Қазақстан Республикасы Ғылым және жоғары білім министрлігі Д. Серікбаев атындағы
жүктеу/скачать 1.73 Mb.
|
| Тәжірибені ұйымдастыру және басқару
Студенттер өндірістік практиканы жерге орналастыру жөніндегі жобалау институттарының өндірістік бөлімшелерінде және жер кадастры саласындағы жұмысты тікелей орындайтын басқа да ұйымдарда өтеді. Практикадан өту кезеңінде студент еңбекақысын төлеумен немесе төлемей тиісті лауазымға қабылданады және жұмыс кезеңінде ұйымның ішкі тәртібін және өндірістен практика жетекшісі тағайындайтын тиісті өндірістік бөлімше(бөлім) басшысының талаптарын ұстануға міндетті. Өндірістік практикаға әдістемелік және ұйымдастырушылық басшылық "Жерге орналастыру" білім беру бағдарламасының оқытушыларына жүктеледі. ЖОО-нан практика жетекшісі (оқытушы): - студенттердің практикаға шығуы алдында барлық ұйымдастыру іс-шараларын өткізуді қамтамасыз етеді (қауіпсіздік техникасы бойынша, практиканы өткізу тәртібі туралы Нұсқаулық, практиканың жеке жоспар-кестесін әзірлеу); - бағдарламаға сәйкес студенттердің практикадан өтуінің жоғары сапасын қамтамасыз етеді, күнделікте жазбалардың жүргізілуін бақылайды; - студенттерге тәжірибе туралы есептерді дайындау бойынша кеңес береді, Оқу бөлімі мен деканатқа тәжірибе барысы туралы қысқаша ақпарат береді; - студенттердің тәжірибе туралы есебін қарастырады, олардың жұмысы туралы пікір, студенттердің дайындығын жетілдіру бойынша ұсыныстар береді, өндірістік тәжірибе қорытындысы бойынша ғылыми студенттік конференцияларды дайындауға қатысады. Кәсіпорын, ұйым немесе мекеме тарапынан практиканы ұйымдастыру жауапкершілігі кәсіпорынның практика жетекшісіне жүктеледі. Студенттердің практикасына жалпы басшылық жасау кәсіпорын, ұйым немесе мекеме басшысының бұйрығымен өндірістік бөлімше басшысына жүктеледі. Кәсіпорынның, ұйымның немесе мекеменің бөлімшесіндегі практика жетекшісі: - практиканы тікелей басқару жүзеге асырылады; - студенттің еңбекті қорғау және қауіпсіздік техникасы бойынша міндетті нұсқамасын өткізуін бақылайды; - студенттерді нақты жұмыс орнындағы жұмысты ұйымдастырумен таныстырады, студенттің бағдарламаның тиісті бөлімдерін орындауына жәрдемдеседі; - ЖОО-мен келісілген практикадан өтудің күнтізбелік кестесін сақтайды; – күнделік жүргізуді, студент-практиканттардың есеп дайындауын және оларға практика бағдарламасы мен жеке тапсырмалардың орындалуы туралы, студенттердің жұмысқа қатынасы, ұжым өміріне қатысуы туралы деректерді қамтитын өндірістік сипаттамаларды құрастыруды бақылайды. Студент практикадан өту кезінде міндетті: - еңбекті қорғау, қауіпсіздік техникасы және өндірістік санитария ережелерін оқып қатаң сақтау; - практика Бағдарламасында қарастырылған тапсырмаларды толық орындау; - кәсіпорында, ұйымда, мекемеде штаттық қызметкерлермен жұмыс істеу; - штаттық қызметкерлермен тең дәрежеде орындалған жұмыс және оның нәтижелері үшін жауапты болу; - бағдарлама талаптарына сәйкес Күнделік жүргізу; - практика жетекшісіне барлық тапсырмалардың орындалуы туралы жазбаша есеп беру, практика бойынша есепті белгіленген мерзімде тапсыру және оны мектеп комиссиясының алдында қорғау. 