-тарау. Желдеткіш жабдықты пайдалану

193. Желдеткіш жүйелер қызметтік белгілері (үйлестірілуі, соруы, апаттығы) бойынша реттік нөмір беру арқылы анықталады.

Белгілер желдеткіштің және ауа үрлегіштің қаптамасына қойылады.

194. Желдеткіш жүйелеріне паспорттар толтырылады. Паспортқа жүйенің өнімділігі туралы ақпарат, оның сызбанұсқасы, сипаты, желдеткіш пен электрқозғалтқыштың түрі, жөндеу жұмыстары мен ретке келтіру туралы мәліметтер енгізіледі.

Ұйымдарда:

1) ауа үрлеу жүйесінің көлемдері, арматураның, компенсаторлардың, сақтандырғыш, отқа төзімдік және дренаждық құрылғылардың, бақылау - өлшеу аспаптарының, қондырғыға қатысты жабдықтың орналасқан орны көрсетілген сызбанұсқасы;

2) желдеткіш қондырғыны пайдалануға қабылдау актісі;

3) желдеткіш қондырғының ажыратылмайтын бөлігі болып табылатын жабдықтардың паспорттары сақталады.

Мыналар:

1) желдеткіш қондырғылардың жұмыс істеу уақытын есепке алу;

2) қондырғыны пайдалану кезіндегі ақаулықтарды есепке алу;

3) жабдық пен қондырғы элементтеріне техникалық қызмет көрсету

мен жөндеу жұмыстарын есепке алу;

4) қондырғы элементтерін ауыстыру туралы мәліметтер ұйымдастырылады.

Желдеткіш жүйелердің конструкциясындағы барлық өзгерістер жоба негізінде енгізіледі.

195. Желдеткіштің сору жүйесін іске қосу технологиялық жабдықты іске қосқанға дейін 15 минут бұрын, желдеткіштің үйлестіру жүйесін іске қосу сору желдеткіш жүйесін іске қосқаннан кейін 15 минуттан соң жүзеге асырылады.

196. Үйлестіру желдеткіш жүйелері ауа жиналу орындарында сұйытылған көмірсутекті газдар буларының түсу мүмкіндігін жоққа шығарылады.

197. Үйлестіру желдеткіш жүйесін тоқтатқан кезде ауа үрлегіштегі клапандар жабылады.

198. Үйлестіру-сору желдеткіш жұмысының жобалық тиімділігі СКСГ объектісін іске қосу кезінде және пайдалану процесінде жылына бір реттен жиі емес аралықта мамандандырылған ұйыммен тексеріледі.

Тексеру қорытындылары желдеткіш қондырғының паспортына енгізіледі.

Түбегейлі жөндеу жұмыстарынан, ретке келтірілгеннен кейін немесе ауа ортасын талдау қорытындылары қанағаттандырылмаған кезде желдеткіш жүйелері жылына бір реттен жиі емес аралықта санаудан өткізіледі.

199. Желдеткіш жүйелер жұмысын бағалау тиімділігі, олардың пайдалану режімі бойынша мамандандырылған ұйыммен жүргізілетін сынамалардың қорытындылары бойынша техникалық есеппен дәлелденеді.

200. Желдеткіш қондырғыларға техникалық қызмет көрсету ұйымның техникалық басшымен бекітілген кесте бойынша СКСГ объектісінің өндірістік персоналымен жүргізіледі.

201. Желдеткіш қондырғыларға техникалық қызмет көрсету кезінде жоспарлы тексерулер мен (ағымдағы және түбегейлі) жөндеу жұмыстары жүргізіледі.

Желдеткіш жүйелерін жоспарлы тексеру кезінде:

1) механикалық ақаулар мен дат басқандықты; ауа үрлегіштердің, желдеткіш камералары мен калориферлерлік құбырлардың герметикалығын; бояудың тұтастығының бұзылуын; тыс шулар мен тербелістердің, ауаның сорылуын көзбен көріп тексеру;

2) кедергі-клапандардың, шиберлердің және жалюзидік торлардың қолданылуын, орталықтан тепкіш желдеткіштердің жұмыс сақиналарының және осьтік желдеткіштердің қанаттарының айналу бағытының дұрыстығын тексеру;

3) ортадан тепкіш желдеткіштердің роторлары мен қаптамалары арасындағы және осьтік желдеткіштердің қанаттары мен белгілері арасындағы саңылауларды тексеру;

4) фильтрлердің, пластиналардың, калориферлері секцияларының ластығын анықтау және кассеталардың фильтрлейтін материалдармен толтырылуын тексеру;

5) электрлқозғалтқыштардың ішпектерінің температурасын бақылау және соңғысының жерге қосылғандығын тексеру;

6) бөлмеде ұлғайған ауаның параметрін бақылау;

7) айналатын бөліктердің қоршауларын тексеру жүргізіледі.

202. Ағымдағы жөндеу жұмыстарын жүргізу кезінде:

1) жоспарлы тексерулер кезінде анықталған ақаулықтарды жою;

2) электрқозғалтқышты бөлшектеу және тазалау;

3) күш түсетін және бос жүрістегі электрқозғалтқыштардың жұмысын тексеру;

4) электрқозғалтқыштарды жарылыстан қорғау параметрлерін тексеру;

5) жерге қосылатын жабдықтардың кедергілігін тексеру;

6) тоқ өтетін бөліктерді оқшаулағышты жөндеу немесе ауыстыру, магниттік іске қосқыштар мен контакторларды жөндеу;

7) желдеткіштер мен электрқозғалтқыштардың ішпектерін жөндеу немесе ауыстыру;

8) ішпектерді майлауды және қажет болған жағдайда фланцтерді, болттарды, төсемдерді, жұмсақ кірістірмелерді ауыстыру;

9) ортадан тепкіш желдеткіштер дөңгелектерінің бөлек тақтайлары мен осьтік желдеткіштердің қанаттарын жөндеу;

10) ауа үрлегіштердің тербелісін, қосымша шуды жою үшін желдеткіш роторын жөндеу және ретке келтіру;

11) ротор мен қаптама арасындағы саңылауды қалпына келтіру және тексеру;

12) желдеткіштер мен электрқозғалтқыштарды бекіту;

13) ауа үрлегіштерді, желдеткіш камераларын, дуалды және соры шахталарын тазалау, фильтрлердің элементтерін және тағы басқалар ауыстыру;

14) желдеткіш жүйесінің үйлестіргіш кері клапандарының герметикалығын тексеру;

15) калорифердегі жылу бергіштің кемуін жою;

16) желдеткіш камераларын, жеңдерді, кассеталарды, қоршағыш конструкциялар мен тағы басқа арқылы өту жерлеріндегі бөлшектеуді жөндеу;

17) ауа үрлегіштерді бояу;

18) ретке келтіру жүргізіледі.

203. Түбегейлі жөндеу жұмыстарын жүргізу кезінде желдеткіш қондырғылардың жұмыс қабілеттілігін және тиімділігін қалпына келтіруге қажетті жұмыстар орындалады.

Барлық элементтердің қалпын тексереді, тозған тораптар мен бөлшектерді ауыстырады, ретке келтіруді, қажетті сынамаларды және кешенді тексеруді, сонымен қатар:

1) желдеткіш білігін жөндеу және (немесе) ауыстыру;

2) желдеткіш қаптамасын жөндеу;

3) тозған ішпектерді ауыстыру;

4) ротордың статикалық балансировкасын;

5) конструкциялық элементтерді, сондай-ақ клапандарды ауыстыра

отырып, жылуды оқшаулағыш желдеткіш камераларды, есіктерді, кедергі-клапандарды, шиберлерді, ысырмаларды, механизмдер мен сымдарды жөндеу;

6) ауа үрлегіштердің бөлшектерін, жергілікті сорғыштарды, шатырларды, дефлекторларды, калориферлер мен басқаларды ауыстыру;

7) сынама жүргізу мен ретке келтіру жүргізіледі.

Желдеткіш қондырғыны түбегейлі жөндегеннен кейін сипаттамасы мен жұмыс ресурсы көрсетілген жаңа паспорт толтырылады.

204. Желдеткіш қондырғыларды жоспарлы тексеру қорытындылары

9-қосымшаға сәйкес СКСГ объектілерінде пайдаланылатын жабдықтардың жұмыс істеулерін есепке алу журналына жазылады.

205. Апаттық жағдайда қосылатын желдеткіш қондырғыларының жұмыс істеуін тексеру үшін іске қосу айына бір реттен жиі емес аралықта жүргізіледі.

