2012 жылдың қорытындылары бойынша Мемлекет басшысының Қазақстан халқына жыл сайынғы жолдауларын іске асыру жөніндегі жалпыұлттық іс-шаралар жоспарының орындалу барысы туралы ақпарат

2008-2011 жж.

Осы тапсырманы орындау үшін 2012 жылы Жол картасының 4 бағыты бойынша (жеміс-жидек дақылдары мен жүзім, қант, құс еті және ауыл шаруашылығы өнімдерін тереңдете қайта өңдеу) жұмыс жүргізілді.

Жеміс және жүзім шаруашылығы салаларын дамыту мақсатында жыл сайын жеміс-жидек дақылдары мен жүзімнің көпжылдық алқаптарын отырғызуды және өсіруді субсидиялау жүзеге асырылады.

Аталған бағдарламаны іске асыру үшін 2012 жылы 1,8 млрд. теңге бөлініп, оның есебінен 0,8 мың га алқапқа - жеміс-жидек дақылдары, 1,0 мың га алқапқа - жүзім, 113,7 га алманың «Апорт» сорты отырғызылған, сондай-ақ 2009-2012 жылдарда отырғызылған көшеттерге күту жүрзілуде.

Қант қызылшасы өндірісін арттыру мақсатында осы дақылды өсіру шығындарын субсидиялау жүзеге асырылады. 2012 жылы қант қызылшасын 1 гектарға егуге кететін шығын нормативі Алматы мен Жамбыл облыстарында 60 мың теңгені құрады. Сондай-ақ, қант қызылшасын өсірумен айналысатын отандық ауыл шаруашылығы тауарын өндірушілерге сатып алатын гербицидтердің, минералдық тыңайтқыштардың құнын арзандатуға, тұқым шаруашылығын дамытуға және техникалар лизингіне субсидиялар бөлінеді.

Қант қызылшасы өндірісін ынталандыру мақсатында Қазақстан Республикасында АӨК дамыту жөніндегі 2013-2020 жылдарға арналған салалық бағдарлама жобасы шеңберінде қант қызылшасын белгіленген бағамен кепілді сатып алу механизмі қарастырылған. Аталған шара 2015 жылға қарай қант қызылшасының көлемін 368 мың тоннадан 488 мың тоннаға дейін арттыруға, ақ қант өндірісінің жалпы көлемінен қант қызылшасы үлесін 2010 жылғы 5,7%-дан 26,2%-ға дейін арттыруға, ақ қанттың ішкі нарықта бәсекеге қабілеттілігін арттыруға, сондай-ақ 20 мыңнан астам жұмыс орындарын сақтауға мүмкіндік береді.

Құс етін ұлғайту мәселесін шешу және республика тұрғындарын отандық бәсекеге қабілетті өніммен қамтамасыз ету мақсатында қазіргі заманғы технологияларға негізделген бройлер құс фабрикаларын салу бойынша инвестициялық жобалар іске асырылуда.

Қазіргі уақытта 57 мың тонна құс еті мен 521 млн. дана жұмыртқа өндірісін қамтитын 18 құс фабрикаларын кеңейту және қайта жарақтандыру жұмыстары жүргізілуде, бұл 2016 жылға қарай құс еті импортының көлемін 43%-ға төмендетуге мүмкіндік береді.

Бұдан басқа, қазіргі таңда «ҚазАгро» ҰБХ» АҚ құс фабрикаларын құру мен дамыту бойынша жалпы құны 18 055,5 млн. теңгені құрайтын 8 жоба мақұлданды.

Осы ретте, мақұлданған жобалардың қуаттылығы жылына 61,5 мың тонна құс еті өндірісін құрайды.

Қазіргі таңда республиканың негізгі азық-түлік тауарларымен қамтамасыз етілу деңгейі (заттай көріністе) ұн бойынша 99,8%, жарма – 81%, макарон өнімдері – 84%, өсімдік майы – 74%, күріш – 58%, өңделген сүт – 86%, сүт қышқылды өнімдер – 82%, сары май – 64%, ірімшік пен сүзбе – 45%, ет консервілері – 59%, шұжық өнімдері 58% құрайды.

