Удмурт кыллы но литературной лыдњиськонлы дышетон программаос 1–4-тћ классъёслы

Предложениен тодматскон 1-тћ классын грамоталы дышетон урокъёсын кутске. Предложение кылъёслэсь пќрме. Кылъёс, ог-огенызы герњаськыса, маке сярысь ивортыса яке юаса верамез возьмато. Пиналъёс верамез предложениослы люкылыны, дышетћсьлэн сётэм схемаезъя предложениос малпаны но соосты тетрадязы шонер гожъяны дышетско.

2-тћ классын пиналъёслэн предложение сярысь азьвыл басьтэм тодон-валанзы юнма но азинске. Предложенилэсь тодметъёссэ эскерон бордын ужало: предложение кылъёслэсь пќрме, быдэсмем малпанэз возьматэ, предложениын кылъёс валатонзыя ог-огенызы герњасько, одћг кыл бордысь мукетызлы юан пуктыны луэ. Веран мугзыя ивортон, юан, ќтён, интонацизыя огшоры куараен, кеськон куараен верам предложениос сярысь пичияк валан басьто. Деформированной текстысь предложениосты висъяны яке сётэм кылъёслэсь предложениос малпаны но соосты шонер гожъяны дышетско.

3-тћ классын пиналъёслэн предложение сярысь валанзы паськыта, соос веран мугзыя ивортон, юан, ќтён предложениосын пыр-поч тодматско, со предложениослэсь интонацизэс эскеро, огшоры но кеськон куараен верам ивортон, юан, ќтён предложениосты шонер гожъяны дышетско. Предложенилэн главной но второстепенной членъёсыз сярысь тодо. Подлежащеен сказуемойзэ шедьтыны, соосты второстепенной членъёслэсь висъяны дышо, второстепенной членъёслэсь малы кулэ луэмзэс валаны тыршо. Предложениын кылъёслэсь куспазы герњаськемзэс эскерыса, кылтэчетъёссэ шедьтыны дышетско. Со сяна, пиналъёс предложенилэн однородной членъёсыз сярысь валан басьто, предложенилэн главной членъёсыз но, второстепенной членъёсыз но однородной луыны быгато шуыса тодо. Однородной членъёслэсь интонациен, но союзэн, интонациен но но союзэн герњаськемзэс эскеро, вераськонын кулэлыксэс валаны тыршо, асьсэос однородной членъёсын предложениос пќрмытъяло, гожтыкузы запятойёссэ шонер пуктыны дышетско.

4-тћ классын нылпиос кушето предложениос сярысь тодо. Кушето предложениос кык яке солэсь ятыр огшоры предложениослэсь кылдо, ог-огенызы союзъёсын но союзтэк (интонациен) герњасько. Пиналъёс кушето предложениосты вераськон но гожъяськон кылазы быгатыса кутыны, интонаци ласянь шонер лыдњыны, гожтыку запятойёс пуктыны дышетско.

3. Кыл.

Кылэз эскерыку, бадњым саклык висъяно пиналъёслэсь кылзэс узырмытонлы, кылъёсты шонер веранлы но гожтонлы, выль кылъёслэсь пќрмон амалъёссэс эскеронлы, соосты вошъянлы, предложениосы быгатыса пыр-тылонлы.

1. Котькуд кыл мае ке но возьматэ – солэн валатонэз луэ. Вераськонамы вань одћг но трос валатонэн кылъёс, пуштроссыя матын но пумит луись кылъёс. Улон азинскемъя куд-ог кылъёс пумен вужмо, выль кылъёс кылдо. Пиналъёсты кылэз шќдыны дышетоно, котькуд урокын солэн пуштросэз бордын ужано. Пинал макем њеч вала кыллэсь пуштроссэ, сокем њеч со малпаське, малпанзэ вольыт вераны быгатэ.

Пиналъёсты тодматоно синонимъёсын, антонимъёсын, переносной пуштросо кылъёсын, выль кылъёсын, кылъёслэсь предложениын вошъяськемзэс, куспазы герњаськемзэс эскероно.

2. Шара верам кыл пќрме куараослэсь, соосты букваосын возьматыны луэ. Озьы котькуд кылэз, верам сяна, лыдњыны но гожтыны быгатћськомы. Пиналъёсты шонер гожъяськыны дышетон понна, соосты нырысь ик кылысь куараоссэ кылыны, висъяны, пќртэм луэмзэс шќдыны дышетоно.