206. СКСГ объектісінде үрлеу-сору желдеткішінің жұмысын бақылау қамтамасыз етіледі және тоқсанына бір реттен жиі емес аралықта бөлмедегі ауа айналымын тексеру жүргізіледі.

Тексеру қорытындылары актімен рәсімделеді.

207. Жасанды желдеткішпен қалыптастырылатын ауа айналым дәрежесін тексеру кезінде жайдың төменгі аймағынан сору желдеткішінің ауа түзілуі 2/3 және жоғарғы аймақтан 1/3 қамтамасыз етеді.

Ауа айналымы жеткіліксіз болған кезде сұйытылған көмірсутекті газбен жұмыс істеуге рұқсат етілмейді.

208. Қауіпті бөлмелердегі үрлеу-сору желдеткішінің жүйесі қалыпты орта бөлмесінің желдеткішімен қосылмайды.

Жарылыс шығу қаупі бар бөлмелермен қиылысатын қалыпты электр жабдықтары орналастырылған бөлмелер айналым есесі сағатына кемінде 5 кезінде желдеткіш тірегі кемінде 0,00005 болады.

Ауаның түзілуі дербес, СКСГ буларының түсуін жоққа шығарады.

209. Желдеткіштің сору жүйесінен ауаны шығару ғимарат шатырының төбесінен кемінде 2 м биіктікте орналастырылады.

210. Желдеткіш камералары үшін 1 сағатта ауаның бір рет ауысуын қамтамасыз ететін табиғи желдету қарастырылады.

211. Желдеткіштің үрлеу жүйесі үшін ауаның түзілуі ауаны сыртқа шығарудан кемінде 6 м жоғары биіктікте жүргізіледі.

212. Барлық ауа өткізгіштер жанбайтын материалдардан орындалады.

213. Жұмсақ ендірмесі бар ауа өткізгіштердің ернемек қосылымдарында статикалық электр разрядтарынан қорғау үшін шунттік электр өткізгіш бөгеттер орнатылады.

214. Желдеткіштердің тиімді өнімділігі үшін мыналар қамтамасыз етіледі:

1) айналымдардың саны;

2) қалақшаларды теңгеру дұрыстығы;

3) қалақша мен қаптың арасындағы тиісті саңылау;

4) ауа өткіштердің қосылымдарындағы ауа ағынын қалпына келтіру;

5) ауа өткізгіштердің ластандырмау және оларға бөгде заттардың түсуін болдырмау.

215. Жарылыс шығу қауіпі бар бөлмелердің желдеткіштерінің сорғы жүйелерінің ғимараттың сыртынан кіреберісте орнатылатын жарылыс шығудан қорғалған қосар іске қосу түймелері болады.

216. Желдеткіш жүйелерінің іске қосу құрылғылары сорғыштар мен компрессорлардың іске қосу құрылғыларымен және айналмалы толтыру қондырғылардың жетектерімен бұғатталады.

Бұғаттағыш компрессорлардың, сорғыштар мен айналмалы қондырғылардың желдеткіштердің жұмыс істеуі басталғанға дейін 15 минуттан кейін іске қосылу мүмкіндігін қамтамасыз етеді және желдеткіш сөндіріліп тұрған кезде жабдықтың жұмыс істеу мүмкіндігін болдырмайды.

217. Апаттық желдеткіш жарылыс шығу қауіпі бар бөлмелерде тұрақты орнатылған газ талдағыштармен бұғатталады.

218. Технологиялық жабдығы бар бөлмеде жоба бойынша ауа алмасу еселігін қамтамасыз ететін еріксіз ағынды-сорғы желдеткіші қарастырылады, бірақ олар төмендегі шамадан кем болмайды:

1) жұмыс уақытында 1 сағатта он еселік ауа алмасу;

2) жұмыс істемейтін уақытта 1 сағатта үш еселік ауа алмасу;

3) апаттық сорғы желдеткіш үшін 1 сағатта сегіз еселік ауа алмасу.

219. Сорғы желдеткіштері мен электрқозғалтқыштар оларды желдету камераларына орнатып, жарылыс шығудан қорғалған күйде қолданылады.

220. Апаттық желдеткіш жалынның таралуының төменгі қосылым шегінен 10 % асатын бөлмеде газдың қауіпті қосылымы сигнализаторынан қосылады.

Апаттық желдеткішті қосумен сорғыштардың, компрессорлардың және басқа да технологиялық жабдықтың электр жетектерін сөндіру қамтамасыз етіледі.