3 Жерге орналастыру жобасын әзірлеу қағидалары Жерге орналастыру жобасын әзірлеу бойынша жерге орналастыру жұмыстарын орындау қағидалары Қазақстан Республикасы Жер кодексінің 14-бабына сәйкес әзірленген және жерге орналастыруды орындау, жерге орналастыру жобасын әзірлеу тәртібін айқындайды. Бұл Қағидаларда жұмыстардың мазмұны мен құрамының сипаттамасы, сондай-ақ жер-кадастрлық және жерге орналастыру жұмыстарын жүргізу кезіндегі жерге орналастыру жобасының ресімделуі берілген. Жерге орналастыру жобасы – жер учаскесінің схемасы (жоспары), жер учаскесінің алаңы, оның шекаралары мен орналасқан жері туралы мәліметтер, жер учаскелерінің аралас меншік иелері мен жер пайдаланушылары туралы және жер учаскелеріне ауыртпалықтар мен сервитуттар туралы мәліметтер жинағы. Мемлекет меншігіндегі жерлерден жер учаскесін берген кезде жаңа жер учаскелерін қалыптастыру бойынша жерге орналастыру жобасын әзірлеу комиссияның оң қорытындысы негізінде жүзеге асырылады. Қолданыстағы жер учаскелерін ретке келтіру кезінде жерге орналастыру жобасын әзірлеу тапсырыс берушінің өтініші негізінде жүзеге асырылады және мынандай жағдайларда жүргізіледі: 1) жер учаскелерін бөлген кезде; 2) жер учаскелерін қосу (біріктіру); 3) жер учаскесінің сәйкестендіру сипаттамалары (конфигурациясы, шекаралары, алаңдары) өзгерген; 4) жер учаскелерін мемлекет мұқтажы үшін алып қою немесе сатып алу кезінде. Жерге орналастыру жобасы кезінде орындалатын іс-шаралар келесі ретпен жүзеге асырылады: - жерге орналастыру жобасын әзірлеуге өтініш; - дайындық жұмыстары; - жерге орналастыру жобасын әзірлеу; - жерге орналастыру жобасын қалыптастыру; - жерге орналастыру жобасын бекіту; - жерге орналастыру жобасын орындау. Дайындық жұмыстарының құрамында жоспарлау-картографиялық материалдарды іріктеу, мемлекеттік жер кадастрында жерге орналастыру, қала құрылысы, орман орналастыру, геодезиялық және картографиялық құжаттамаларда қамтылатын жер учаскелері туралы мәліметтерді жинау және зерттеу жүргізіледі. Белгілі бір жер учаскесі туралы мемлекеттік жер кадастры мәліметтері қағаз және электрондық тасығыштарда, сонымен қатар белгіленген тәртіппен жер учаскесінің есепке алынған жері бойынша техникалық және телекоммуникациялық байланыс құралдарын қолдана отырып, жер кадастры мәліметтерінің банкіне тікелей рұқсат ету түрінде беріледі. Жерге орналастыру жобасында берілетін (өзгеретін) жер учаскесінің алаңы, оның шекарасы және орналасқан орны, бөгде және шектес меншік иелері немесе жер пайдаланушылар, сондай-ақ жер учаскесінің ауыртпалықтары мен сервитуттары анықталуы тиіс. Азаматтар мен заңды тұлғаларға ауыл шаруашылығынан басқа мақсаттар үшiн берiлетiн жер учаскелерiнiң мөлшерi қызметтiң осы түрлерiне жер бөлiп берудiң нормалары бойынша не сәулет-қала құрылысы және (немесе) құрылыс құжаттамасына сәйкес айқындалады. Ауыл шаруашылығы мақсатындағы жерлерде жаңадан қалыптастырылатын ауыл шаруашылығы ұйымдары, шаруа (фермер) қожалықтары мен жеке қосалқы шаруашылықтары үшін құрылатын жер учаскелерінің