1 Қаулысы қазақстан Республикасы Судьялар одағы Орталық кеңесінің есебін бекіту туралы

Астана қаласы 3 маусым 2005 жыл

IV съезд делегаттары мақұлдаған 1996 жылғы 19 желтоқсандағы Қазақстан Республикасы судьяларының І съезі Қаулысымен, 1999 жылғы 25 қаңтардағы ІІ съезі Қаулысымен және 2001 жылғы 6 маусымдағы ІІІ съезі Қаулысымен қабылданған өзгерістер мен толықтыруларды енгізу туралы Қазақстан Республикасы Судьялар одағының Жарғысына өзгерістер мен толықтырулар енгізу туралы Орталық кеңестің ұсынысын талқылай келіп, Қазақстан Республикасы судьяларының IV съезі

1.“Қазақстан Республикасы Судьялар одағы” Республикалық қоғамдық бірлестігінің жарғысына мынадай өзгерістер мен толықтырулар енгізілсін:

1). 4.6 тармақ мынадай редакцияда жазылсын: « Конференцияны шақыру, оның өткізілетін орны мен күн тәртібі туралы конференцияның жұмысы басталардан кемінде жеті күн бұрын хабарлайды. Конференция Филиал кеңесі бекіткен мерзімде, бірақ кем дегенде бір жылда бір рет шақырылады. Конференция ашық дауыс беру арқылы төрағалық етуші мен хаттама жүргізетін хатшыны сайлайды».

2). Мынадай мазмұндағы 4.8 тармақпен толықтырылсын: «Судьялар одағы филиалдарының жанында судьялар этикасы жөніндегі комиссиялар құрылып, жұмыс атқарады».

3). Мынадай мазмұндағы 4.9 тармақпен толықтырылсын: «Одақтың баспа органдары болады».

4). 5.7 тармақтың 14 абзацтағы: « Комиссия құрамын филиалдар кеңестері бекітеді» деген сөздер алынып тасталсын.

5). 5.12 тармақ мынадай редакцияда жазылсын: «Орталық кеңестің орналасқан жері: Астана қаласы, Есілдің сол жағасы, Қазақстан Республикасы Жоғарғы Сотының ғимараты».

6). 6.2 тармақтағы “судьялар съезімен” деген сөз “Орталық кеңес пен Судьялар одағының филиалдарының келісімі бойынша” деген сөзбен ауыстырылсын.