2014 йил дастурига асосан намунавий уйларни қуриш режаси 2015 йил дастурига асосан намунавий уйларни қуриш режаси

 

"Қишлоқ қурилиш банк" томонидан ажратиладиган ипотека кредитлари ҳисобига қуриладиган 3,4 ва 5 хонали уйларнинг намунавий лойиҳалари. 

1 қаватли 3 хонали уй - жой лойиҳаси

1 қаватли 4 хонали уй - жой лойиҳаси

1 қаватли 5 хонали уй - жой лойиҳаси

 

АТБ «Қишлоқ қурилиш банк»- тасдиқланган намунавий лойиҳалар

бўйича якка тартибдаги уй-жой қурилиши учун ипотека

кредитини таклиф этади

Қишлоқ жойларда намунавий уй-жойлар қурилиши – республикамизда Ҳукуматимиз томонидан қабул қилинган махсус дастур асосида 2009 йилда бошланиб, бугунги кунга қадар давом эттириб келинмоқда.

Ипотека кредити қуйидаги талабларга жавоб берувчи қарз олувчи (биргаликда қарз олувчилар)га берилади:

қишлоқ жойларда яшайдиган ва кредит олиш учун мурожаат қилган кунида 18 ёшга тўлган Ўзбекистон Республикаси фуқароларига;

охирги 12 ой мобайнида доимий иш жойига, шахсий ёрдамчи ёки деҳқон хўжалигидан ёхуд якка тартибдаги тадбиркорлик фаолиятидан доимий даромадга ёки қонун ҳужжатларида тақиқланмаган бошқа даромад манбаига эга бўлган ҳамда ипотека кредити бўйича ҳисоблаб ёзилган фоизларни ва асосий қарзни тўлов жадвалига мувофиқ ҳар ойда тўлаш учун тўлов қобилиятига эга;

барпо этилаётган уй-жой смета қийматининг камида 25 фоизи миқдорида бошланғич бадал учун маблағга эга бўлган;

кредит ташкилотларидан кредитлар бўйича тўлов муддати ўтган қарзи бўлмаган шахсларга берилади.

 

Имтиёзли ипотека кредит олиш учун тақдим этиладиган ҳужжатлар:

1) кредит буюртманомаси;

3) яшаш жойидан оила таркиби тўғрисидаги маълумотнома;

4) қарз олувчи/биргаликда қарз олувчининг молиявий аҳволини тасдиқловчи ҳужжатлар;

5) қарз олувчи/биргаликда қарз олувчи танлаган уй-жой лойиҳа смета қийматининг 25 фоизидан кам бўлмаган миқдорда маблағ жамғарилганлигини тасдиқловчи ҳужжат;

6) «Қишлоқ қурилиш инвест» инжиниринг компаниясининг вилоят филиали билан имзоланган уй-жой қурилишига буюртмачи функциясини бажаришга дастлабки шартнома.

Ипотека кредити олишда қарз олувчи қуйидаги харажатларни амалга ошириши керак:

-  ипотека тўғрисидаги шартномани нотариал тасдиқлаш учун давлат божи;

-  гаровга қўйилган кўчмас мулк суғуртаси билан боғлиқ харажатлар;

-  ипотека тўғрисидаги шартномани давлат рўйхатидан ўтказиш учун тўлов.

 

Қарз олувчи / биргаликда қарз олувчиларнинг молиявий аҳволини тасдиқловчи ҳужжатлар

1) доимий иш жойига эга бўлганлар учун:

Ўзбекистон Республикаси давлат-тижорат Халқ банки филиалида очилган якка тартибдаги жамғарма пенсия ҳисоб рақамидан кўчирма (агар жамғарма пенсия тизимида мажбурий тартибда иштирок этса) — банк талабига кўра тақдим этилади;

2) бошқа даромадлар манбаига эга бўлган фуқаролар учун:

- қонун ҳужжатларида тақиқланмаган бошқа даромадларга эга бўлган фуқаролар ўзларининг яшаш жойидаги давлат солиқ хизмати органи томонидан тасдиқланган охирги 12 оймобайнидаги даромадлар тўғрисидаги декларациялар нусхалари;

- деҳқон/фермер хўжаликлари бошлиқлари ҳисобланадиган ёки юридик шахс бўлмасдан тадбиркорлик фаолияти билан шуғулланадиган фуқаролар охирги 12 ой мобайнидаги даромадлари тўғрисидаги декларациялардан ташқари, агар улар амалга оширадиган фаолият турлари қонун ҳужжатларига мувофиқ лицензияланиши керак бўлса, фаолиятнинг айрим турлари билан шуғулланиш учун ҳуқуқнинг давлат рўйхатидан ўтганлиги тўғрисидаги гувоҳнома ва лицензиянинг нусхаларини ҳам тақдим этадилар.

 

Яратилган имтиёзлар

Банк кредити ҳисобига қишлоқ жойларда намунавий лойиҳалар асосида якка тартибда уй-жой  қураётган жисмоний шахслар ва шерик қарздор сифатида иштирок этаётган оила аъзолари (турмуш ўртоғи, ота-онаси, фарзандлари) томонидан ипотека кредити ва унга ҳисобланган фоизларни сўндириш учун йўналтирилган иш ҳақи ва унга тенглаштирилган тўловлар суммаси даромад солиғига тортилмайди.

«Қишлоқ қурилиш инвест» инжиниринг компанияси ва якка тартибдаги уй-жой қурувчи ўртасида шартнома имзоланганидан сўнг, якка тартибда иморат қурувчига ер участкасини ажратиш туман (шаҳар) ҳокимининг қарори билан кимошди савдоси ўтказилмасдан умрбод мерос қилиб қолдириладиган мулк тарзида расмийлаштирилади.

 

Ипотека кредитини тўлаш тартиби

Қарз олувчи (биргаликда қарз олувчи) асосий қарзни ва унга ҳисоблаб ёзилган фоизларни тўлашни кредит шартномасида белгиланган тўлаш муддати бошлангунгача ёки тугагунгача, кредитни муддатидан олдин тўлаганлик учун воситачилик тўловисиз, муддатидан олдин амалга оширишга ҳақлидир.

а) иш ҳақи ва унга тенглаштирилган тўловлар, пенсиялар, гонорарлар, дивидендлар, фоизлар ва қимматли қоғозлар бўйича олинадиган бошқа даромадлар ҳисобига нақд пулсиз шаклда ўтказиш йўли билан;

б) нақд пул ўтказган ҳолда;

в) қарз олувчи (биргаликда қарз олувчилар)нинг банкдаги омонатлари бўйича ҳисоб рақамларидан нақдсиз шаклда пул маблағларини ўтказиш йўли билан;

г) банк пластик карточкаларидан пул маблағларини нақдсиз тўлаш йўли билан;

д) нақдсиз шаклдаги пул маблағларини қарз олувчи (биргаликда қарз олувчилар)нинг иш берувчиси томонидан, моддий ёрдам маблағлари ва ипотека кредитини тўлаш учун ажратилган бошқа маблағлар ҳисобидан ўтказиш йўли билан;

е) фермер хўжаликларининг йил якунига кўра фермер хўжалиги бошлиғининг шахсий тасарруфига ўтадиган даромадлари ҳисобидан ўтказиш йўли билан, агар у қарз олувчи ёки биргаликда қарз олувчилар деб ҳисобланган тақдирда;

ж) қонун ҳужжатларида тақиқланмаган бошқа манбалар ҳисобига. (2016 йил 01 декабрь ҳолатига)

 

Марказий бўлим 

Teлефон: (+998 71) 150-93-39

                 (+998 71) 150-39-93