Акционерлiк қоғамдар туралы

      1. Директорлар кеңесiнiң құрамына сайланған адамдардың, егер Қазақстан Республикасының заңдарында және қоғамның жарғысында өзгеше көзделмесе, қайта сайлануына шек қойылмауы мүмкiн.

      56-бап. Директорлар кеңесiнiң төрағасы

      1. Егер қоғам жарғысында өзгеше көзделмесе, директорлар кеңесiнiң төрағасы директорлар кеңесi мүшелерiнiң жалпы санының көпшiлiк даусымен жасырын дауыс беру арқылы оның мүшелерi арасынан сайланады.
      Егер қоғам жарғысында өзгеше көзделмесе, директорлар кеңесi төрағаны кез келген уақытта қайта сайлауға құқылы.
      2. Директорлар кеңесiнiң төрағасы директорлар кеңесiнiң жұмысын ұйымдастырады, оның отырыстарын жүргiзедi, сондай-ақ қоғам жарғысында белгiленген өзге де функцияларды жүзеге асырады.
      3. Директорлар кеңесiнiң төрағасы болмаған жағдайда, оның функцияларын директорлар кеңесiнiң шешiмi бойынша директорлар кеңесi мүшелерiнiң бiрi жүзеге асырады.

      57-бап. Директорлар кеңесiнiң отырысын шақыру

      1. Директорлар кеңесiнiң отырысы оның төрағасының немесе атқарушы органның бастамасы бойынша, не:
      1) директорлар кеңесiнiң кез келген мүшесiнiң
      2) қоғамның iшкi аудит қызметiнiң
      3) қоғамға аудиттi жүзеге асыратын аудиторлық ұйымның
      4) iрi акционердiң талап етуi бойынша шақырылуы мүмкiн.
      2. Директорлар кеңесiнiң отырысын шақыру туралы талап директорлар кеңесiнiң төрағасына директорлар кеңесi отырысының ұсынылатын күн тәртiбi бар тиiстi жазбаша хабар жiберу арқылы қойылады.
      Директорлар кеңесiнiң төрағасы отырысты шақырудан бас тартқан жағдайда, бастамашы аталған талаппен атқарушы органға жүгiнуге құқылы, ол директорлар кеңесiнiң отырысын шақыруға мiндеттi.
      Директорлар кеңесiнiң отырысын директорлар кеңесiнiң төрағасы немесе атқарушы орган, егер қоғам жарғысында өзгеше мерзiм белгiленбесе, шақыру туралы талап келiп түскен күннен бастап күнтiзбелiк он күннен кешiктiрмей шақыруға тиiс.
      Директорлар кеңесiнiң отырысы аталған талапты қойған адамды мiндеттi түрде шақыра отырып өткiзiледi.
      3. Директорлар кеңесiнiң мүшелерiне директорлар кеңесiнiң отырысын өткiзу туралы хабарлама жiберу тәртiбiн директорлар кеңесi айқындайды, ал «алтын акция» иесiне хабарлама жiберу тәртiбi қоғамның жарғысында айқындалады.
      4. Күн тәртiбiндегi мәселелер бойынша материалдар директорлар кеңесiнiң мүшелерiне, егер қоғамның жарғысында өзгеше мерзiм айқындалмаса, отырыс өткiзiлетiн күнге дейiн кемiнде күнтiзбелiк жетi күн бұрын берiледi.
      Iрi мәмiле және (немесе) мүдделiлiк болуына орай жасалатын мәмiле жасасу жөнiнде шешiм қабылдау туралы мәселелер қаралған жағдайда, мәмiле туралы ақпаратта мәмiленiң тараптары, мәмiленiң орындалу мерзiмдерi мен талаптары, тартылған адамдардың қатысу үлесiнiң сипаты мен көлемi туралы мәлiметтер, сондай-ақ бағалаушының есебi (осы Заңның 69-бабының 1-тармағында көзделген жағдайда) қамтылуға тиiс.
      5. Директорлар кеңесiнiң мүшесi өзiнiң директорлар кеңесiнiң отырысына қатыса алмайтыны туралы атқарушы органға алдын ала хабарлауға мiндеттi.
      Ескерту. 57-бап жаңа редакцияда - ҚР 2011.02.10 N 406-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен.

      58-бап. Директорлар кеңесiнiң отырысы

      1. Директорлар кеңесiнiң отырысын өткiзу үшiн кворум қоғамның жарғысында белгiленедi, бiрақ ол директорлар кеңесi мүшелерi санының жартысынан кем болмауға тиiс. Жария компанияның директорлар кеңесiнiң отырысына мiндеттi түрде тәуелсiз директорлардың жалпы санының жартысынан кем емес мөлшерде тәуелсiз директорлар ұсынылуға тиiс.
      Директорлар кеңесi мүшелерiнiң жалпы саны жарғыда белгiленген кворумға қол жеткiзу үшiн жеткiлiксiз болған жағдайда, директорлар кеңесiнiң жаңа мүшелерiн сайлау үшiн директорлар кеңесi акционерлердiң кезектен тыс жалпы жиналысын шақыруға мiндеттi. Директорлар кеңесiнiң қалған мүшелерi акционерлердiң мұндай кезектен тыс жалпы жиналысын шақыру туралы ғана шешiм қабылдауға құқылы.

