Топтық, жұптық, жеке жұмыста оқушылар өз әрекетін өзі бағалауға төселеді. Бағалау арқылы оқушылардың дамуына, логикалық ойлауына, өз бетінше шешім қабылдауына мүмкіндік беріледі.
Әрбір оқушыны ынталандыру мақсатында оқу мақсатынан күтілетін нәтижеге қол жеткізу үшін «Бағдаршам» әдісі» , «Екі жұлдыз, бір тілек», «Бір(+) плюс,бір(-) минус», «Мадақтау» , «Бас бармақ» әдістері және бағалау критерийі мен дескрипторлар қолданылады.
«Шахмат тақтасы», «Не қиын, не оңай» әдісі арқылы кері байланыс орнатамын.
Ықшам сабақ ықпалы: Оқушы мен мұғалім арасындағы үйлесімді білім беру ортасын құра отырып, сын тұрғысынан ойлау, зерттеу жұмыстарын жүргізу, тәжірибе жасау, АКТ-ны қолдану, жеке, жұппен, топта жұмыс жасай білу және белсенді әдіс-тәсілдердің тиімділігін курс барысында түсіндім. 160 сағаттық біліктілік арттыру курсында оқу мақсатына сай сабақ мақсаттарын құрудың жолдарын үйрендім. Сабақ барысында мұғалімнің белсенді емес, оқушының белсенділігіне аса назар аудару керектігін түсіндім. Келешекте ықшам сабақты жоспарлауда курста алған білімім, әріптестер мен тренердің кері байланыстарын қажеттілігіме жаратамын.
Жоспарлаудағы рефлексия Сабақ жоспары тыңдалым және айтылым, әдеби тіл нормалары мақсаттарына сай жасалды. Оқушылар алдыңғы алған білімдері мен осы сабақтан алған мәліметтерін ұштастыра біледі. Сыныптағы қолайлы орта қалыптасады. Топтық, жұптық, жеке жұмыс барысында ынтымақтаса жұмыс жасайды. Оқушылардың мүмкіндіктеріне сай жаттығулар, тапсырмалар беріледі.