Қайта өңдеу кәсіпорындарының қазіргі жағдайын анықтау және тоқтап тұрған немесе жұмыс істемейтін қуаттылықтарды анықтау мақсатында кәсіпорындар бөлінісінде түгендеу жүргізілді. Облыстар әкімдіктері 416 ірі және орта кәсіпорындар бойынша ақпарат ұсынды.

Қолданыстағы қуаттылықтардың толық жүктелуін, жаңа қайта өңдеу кәсіпорындары мен цехтардың, құс фабрикаларының, сүт тауарлы фермалардың, жылыжайлар мен көкөніс сақтау қоймаларының құрылысын арттыру мақсатында ҚР Үдемелі индустриялық-инновациялық дамыту жөніндегі 2010-2014 жылдарға арналған мемлекеттік бағдарлама шеңберінде «ҚазАгро» ҰБХ» АҚ еншілес ұйымдары Индустрияландыру картасына енгізілген 86 инвестициялық жобаларды іске асыруда. Қазіргі уақытта жалпы құны 49 134,3 млн. теңгені құрайтын 63 инвестициялық жобалар іске қосылды.

Қайта өңдеу кәсіпорындарының жаңа құрал-жабдықтар сатып алуға және жаңартуға нақтылы қажеттілігін анықтау үшін 400 қайта өңдеу кәсіпорындарының техникалық жағдайына талдау жүргізілді, техникалық қайта жарақтануға мұқтаж 96 кәсіпорынның тізбесі жасалды.

Сонымен қатар, қайта өңдеу кәсіпорындарын инженерлік инфрақұрылым объектілерімен қамтамасыз ету мақсатында «Бизнестің жол картасы – 2020» бағдарлама шеңберінде жер телімдерін бөлу, кіре-беріс жолдар құрылысы, электроцех құрылыстары бойынша шаралар қабылдануда. Ірі сауда орындары құрылыстары мен логистикалық инфрақұрылымды дамыту бойынша жұмыстар жүргізілуде.

Техникалық реттеу саласындағы заңнаманың сақталуын бақылау жүйесін практикалық қолдануды қамтамасыз ету бойынша мәселелерді шешу үшін Индустрия және жаңа технологиялар министрлігі Техникалық реттеу және метрология комитетінің аймақтық бөлімшелерінің жанында халықтан фальсификацияланған тамақ өнімдерінің өткізілу фактілері жөніндегі ақпаратты қабылдау мақсатында қоғамдық қабылдаулар құрылған.

Қазіргі уақытта қолданыстағы техникалық регламенттердің метрологиялық сараптамасы жүргізілуде. Сараптама қорытындысы бойынша зертханалардың материалдық-техникалық жабдықталуы үшін қажетті шаралар қабылдануы, жеткіліксіз стандарттар мен өлшеу әдістемелері әзірленіп бекітілуі тиіс.

Сондай-ақ, бақылауды күшейту мақсатында үкіметтік емес ұйымдарға нарықтағы бұрмаланған тамақ өнімдерін анықтау шараларын жүргізуге құқық беретін мәртебе беру мүмкіндігі пысықталуда.

Мемлекеттік-жеке серіктестік шартында бірқатар сауда-логистикалық орталықтарын құру, заманауи үлгідегі сауда желілерінің қызметін дамыту, отандық тауар өндірушілер үшін сауда желілері құратын тосқауылдарды жою, сондай-ақ, жаңа экспорттық «бос кеңістік», оның ішінде дипломатиялық арналар бойынша ірі инвестициялық жобалардың тізбесін тарату арқылы іздестіру мәселелері пысықталуда.

