжан ақ көрпесін серпіп тастап, көк торғынға оранып жатыр.
