А. Соловьева, Б. Ибраимова
жүктеу/скачать 5.1 Mb. Pdf көрінісі
|
| 265
геронтология – тірі ағзалардың, соның ішінде адамның қартаюын зерттейтін ғылым. гигантизм – адамның бойының қалыпты мөлшерден артық өсуінің ауытқуы. гигиена – өмір сүру және еңбек жағдайының адамның денсаулығына әсерін зерттейтін, аурулардың алдын алу, денсаулық сақтау және өмір сүру жасын ұзарту шараларын жасаумен айналысатын медицина саласы. гинекология – әйел ағзасының анатомиялық-физиологиялық ерекшеліктерін, жыныс жүйесінің ауруларын, оларды емдеумен және аурулардың алдын алуды зерттейтін медицина саласы. гипертония, гипертензия – жоғары артериялық қысым. гипертрихоз – әдетте шаш шықпайтын немесе шоқ болып шаш шыққан тері бөлігінде шамадан тыс түк шығу. Мысалы, әйелдердің бетінде немесе ер адамның арқасында түк шығу. гипноз – тежеу арқылы мидың барлық қыртысы емес, тек жеке бөліктері қамтылатын ұйықтаған сияқты күй. гипогликемия – қанда қант мөлшерінің қалыпты деңгейден төмен азаюы. гиподинамия – қимыл-қозғалыс белсенділігінің шектелуі, бұлшық еттің жиырылу күшінің төмендеуі кезінде ағза қызметінің (тірек-қимыл аппараты, қан айналым, тыныс алу, асқорыту) бұзылуы. гипоталамус – аралық ми бөлімі; ағзаның вегетативті қызметі мен көбеюін реттейтін жоғарғы орталық. гипотония – төмен артериялық қысым. гипофиз – мидың негізінде орналасқан ішкі секреция бездері. глаукома – көзішілік қысым артуымен сипатталатын көз ауруы. гликоген – глюкоза қалдықтарынан түзілген полисахарид. Адам мен жануарлардың негізгі көмірсу қоры. глюкагон – ұйқы безі өндіретін гормон. гомеопатия – дәрінің өте аз мөлшерімен емдеу жүйесі. гормондар – ішкі секреция бездері бөлетін биологиялық белсенді заттар. Басқа мүшелер мен ұлпаларға мақсатты әсер етеді. жүктеу/скачать 5.1 Mb. Достарыңызбен бөлісу:
|