Ауыл шаруашылығы саласының 021 жылы қарашасына атқарылған жұмыстары туралы мәлімет

Ел президенті Қасым-Жомарт Тоқаев отандастарға өз жолдауында бірінде «Ауыл шаруашылығын дамытпай, бәсекеге қабілетті экономика құру мүмкін емес.» деген болатын. Осы орайда ауданымыз географиялық оңтайлы орналасуы облысымыздың ауыл шаруашылығы саласында, мал шарушылығы бойынша ірі қара, қой, жылқы және түйе өсіру ірі өңірлерінің бірі болып табылады. Негізгі жұмыс мал шаруашылығын дамытуға мал басын көбейту, өнімділігін арттыру және шығарылатын өнімнің сапасын арттыруға, асыл тұқымды мал шаруашылығын дамытуға бағытталған. (1-кесте) Аудан бойынша ауыл шаруашылығымен айналысатын жылдың басында 542 шаруа қожалықтары болса, қазіргі таңда 551 шаруа қожалықтары тіркеліп 9 шаруашылыққа өсіп отыр. 11 ауыл шаруащылығы кооперативі тіркелген, оның 5-і ағымдағы жылы құрылды. 2017 жылы отбасылық мал бордақылаумен жұмыс істейтін 3 ауыл шаруашылығы кооперативі құрылған. бұл кооперативтерді құрған себебіміз «Береке» бағдарламасымен несие алу үшін кооперативтің мүшесі болу керек болды. 53 адам 149 млн. теңге несие алды. Бірақта құрылған кооперативтеріміз дұрыс дәрежеде жұмыс істей алмады. Кәсіпкерлік палатасымен бірге төрағаларында қайта сайладық. Күні бүгін олар жұмыс істемей тұр. (2-кесте) Ірі қара малының аналығы 50 бастан асатын 236 шаруа қожалығы, қой малы 300 бастан асатын 46 шаруашылық, жылқы 25 бастан асатын 235 шаруа қожалығы тіркелген. Жылдан жылға орта-ірі шаруашылықтарымыздың саны өсуде. 2021 жылдың 10 айында ауыл шаруашылығының жалпы өнімі мен көрсетілген қызметі 10 млрд. 223 млн. 100 мың теңгені құрады, 2020 жылы осы кезеңмен салыстырғанда 101,3% өсіп отыр.