Аманжол Рысмендиев — Кәсіпкерлік құпиясы
жүктеу/скачать 470.02 Kb. Pdf көрінісі
|
- Бұл бет үшін навигация:
- Бір орында тұрып қалған судың қандай болатынын білесіз бе Əрине, сасиды. Тура сол сияқты, адам да жаңа нəрсеге ұмтылмаса, жаңалыққа ілеспесе, білімін толықтырып жаңа
- Шыдамдыны мына өмір ұнатады, Бірде қуантып, бірде жылатады, Сүріндіріп кейде сені құлатады. Жылатып тұрып жұбатады.
| Өмірдің алтын заңдылығы
Өмір – күрес. Өмір – жарыс. Жарыста жақсы нəтижеге жеткіңіз келсе, оның ережесін қабылдауыңыз керек. Өмір– құлдырау мен көтерілуден тұрады. Кез келген компания белгілі бір даму шегіне жетіп өзінің бизнес философиясында олқылықтар табылған сəтінде төменге қарай құлдырауы қалыпты құбылыс. Сондықтан Сіз оны өмірдің заңдылығы деп қабылдау керексіз. Бірақ құлдырауды өмірдің заңдылығы екен деп еш əрекет етпей, жайбарақат жата беруге болмайды. Кризисті туындатқан себепті түсініп,тығырықтан шығар жол іздеп, алға қарай ұмтылу қажет. Бір орында тұрып қалған судың қандай болатынын білесіз бе? Əрине, сасиды. Тура сол сияқты, адам да жаңа нəрсеге ұмтылмаса, жаңалыққа ілеспесе, білімін толықтырып жаңа адамдармен қарым-қатынас жасамаса «өше» бастайды. Бір орында тұрақтап қалған, ізденбеген, өмірдің көшінен қалып қойған адамға кімнің жоғары жалақы төлегісі келеді дейсіз? Ондай адамның өнімін кімнің сатып алуы мүмкін? Əрине, ешкім оған қызығушылық танытпайды. Сайып келгенде ондай адам бірте-бірте өмір көшінен қалып қояды. Өмір толқыны оны жағаға шығарып тастайды. Шыдамдыны мына өмір ұнатады, Бірде қуантып, бірде жылатады, Сүріндіріп кейде сені құлатады. Жылатып тұрып жұбатады. Дұшпандарға кейде сені сынатады, Қатал тағдар бірақта шыдатады, Мына өмір бірақта қымбат əлі, -- демекші өмір жолы сан тарау, өзіне тəн қиындығы, емтихандары бар. Сол жолдан адаспай, өмір емтихандарын жақсы тапсырудың ең бірінші жолы ол – өзіңді өзің тану, өзіңді өзің сыйлау, өзіңді өзің қадірлеу.Өмір деген – Алланың берген сыйы.Өмірдің ащы да, тəтті кезеңдері болады. Бұл кезеңдерді жеңе білу керек. Адамзат өмірге келген соң өмірін қалай болса солай өткізбеуі тиіс. Яғни адам саналы,жарқын өмір сүруі тиіс. «Өмірдің мəні туралы ойланбайтын адам бар ма?» деген сұраққа кім болса да: «Жоқ, өз өмірінің мəні туралы ойланбайтын, толғанбайтын, мағыналы өмір сүруге əрекет етуге тырыспайтын адам болмайды», -- деп жауап беретін болар. Олай болса, біз де бір уақыт өз өміріміздің мəні туралы ойларымызды ортаға салып көрейікші. ...Өмірдің күрестен тұратынын бізді қоршаған ортадан да көруге болады. Мысал ретінде аң-құсты алып қарайықшы, олар күн сайын өзіне қажетті азыққа қол жеткізу үшін күресіп бағады. Өсімдіктер де солай, күннің көзінен нəр алу үшін, өсу үшін бір-бірімен жарысады. Неге осы менің басымнан проблема арылмай-ақ қойды, өзгелерге қарасаң төрт құбыласы түгел ғой деп өмірге өкпе артуды қою керек. Өйткені Сіз қызыққан, осының проблемасы жоқ деген адамдардың жағдайы тіптен мүшкіл болуы мүмкін. Сіз өмір сүріп жатқан уақытта проблеманың таусылуы мүмкін емес. Өмірден өткенде ғана жаныңыз жай табады. Оған дейін күресесіз, жеңілесіз, жеңесіз, дамисыз, құлдырайсыз. Сондықтан өмірге шынайы қарау керек. Бұл жүктеу/скачать 470.02 Kb. Достарыңызбен бөлісу:
|