      2. Директорлар кеңесiнiң әрбiр мүшесiнiң бiр даусы болады.

      3. Директорлар кеңесi директорлар кеңесiнiң мүшелерi ғана қатыса алатын өзiнiң жабық отырысын өткiзу туралы шешiм қабылдауға құқылы.

      4. Қоғам жарғысында және (немесе) қоғамның iшкi құжаттарында директорлар кеңесiнiң қарауына енгiзiлген мәселелер бойынша директорлар кеңесiнiң сырттай дауыс беру арқылы шешiмдер қабылдау мүмкiндiгi және осындай шешiмдердi қабылдау тәртiбi көзделуi мүмкiн.
      Белгiленген мерзiмде алынған бюллетеньдерде кворум болған ретте шешiм сырттай дауыс беру арқылы қабылданды деп танылады.
      Директорлар кеңесiнiң сырттай отырысының шешiмi жазбаша түрде ресiмделуге және оған директорлар кеңесiнiң хатшысы мен төрағасының қолы қойылуға тиiс.
      Шешiм ресiмделген күннен бастап жиырма күн iшiнде директорлар кеңесiнiң мүшелерiне жiберiлуге тиiс, оған осы шешiмдi қабылдауға негiз болған бюллетеньдер қоса тiркеледi.

      5. Директорлар кеңесiнiң қатысу тәртiбiмен өткен отырысында қабылданған шешiмдерi хаттамамен ресiмделедi, ол отырыс өткен күннен бастап үш күн iшiнде жасалып, оған отырыста төрағалық еткен адам мен директорлар кеңесiнiң хатшысы қол қоюға және онда:

      6. Директорлар кеңесi отырыстарының хаттамалары және директорлар кеңесi сырттай дауыс беру арқылы қабылдаған шешiмдер қоғамның мұрағатында сақталады.

      59-бап. Атқарушы орган

      1. Ағымдағы қызметке атқарушы орган басшылық етедi. Атқарушы орган алқалы немесе жеке-дара болуы мүмкiн.
      Атқарушы орган қоғам қызметiнiң осы Заңда, Қазақстан Республикасының өзге де заң актiлерiнде және қоғамның жарғысында қоғамның басқа органдары мен лауазымды адамдарының құзыретiне жатқызылмаған кез келген мәселесi бойынша шешiм қабылдауға құқылы.
      Қоғамның алқалы атқарушы органының шешiмдерi хаттамамен ресiмделедi, оған атқарушы органның отырысқа қатысқан барлық мүшелерi қол қоюға және онда дауысқа қойылған мәселелер, атқарушы органның әр мүшесiнiң әрбiр мәселе бойынша дауыс беру нәтижесi көрсетiлген, осы мәселелер бойынша дауыс беру қорытындылары қамтылуға тиiс.
      Қоғамның атқарушы органы мүшесiнiң дауыс беру құқығын өзге адамға, оның iшiнде қоғамның атқарушы органының басқа мүшесiне беруiне жол берiлмейдi.
      Атқарушы орган акционерлердiң жалпы жиналысы мен директорлар кеңесiнiң шешiмдерiн орындауға мiндеттi.
      Атқарушы органның вето құқығы белгiленген мәселелер жөнiндегi шешiмдерi "алтын акция" иесiмен келiсiлуге тиiс.
      Егер мәмiле жасасу кезiнде тараптардың қоғам белгiлеген шектеулер туралы бiлгендiгiн дәлелдесе, қоғам өзiнiң атқарушы органы осы шектеулердi бұза отырып жасаған мәмiленiң жарамды екенiне дауласуға құқылы.

      2. Қоғамның акционерлерi және оның акционерлерi болып табылмайтын қызметкерлерi алқалы атқарушы органның мүшелерi бола алады.

      60-бап. Атқарушы орган басшысының өкiлеттiгi

      Атқарушы органның басшысы:
      1) акционерлердiң жалпы жиналысы мен директорлар кеңесi шешiмдерiнiң орындалуын ұйымдастырады;
      2) үшiншi тұлғалармен қатынастарда қоғам атынан сенiмхатсыз әрекет етедi;
      3) үшiншi тұлғалармен қатынастарда қоғам атынан өкiлдiк ету құқығына сенiмхат бередi;
      4) қоғам қызметкерлерiн (осы Заңда белгiленген жағдайларды қоспағанда) қабылдауды, ауыстыруды және жұмыстан босатуды жүзеге асырады, оларға көтермелеу шараларын қолданады және тәртiптiк жазалар қолданады, қоғамның штат кестесiне сәйкес қоғам қызметкерлерiнiң лауазымдық айлықақыларының және айлықақыларына дербес үстемеақылардың мөлшерiн белгiлейдi, атқарушы орган мен қоғамның iшкi аудит қызметiнiң құрамына кiретiн қызметкерлердi қоспағанда, қоғам қызметкерлерiне берiлетiн сыйлықақы мөлшерiн айқындайды;
      5) өзi болмаған жағдайда өз мiндеттерiн атқаруды атқарушы орган мүшелерiнiң бiрiне жүктейдi;
      6) атқарушы орган мүшелерiнiң арасында мiндеттердi, сондай-ақ өкiлеттiк саласын және жауапкершiлiктi бөледi;
      7) қоғам жарғысында және қоғам акционерлерiнiң жалпы жиналысы мен директорлар кеңесiнiң шешiмдерiнде белгiленген өзге де функцияларды жүзеге асырады.
      Ескерту. 60-бапқа өзгерiс енгiзiлдi - Қазақстан Республикасының 2005.07.08. N 72(қолданысқа енгiзiлу тәртiбiн 2-баптан қараңыз) Заңымен.

      61-бап. Iшкi аудит қызметi

      1. Қоғамның қаржы-шаруашылық қызметiне бақылауды жүзеге асыру үшiн iшкi аудит қызметi құрылуы мүмкiн.
      2. Iшкi аудит қызметiнiң қызметкерлерi директорлар кеңесiнiң және атқарушы органның құрамына сайлана алмайды.
      3. Iшкi аудит қызметi тiкелей директорлар кеңесiне бағынады және өз жұмысы туралы оның алдында есеп бередi.
      Ескерту. 61-бапқа өзгерiс енгiзiлдi - Қазақстан Республикасының 2005.07.08. N 72(қолданысқа енгiзiлу тәртiбiн 2-баптан қараңыз) Заңымен.

      62-бап. Қоғамның лауазымды адамдары қызметiнiң

      1. Қоғамның лауазымды адамдары:

      63-бап. Қоғамның лауазымды адамдарының жауапкершiлiгi

      64-бап. Қоғамның аффилиирленген тұлғасы

      1. Мыналар:

      1) iрi акционер;

      2) қоғамның iрi акционерi не, тәуелсiз директорды қоспағанда, лауазымды тұлғасы болып табылатын жеке адамның жақын туысы (ата-анасы, аға-iнiсi, апа-сiңлiсi, ұлы, қызы), некеде тұрған адамы, сондай-ақ жекжаты (жұбайының (зайыбының) аға-iнiсi, апа-сiңлiсi, ата-анасы, ұлы немесе қызы) болып келетiн жеке адам;

      3) қоғамның немесе, тәуелсiз директорды қоспағанда, осы тармақтың 1), 4)-9) тармақшаларында аталған заңды тұлғаның лауазымды адамы;

      4) қоғамның iрi акционерi не лауазымды адамы болып табылатын тұлғаның бақылауындағы заңды тұлға;

      5) қоғамның iрi акционерi не лауазымды адамы болып табылатын тұлға оған қатысты iрi акционер болып табылатын не мүлiктегi тиiстi үлеске құқығы бар болатын заңды тұлға;

      6) оған қатысты алғанда қоғам iрi акционер болып табылатын не мүлiктегi тиiстi үлеске құқығы бар болатын заңды тұлға;

      7) қоғаммен бiрге үшiншi тұлғаның бақылауында болатын заңды тұлға;

      8) қоғаммен шарт арқылы байланысы бар, қоғам қабылдайтын шешiмдердi сол шартқа сәйкес айқындауға құқылы тұлға;

      9) дербес немесе өзiнiң аффилиирленген тұлғаларымен бiрлесiп қоғамның не осы тармақтың 1), 4)-8) тармақшаларында аталған заңды тұлғалардың дауыс беретiн акцияларының (ұйымның қатысу үлесiнiң) он және одан да көп процентiн иеленетiн, пайдаланатын және оларға билiк ететiн тұлға;

      10) Қазақстан Республикасының заң актiлерiне сәйкес қоғамның аффилиирленген тұлғасы болып табылатын өзге де тұлға қоғамның аффилиирленген тұлғасы болып табылады.

      2. Тиiстi қоғам немесе өзге заңды тұлға қабылдайтын шешiмдi анықтау мүмкiндiгi қоғамға немесе өзге заңды тұлғаға бақылау жасау деп танылады.

      3. Осы баптың ережелерi коммерциялық емес ұйым болып табылатын қоғамдарға және кредиттiк бюроларға қолданылмайды.
      Мыналар:

      1) коммерциялық емес ұйымның немесе кредиттiк бюроның iрi акционерлерi (қатысушылары) болып табылатын тұлғалар;

      2) iс-әрекетке қабiлетсiз және iс-әрекетке қабiлетi шектеулi тұлғалар аффилиирленген тұлғалар болып табылмайды.
      Ескерту. 64-бапқа өзгертулер енгiзiлдi - Қазақстан Республикасының 2005.07.08. N 72(қолданысқа енгiзiлу тәртiбiн 2-баптан қараңыз), 2007.02.19. N 230(қолданысқа енгiзiлу тәртiбiн   2-баптан қараңыз), 2008.10.23 N 72-IV(қолданысқа енгiзiлу тәртiбiн  2-баптан қараңыз) Заңдарымен.

      65-бап.

      66-бап. Аффилиирленген тұлғалардың қатысуымен