Вераськон куараос но букваос сярысь тодон-валанъёс нылпиос 1-тћ классын ик басьто. Азьланяз пиналъёслэн грамоталы дышетскон вакытэ куараос но букваос сярысь басьтэм тодон-валанъёссы юнмаса мыно. Бадњым саклык висъяське удмурт алфавитэз дышетонлы, гожъяськонын букваосты шонер кутонлы, кылъёсты куараосъя но букваосъя сэрттон-пертчонлы.

3. Кыл морфемной люкетъёслэсь кылдэ. Структуразыя кылъёс пќртэмесь луо. Вань кылвыжылэсь гинэ пќрмем кылъёс (ву, пу, шур, гурт). Мукетъёсызлэн, кылвыжызы сяна, приставказы, суффиксъёссы луо. Котькуд морфемалэн аслаз пуштросэз. Шуом, эшъёсылэн кыл таџе люкетъёслы-морфемаослы люкиське: эш-йос-ы-лэн. Эш- – кыллэсь основной лексической значенизэ возьматэ, йос- – трос лыдэз, ы- – существительнойлэсь притяжательной категоризэ, -лэн – сётон падежлэсь формазэ. Озьыен, кылэз люкетъёсъя эскеронэз одно ик кыллэсь лексико-грамматической пуштроссэ эскеронэн герњано. Соку гинэ кыллэсь морфемной структуразэ сэрттон бордын ужан пиналъёслы валамон луоз.

1-тћ но 2-тћ клаесъёсын пиналъёс огвыжыё кылъёс сярысь валан басьто, соослэсь тодметъёссэс эскеро: огвыжыё кылъёслэн одћг кадь кылвыжызы луэ; огвыжыё кылъёс валатонзыя матынэсь луо.

Та тодметъёсъя пиналъёс огвыжыё кылъёсты тодманы но асьсэос малпаны дышетско.

3-тћ классын суффикс, приставка, кылдћнь (основа) терминъёсын тодматско. Котькуд кыл люкетлэсь кулэлыксэ эскеро, асьсэос пќртэм суффиксъёсын но приставкаосын огвыжыё кылъёс пќрмытьяло. Кыллэсь формазэ но выль кыл пќрмытћсь суффиксъёс сярысь огъя валан басьто.

4-тћ классын кыллэсь вошъяськемзэ, выль кыл пќрмытон амалъёсты эскерон азьланьтћське. Пиналъёс пќртэм вераськон люкетъёслэсь кылдэмзэс чаклало, одћг вераськон люкетысь мукетсэ пќрмытыны дышетско, кылсярысь: улыны – улон; гожтыны– гожтэт; горд – гордэктыны но мукет. Пќртэм вераськон люкетъёс пќлысь огвыжыё кылъёс утчало: горд – гордо – гордань – гордманы; боры – борыё – борыяны – борыясь; чебер – чеберай – чеберманы – чебермась но мукет.

4. Лексической но грамматической пуштросэзъя котькуд кыл кыџе ке но вераськон люкетэ пыре. Кылсярысь, предметэз возьматћсь, кин? ма? юанлы верась, лыдъя но падежъя вошъяськись кыл существительной луэ. Предметлэсь действизэ возьматћсь, ма каре?ма каро? юанлы верась, лыдъя, дыръя, лицоя вошъяськись кыл глагол луэ но мукет. Вераськон люкетъёсты морфология дышетэ. Озьыен, кылэз морфология ласянь эскерон луэ ньылетћез быдэстоно ужпум. Пиналъёслы со капчиен уг сётћськы, угось кылъёсты џошатыса, соосты висъяны, огазеяны, йылпумъянъёс лэсьтыны быгатоно. Со дыре ик кылэз морфология ласянь эскерон пиналъёслэсь малпаськон радзэс азинтыны юрттэ.

Вераськон люкетъёсты дышетыны пиналъёс 1-тћ классысен кутско. Кин? ма? кыџе? ма каре? ма каро? юанъёслы верась кылъёсын но юрттћсь кылъёсын тодматско, соослы юан пуктыны дышетско.

2-тћ классын нылпиос существительноен, прилагательноен, глаголэн тодматско.

