Жамбыл облысы Қордай ауданының орталығы Қордай ауылының 2014-2018 жылдарға арналған кешенді даму жоспары қордай а. 2014 жыл Кіріспе

2014 жылғы 11 желтоқсанындағы

№ 33 шешіміне қосымша

Жамбыл облысы Қордай ауданының

орталығы Қордай ауылының

2014-2018 жылдарға арналған

КЕШЕНДІ ДАМУ ЖОСПАРЫ


Қордай а.

2014 жыл
Кіріспе
Жамбыл облысы Қордай ауданының аудан орталығы Қордай ауылының 2014-2018 жылдарға арналған кешенді даму жоспары (бұдан әрі – КДЖ) осы жердегі тұрғылықты халықпен іргелес аумақтағы тұрғындардың қолайлы жағдайын жасау үшін әзірленген.

Қордай ауылы 33010 тұрғыны бар Қордай ауданының аудан орталығы болып табылады.

Ауыл шекарамен шектес елді мекен болып табылады және Қырғыз Республикасымен шектесіп жатыр. Ауыл ішімен ұзындығы 8 шақырым республикалық маңызы бар Алматы-Бішкек және облыстық маңызы бар 1,5 шақырым автомобиль жолы өтеді. Қордай ауданы 18 ауылдық округтермен экономикалық тығыз байланыста.

Осы кешенді даму жоспары аудан орталығының инженерлік және әлеуметтік инфрақұрылымдарын дамытуды, мемлекеттік және коммерциялық қызметтер көрсету орталықтарының ашылуын және дамуын, жаңа жұмыс орындарын ашып, жергілікті тұрғындарды жұмыспен қамту бойынша шараларды қарастырады.

1. 
   Қордай ауылының ағымдағы даму жағдайын талдау
   

Ауыл округі аумағының жалпы көлемі 20872 га, оның ішінде елді мекен орналасқан жерлер - 4004 га, ауыл шаруашылық жерлер - 18701 га, жеке тұрғын - үй құрылысына арналған жерлер - 600 га; үй шаруашылық саны - 8209, оның ішінде жеке тұрғандары -7377, көппәтерлілер - 637. Жеке тұрғын үй құрылысына 600 га жер учаскесі қарастырылғандықтан, «Шығыс», «Батыс» және «Солтүстік» жаңа массивтеріне инженерлік инфрақұрылым құрылысын жүргізу қажет.

Аудан орталығының тұрғындарының жалпы саны -33010 адам, оның ішінде ерлер - 15147, әйелдер - 17864, зейнеткерлер - 3725, мүгедектер - 1800, 18-25 жастағы жастар - 6155, 15-17 жастағылар - 3695, 0 - 14 жастағылар - 8880, оқушылар - 5637, мектепке дейінгі балалар - 3243, жалдамалы жұмысшылар-5052, өзін-өзі жұмыспен қамтығандар-12046, жұмыссыздар-779 адам.

Қордай ауылында білім саласы бойынша жобалық қуаттылығы 5190 орындық 8 мектеп (№1 ЖББАГ, № 2ОМ, №3ОМ, №4 ОМ, №5 ОМ, №6 ТОМ, №47 ОМ, №51 ОМ) жұмыс істейді, онда 5379 оқушы оқиды, сонымен қатар 1135 орындық 8 балалар бақшасы мен 3 шағын орталықта 1415 бала тәрбиеленеді, №3 орта мектебінің жанында 1 интернат, «Балауса» сауықтыру лагері, балалар мен жасөспірімдер орталығы, музыкалық мектеп, 2 колледж жұмыс істейді.

«Болашақ» жаңа тұрғын үй массивінде тұрғындардың санының өсуіне байланысты 600 орындық жаңа мектеп пен 280 орындық балабақша құрылысын салу қажет етеді.

Денсаулық сақтау саласы бойынша 261 орындық аудандық орталық аурухана, 265 ауысымдық орталық емхана қызмет көрсетеді. Аудан орталығы мен аудан халқының өсуіне байланысты Қордай ауылынан 500 ауысымдық жаңа емхана салу қажет. Өйткені жұмыс істеп тұрған емхана 1964 жылы салынған, бүгінгі күннің талабына сәйкес келмейді. Ауруларды қабылдайтын бөлмелер жетіспегендіктен, 1 кабинетке 2 және одан да көп дәрігерлер ауруларды кезекпен қабылдап, жаңа медициналық жабдықты орналастыруға мүмкіндік жоқ. Рентгендік зерттеулер туберкулезге қарсы аурухананың аумағында жүргізілуде, бұл санитарлық нормаларға сәйкес келмейді.

Мәдениет саласына аудандық мәдениет үйі қызмет көрсетеді, оған қарасты Красный Партизан ауылындағы клуб пен Цемзауыт ауылындағы мәдениет үйі жұмыс істейді.

Дене шынықтыру және спорт саласында №15 және №14 жасөспірімдер мен балалар спорт мектептері қызмет көрсетеді.

Білім беру саласы нысандарының ішіндегі №6 ТОМ апатты жағдайдағы нысан болып есептелгендіктен 2014 жылы 300 орындық жаңа мектеп салуға республикалық және облыстық бюджет есебінен қаражат бөлінді.

Сонымен қатар Қордай ауылында спорт кешенін және №1,2,3,4,5,51 орта мектептеріне шағын футбол алаңдарының салу қажет.