Қайта өңдеу кәсіпорындарының проблемалық мәселелерін шешу бойынша жұмыстарды жандандыру әрі саланың дамуында нақтылы шаралар қабылдау және азық-түлік қауіпсіздігін қамтамасыз ету мақсатында 2012 жылғы 7 желтоқсанда Қазақстан Республикасы Премьер-Министрінің № 226-ө өкімімен қайта өңдеу кәсіпорындарын қолдау бойынша өндіріс көлемін, өндірілген өнімнің бәсекеге қабілеттілігін арттыру және экспорттық потенциалды үдету бойынша шараларды көздейтін Ауыл шаруашылығы өнімдерін қайта өңдеуді және тамақ өнеркәсібін қолдау мен дамыту жөніндегі іс-шаралар жоспары (жол картасы) бекітілді.

Тамақ және қайта өңдеу саласының одан әрі дамуы осы Ауыл шаруашылығы өнімдерін қайта өңдеуді және тамақ өнеркәсібін қолдау мен дамыту жөніндегі іс-шаралар жоспары (жол картасы) шеңберінде жүзеге асырылатын болады.

2009-2012 жж.

Ветеринария жүйесін халықаралық стандарттарға көшіру мақсатында өткен жылы келесі іс-шаралар қабылданды және қабылдануда:

1) Ветеринария жүйесін институционалдық бекіту (жер-жерлерде аумақтық бөлімшелерімен дербес Ветеринариялық бақылау және қадағалау комитеті, ауылдық жерлерде ветеринариялық пункттерімен жергілікті атқарушы органдардың мемлекеттік ветеринариялық ұйымдары, Ауыл шаруашылығы министрлігінің жанында Ветеринария мәселелері бойынша ғылыми-техникалық кеңес, облыстық орталықтар мен Астана, Алматы қалаларында филиалдарымен, өкілдіктерімен Қазақстан ветеринариялық палатасы құрылған), сондай-ақ ауылдық жерлерде ветеринария мамандарына мемлекеттік қолдау көрсету мүмкіндігі туды.

Ветеринария жүйесін әрі қарай жетілдіру мақсатында жаңа құрылған мемлекеттік ветеринариялық ұйымдар мен ветеринариялық пункттердің рөлі күшейтіліп (қосымша функцияларды бекіту), ауылдық округтер әкімдіктерінің ветеринариялық қызметі таратылды.

Қазіргі уақытта ауыл шаруашылығы жануарларын бірдейлендіру бойынша мәліметтер базасын жетілдіру, құрылған процессингтік орталық арқылы бірдейлендіру үшін атрибуттарды сатып алу рәсімін орталықтандыру, сондай-ақ жануарларға ветеринарлық анықтаманы өтеусіз негізде беру жұмыстары жүргізілуде.

4) Ветеринариялық шараларды жүргізу (ХЭБ, ФАО ұсыныстарын және АШМ Ветеринария мәселелері бойынша ҒТК-нің ғылыми қорытындысы негізінде, бірінші кезеңде аусыл мен бруцеллез ауруларына қарсы күрес жүргізу стратегиясын әзірлеу басталды, ветеринариялық препараттардың сапасына талаптар күшейтіліп, тартып алынатын жануарлар мен өнімдердің бағасын анықтаудың механизмі өзгертілді, жергілікті атқарушы органдар құрған мемлекеттік ветеринариялық мекемелерді материалдық-техникалық жарақтандыру нормативтері бекітілді, қан алудың бір реттік вакумдық жүйесі енгізілді, ветеринариялық препараттарды өндіруге лицензия беру ветеринария саласының уәкілетті органына бекітілді.

5) Ветеринариялық зертханаларды халықаралық стандарттарға көшіру (37 ветеринариялық зертхана (11 облыстық және 26 аудандық ветеринариялық зертханалар) қолданысқа берілді, ветеринариялық зертханаларды аккредитациялау жүргізілуде.

Сонымен қатар, бруцеллез бойынша ХЭБ референт зертханасының статусын алу мақсатында әрбір аудандық ветеринариялық зертханада тәжірибе жүргізілетін жануарларды ұстау үшін виварилер салу және «Ветеринария бойынша ұлттық референттік орталық» ММ негізінде «Twinning lab» жобасын іске асыру жоспарлануда.

