Қазақстан Республикасы Статистика агенттігі Ақтөбе облысының статистика департаменті

	Қазақстан Республикасы Статистика агенттігі Ақтөбе облысының статистика департаменті
Баспасөз хабарламасы		№ 9 - 08/ 239 21 қазан 2011ж.

Тұрғын үйлер құрылысы Қазақстанның 2030 жылға дейінгі даму Стратегиясының басымды бағыттарының бірі болып танылып отыр. 1991 жылдан 2002 жылдар аралығында тұрғын үй саласында белгіленген инвестициялық белсенділіктің біршама төмендеуі 2003-2007жж. бастап тұрғын үй құрылысына салынған инвестиция көлемінің тұрақты өсім бетбұрысымен алмасты.

1991-2000жж. аралығында тұрғын үйді пайдалануға беру көлемінің құлдырауы байқалды, бұл тұрғын үйлер нарығының меншік қатынастарындағы жаңартулармен және экономикадағы құрылымдық өзгерістермен байланысты. Алайда, 2001 жылдан 2006 жылға дейінгі мерзімде пайдалануға берілген тұрғын үй көлемінің жыл сайынғы өсімі белгіленді. 2010 жылы жалпы көлемі 404,2 мың шаршы м. тұрғын үйлер пайдалануға берілді, бұл 2005 жылға қарағанда 1,4 есеге көп, ал 1991 жыл деңгейінен - 1,6 жоғары.

Тәуелсіздік жылдары ішінде (1991-2010) меншік нысандарына байланысты пайдалануға берілген тұрғын үйлер құрылымы түбегейлі өзгерді. Жалпы пайдалануға берілген тұрғын үйлердегі мемлекеттік кәсіпорындар үлесі 1991ж. 74,7%-дан 2010ж. 18,6% дейін төмендеді, ал мемлекеттік емес кәсіпорындарда, керісінше 1991ж. 25,3%-дан 2010ж. 81,4% дейін өсті. Мемлекеттік емес секторда негізгі үлес (1991ж. - 38,8% және 2010ж. - 76,5%.) жеке тұрғын үйлер құрылысына тиіп отыр. 2010 жылы халық қаражаты есебінен жалпы көлемі 251,8 мың шаршы м. тұрғын үйлер салынды, бұл 1991 жылғы деңгейден 10,1 есеге, 2009ж. деңгейінен – 1,5 есеге жоғары.

Тұрғын жайларды пайдалануға беру

Жалпы аумағы мың шаршы метр

2010ж. тұрғын үйлердің жалпы көлемінің бір шаршы м. құрылысының орташа нақты құны 50,2 мың теңгені құраса, 1995 жылы 7,5 мың теңге құрады.