2015 жылдың 9 айға су көлігі қызметіне талдау Теңіз көлігі

Теңіз кемелерінің мемлекеттік кеме тізілімінде – 183 бірлік (2014 ж. 9 айда – 171);

Бербоут-чартер тізілімінде – 128 бірлік. (2014 ж.9 айда – 110);

Кеме кітабында – 6 бірлік (2014 ж. 9 айда – 5).

Халықаралық кеме тізілімінде – 3 бірлік (2014 ж. 9 айда – 3).

Одан басқа, салынып жатқан кемелер тізілімінде – 1 бірлік тіркелген (2014 ж. 9 айда - 7).

Өткен жылмен салыстырғанда тіркелген кемелер саны 25 бірлікке көбейген.

ҚР туын көтеріп жүзетін кемелер санының көбейуі Каспий теңізіндегі Қазақстан секторы аумағында Прорва кен орнын әзірлеуге байланысты.

Жыл басынан бері қолданыстағы 35 кеме қаралды (106 кеме қысқы тұрақта), олардың нәтижесі бойынша 33 бұзушылық табылды және 24 бұзушылықты жою туралы ұйғарым берілді. Барлығы 141 кеме қаралды.

2014 жылғы іспеттес кезеңде – 34 кеме қаралды (104 кеме қысқы тұрақта) олардың нәтижесі бойынша 11 бұзушылық және 1 бұзушылықты жою туралы ұйғарым берілді. Барлығы 138 кеме қаралды.

2015 жылы – әрбір кемені қарау кезінде орташа 0,94 бұзушылық анықталған. Бұл ретте, бұл көрсеткіш 2014 жылғы 9 айда 0,33 бұзушылықты құрған.

Осылайша, 2014 жылғы іспеттес кезеңімен салыстырғанда қолданыстағы кемелерді қарау кезінде бұзушылықтарды анықтаудың көбеюі байқалады.

Есептегі кезеңде 4 авариялық оқиға тіркелді (2014 ж. 9 айда – 1).

Авариялық оқиғалардың негізгі себебі болып теңіз кеме иелері үшін кемелерді қауіпсіз пайдалануды қамтамасыз етпеуі болып табылады.
2. Өзен флоты
Кеме тізілімінде 797 өзен кемелері тіркелген (2014ж. 9 айда – 811) оның ішінде:

Мемлекеттік кеме тізілімінде – 797 бірлік (2014ж. 9 айда – 811);

Жалға алынған шетел кемелері тізілімінде – 0 бірлік (2014 ж. 9 айда – 0);

Жыл басынан бері өзен кемелерінің 36 бірлігі тіркелді (2014 ж. 9 айда – 62), 33 бірлік өзен кемесі қайта тіркелді (2014 ж. 9 айда – 15), сондай-ақ тіркеуден – 48 бірлік өзен кемесі алынды (2014 ж. 9 айда – 78).

Есептегі кезеңде аумақтық органдармен 1347 өзен кемелері қаралды (2014 ж. 9 айда –1453), оның ішінде қолданыстағы 691 кеме (2014 ж. 9 айда –679). Олардың нәтижесінде 164 ұйғарым берілді (2014 ж. 9 айда – 94), (1–кестені қараңыз).
1-кесте

Облыстар атауы	Алматы	Атырау	Астана қ.	ШҚО	БҚО	Қарағанды	Қостанай	Қызылорда	Павлодар	СҚО	ОҚО	Маңғыстау	Ақмола	Барлығы
2014 ж. 9 айда кемелер қаралды	108	159	85	239	184	235	3	8	355	42	25	7	3	1453
2015 ж. 9 айда кемелер қаралды	56	154	85	372	84	160	1	24	330	39	31	11	0	1347
+/–	-52	-5	0	+133	-100	-75	-2	+16	-25	-3	+6	+4	-3	-106
2014 ж. 9 айда берілген ұйғарымдар	0	6	10	16	11	9	0	0	20	0	21	1	0	94
2015 ж. 9 айда берілген ұйғарымдар	5	16	10	51	27	19	1	0	24	0	8	3	0	164
+/–	+5	+10	0	+35	+16	+10	+1	0	+4	0	-13	+2	0	+70

Бұл ретте, 2014 жылғы 9 айымен іспеттес кезеңмен салыстырғанда берілген ұйғарымдар саны қаралған кемелердің аздығына қарамастан көбейуі байқалуда (94-тен 164-ке дейін).

Қаралған өзен кемелері нәтижесі бойынша ең көп берілген ұйғарымдар саны ШҚО (51), БҚО (27), Павлодар (24), Қарағанды (19), Атырау (16) және Астана қ. (10) анықталуда.

Өзен кемелерін қарау бойынша Солтүстік Қазақстан облысы (39) және Қызылорда (24) облыстарында ұйғарымдар берілді.

Ақмола облысында кемелердің пайдаланбауына байланысты кемелерді қарау өткізілмеді.

