2.Оқушыларға лингвистикалық білім беру. Басыңқыдағы іске бағыныңқыда айтылған іс немесе бағыныңқыдағы іске басыңқыдағы іс қарсы қойыла айтылған сабақтасты қарсылықты бағыныңқы сабақтас дейміз.
Қарсылықты бағыныңқылар Қайтсе де? Не етсе де? Қайткенмен? Не еткенмен? деген сұрақтарға жауап береді.
Қарсылықты бағыныңқының баяндауыштары мынадай жолдармен жасалады:
а) шартты райлы етістікке да (де) шылауы жалғас келу арқылы; Абай Дәндібай сөзінен жақсы пейілді аңғарса да, ол кезде көмектерін алмаған-ды. (М.Ә.) ә) шартты райдың болымсыз түрінен; Таң алдында бір сағат мазғығаны болмаса, Абай бұл түнді ұйқысыз өткізді. (М.Ә.) б) есімшеге көмектес септік (-мен) жалғауы қосылуы арқылы; Ұлберген кедей болғанмен, киім-кешектерін таза ұстайтын еді. (С.М.) есімшенің бұл түріне кейде да, де шылауы қосылып та қарсылықты бағыныңқы сабақтас жасалады: Қасен байбаламдағанмен де, ойын тоқтала қоймады; в) есімшеге – ша, -ше жұрнағы жалғану арқылы; Бір сөзді қайталай бергенше, менің комбайнды жүргізгенімді айтсаңшы. (Ә.Ә) г) –а, -е, -й жұрнақты көсемше түрінен болады; Жастар білім жағынан артық бола тұра, тәжірибелі жұмысшылардың жәрдеміне мұқтаж болады екен. (С.М.) ғ) келер шақ есімшенің болымсыз түріне шығыс септік жалғауының (-тан, -тен) жалғануы арқылы жасалады. Отыз екі жасқа келгеніне қарамастан, осы жазда капитан Енакиевтің самайына ақ кірді. (В.К.) Қарсылықты бағыныңқы сабақтастың жасалу жолдары
