Тақырып: Түйіндеме және оны жазу жолдары
Қарастырылатын сұрақтар:
1. Түйіндемелер негізінен жазылуы
2. Түйіндеменің стилі
Мақсаты: Түйіндеменің нақты белгіленген көлемін сипаттау. Түйіндемелер негізінен жазылуын талқылау. Түйіндеменің стиліне тоқталу.
Түйіндеме, әдетте, тақырыптан кейін берілетін қысқаша жазылған тұжырым. Түйіндеменің негізгі мақсаты оқырманды (әсіресе, осы тақырыпқа қызығушылық танытқан оқырманды) мақаланың негізгі мазмұнымен таныстыру және басты мәселелер туралы шағын ақпарат беру.
Студенттер үшін түйіндеме негізінен академиялық (ғылыми) деңгейде жазылған мақала және тезис сияқты көлемді жазба түрімен байланыстырылды. Мақаланың түйіндемесін оқыған оқырман өзінің ғылым саласына жұмыстың қажетігін немесе қажет еместігін біле алады.
Түйіндеменің нақты белгіленген көлемі болмайды, әдетте, 100-150 сөзден тұрады. Бірақ, PhD дәрежесін алу үшін жазылған диссертациялар үшін жазылған түйіндемелер 300 сөзге дейін жетуі мүмкін, ал ғылыми-тәжірибелік конференция тезистерінің түйіндемелері 50-80 сөзден тұрады.
Түйіндемелер негізінен келесі жағдайларда жазылады:
- ғылыми журналдарда жарияланатын мақалаларда;
- ғылыми-тәжірибелік конференция материаларының жинақтарында;
- магистратура немесе PhD дәрежесін алу үшін жазылған диссертацияларда.
Түйіндеме жазған кезде ескеретін жайттар бар:
- түйіндеме зерттеу жұмысы толық жазылып болған соң, негізгі ойды түйіндеу үшін жазылады;
- түйіндеменің мазмұны мақаланы толық оқуға деген ынтаны оятатындай болуы қажет, бірақ бұл жерде ескеретін жайт, түйіндеме эссе емес, сондықтан оның құрылымы басқаша болады.
Жоғарыда айтып өткендей, түйіндеме, академиялық бағытта жазылады, демек оның стилі, оның оқырманның қызығушылығын оятуға деген қызметі және оның жазылу форматы ерекше. Оның негізгі ерекшеліктеріне тоқталып өтетін болсақ:
Түйіндеменің стилі. Түйіндеме академиялық бағытта, яғни осы стильде жазылады. Сондықтан да, түйіндеменің сөйлемдері нақты, әрі қысқа болуы шарт. Сөйлемдердің мазмұны логикалық тұрғыдан өзара байланысты болғаны жөн. Қажет болған жағдайда сілтемелер берілуі мүмкін.
Достарыңызбен бөлісу: |