221. Желдеткіш камералары жабылады.

222. Сорғы жүйелерінің сорғышы ауа өткізгіштерге бөгде заттардың түсуін болдырмас үшін тормен жабылады.

223. Реттегіш құрылғылар жөнделгеннен кейін тиісті жағдайда белгіленеді.

224. Желдету камералары мен «А» санатты бөлмелерге техникалық қызмет көрсету журналға жаза отырып ауысым сайын жүргізіледі.

225. Отты қалқалайтын және өздігінен жабылатын қарсы алапандарды жөндеу желдету жүйелерінің төлқұжатына жаза отырып, жылына бір рет жүргізіледі.

15-тарау. Резервуарларды пайдалану
226. СКСГ резервуарларын техникалық куәландыру, қызмет көрсету және жөндеу үшін бақылау қысыммен жұмыс істейтін ыдыстарды орнату және қауіпсіз пайдалану талабы мен осы Талапқа сәйкес жүзеге асырылады.

227. Ұйымда басшының шешімімен қысыммен жұмыс істейтін ыдыстарды орнату және қауіпсіз пайдалану жөнінде оқудан, білімін тексеруден өткендердің қатарынан резервуарлардың ақаусыз жай-күйі мен қауіпсіз пайдалану үшін бақылауды жүзеге асыратын тұлға тағайындалады.

228. Резервуарларға (СКСГ сақтау базасына) технологиялық кесте құрылады, онда резервуарларды орналастыру, олардың нөмірлері, технологиялық газ өткізгіштер мен арматура көрсетіледі.

229. Резервуарлар толтыру алдында кемінде 0,05 МПа тең келетін артық қысымның болуына тексеріледі.

Резервуарлардың жұмыс күйін тексеру нәтижелері 10-қосымшаға сәйкес рәсімделген журналда көрсетіледі.

230. Резервуарлар ұйым басшысының жазбаша рұқсат негізінде оларды куәландырғаннан кейін пайдалануға енгізіледі.

231. Резервуарларды пайдалану кезінде мынадай көлемде ауысым сайын техникалық қызмет көрсету жүзеге асырылады:

1) ақаусыздықтар мен газдың ағуын анықтау және жою мақсатында резервуарлар мен арматураны тексеру;

2) резервуарлардағы газдың деңгейін тексеру.

232. Техникалық қызмет көрсету кезінде анықталған ақаулықтар журналға жазылады.

233. Қалпына келтірілмейтін газ ағысын анықтаған жағдайда резервуар бұқтырмасы бар технологиялық газ өткізгіштен ажыратылады.

234. Сақтандыру клапандарының ақаусыздығы мен күйге келтіргіш

12 айда бір рет тексеріледі.

Тексеру үшін алынатын клапанның орнына бұқтырманы орнатуға немесе жөндеуге жол берілмейді.

235. СКСГ объектісінің басшысы бекіткен кесте бойынша төмендегідей жұмыстар орындалады:

1) сақтандыру клапандарын күйге келтіргіштің қысымында жұмыс істеуін тексеру;

2) ысырмалардың бұрамдықтарын, крандар мен вентильдерді тексеру, майлау және екпін беру;

3) дренаждық құрылғы арқылы резервуарлардан конденсатты құю.

236. Арматура мен ООП бар резервуарларды жұмыс күйінде

11-қосымшаға сәйкес рәсімделген журналға жаза отырып, толық тексеруді қысыммен жұмыс істейтін ыдыстарды орнату және қауіпсіз пайдалану үшін бақылауды жүзеге асыратын тұлға 3 айда бір рет жүргізеді.

237. СКСГ объектісіндегі резервуарларды техникалық куәландыру мерзімдері мен тәртібі, резервуарларды мерзімінен бұрын куәландыру белгіленген тәртіпте бекітілген қолданыстағы нормативтік құжаттардың талаптарына сәйкес анықталады.

Объектіде ыдыстарды техникалық куәландыруды есепке алу журналы жүргізіледі. Журналдың түрі 12-қосымшада келтірілген.

238. Резервуарлар геометриялық көлемнен 85 % аспайтын сұйытылған көмір сутекті газбен толтырылады.

Резервуарлар асыра толтырылған кезде артық газ басқа резервуарға толтырылады.

