кесте – Зерттеудің тақырыбы, көкейкестілігі және проблемасының өзара байланысы

Орындалған диссертациялық жұмыстың сапасын бағалау параметрлерінің бірі зерттеудің жаңалығы болып табылады. Зерттеудің ғылыми жаңалығы бұл авторға жүргізілген зерттеу қорытындысында алынған ұғымды "бірінші" болып пайдалану құқығын беретін белгі. "Бірінші" ұғымы ғылымда автордың жарияланымдарына дейін мұндай нәтиже болмағандығын айқындайды. Зерттеу егер онымен бұған дейін осы автордан басқа ешкім айналыспаған болса, немесе автор бұрын белгілі нәтижелерден айқын өзгеше ғылыми нәтижелер алған болса, онда зерттеу соны, яғни жалқы болуы мүмкін. Педагогикалық сөздіктерде қарастырылып отырған санатқа төмендегіше анықтама берілген: «жаңалық - бұл ақпарат сапасының (ғылыми зерттеулер нәтижелері) критерийі. Жаңалық критерийі зерттеу нәтижелерінің маңызды тұстарын сипаттайды, яғни бұрын - соңды белгілі емес және дидактикалық ғылым мен практикада бұрын айқындалмаған жаңа теориялық қағидалар және практикалық ұсыныстарды ұсынады.

• 
  ғылыми жаңалық;
  

• 
  тұтас ғылыми тұжырымдама;
  
• 
  жаңа ғылыми тұжырымдаманы толықьырушы жаңа ғылыми идея;
  
• 
  белгілі ғылыми тұжырымдама аясындағы жаңа ғылыми идея;
  
• 
  сәйкес ғылыми тұжырымдаманы жаңа дәлелдемелермен және фактілермен байыту;
  
• 
  жаңа ғылыми көзқарас, проблеманың жаңаша тұжырымдалуын ұсынушы ерекше ғылыми болжам;
  
• 
  педагогикалық ғылым құрылымын нақтылау;
  
• 
  теорияны негіздеу;
  
• 
  жаңа жүйені жасаудың тарихи-педагогикалық анықтамасы және өзге де алғышарттары;
  
• 
  түйінді ұғымдардың мәнін ашу және олардың интерпретациясы (құрылымы, атқаратын қызметі, мазмұны);
  
• 
  педагогикалық жүйенің мазмұнын негіздеу;
  
• 
  ғылыми айналымға заманауи (жаңадан табылған) дереккөздерді (архив материалдары, жылнама) енгізу;
  
• 
  үрдісті және педагогикалық феноменнің даму перспективасын анықтау;
  
• 
  зерттеу проблемасы бойынша тұжырымдама, теория, әдіснамалық тәсілдерді анықтау.
  

• 
  теория жеткілікті тексерілген фактілер мен мәліметтерге құрылған;
  
• 
  тұжырымдама әдіснамалық және фактологиялық негізделіп, ғылыми ізденіс нәтижелері мен нақты материалдарға талдау тұрғысынан дәлелденген;
  
• 
  идея әртүрлі зерттеу әдістерін қолдана отырып дәлелденген және нақты әдіснамалық негізге ие;
  
• 
  идея практиканы талдаудан, қызмет тәжірибесінен (озат педагогикалық тәжірибені жалпылау) туындайды;
  
• 
  зерттеудің кешенді әдістемесі қолданылған, зерттеудің әртүрлі әдістері арқылы алынған өзара тексеру, деректерді сәйкестендіру қамтамасыз етілген;
  
• 
  зерттеу нәтижелеріне өзіндік талдау және өзіндік тексеру қолданылған.