Жетекші ветеринариялық оқу мекемелерінде студенттерді оқытудың практикалық тәжірибесін зерттеу және кадрларды дайындау сапасын арттыру бойынша шаралар қабылдау үшін ХЭБ техникалық көмегінің шеңберінде ағымдағы жылдың қарашасында қазақстандық делегаттар Францияның жоғары ветеринариялық мектептеріне (Лион және Тулуз ққ.) барып қайтты.

7) Халықаралық ынтымақтастық және халықаралық мекемелермен ықпалдасу (ҚР Үкіметі және ХЭБ арасында ветеринария саласындағы ынтымақстастық туралы келісімді іске асыру, Мәртебелі ветеринариялық органдардың Шығыс Еуропалық елдермен байланысы бойынша ХЭБ-ның өңірлік семинары өткізілді, Астана қ. Орта Азия өңірі бойынша аусылды бақылау жөніндегі ХЭБ-ның үйлестіру орталығын ашу бойынша жұмыс, ҚР-ның ДСҰ-ға кіруі бойынша келіссөз рәсімдері жүргізілуде.

Қазіргі күні Қазақстан Республикасында Ветеринария жүйесін жаңғырту стратегиясы әзірленіп, Халықаралық эпизоотиялық бюромен келісілді, ол елдің экспорттық әлеуетін дамыту басымдықтары мен ХЭБ-ның ұсынстарының негізгі қағидалары және ДСҰ-ның санитарлық, фитосанитарлық шараларының негізінде әзірленген.

Стратегия шеңберінде ветеринария жүйесін жетілдіру бойынша одан арғы жұмыс жалғастырылатын болады.

2009-2012 жж.

2012 жылы республикалық бюджеттен мал шаруашылығы саласын қолдауға 31,5 млрд. теңге көлемінде субсидия бөлінді.

Қолдау екі бюджеттік бағдарлама шеңберінде жүзеге асырылады.

«Облыстық бюджеттерге, Астана мен Алматы қалаларының бюджеттеріне асыл тұқымды мал шаруашылығын қолдауға ағымдық нысаналы трансферттер» 083 бюджеттік бағдарламасы

Аталған бағдарламаның шеңберінде 2012 жылы 10,3 млрд. теңге бөлінді.

«Асыл тұқымды мал шаруашылығы туралы» ҚР Заңына енгізілген түзетулер арқасында селекциялық-асылдандыру жұмысын жүргізуге арналған мемлекеттік субсидиялардың тауар өндірушілердің аса кең ауқымына қол жетімділігі қамтамасыз етілді. Фермерлер селекциялық және асылдандыру жұмысын жүргізумен байланысты шығындардың құнын ішінара арзандатуға және 1 бас сиыр мен қысырға 12,0 мың теңге мөлшерінде субсидия алады.

Сонымен қатар, 2012 жылы өнімділігі төмен малды тұқымдық қайта жаңғырту мақсатында бюджеттік субсидиялар жеке қосалқы шаруашылықтардағы аналық ірі қара мал басын қашыруға пайдаланылатын ет тұқымды аталық бұқаларды ұстауға кеткен шығындарды ішінара өтеу үшін жеке кәсіпкерлер мен заңды тұлғаларға бюджеттік субсидиялар төленеді (1 асыл тұқымды аталық бұқаға мөлшері – 47,0 мың теңге).

Бюджеттік бағдарламаның мақсаты мал шаруашылығы өнімінің өндірісін ұлғайту, өндірілетін мал шаруашылығы өнімінің сапасы мен бәсекеге қабілеттілігін арттыру үшін отандық ауыл шаруашылығы тауарын өндірушілерді қолдау болып табылады.

Аталған бағдарламаның шеңберінде 2012 жылы 21,1 млрд. теңге бөлінді.

