Қаратомар ауылдық округі әкімінің м а. А. Кісентаевтың халық алдындағы кезекті есеп беру жөніндегі баяндамасының тезистары

Ал енді осы есеп беру, тұрғындардың зор ырзашылық сезімін тудырып, қым-қуат істерге серпін беріп, атқарушы биліктің іске деген, орындаушылық жүгін арттырады.

Ал енді осы тұрғыдан келгенде Қаратомар ауылдық округі аумағында не істелді, не тындырылды, не істеу керек, алға қойған мақсаттардың жолдарын шешуді жергілікті әкім аппараты ұжымдарда ұйымдастыру дәрежесі қандай?

Ал әлеуметіміздің өсуі ауылды жерде, ауыл шаруашылығының дамуына тікелей байланысты, яғни мал басының өсуі, егін шаруашылығының өнімін жоғарлату, ауылға инвестиция тарту, адамдардың қажеті мен сұраныстарын қанағаттандыру, осының бәрі адамдарды жұмыспен қамту мәселесін шешеді. Бұл жөнінде ұялмай айтатын жағдайлар бар:

2014 жылдың 1 қаңтарына мал басы төмендегідей:

№	Мал түрлері	Мал басы
1	Ірі қара -	3153 3216
3	Қой мен ешкі	3092
4	Жылқы	270
5	Құс	2402

Ауылымызда 11 шаруа қожалығы және МТС «Жайма» ЖШС-і бар.

Төрт шаруа қожалығы және МТС «Жайма» ЖШС-і егін егумен шұғылданады:

1. 
   МТС «Жайма» - 3600 га
   
2. 
   «Нұрлан» ш/қ – 200 га
   
3. 
   «Ерқанат» ш/қ – 30 га
   
4. 
   «Баянсұлу» ш/қ – 100 га
   
5. 
   «Жанболат» ш/қ – 50 га барлығы 398/0 га жерге егін салып, оны әрбір гектарынан 9-12 центнерден өнім жинады.
   

2013-2014 жылдың қыстауына 10000 тонна шөп жоспар бойынша дайындалды. Қысқа жететін жем-азық қоймаға құйылып алынды. Ауылымызда әлеуметтік жәрдем ақы алатын бірде бір жанұя жоқ. Төрт адам жұмыспен қамту бөлімінде тіркеуде тұрады.

Жылма-жыл жалғыз басты қарт-зейнеткерлерге және әлеуметтік жағдайлары төмен отбасыларына «МТС Жайма» ЖШС-гімен қысқы мерзімде отынмен (көмір) көмек көрсетіледі.

«Жұмыспен қамту жол картасы-2020 бағдарламасы» бойынша 5 адам қайта даярлау курсында оқып, 4-уі тракторшы мамандығын иемденді, 1-уі бухгалтерлік есеп жүргізу мамандығының курсын өтті.

«Жұмыспен қамту жол картасы-2020 бағдарламасы» бойынша ауыл тұрындары Айтбаев Қылышбек - 3,0 млн.тенге, Хамиев Қайролла, Жакиманова Кұралай -1,0 млн.тенгеден мал өсіруге және кәсіпкер Бакаева Дардана - 3,0 млн.тенге микроавтобус алуға несие алды.

Қазіргі кезде ауыл мен аудан орталығына жүретін автобус бар.

3 кітапхана, 1 мәдениет үйі жұмыстарын бекітілген іс-шаралары бойынша өткізеді. Қаратомар ауылында 1-СДА, Белағаш ауылында –МП жұмыс істейді. Ауыл адамдары жаз айында медициналық қараудан өтті. Ауылға екі рет автопойыз қызмет көрсетті, оның ішінде УЗИ, ЭКГ, лаборатория, стомотолог, хирург, кардиолог т.б. мамандар болды. Ересек адамдар тобы 100 % флюрографиядан өтті. Күндізгі стационар арқылы ем алушылар да бар.

Мерзімді баспасөзге жазылу қараша айында толық аяқталды. Ауылда телефон нүктесімен толық қамтылған, байланыс өте жоғары деңгейде. Сандық теледидар қондырғыларын жанұялардын 70 пайызында орнатылған.

Ақпараттық және насихаттау жұмыстарын жүргізу үшін топ құрылған, ол топты ауылымыздың кітапханашысы Нығыманов Жолдыбай басқарады.

Ауылымызда 520 адам тұрады, оның ішінде жұмысқа қабілеті бар адамдар саны-270, әр салада жұмыс істейтіндер саны-236 адам. Жоғары және арнайы оқу орындарында оқитын студенттер – 26 жасөспірім, әскер қатарында – 3 бала, зейнеткерлер – 42 адам, 3 – кәсіпкер дүкен ұстайды. Оқу жасына дейін 62 бала бар.

Ауылымызда жалпы орта білім беру мектебі біреу, онда бүгінгі күнде 103 бала білім алуда, 10- бала сыртта оқиды, оқуға тартылмаған жас өспірімдер жоқ. Мектепте 26 мұғалім сабақ береді. Дипломмен ауылға атты бағдарлама бойынша мектепке келген 5 жас мұғалімдерге толық оқу жүктемесі және тұрғын үймен қамтамасыз етілді. 40 балаға арналған «Мөлдір» балабақша жұмыс істеп жатыр. Онда 30 бала тәрбиеленуде, балалар екі топқа бөлінген. 2013 жылдың желтоқсан айына 9 бала дүниеге келді.

Ауыл әкімі аппаратының жұмысы жылдық және тоқсандық жоспар бойынша жүргізіледі. 2013 жылға бекітілген бюджеттік қаражат толық игеріліп, жер мен мүлік салығын жинап тапсыру 100 пайызға орындалды.

Әлеуметтік саланы дамыту және адамдардың күнделікті сұранысын тындыру мақсатында істелген іс-шаралар:

Елді-мекендерді санитарлық тазалау және көшелерін жарықтандыру.

Ауыл ішіндегі жолдарға ағымды жөндеу жұмыстары жүргізілді.

Су құбырларының жарылған жерлері ағымды жөндеуден өткізілді.

Округ аумағындағы бюджеттік мекемелер қысқы отынмен толық

қамтылды.