3-тћ классын вераськон люкетъёсын тодматскон паськыта. Нылпиос местоимение, послелог сярысь валан басьто на, соослэсь текстын интызэс чаклало. Вераськон люкетъёслэн пќрмеменызы, вошъяськеменызы тодматско. Существительнойлэсь лыдъя но падежъя вошъяськемзэ чаклало, собственной но нарицательной существительной сярысь тодо. Глаголлэсь – лыдъя, дыръя, лицоя, местоименилэсь – лыдъя, лицоя вошъяськемзэс эскеро. Юан пуктылыса, кылъёслэсь предложениын куспазы герњаськемзэс сэртто-пертчо. Вераськон люкетъёслы ваньмызлы юан сётыны уг луы шуыса валало. Озьы вераськон кылъёс пќлысь юрттћсь кылъёсты – послелогъёсты – висъяло. Пиналъёс соослэсь кулэзэс эскеро, вераськоназы шонер кутыны дышетско.

4-тћ классын вераськон люкетъёсты эскерон азьланьтћське, числительноен наречиез дышетон ватсаське на. Юрттћсь кылъёс пќлы союзъёсын частицаос ватсасько.

Вераськон люкетъёсты дышетон нылпиослэсь вераськон кылзэс шќдскымон волятэ, узырмытэ. Пиналъёс котькуд вераськон люкетлэсь текстын кулэлыксэ валаны кутско, асьсэлэсь вераськон кылзэс волято.

Озьыен, кыл программаын лексика, фонетика, грамматика ласянь эскериське. Пиналъёс таџе тодонъёс басьто: кыл куараослэсь пќрме, кыллэн морфемной люкетъёсыз вань, кыллэн лексической но грамматической валатонэз луэ, лексической но грамматической валатонзыя кылъёс пќртэм вераськон люкетъёс пќрмыто.

Удмурт кылэз мур тодэм юрттэ малпанэз вераны, мылкыдэз возьматыны, тодон-валанъёс басьтыны, адямиосын кусып возьыны.
4. Шонер но чебер гожъяськон.

Шонер гожъяськон.

Удмурт кыллэн правописаниез фонетической принципъя кылдытэмын бере, фонетикая басьтэм тодон-валанъёс пиналъёслы янгышъёстэк гожъяськыны юрттозы. Озьы ке но, вань кылъёслэсь шонер гожтћськемзэс кылзыса гинэ валаны уг луы. Соин удмурт кылын нимысьтыз правилоос кылдытэмын. Покчи классъёсын пиналъёс пќртэм гожъяськон правилоосын тодматско. Дышетэмзы йырвизьмазы мед кылёз шуыса, дышетћсь урокын кылъёслэсь гожтћськемзэс эскерон радъя. Кылъёсты чакласа, ог-огенызы џошатыса, пиналъёс йылпумъянъёс лэсьто, гожъяськон правилоос кылдыто.

Чебер гожъяськон.

Удмурт кылъя урокъёсын пиналъёсты чебер гожъяськыны, ужъёссэс тыршыса, сюлэмзэс поныса, љикыт быдэсъяны дышетоно. Со сяна, чебер гожъяськыны дышетон вылысь, урокын нимысьтыз дыр висъяно на.

2-тћ классын котькуд урокысь 6–8 минутсэ чебер гожъяськонлы висъяно, 3–4-тћ классъёсын – кќнялы ке ќжытгес. Та ужез одно ик грамматикая темаен герњаны тыршоно. Пиналъёс мед валалозы, чебер гожъям сяна, шонер но гожъяськыны кулэ шуыса.

Огъя вераса, программа котькуд разделъя бадњым теоретической материалэн тодматэ, удмурт кылэз покчи классысен ик мургес дышетыны луонлык кылдытэ но практической ужъёс ортчытъяны дэмла.

Программаез быдэстыны юрттозы нимысьтыз радъям дышетон амалъёс, кытын бадњым инты висъяське дышетћсь но дышетскисьёс куспын ваче ужанлы (сотрудничестволы но творческой общенилы). Со юрттоз пиналъёслэсь дышетскон опытсэс узырмытыны, проблема пуктыса ужаны, поисковой (утчаськон) амалъёсты уже кутыны. Та амал грамматикая материалэз валаса дышетыны юрттоз, пиналъёслэсь психической развитизэс (быгатонлыкъёссэс) азинтоз. Пиналъёс выль терминъёсты вераськон кылазы кутыны, радъяса малпаськыны, малпанзэс вераны, ужамзэс дунъяны, ог-огзылэсь верамзэс кылзыны, ог-огзылы юрттыны дышетскозы, саклыксэс будэтозы, йырсазьзэс, йырвизьзэс, малпаськон радзэс юнматозы.