2010 жылдан бастап субсидиялаудың сараланған нормативтерінің енгізілгенін атап кеткен жөн. Бұл ретте, өндірісті жаңартуды, жаңа технологияларды енгізуді жүзеге асыратын, мал басының өнімділігін арттыру үшін асылдандыру және селекциялық жұмысты жүргізетін тауар өндірушілер субсидиялаудың жоғары нормативтері бойынша, ал қалғаны – ең төмен өлшемдерге сәйкес базалық нормативпен алды.

2012 жылы шырынды және қатты азықты субсидиялау бағыты бойынша өлшемдер 2011 жылғы 50 бас орнына 30 бас аналық ірі қара малға дейін төмендетілген.

2008-2011 жж.

ҚР Премьер-Министрінің орынбасары Қ. Көшербаевтың ҚР Президенті Әкімшілігінің Басшысы К. Мәсімовтің 2012 жылғы 28 қыркүйектегі №230-5 тапсырмасына берілген 2012 жылғы 16 қазандағы №11-8/001-315 (п.25) қарарымен Ауыл шаруашылығы министрлігіне ЭДСМ, ИЖТМ, ДМ, ККМ, Ақмола, Алматы, Жамбыл, Қостанай облыстарымен бірлесіп, сондай-ақ «ҚазАгро» ҰБХ» АҚ, «ҚТЖ» АҚ және «KAZNEX INVEST» АҚ Мемлекет басшысының тапсырмасын орындау бойынша шаралар кешенін іске асыруды жалғастыру және тапсырманы орындау мерзімін ҚР Премьер-Министрінің Кеңсесіне 2013 жылғы маусымда атқарылған жұмыс туралы аралық есеп ұсына отырып, 2013 жылғы желтоқсанға дейін ұзарту тапсырылды.

Бүгінгі күні «ҚазАгро» ҰБХ» АҚ Ақмола, Қостанай, Алматы және Жамбыл облыстарында 990 жұмыс орындарын құра отырып, жалпы сомасы 6,5 млрд. теңгеге 8 экспортқа бағдарланған жобаны іске асыруда. Олардың ішінде 6 жоба – мал шаруашылығы саласында және 2 жоба – қайта өңдеу саласында.

1) "Астана Агроөнім" – өндірістің жобалық қуаттылығы жылына 4 800 тонна ет өндіру, жобалық қуаттылыққа шығу күні – 2015 жылдың соңы. 2012 жылғы 1 желтоқсандағы жағдай бойынша жоба нақты жүктелуі 92%-ды немесе өндірілген өнімнің 1154,9 тоннасын құрайды. Ет комбинаты штаттық тәртіпте жұмыс істейді, жобалық қуаттылыққа шығу жоспарлы тәртіпте жүзеге асырылады;

2) «KazBeefLTD» ЖШС – бордақылау алаңы 2012 жылғы қыркүйекте пайдалануға берілді, жобалық қуаттылыққа шығуы – 2015 жылдан бастап жоспарланған. 2013 жылда 2500 ІҚМ басын бордақылауды немесе жобалық қуаттылықтың 50%-ын жүзеге асыру жоспарлануда. Қазіргі уақытта компания бордақылаудағы ІҚМ-нің жалпы санын өзгертпей, орналасу орнын Мамай селосынан Пухальское селосына ауыстыру мәселесі пысықталуда.

3) «Жақсылық» ШҚ – жобалық қуаттылығы бордақылауда 2500 басты құрайды, бүгінгі күні нақты жүктелуі 102% немесе 2556 ІҚМ басын құрайды;

4) «Қараман-К» ЖШС – жобалық қуаттылығы бордақылауда 2 500 басты құрайды, бүгінгі күні нақты жүктелімі бордақылауда 1714 ІҚМ мал басын құрайды;

5) «Қарасу-Ет» ЖШС – ет комбинатының жобалық қуаттылығы жылына 5400 тонна ет өндіруді құрайды, жобалық қуаттылыққа шығу күні – 2015 жылдың соңы. Бүгінгі күні нақты жүктелуі 1183,6 тоннаны немесе 55% құрайды.

