Сабақтың тақырыбы:Жай сөйлемнің түрлері жайында түсінік. Жақты сөйлем. Сабақтың мақсаты: Білімділік:оқушыларға жай сөйлем синтаксисі туралы лингвистикалық білім беру, жақты сөйлем және оған тән белгілерді жаттығу жұмыстары арқылы бекіту.
Дамытушылық:оқушылардың лингвистикалық дүниетанымдарын кеңейту, оқушылардың синтаксистік талдау жасау дағдыларын дамыту, ауызша және жазбаша тіл мәдениетін дамыту.
Сабақтың типі:аралас сабақ Сабақтың түрі:дәстүрлі сабақ Сабақтың әдіс-тәсілі: түсіндіру, сұрақ-жауап, жаттығу, талдау. Сабақтың көрнекілігі: тақырыпқа байланысты үлестірмелі қағаздар. Пәнаралық байланыс: әдебиет, тарих Сабақтың барысы: І. Ұйымдастыру кезеңі: 1.Оқушылармен сәлемдесу. 2.Оқушылардың зейіндерін сабаққа аудару. 3.Оқушылардың сабаққа қатысын тексеру. 4.Оқушыларға сабақтың тақырыбы мен мақсаты туралы хабарлау ІІ. Үй тапсырмасын тексеру: Одағай сөздер туралы түсінік.
Көркем әдебиеттен одағай қатысқан сөйлемдерді теріп жазу.
79-беттегі пысықтау сұрақтары бойынша жұмыс.
ІІІ. Жаңа тақырыпты түсіндіру: 1. Тақтаға жазылған сөйлемдер арқылы түсіндіру. Сұлтан жайлауды екі күн аралады. (К.Ораз)
Қаптаған аттыларды маған алыстан қарауға тура келді.
Түн. Қалың арман. Жер үстінде төбесі томпайған блиндажды қар басып қалған. (Ғ.Мұст.)