«Су жолдарын кеме жүзу қалпында және шлюздарды күтіп ұстауды қамтамасыз ету» 005 республикалық бюджеттік бағдарламасына сәйкес 2015 жылға Республикалық мемлекеттік қазыналық су жолдары кәсіпорындарымен қызмет көрсетілетін кеме жүзу су жолдарының ұзындығы 4109 км құрайды. 2 кестені қараңыз.

2014 жылғы іспеттес кезеңімен салыстырғанда КЖСЖ қарау 12700,5 км-ден 13 139 км-ге көбейген.

КЖСЖ қарау нәтижесі бойынша берілген ұйғарымдар саны 26 құрайды, бұл 2014 жылғы іспеттес кезеңімен салыстырғанда 11 ұйғарымға көп.

Көрсетілген кезеңде өзен флоты кемелерінің командалық құрамының 145 адамына диплом берілді, (2014 ж. 9 айда – 143).

Есептегі кезеңде барлығы 71 адам аттестатталды, (2014 жылғы 9 айда – 44).

Өзен флотындағы көліктік оқиғалар:

Есептегі кезеңде өзен көлігімен көлік оқиғалары тіркелмеді (2014 ж. 9 айда – 3).

Есептегі кезеңде республика бойынша 28 320 шағын көлемді кеме есепте тұр (2014 ж. 9 айда – 28 174 бірлік).

Жалпы 2015 жылғы 9 айда 1017 шағын көлемді кеме тіркеуден алынды (2014 ж. 9 айда – 2098 бірлік).

Жыл басынан бері республика бойынша 1286 шағын көлемді кеме тіркелді (2014 ж. 6 айда – 1677 кеме). 3–кестені қараңыз.

Шағын көлемді кемелерді басқару құқығын беретін куәлікті беру бойынша көрсеткіштер 2014 жылғы іспеттес кезеңмен салыстырғанда 699 бірлікке кеміген (2014 ж. 9 айда – 1459 бірлік, 2015 ж. 9 айда –760), 4–кестені қараңыз.

Шағын көлемді кемелерді басқару құқығын беретін куәлікті беру көрсеткішінің төмендеуі ағымдағы жылғы тамыз айынан бастап бұл функцияны жергілікті атқарушы орган құзырлығына берілуіне байланысты.

Жыл басынан бері аумақтық органдармен 3533 шағын көлемді кемелер қаралды, олардың нәтижесі бойынша 646 бұзушылық анықталды, 130 шағын көлемді кемелерді пайдалануға тыйым салынды (2014 жылғы 9 айда - 2775 кеме қаралды, 516 бұзушылық анықталды, 81 шағын көлемді кемелерді пайдалануға тыйым салынды), 6–кестені қараңыз.

2014 жылғы іспеттес кезеңімен салыстырғанда шағын көлемді кемелерді қарау саны (2775-тен 3533-ге ), пайдалануға тыйым салынған кемелер саны (81-ден 130-ге дейін) көбейуі байқалады.

Бұл ретте, ең үлкен көрсеткіштер ШҚО (1002 қаралды, 130 бұзушылық анықталды), Қарағанды (436 қаралды, 43 бұзушылық анықталды), Алматы облысы (267 қаралды, 113 бұзушылық анықталды), Павлодар (219 қаралды, 50 бұзушылық анықталды, 12 кемеге пайдалануға тыйым салынды) және Қызылорда облысы (357 қаралды, 23 бұзушылық анықталды, 36 кемеге пайдалануға тыйым салынды).

Алматы қаласында есептегі кезеңде барлығы 20 кеме қаралды, бұл ретте бірде-бір бұзушылық анықталмады (2014 жылғы 9 айда кемелер қаралмаған).

Есептегі кезеңде шағын көлемді кемелермен 2 көлік оқиға тіркелді, олардың нәтижесінде 3 адам қайтыс болды және 3 адам жарақат алды. (2014 ж. 9 айда – 4 адам қайтыс болды және 1 адам жарақат алды.

Көлік оқиғасының негізгі себебі болып, кеме иелері шағын көлемді кемелерді қауіпсіз пайдалануды қамтамасыз етпеуі болып табылады.
Су көлігіндегі шаруашылық жүргізуші субъектілерін тексеру

Есептегі кезеңде КБИ 14 жоспарлы тексеру өткізілді, олардың нәтижесі бойынша 22 бұзушылық анықталды, 2 әкімшілік материал құрылды, 7 бұзушылықты жою туралы ұйғарымды берілді (2014 жылғы 9 айда – 15 тексеру, 35 бұзушылық, 10 әкімшілік материал құрылды, 15 ұйғарым берілді).

Есептегі кезеңде су көлігін бақылауды жүзеге асыру барысында 678 әкімшілік құқық бұзушылық айқындалып, 3 млн. 512 мың теңге сомасында айыппұл салынды (2014 ж. 9 айда – 816 әкімшілік құқық бұзушылық айқындалып, 5 млн. 529 мың теңге сомасында айыппұл салынды).