Бақытты отбасы баспалдағын құру жолдары

79
5. Сүйікті  адамыңызбен  сезіміңізді  сақтаңыз.  Романтикалық  кеш
ұйымдастырып, тіпті фотосуретпен SMS жіберіңіз. 
6. Егер даулассаңыз, онда бірінші болып келісімге келіңіз. Бұл іс-әрекет
сіздің  қақтығысты  жалғастырғыңыз  келмейтінін  білдіреді,  жақсы  көретін 
адам өркөкіректігін ұмытып кетеді. Бұл қадам міндетті түрде бағаланады.
7. Жасаған  іске  және  бірге  өткізген  күніңізге  қызығыңыз.  Басқалардың
өміріне назар аудару - бақытты отбасының негізі.
8. Бір-біріңізден кеңес сұраңыз.
9. Отбасы  мүшелерінің  жиі  хал-жайын  сұраңыз,  қолдаңыз.  Барлық
адамдар қателеседі, осы сәтте олар қатты қиналады. Асығыстық жасап, оны 
қателігі үшін қинамаңыз.
10. Өзімшілдікті қою  керек.  Бұл  қарым-қатынасты  тез  бұзатын  жаман
қасиет. Жақындарыңыздың да белгілі бір мүдделері бар екенін түсіну керек. 
Қазіргі  заманның  тыныс-тіршілігі  мен  ағымына  орай  көптеген 
отбасылық дәстүрлер ұмыт қалды. Соған қарамастан, қазақтың ұлттық салт-
дәстүрлерінің  кейбірі  қайта  жанғыруда,  оларға  ұқсас  жаңа  отбасылық 
дәстүрлер пайда болуда.  Ондай дәстүрлер  әртүрлі: саяхаттау, қала  сыртына 
жексенбілік сапар, мұражайға бару, үй концерті, ұлттық ойындар, спорттық 
ойын-сауық  т.б.  Осылайша,  отбасылық  дәстүрлер  әлеуметтік-мәдени 
құндылықтарды,  отбасылық  нормаларды  берудің  негізгі  құралы,  тікелей 
қарым-қатынасты  орнату  жолына  айналды.  Отбасыңызға  жаңашылдық 
енгізу,  жақындарыңызбен  қатынасыңызды  жақсарту,  туғандарыңызбен 
көбірек  уақыт  өткізуді  ойласаңыз,  онда  өміріңізге  бірнеше  отбасылық 
дәстүрлерді енгізіңіз. 
1. Естелік  заттар  альбомы. Қазір  көпшілік  сандық  суреттерге  және
оларды  компьютер,  флешка  немесе  ғаламторда  сақтауға  үйреніп  қалды. 
Алайда,  балалық  шақтағыдай  альбом  сақтаудың  орны  бөлек.  Жағымды 
сәттерді  еске  түсіру  әрқашан  қызық.  Оны  ерекше  етіп  безендіріп,  қосалқы 
заттар  қосыңыз.  Мысалы,  альбом  бетіне  суретпен  қоса  билет,  хат,  бирка 
жабыстыруға  болады.  Кейін  балалармен  бірге  естелік  альбомды  қарап, 
ондағы жазбаларды оқып, түсіндіріп берсе балаларға ерекше әсер қалдырады. 
2. Шежіре. Ата-бабасын біліп жүру – әр адамның парызы. Сондықтан
арғы тегіңізді, бірнеше ұрпақты біріктіретін әдемі зат ойлап табыңыз. Оның 
көз алдында ілініп тұрғаны жақсы. Мысалы, ол ағаш бейнесіндегі жиектеме 
болуы  мүмкін.  Бұл  әрекетіңізден  соң  балалар  арғы  аталарын  құрметтеуді 
үйренеді, олардың тарихқа деген қызығушылығы оянуы мүмкін. 
3. Қонақ. Туысқандардың  бір-біріне  қонаққа  келуі  арқылы  олар  бір-
бірімен тығыз байланыса түседі, жақсы естеліктер көбейеді және ол балалар 
үшін ерекше кешке айналады. 
4. Бос  уақыт. Былай  қарасақ,  бос  уақытымыз  үйде  отбасымен  бірг
е
өтетіні анық. Бірақ әркімнің өз гаджетінде видео қарап отыруы бірге уақыт 
өткізуге  жатпайды.  Қазір  ересектер  мен  балалар  бірге  ойнайтын  үстел 
ойындары  көп.  Отбасы  мүшелерінің  барлығы  бірдей  демалатын  бір  күнді 
таңдап, фокус көрсету, зат жасау, бидің бір түрін және т.б үйреніңіздер. 

80
5. Қыдыру. Айына  бір  рет  отбасымен  бір  жерге  баруды  қолға  алған
жөн.  Ол  жер  тек  балалар  үшін  емес,  ересектерге  де  қызық  болуы  тиіс. 
Мысалы: бассейн, коньки тебу, кинотеатр, театр және т.б.
6. Ойдан шығарылған мерекелер. Отбасы істей алатын ерекше нәрсе
нің
бірі  – өзінің  жеке  мерекесін  ойлап  табу.  Мысалы,  бір  күні  ата-ана  мен 
балалар өз орнымен ауысып көруге болады. Сол кезде бала жақынына қамқор 
болуды  үйренеді.  Бір  күнді  ата-ана  барлығына  келісім  беретін  күн  етуге 
болады.  Ол  ата-ананы  балаларына  сенуге  үйретсе,  балаларды  сенімді  теріс 
пайдаланбауға, шекті білуге үйретеді. Егер балаларыңыз әлі кішкентай болса, 
«Ертегі түнін» жасаңыз. Өздеріңіздің жеке мерекеңізді ойлап тауып, оны жыл 
сайын атап өтуге тырысыңыз. 
7. Сыйлық. Балаларыңызды тек сыйлық алуға емес, сонымен қатар он
ы
сыйлауды  да  үйретіңіз.  Оларға  құттықтау  хатын  жасатыңыз,  безендіруді 
үйретіңіз. Бала өзінің қолынан жасалған заттары арқылы жақындарына деген 
махаббатын, қамқорлығын көрсете алуы керек. 
8. Ерекше мәзір. Отбасыны нығайта түсетін тағы бір әдіс – қандай да
бір  мерекеде  міндетті  түрде  бір  тамақ  түрін  дайындау.  Ол  барлық  отбасы 
мүшелері  бірдей  жақсы  көретін  тамағы  болуы  мүмкін.  Сонымен  қатар, 
тосынсыйы  бар  ас  дайындау.  Отырыс  қызықты  болу  үшін  әзіл  қосу. 
Отбасындағы  жағымды  климат  үздіксіз  еңбекті  қажет  етеді.  Алайда  бұл 
жұмыс шаршатпайды, керісінше жағымды эмоциялар ғана сыйлайды.

жүктеу/скачать 1.54 Mb.

Достарыңызбен бөлісу: