Алматы облысының алматы облыстық Әкімдігі мәслихаты

      Қазақстан Республикасының 2001 жылғы 23 қаңтардағы «Қазақстан Республикасындағы жергiлiктi мемлекеттiк басқару және өзiн-өзi басқару туралы» Заңының 6 бабы, 1 тармағының  4) тармақшасына, Қазақстан Республикасының 1993 жылғы 8 желтоқсандағы «Қазақстан Республикасының әкiмшiлiк-аумақтық құрылысы туралы» Заңының 11 бабының 3) тармақшасына сәйкес, 2013 жылғы 26 наурыздағы бірлескен Ақсу ауданы мәслихатының №13-104 шешімі және Ақсу ауданы әкімдігінің №217 қаулысы негізінде Алматы облысының мәслихаты ШЕШIМ ҚАБЫЛДАДЫ және Алматы облысының әкiмдiгi ҚАУЛЫ ЕТЕДI:     

1. Ақсу ауданының Құрақсу ауылдық округі таратылсын және оның аумағы Ақсу ауданы Матай поселкелік округ құрамына енгiзілсін.

2. Алматы облысының статистика департаменті (Б.Төлепбаев) облыс елді мекендерінің есебі мен тіркеуіне тиісті өзгерістер енгізсін (келісім бойынша).

3. Осы бірлескен шешiм мен қаулының орындалуын бақылау облыс әкімінің бірінші орынбасары А.Баталовқа жүктелсiн.

4. Осы бірлескен Алматы облысы мәслихатының шешімі мен Алматы облысы әкімдігінің қаулысы әділет органдарында мемлекеттік тіркелген күннен бастап күшіне енеді және алғаш ресми жарияланғаннан кейін күнтізбелік он күн өткен соң қолданысқа енгізіледі.