Тілдік және мәдениетаралық Қатынас қҰзыреттерін
жүктеу/скачать 0.51 Mb. Pdf көрінісі
|
- Бұл бет үшін навигация:
- ISSN-p 2306-7365 ISSN-e 2664-0686 ЯСАУИ УНИВЕРСИТЕТІНІҢ ХАБАРШЫСЫ , №3 (121), 2021
|
Дискуссия Сауалнама нәтижелері студенттердің фильмдерді сабақта қолдануға қатынасын көрсетеді. Қатысушылардың көпшілігі фильмдерді пайдалы және ынталандырушы құрал деп санайды. Фильмдер арқылы студенттердің тілдік дағдыларды, тыңдап-түсіну, сөйлеу, жазу қабілеттері ғана емес, сонымен қатар мәдениетаралық, әлеуметтік-мәдени білім мен мәдениетаралық коммуникациялық, лингвистикалық құзыреттері, т.б. дамиды. Фильмде ұсынылған бай әдеби лексикамен және лингвомәдени базамен жұмыс жасау тапсырмаларының арқасында студенттер сөздік қорын байытып, оларды күнделікті қарым- қатынаста еркін қолдануды үйренді. Мәдени салт-дәстүрлер, әдет-ғұрыптарды, әлеуметтік, саяси және т.б белгілі бір мәселелерді талдауға, талқылауға, салыстыруға, салыстыруға бағытталған тапсырмалар оқушылардың сыни ойлауын, шығармашылық қабілетін ISSN-p 2306-7365 ISSN-e 2664-0686 ЯСАУИ УНИВЕРСИТЕТІНІҢ ХАБАРШЫСЫ , №3 (121), 2021 143 арттыруға, өз көзқарасын еркін және жүйелі түрде жеткізуге, тұжырым жасауға, жанашырлық, түсіністік, мейірімділік және басқаларға құрмет сезімдерін ояту және дамытуға көмектеседі. Дегенмен, бірқатар мәселелер де туындады. Мәселелердің бірі студенттердің тілді меңгеру деңгейіне қатысты болды. Бұл курс қазақ тілінің жоғары деңгейіне арналған және барлық студенттерден қазақ тілінің жоғары деңгейі талап етілетіндігіне қарамастан, олардың кейбіреулері фильмдегі әр түрлі актерлердің кейбір сөздері мен сөз тіркестерін түсінуде қиындықтарға тап болды. Себебі, студенттердің бір бөлігі қазақ мектебінің түлектері болса, екіншілері орыс тілді мектептердің түлектері, олар қазақ тілі курсының ортадан жоғары деңгейін бітіргеннен соң ғана аталған курсқа келеді. Дегенмен, қазақ мектептері мен орыс тілді мектептерді бітірген студенттер арасында тілдік деңгей бойынша айырмашылық байқалып тұрады. Соның салдарынан кей жағдайларда фильмдегі жаңа сөздер мен сөз тіркестерін тыңдап-түсінуге қатысты мәселе туындайды. Келесі мәселе фильмді таңдауға қатысты болды. «Қыз Жібек» фильмімен салыстырмалы анализ жасау үшін «Ромео–Джульетта» фильмінің нұсқаларының бірін таңдау қажет болды. Бұл фильмнің әр жылдары әр елде түсірілген бірнеше нұсқасы бар екен. Талқылау мен дауыс беру нәтижесінде біз «Ромео Джульетта» фильмінің 2013 жылғы нұсқасын алдық. Тағы бір басты мәселе, фильмді таңдағанда, фильмді таңдау курстың бағыты мен мақсаттарына немесе нақты модульге сай болуы керек екенін есте ұстаған жөн. Сонымен қатар, Марк Муллингер және басқалар айтқандай, оқытушылар фильмдердің оқиғаны не тарихты белгілі бір режиссердің өзіндік жеке көзқарасы бойынша әңгімелейтінін есте ұстауы керек. Бұл көзқарас студенттердің фильмге жасаған өзіндік интерпретациясына қарай, олардың қарсылықтарын не құптау сезімдерін тудыруы мүмкін [21]. Фильмдегі бір көрініс не жағдаят және сахнадағы актерлердің іс-әрекеті әр түрлі саладағы не түрлі әлеуметтік деңгейдегі студенттерге әрқалай әсер етуі мүмкін. Нәсілге, кастаға, тілге, дінге немесе кез келген басқа көзқарасқа байланысты кейбір қажетсіз көріністер сабақта ыңғайсыз жағдайлар туындатуы және көрсетілетін фильмдер белгілі бір топтарға қатысты студенттер арасында белгілі бір стереотиптерді күшейтуге ықпал етуі мүмкін. Сондықтан оқытушы бұл мәселені алдын-ала мұқият қарастырып, олардың алдын- алуы тиіс. жүктеу/скачать 0.51 Mb. Достарыңызбен бөлісу:
|