Ата–аналармен тәрбиешінің өзара жұмыс істеу қажеттілігі: 1) баланың өмірін ұйымдастыруда, оның тәрбиесіне қатысты
мәселелелерді шешуде ортақ көзқарастың болу;
2) баланың отбасы мен балабақша жағдайындағы дамуын және
әлеументтенуін тиімді ұйымдастыру мақсатында тәрбиенің бірыңғай
ұстанымдарын қою;
3) баланың әлеуметтік-педагогикалық және психологиялық даму
жағдайын ескеріп, тәрбиенің мақсаты және міндеттерін дұрыс анықтау;
4) баланың жан – жақты үйлесімді дамуы үшін тәрбиелік ықпалды
тиімді және нәтижелі ұйымдастыру;
5) баланы түрлі ортада, түрлі жағдайда жан – жақты танып білу;
6) балаға ықпал етудің жалпы тәсілімен техникасын ойластыруда,
әртүрлі өмір жағдайында оның тұлғасына әсер етуде күш жігерді біріктіру;
7) тәрбиеші, балалар және ата – аналардың жағымды көңіл-күйін өзара
жағымды түсіністік пен ынтымақтастық қарым – қатынасын орнықтыру.
Рухани-адамгершілік тәрбие беру, бала бойында айналасындағы
адамдармен үйлесімді өмір сүруге бейімділігін дамыту, бұның барлығы
баланың жеке қасиеттерін неғұрлым тиімді және толық ашуға қабілеті бар
ата-аналарымен тығыз байланыста болған кезде ғана мүмкін. Ата-аналармен
тығыз байланыста болу, өзара түсінісушілік пен өзара сыйластық, өзіне деген
сенімділік, табыстылық, мектеп жасына дейінгі баланы рухани-
адамгершілікке тәрбиелеудің дұрыс бағыттары және қалаған нәтижеге қол
жеткізуге көмектеседі.