240. СКСГ теміржол және автокөлік цистерналарынан резервуарларға құю осы Талап пен технологиялық регламентті сақтай отырып, тәуліктің жарық уақытында жүргізіледі.

241. Сұйытылған газдарды теміржол цистерналарынан құюға дайындық цистерналарды рельс жолдарына бекіткеннен және локомотивті ГТС аумағынан алғаннан кейін басталады.

242. ГТС аумағындағы теміржол цистерналарының саны құю бекеттерінің санынан аспайды.

243. Құю-ағызу операциялары ұйым басшысының шешімі бойынша орындалады.

Теміржол және автокөлік цистерналарынан құю-ағызу операцияларын орындайтын персонал 3 жұмысшыдан тұрады.

Құю-ағызу жұмыстарын найзағай және отпен байланысты жұмыстарды жүргізу кезінде орындауға болмайды.

244. Теміржол, автокөлік цистерналары, резеңке жеңдер жерге қосылады.

Жерге қосылған құрылғыларды құю - ағызу операциялары аяқталғаннан және бұқтырмаларды цистерналардың вентильдерінің штуцерлеріне орнатқаннан кейін ажыратады.

245. Құю-ағызу операциялары кезінде қолданылатын резеңке жеңдерді сұйытылған көмір сутекті газдар үшін пайдалануға болады.

Статикалық электрден қорғау үшін диаметрі кемінде 2 мм мыс сыммен немесе орам адымы 100 мм аспайтын қима ауданы кемінде 4 мм ² мыс арқаншамен оралады.

Сымның (арқаншаның) ұштары ұштама жеңдерге дәнекерлеп немесе бұрандама сомынмен қосылады.

Металл арқан жеңдерін, иілгіш металл газ өткізгіштерді сұйытылған көмір сутекті газдар ортасына берік топсалы қосқыштармен қолдануға жол беріледі.

246. Сомындарды бұрап салу және бұрап алу кезінде жеңдердің салмалы сомындарын қатты тартуға, қысымдағы жеңдерді ажыратуға, екпінді аспапты қолдануға жол берілмейді.

247. Газ жүргіштердегі ысырмалар мен вентильдер гидравликалық соққыдан сақтандыра отырып, бір қалыпты ашылады.

248. СКСГ қайта толтыру үшін жабдықталған сорғылардан басқа автоцистерналардан құю-ағызу операцияларын орындау алдында автомашиналардың қозғалтқыштары ажыратылады.

Қозғалтқыштар жеңдерді ажыратқаннан және штуцерлерге бұқтырмаларды орнатқаннан кейін қосылады.

СКСГ объектісінде 13-қосымшаға сәйкес толтырылатын бұқтырмаларды орнату және алу журналы жүргізіледі.

249. СКСГ құю және ағызу кезінде толтыру, құю және реттеу орындарын, теміржол және автокөлік цистерналарын бақылаусыз қалдыруға болмайды.

250. Құю-ағызу операцияларын орындаушы персонал мен сорғы-компрессорлық бөлімшесінің машинистері арасында телефон, дауыс зорайтқыш немесе көрнекті байланыс жүзеге асырылады.

251. Автокөлік цистерналарының қозғалтқыштары сөндіргіші бар газ шығарғышпен және автокөліктің алдынғы жағына шығынқы ұшқын басқыш тормен жабдықталады және екі көмірқышқыл өрт сөндіргішпен жарақталады.

252. Цистерналарды қабылдау кезінде:

1) цистерналардың тиеп жөнелту құжаттарына сәйкестігі;

2) цистерна корпустарының ақаулықтарының болмауы, тығын және бақылау арматураларының ақаусыздығы;

3) бақылау вентильдері мен деңгей өлшегіштер бойынша цистернада СКСГ болуы және оның деңгейі тексеріледі.

253. Ілеспе құжаттарда жеткізушінің атауы, тиеп жөнелту мерзімі, цистерна нөмірі, цистернаға құйылған газдың массасы (салмағы) тексеріледі.

254. Цистернадағы арматура тығының ақаусыздығы сыртынан тексеріледі.

255. СКСГ цистернадан құю басталғанға дейін:

1) цистерналар ағаш табандықтармен бекітіледі;

2) СКСГ цистернадан құюға арналған шлангілерінің ақаусыздығы мен беріктігі тексеріледі;

3) цистерналар жерге қосылады.

256. СКСГ цистернадан резервуарларға құю СКСГ технологиялық құю операцияларымен байланысты ысырмаларды ашу және жабу дұрыстығын тексергеннен кейін жүргізіледі.

257. Құю операцияларын персонал арнайы киім, бас киім мен қорғаныс көзілдірігін киіп жүргізеді.

258. СКСГ цистернадан құю:

1) компрессор жұмыс істеп тұрған кездегі цистерна мен резервуар арасындағы қысымның төмендеуін қалыптастыру;

2) буландырғыштағы СКСГ цистерна мен буды жылытқыш резервуар арасындағы қысымның төмендеуін қалыптастыру;

3) СКСГ сорғышпен қайта тарту;

4) резервуарлар цистернадан төмен орналасқан кезде өздігінен ағызу арқылы жүзеге асырылады.

259. Толтырылған резервуардан газдың бу фазасын атмосфераға шығару арқылы цистерна мен резервуар арасындағы қысымды төмендетуді қалыптастыруға болмайды.

260. СКСГ құю кезінде цистернада құрылатын бу фазасының қысымы цистернада көрсетілген жұмыс қысымынан аспайды.

Цистернадағы қысым жұмыс қысымынан жоғары артқан кезде компрессор немесе буландырғыш сөндіріледі.

261. Цистерна мен резервуар арасындағы қысымның төмендеуі, әдеттегідей, 0,15-0,2 МПа шамасында болады.

262. СКСГ автокөлік цистерналарынан құю кезінде автокөлік қозғалтқышының жұмыс істеуіне жол берілмейді.

263. СКСГ құю үшін дайындық операциялары аяқталғаннан кейін жүргізуші от алдыру кілтін жұмыс басшысына тапсырады.

264. СКСГ құю кезінде жүргізушінің кабинада болуына жол берілмейді.

265. Автокөлік қозғалтқышын шлангілерді газ өткізгіштерден ажыратқаннан және құю штуцеріне бұқтырмаларды орнатқаннан кейін қосады.

266. СКСГ құйғаннан кейін цистернадағы будың қысымы 0,05 МПа дейін төмендейді.

Газды атмосфераға шығаруға болмайды.

267. Құю операцияларымен айналыспайтын персоналдың жұмыс орнында болуына жол берілмейді.

268. СКСГ құю жүргізілмеген кезде цистерналарды газ өткізгіштерге қосып қалдыруға болмайды.

269. Құю кезінде газ өткізгіштердің герметикалығы қадағаланады.

270. СКСГ құю кезінде қысыммен жұмыс істейтін қосқыштарды нығыздау жұмыстарын жүргізуге жол берілмейді.

271. Құю кезінде цистерна мен қабылдау резервуарындағы газдың қысымы мен деңгейі қадағаланады.

272. Құю аяқталғаннан кейін цистерналардағы вентильдер сөндіріледі және герметикалығы тексеріледі.

273. Арматура мен құю газ өткізгіштерін еріту үшін қыздырылған құмды, ыстық суды немесе су буын пайдаланады.

274. СКСГ ағып жатқан цистерна түскен жағдайда ол қосымша қауіпсіздік шаралары кезінде газдан босатылады.

275. Резервуарлар мен баллондарды:

1) дәнекерлеу жіктері мен ернемек қосқыштарында сызаттарды, адырларды, бос жерлерді немесе булануды анықтаған;

2) сақтандыру клапандарының ақауы болған;

3) деңгейөлшегіш құрылғылардың ақауы болған;

4) өтетін тесіктер мен люлкалардағы бекіту бөлшектерінің ақаулығы немесе саны толық болмаған;

5) резервуар іргетастары шөккен және жеткізу газ өткізгіштері негізгі болған жағдайларға газбен толтыруға болмайды.

276. Резервуарлар куәландыру және жөндеу алдында буландырылмаған қалдық газдан босатылады және қайта өңделеді (газсыздандырылады).

Резервуарлар мен баллондарды өңдеу, оларды инертті газбен үрлей немесе жылы сумен толтырыла отырып, буландыру жолымен жүргізіледі.

Резервуарларды газсыздандыру үшін ауаны пайдалануға жол берілмейді.

Резервуарлар бу және сұйық фаза бойынша газ өткізгіштерден бұқтырмалардан ажыратылады.

277. Резервуарларды газсыздандыру реті, уақыты мен қажетті қауіпсіздік шаралары өндірістік нұсқаумен анықталады.