Ауыл округіне қарасты мемлекеттік мекемелер саны - 264, ірі жауапкершілігі шектеулі серіктестіктер - 4, шаруа қожалықтар - 15, өндірістік саласындағы өнеркәсіптер саны - 21, оның ішінде орта кәсіпорындар – 4, шағын кәсіпорын - 17. Ауыл аумағында 2 үлкен және 3 шағын базарлар орналасқан.

Ауыл округ әкімдігі мен аудан әкімдігінің бөлімдері ( жер қатынастары мен кәсіпкерлік бөлімдері) үшін әкімшілік ғимарат құрылысын салу қажет, барлығы өздерінің ғимараттарының жоқтығынан жалға алуға мәжбүр болып отыр. Аудандық ішкі істер бөлімі мен халыққа қызмет көрсету орталығының ғимараттары қазіргі заманның талабына сай келмейді.

Қызмет көрсету саласында пошта бөлімі, Қазтелеком АҚ-ң филиалы, 122 дүкен, 34 кафе, 5 такси қызметі, 18 жанармай құю станциясы, 13 көлік жуу орны, 17 дәріхана, 10 нотариус, 4 шұжық цехтары, 3 фотосалоны, 18 шаштараз, 10 ақша алмастыру орындары, 8 наубайхана, 3 аяқ киім жөндеу орындары қызмет көрсетеді.

Қордай ауылының ішіндегі жолдардың ұзындығы 137,8 шақырым, оның 55,3 шақырымы асфальтталған, тұрғындар орталықтандырылған ауыз сумен қамтамасыз етілген («Ақсу» ЖШС-і), орталықтандырылған кәріс жүйесі жоқ, көшелер жартылай жарықтандырылған, автобусты қатынас қарастырылмаған. Осыған орай ауыл ішіндегі жолдар орташа жөндеуді, көшелер жарықтандыруды қажет етеді.

Ауыл округі тұрғындарының қолдарында 1650 бас ірі қара мал, 231 бас жылқы, 5230 бас қой-ешкі, 1435 бас шошқа бар. «Байнұр» ШҚ-да 1755 бас ірі қара, 12949 бас қой, 75 бас жылқы; «Алияс» ШҚ-да 10 бас ірі қара, 500 қой, 10 бас жылқы; «Барыс» ШҚ-да 620 бас қой малдары бар.

2014 жылы республикалық және облыстық бюджет есебінен «Қолжетімді баспана-2020» бағдарламасы аясында жас отбасы мен мемлекеттік қызметкерлер үшін 50 пәтерлі тұрғын үй құрылысына 240 млн. теңге қаражат бөлінді.

Ауыз суды үнемдеу мақсатында бау бақшаларды суаратын арық желілерін қайта қалпына келтіру керек.

Қордай ауылының қазіргі жағдайын талдау нәтижесінде төмендегілерді атап өткен жөн:

• 
  Ауыл округі әкімдігі мен аудан әкімдігінің бөлімдеріне, аудандық мұрағатқа әкімшілік ғимарат құрылысы;
  
• 
  Аудандық ІІБ мен ХҚКО әкімшілік ғимарат құрылысы;
  
• 
  Қордай ауылының ішіндегі 42 шақырым жолдарға орташа жөндеу;
  
• 
  Қордай ауылының 23 шақырым көшелеріне жарықтандыруды ортану;
  
• 
  600 орындық мектеп, 560 орындық 2 балабақша, балалар мен жасөспірімдер орталығы мен музыкалық мектеп құрылысын салу;
  
• 
  Орталық кітапхана мен мұражай құрылысын салу;
  
• 
  Жүзу бассейні бар спорт кешені мен шағын футбол алаңы бар ойын алаңдарының құрылысын салу;
  
• 
  №1,2,3,4,5,51 орта мектептеріне шағын футбол алаңы бар ойын алаңдарының құрылысын салу;
  
• 
  №14 жасөспірімдер мен балалар спорт мектебіне спортзалын, №15 жасөспірімдер мен балалар спорт мектебіне спорткешені құрылыстарын жүргізу;
  
• 
  Қордай ауылының клубына (Красный Партизан) ағымды жөндеу;
  
• 
  Бау бақшаларды суару үшін арық желілерін қайта қалпына келтіру;
  

ДСБ - Денсаулық сақтау басқармасы

МБ – Мәдениет басқармасы

ДШжСБ – Дене шынықтыру және спорт басқармасы

АШБ – Ауыл шаруашылық басқармасы

ҚЖКжАЖБ – Құрылыс, жолаушылар көлігі және автомобиль жолдары басқармасы

ЖҚҮжӘББ – Жұмыспен қамтуды үйлестіру және әлеуметтік бағдарламалар басқармасы

КжИИДБ - Кәсіпкерлік және индустриалды-инновациялық даму басқармасы

ЭжКШБ – Энергетика және коммуналдық шаруашылық басқармасы

ЖҚБ – Жер қатынастары басқармасы

ТРжТПРБ – Табиғи ресурстар және табиғат пайдалануды реттеу басқармасы

ЭжБЖБ – Экономика және бюджеттік жоспарлау басқармасы

ІІД – Ішкі істер департаменті

СД – Салық департаменті

ТЖД – Төтенше жағдайлар департаменті

БЖК 2020 – бағдарлама «Бизнес жол картасы 2020»

ЖҚЖК 2020 – бағдарлама «Жұмыспен қамту жол картасы 2020»

ҚТҮБ – 2020 - бағдарлама «Қолжетімді тұрғын үй 2020»

ЖБ – Жергілікті бюджет

РБ – Республикалық бюджет

ОБ – Облыстық бюджет

АБ – аудандық бюджет