Қазақстан Республикасы Көлік және коммуникация министрінің 2011 жылғы 28 ақпандағы №96 бұйрығы «Жол жүрісі қауіпсіздігі туралы»

«Жол жүрісі қауіпсіздігі туралы» Қазақстан Республикасының 1996 жылғы 15 шілдедегі Заңы 19-бабының 4-тармағының 3) тармақшасына сәйкес БҰЙЫРАМЫН:

1. Қоса беріліп отырған Қызмет өңірін айқындау қағидасы бекітілсін.

2. Қазақстан Республикасы Көлік және коммуникация министрлігі Көліктік бақылау комитеті (Ә.Н. Барменқұлов) Қазақстан Республикасының заңнамасында белгіленген тәртіпте осы бұйрықтың Қазақстан Республикасы Әділет министрлігінде мемлекеттік тіркеуін қамтамасыз етсін.

Қазақстан Республикасы

№ 96 бұйрығымен бекітілді

1. Осы Қызмет өңірін айқындау қағидасы (бұдан әрі - Қағида) «Жол жүрісі қауіпсіздігі туралы» Қазақстан Республикасының Заңына сәйкес әзірленді.

2. Қағида Қазақстан Республикасының барлық аумағында механикалық көлік құралдарын және олардың тіркемелерін (бұдан әрі - КҚ) міндетті техникалық байқаудан өткізуді қамтамасыз ету үшін техникалық байқау орталықтарының өңірлік қызметін анықтау тәртібін белгілейді.

3. Қызмет өңірі тіркелген КҚ бөлу қағидаты бойынша анықталады.

4. Осы Қағидаға 1 және 2-қосымшадағы 2-бағанда көрсетілген елді мекендерде және өңірлерде техникалық байқаудың стационарлық желісі бар техникалық байқау орталығы КҚ-ның міндетті техникалық байқауды осы Қағидаға 1 және 2-қосымшадағы 3-бағанда көрсетілген елді мекендер мен өңірлердің әкімшілік-аумақтық шекаралары шегінде техникалық байқаудың ұтқыр желілерімен өткізуін қамтамасыз етеді.

Өңірлерде КҚ-ның міндетті техникалық байқауы аудандардың, ауылдық/селолық округтердің және аудандық маңызы бар қалалардың әкімшілік орталықтарында қамтамасыз етіледі.

5. КҚ міндетті техникалық байқаудан уақтылы өтуін қамтамасыз ету үшін техникалық байқау орталығы қызмет өңірі шегінде КҚ-ның міндетті техникалық байқауды өткізу кестесін (бұдан әрі - Кесте) әзірлейді.

6. Техникалық байқаудың стационарлық желісі міндетті техникалық байқаудың жыл бойы 1 қаңтардан 31 желтоқсанға дейін өтуін қамтамасыз етеді.

Ұтқыр желі міндетті техникалық байқауды жыл бойы бекітілген Кестеге сәйкес өтуін қамтамасыз етеді.

7. Техникалық байқау орталығы тіркелген орны бойынша Кестені Қазақстан Республикасы Көлік және коммуникация министрлігі Көліктік бақылау комитетінің аумақтық көліктік бақылау органына (бұдан әрі - көліктік бақылау орган) техникалық байқау орталығының тізіліміне қосылған күннен бастап күнтізбелік он бес күн ішінде келісуге ұсынады.

8. Кесте осы Қағидаға 3-қосымшаға сәйкес нысанда ұсынылады.

9. Көліктік бақылау органдары келісуге ұсынылған Кестені келіп түскен күннен бастап бес жұмыс күні ішінде қарайды.

10. Кестені көліктік бақылау органы келіскен кезде қызмет өңіріне елді мекендер санының және атауының және міндетті техникалық байқауды өткізу мерзімдерінің сәйкестігі тексеріледі.

11. Кестені техникалық байқау орталығы қызмет өңіріне сәйкес елді мекендердің саны мен атауын және міндетті техникалық байқауды өткізу мерзімдерін толық емес көрсету арқылы ұсынған жағдайда көліктік бақылау орган Кестеге түзетулерді енгізеді.

12. Міндетті техникалық байқауды өткізу мерзімі бір елді мекенде кем дегенде үш күнтізбелік күнді құрайды.

13. Кестені көліктік бақылау органы келіскеннен кейін он күнтізбелік күн ішінде техникалық байқау орталығы тұрғындарды Кесте жөнінде тиісті әкімшілік-аумақтық бірліктің аумағында таратылатын кезеңдік баспа басылымдарында хабарлайды.

Қызмет өңірін айқындау