Резервуарлар мен газ өткізгіштердің бөлшектенетін учаскелерінен шыққан пирофор қыртыстар дымқыл күйінде станция аумағынан алынып тасталады.

278. Газсыздандырылғаннан кейін өңделген су СКСГ канализацияға түсуін болдырмайтын тұндырғышқа бөлінеді.

279. Газсыздандыру сапасы ыдыстың төменгі бөлігінен алынған сынамаларды талдау арқылы тексеріледі.

Көмір сутекті газдың қосылымы жалынның таралуының төменгі қосылым шегінен 10 % аспайды.

Бақылау нәтижелері журналда көрсетіледі.

АГҚС автокөліктерін толтыру алаңдарының жеке кіру және шығу жолдары болады.

281. Газ баллонды автокөліктерді толтыру технологиялық регламентке сәйкес жүзеге асырылады.

Газ баллонды автокөліктердің техникалық ақауы бар баллондары толтыруға жіберілмейді.

Баллондарды куәландыру 2 жылда бір рет жүргізіледі.

282. Баллондардың ақаусыздығы туралы мәлімет оларды толтыру алдында белгіленген тәртіппен тексеріледі.

283. Баллонда:

1) баллонның есепке алу нөмірінің;

2) баллонның литрлік сыйымдылығының;

3) баллонды куәландыру мерзімінің;

4) оны тіркеу туралы белгінің болуы тексеріледі.

284. Автокөлікке орнатылған баллонда бұдан басқа мынадай көрінетін белгілер орын алады:

1) дайындаушы зауыттың тауарлық белгісі;

2) баллонның (зауыттық) нөмірі;

3) бос баллондардың мемлекеттік стандартқа немесе оны дайындау үшін нормативтік құжатқа сәйкес нақты массасы;

4) дайындаған мерзімі (айы, жылы) мен келесі куәландыру жылы;

5) жұмыс қысымы;

6) сыналатын гидравликалық қысым;

7) мемлекеттік стандартқа немесе дайындауға арналған нормативтік құжаттарға сәйкес баллонның сыйымдылығы;

8) дайындалатын өнімге арналған стандарттың нөмірі.

285. Автокөліктердегі СКСГ арналған баллондар газ өткізгіштерге нығыз бекітіледі және герметикалық түрде қосылады.

286. Автокөлікке орнатылған СКСГ мынадай:

1) мерзімді куәландыру мерзімі өткен;

2) вентильдер мен клапандардың ақауы бар;

3) баллонның корпусы зақымданған (қуысталған, жапырылған, тоттанған, жаншылған);

4) баллон бекіткіші босаған;

5) қосқыштарда газдың азаюы байқалған баллондарды толтыруға болмайды.

287. Отын ретінде СКСГ пайдаланатын автокөлік баллондарын толтыру қозғалтқыш сөніп тұрған кезде жүргізіледі.

Толтыру құрылғысына бұқтырманы орнатқаннан кейін қозғалтқыш іске қосылады.

Автокөлік ГТС (АГҚС) аумағына жанар-жағар май құюға шығар алдында жолаушылар түсіріледі.

288. Баллонды толтыру дәрежесі ең жоғары толтыруды бақылау немесе бөлу клапанының вентилімен анықталады.

Баллонды асыра толтыруға жол берілмейді.

Автокөліктің газ жабдығындағы тығызсыздықты анықтаған немесе баллон асыра толтырылған кезде ондағы газ резервуарға құйылады.

289. Газ баллонды автокөліктерді толтырғаннан кейін:

1) егер автокөлік қозғалтқышы іске қосылмаса, онда оны өшіреді және автокөлікті құю орнынан кемінде 15 м қашықтықта шегіндіреді;

2) автокөліктің қозғалтқышын АГҚС аумағында бір отын түрінен басқасына ауыстырмау;

3) АГҚС аумағында газ аппаратурасы мен газ баллонды автокөліктерді реттеуді және жөндеуді жүргізбеу;

4) құю орнында қысымды баллонның жұмыс қысымынан асырмау;

5) баллондар мен коммуникациялардағы алмалы-салмалы қосқыштарды тартпау;

6) құю орындары мен автокөліктерді бақылаусыз қалдырмау;

7) асыра толтырған кезде СКСГ баллондардан атмосфераға шығармау ұсынылады.