Сабақ Тақырып: «Шаңғымен және шаңғысыз саптық жаттығулар.»

1. 
   Аяқ қажалмас үшін – аяқкиім аяққа шақ болуы тиіс.
   
2. 
   Аязды күндері қасыңдағы балалардың денесін үсік шалғандай белгі байқалса, ол жердің айналасын қармен қызарғанша ысқылап, көмек көрсету қажет.
   
3. 
   Егерде сабақ, жарыс кездерінде түрлі себептермен жарыс жолынан шығып қалсаң, мұғалімге немесе төрешіге хабар беруің керек.
   
4. 
   Шаңғы теуіп келе жатып жолдасыңды қуып жетсең, оның шаңғысының артын басып кетпе.
   
5. 
   Мұғалімнің ескерту сөзін мұқият тыңдап, еңіске түсерде арақашықтықты қатаң сақтау керек.
   
6. 
   Жоғарыдан ылдиға қарай түскенде, шаңғы таяқтарын өзіңнен алға шығаруға және төбенің етегінде тоқтап тұруға болмайды.
   
7. 
   Қатты аяз кезінде дененің ашық жерлеріне май жағып қою керек.
   

Келесі кезекте шаңғы қолға алу және жерге қою, шаңғымен сапта тұру жаттығулары.

1. 
   Ауыспалы жүріс. Сырғанаудың басында шаңғышы бір аяғын алға шығарады және сол алға шыққан аяққа денесінің салмағын ауыстырады. Сол кезде шығарған аяғына қарама- қарсы қолымен шаңғы таяғымен итереді.
   

2. 
   Ауыспалы төрт адымды жүріс. Бұл жүрістің барысы төрт сырғанау адымымен, қолмен екі итерілістен тұрады. Бірінші екі адымға шаңғышы кезегімен таяқты алға шығарады, үшінші және төртінші адымға таяқпен ауыспалы екі итеріліс жасайды.
   

3. 
   Бір мезгілдегі бір адымды жүріс. Шаңғышы екі шаңғымен сырғанай отырып, қалыпты қимылмен екі таяқты да ілгері шығарады, салмақты аяқтың ұшына түсіреді. Осы жағдайда тізені аз ғана бүгіп, бір аяқпен сырғанай отырып, екінші аяқты ілгегрі шығарып, осы аяққа салмақты салады, сонымен бір мезгілде таяқ қарға тіреле бастайды.