6) «Қостанай диірмен комбинаты» – макарон фабрикасының жобалық қуаттылығы жылына 24 000 тонна макаронды құрайды. 2012 жылдың басынан бастап қазіргі уақытқа дейін 9 483 тонна макарон өнімдері өндірілген, нақты өндіріс 9483 тоннаны немесе 39,5% құрады, өнім «Корона» сауда белгісімен шығарылады.

7) «ПОШ-Тараз» фабрикасы» ЖШС – өндірістің жобалық қуаттылығы жылына 870 тонна топс өндірісін құрайды, бүгінгі күні нақты өндіріс 237 тоннаны немесе 36% құрады. «ПОШ-Тараз» фабрикасы» ЖШС ақпаратына сәйкес компанияда жуылмаған биязы жүнді дайындауда проблемалар бар. Жергілікті атқарушы органның ақпаратына сәйкес, Жамбыл облысында биязы жүн өндірісі барлығы 250 тоннаны құрайды. Қарыз алушы топс пен иірілген жіп өндіру үшін шамамен 1 404 тонна жүн сатып алуды жоспарлап отыр.

8) «Байсерке Агро» ЖШС – жоба пайдалануға 2010 жылы енгізілген. Жобалық қуаттылығы – жылына 2 500 тонна ет өнімдерін өндіру. Жобалық қуаттылыққа шығу мерзімі – 2013 жылдың соңы. 2012 жылғы 1 қазандағы жағдай бойынша нақты жүктелуі 47,5 тоннаны немесе 2012 жылғы жоспарлы көрсеткіштің 6% құрады.

Үйлестіруші: Премьер-Министрдің Бірінші орынбасары С.Н.Ахметов

2012 жылғы желтоқсанда орындау

Министрлік қаржылық агенттіктің кепілімен немесе сақтандыру компаниясының сақтандыру полисімен АӨК субъектілерін несиелендіруді ынталандыруға бағытталған несиелерді кепілдендіру мен сақтандыру тетіктерін әзірлеген.

Жоғарыда аталған тетіктер Қазақстан Республикасы Үкіметі деңгейінде қаралып, ҚР Премьер-Министрінің Бірінші орынбасарының 2012 жылдың 8 қыркүйектегі №11-25/05-456 хаттамалық шешімімен мақұлданды.

АӨК субъектілерінің қарыздарын кепілдендіру мен сақтандыруды енгізудің өзектілігі мен маңыздылығын ескере отырып, осы қаржылық құралдар Қазақстан Республикасында агроөнеркәсіптік кешенді дамыту жөніндегі 2013-2020 жылдарға арналған бағдарламасының (Агробизнес-2020) жобасында қарастырылған.

Тиісінше жоғарыда көрсетілген Бағдарлама қабылданғаннан кейін Парламент Мәжілісі депутаттарының бастамашылық еткен «Қазақстан Республикасының кейбір заңнамалық актілеріне агроөнеркәсіп кешені мәселелері бойынша өзгерістер мен толықтырулар енгізу туралы» Қазақстан Республикасы Заңы жобасының шеңберінде қарыздарды кепілдендіру мен сақтандыру құралдарын заңнамалық түрде нысандандыру бойынша жұмыс жалғастырылатын болады.

ЖҰЖ-ның аталған тармағының орындалуы бойынша ақпарат Қазақстан Республикасы Премьер-Министрінің орынбасары Қ.Е. Көшербаевпен келісіліп, 2012 жылғы 27 қарашадағы №10-1-2/517-дир (п.54) хатымен ҚР ПӘ-ге жолданды.

ҚР ПӘ-ден қарар келген жоқ.

Қазақстан Республикасы Премьер-Министрінің 2012 жылғы 13 сәуірдегі №76-р өкімімен Астық саласының компанияларын топтастыру жолымен бірыңғай астық холдингін құру мәселесі бойынша ұсыныстар әзірлеу жөніндегі жұмыс тобы (бұдан әрі – Жұмыс тобы) құрылған.

Астық өндірісін және астық рыногын реттеу мен инвестициялау бойынша қызметті іске асыру саласындағы холдингтік компаниялардың қызмет жасауының әлемдік тәжірибесі зерделенді.