шекаралары қосымша ескеріледі, олардың жинақы орналасуы ескеріле отырып белгіленеді, табиғи және жасанды шекаралармен (өзендермен, бұлақтармен, арналармен, орман алаптарымен, жолдармен) біріктіріледі. Жерге орналастыру жобасын әзірлеуші, тапсырыс берушінің және қажет болған жағдайда үшінші тұлғалардың қатысуымен жер учаскелеріне далалық зерттеуді жүргізеді. Далалық зерттеу процесінде жылжымайтын мүлік объектілерінің орналасқан жері мен жер учаскелерінің нақты шекараларын нақтылау жүргізіледі. Жер учаскелерін далалық зерттеудің нәтижелері далалық зерттеудің сызба схемасын дайындаумен бірге далалық зерттеу актісімен ресімделеді. Жерге орналастыру жобасын жүргізу белгілі бір тәртіппен жүзеге асырылады: 1) жерге орналастыру жобасын әзірлеуші дайындалған жоспары және оныңбұрылыс айналма нүктелері координаттарының ведомосін Мемлекеттік корпорацияға жобаланатын жер учаскесінің орналасқан жерінің мемлекеттік жер кадастрының автоматтандырылған ақпараттық жүйесінің графикалық деректеріне сәйкес келуін салыстырып тексеру үшін жібереді. Жобаланған жер учаскесінің орналасқан жері мемлекеттік жер кадастрының автоматтандырылған ақпараттық жүйесінің графикалық деректеріне сәйкес келген жағдайда (шекаралардың қабаттасуларының жоқтығы, жер учаскесінің орналасқан жерінің, алаңының, сызық шектерінің, конфигурациясы мен координаталарының деректерінің ұсынылған деректер бойынша сәйкес келуі, ауыртпалықтар мен шектеулердің жоқтығы), Мемлекеттік корпорация жер учаскесінің жоспарында және оның бұрылыс айналма нүктелері координаталарының ведомосінде белгі қойып, оны әзірлеушіге материалдарын түскен күннен бастап 15 күнтізбелік күнде қайтарып беруі керек. Жобаланған жер учаскесінің орналасқан жері мемлекеттік жер кадастрының автоматтандырылған ақпараттық жүйесінің графикалық деректеріне сәйкес келмеген жағдайда (жер учаскелері шекараларының қабаттасуы, жер учаскесінің орналасқан жерінің сәйкес келмеуі, жер учаскесі алаңының, сызық шектерінің, конфигурациясы мен координаталарының ведомостімен ұсынылған деректер бойынша дұрыс еместігі, ауыртпалықтар мен шектеулердің болуы), Мемлекеттік корпорация жер учаскесінің жоспарын және оның бұрылыс айналма нүктелері координаталарының ведомосін жер учаскесінің шекараларының қабаттасу схемасымен (6-сурет) қосып, 15 күнтізбелік күн ішінде әзірлеушіге қайтарады. 2) жерге орналастыру жобасын мемлекеттік органдарда, жер-кадастрлық және жерге орналастыру жұмыстарын жүргізу кезінде құқықтары мен заңды мүдделері қозғалуы мүмкін үшінші тұлғаларда мемлекеттік органдармен көршілес учаскелер меншік иелері (жер пайдаланушылар) келісімдер не жер учаскесінің жоба схемасында мөрмен куәландырылған қол қою түрінде келісім беріледі, бұл ретте тапсырыс беруші немесе оның сенім білдірген адамы өз бетінше барлық мүдделі тұлғалармен келісімді қамтамасыз етеді; 3) жерге орналастыру жобасын бекіту жер қатынастары жөніндегі уәкілетті органның бұйрығымен жүзеге асырылады. Жерге орналастыру жобасы екі бөлімнен тұрады: мәтіндік және техникалық. жүктеу/скачать 1.73 Mb. Достарыңызбен бөлісу:
|