Ащысай елді мекенінде алғаш кітапхана 1969 жылы ашылды. Алғаш ашылғанда 80-100 дана кітаптары мен мерзімді басылымдар «Социалистік Қазақстан», «Колхоз жолы», «Пионер», «Жұлдыз», «Ара» журналдарымен қамтамасыз етілген

Ащысай елді мекенінде алғаш кітапхана 1969 жылы ашылды. Алғаш ашылғанда 80-100 дана кітаптары мен мерзімді басылымдар «Социалистік Қазақстан», «Колхоз жолы», «Пионер», «Жұлдыз», «Ара» журналдарымен қамтамасыз етілген. Сол кезде Сабырқызы Маржан белсенді қызмет атқарды. Ауыл аймағында алғаш комсомол жастарының бірі болған. Маржан өзінің іскерлік қабілетімен, ұйымшылдық дарындылығымен оқырмандармен жұмыстанды.

1975-1980 жылдары Рахимова Разия кітапханашы болып жұмыс атқарды. 1980-1987 жылдары Агистанова Самия кітапханашылық қызмет атқарды.

1980 жылдан бастап Казталов орталықтандырылған кітапханалар жүйесіне қарады. Кітап қоры 2500-ге жетіп, түрлі мерзімді басылымдармен қамтылып, жоспарлы түрде оқырмандарға қызмет көрсетті. Түрлі оқырмандар тобымен тақырыптық кештер, «Озат тәжірибе баршаға, ортақ шебердің ісі» атты шаралар оздырылып отырған.