2012 жылғы 5 шілдеде мүдделі мемлекеттік органдардыңжәне және ұйымдардың қатысуымен ҚР Премьер-Министрінің Бірінші орынбасарында аталған мәселе бойынша кеңес өткізіліп, онда жұмыс тобының БАХ құрудың орынсыздығы туралы ұсынысы мақұлданды.

Мемлекет басшысының атына тиісті жазбаның жобасы әзірленіп, ҚР Премьер-Министрінің Бірінші орынбасарына 2012 жылғы 23 шілдедегі №4-1-10/22-14-ДИР хатпен жолданған.

Сондай-ақ, ҚР Премьер-Министрінің Бірінші орынбасарымен келісілген 2012 жылғы 28 қарашадағы №4-1-9/409-дир (56 т.) хат жолданды.

ҚР ПӘ-ден қарар келген жоқ.

Жобаның шеңберінде 2012 жылы 12 мың бас асыл тұқымды, шетел селекциясының таза тұқымды ІҚМ әкелу жоспарланған.

Бүгінгі күні ауыл шаруашылығы құрылымдары АҚШ, Австралия, Канада, Австрия, Ирландия, Чехия, Ресей, Дания, Украина, Франция елдерінен 16,4 мың бас ІҚМ әкелген.

Ферма қожалықтарын дамыту

Жобаның негізгі блогы ферма қожалықтарында асыл тұқымды табын құру мен дамытуға бағытталған «Сыбаға» бағдарламасы болып табылады.

«ІҚМ етінің экспорттық әлеуетін дамыту» жобасын іске асыру бойынша кешенді іс-шаралар жоспарының көрсеткіштеріне сәйкес 2012 жылы 42 мың мал басына арналған ферма қожалықтарының желісін құру жоспарланған.

2012 жылғы 27 желтоқсандағы жағдай бойынша «ҚазАгро» ҰБХ» АҚ еншілес кәсіпорындары 57,9 мың аналық ІҚМ басы мен 3,2 асыл тұқымды аталық бұқалар сатып алынған, бұл жоспардың 138% және 229% құрайды.

ЖҰЖ-ның аталған тармағының орындалуы бойынша ақпарат Қазақстан Республикасы Премьер-Министрінің орынбасары Қ.Е. Көшербаевпен келісіліп, ҚР ПӘ-ге 2012 жылғы 8 желтоқсандағы №3-1-7/409-ДИР хатпен жолданған.

ҚР ПӘ-ден қарар келген жоқ.

Үйлестіруші: Премьер-Министрдің Бірінші орынбасары С.Н.Ахметов

Қазіргі уақытта Бағдарламаның жобасы бұрыштама қою үшін мүдделі мемлекеттік органдарда жатыр.

Қазақстан Республикасында агроөнеркәсіп кешенін дамыту жөніндегі 2013-2020 жылдарға арналған бағдарламаның (бұдан әрі - Бағдарлама) аграрлық саланың жоғары басымдылығын, әлеуметтік маңыздылығын және Бағдарламаны іске асырудың ұзақ мерзімділігін есепке ала отырып, оны әзірлеуге қосымша уақыт қажет болды. Сонымен қатар, қажетті қаражат бөлу үшін республикалық және жергілікті  бюджеттің мүмкіндіктеріне талдау жүргізу қажеттілігі туындады.

Осыған орай, Министрлік 2012 жылғы 15 қазандағы 1-1-2/406-дир,1 хатымен ҚР Премьер-Министрінің Кеңсесіне Мемлекет басшысының атына Бағдарламаны қабылдау мерзімін ұзарту туралы хаттың жобасын жолдады. Қазақстан Республикасы Президенті Әкімшілігінің Басшысы К.Қ. Мәсімовтің 2012 жылғы 29 қазандағы №724 ПАБ-1 қарарымен Бағдарламаны енгізу уақыты 2013 жылдың 20 қаңтарына дейін ұзартылды.