Қазақстан Республикасы

Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған Қазақстан Республикасының Үкіметі мен Қазақстан Республикасы Ұлттық Банкінің отандық өндірушілер мен экспорттаушыларды қаржыландыруды қамтамасыз ету жөніндегі
2015 – 2016 жылдарға арналған бірлескен іс-қимыл жоспары (бұдан әрі – Жоспар) бекітілсін.

2. «Бәйтерек» ұлттық басқарушы холдингі» акционерлік қоғамы (келісім бойынша) «Қазақстан Даму Банкі» акционерлік қоғамымен (келісім бойынша) бірлесіп:

1) Жоспардың уақтылы орындалуын қамтамасыз етсін;

2) Қазақстан Республикасы Инвестициялар және даму министрлігіне тоқсан сайын, есепті кезеңнен кейінгі айдың 10-күніне қарай Жоспардың орындалуы туралы ақпарат берсін.

3. Қазақстан Республикасы Инвестициялар және даму министрлігі Қазақсан Республикасының Үкіметіне тоқсан сайын, есепті кезеңнен кейінгі айдың 20-күніне қарай Жоспардың орындалуы туралы жиынтық ақпарат берсін.

4. Осы қаулы қол қойылған күнінен бастап қолданысқа енгізіледі және ресми жариялануға тиіс.

Қазақстан Республикасы

Үкіметінің

2015 жылғы «23» сәуірдегі

№ 271 қаулысымен

бекітілген

 

Қазақстан Республикасының Үкіметі мен Қазақстан Республикасы Ұлттық Банкінің отандық өндірушілер мен экспорттаушыларды қаржыландыруды қамтамасыз ету жөніндегі

1. 
   бірінші бағыт: отандық автоөндірушілерді қолдау;
   
2. 
   екінші бағыт: «Еурокоптер» тікұшақтарының өндірісін қолдау;
   
3. 
   үшінші бағыт: жолаушылар вагондарының өндірісін қолдау;
   
4. 
   төртінші бағыт: экспорттаушыларды қолдау.
   

1. 
   сыйақы мөлшерлемесі – жылдық 0,15%;
   
2. 
   қарыз мерзімі – 20 жылға дейін;
   
3. 
   негізгі қарызды төлеу – қарыз алушының бастамасы бойынша мерзімінен бұрын өтеу құқығымен айналым мерзімінің соңында;
   
4. 
   қарыз бойынша сыйақыны төлеу – жылына 2 рет;
   
5. 
   қарыздың нысаналы мақсаты – отандық автоөндірушілер, тікұшақтар және жолаушылар вагондарын өндірушілер үшін лизинг және/немесе қарыз тетігі арқылы қаржыландыруды ұсыну; экспорттық және экспорт алдындағы кредит беру;
   
6. 
   қарыз көлемі – 85 миллиард теңге, олардың ішінде 2015 жылы: отандық автоөндірушілерді қолдауға – 20 миллиард теңге, «Еурокоптер» тікұшақтарының өндірісін қолдауға – 10 миллиард теңге, жолаушылар вагондарының өндірісін қолдауға – 5 млрд. теңге және экспорттаушыларды қолдауға – 35 миллиард теңге; 2016 жылы экспорттаушыларды қолдауға – 15 миллиард теңге.
   

Қаржыландыру тетіктері мен шарттары

1. 
   Отандық автоөндірушілерді қолдау
   

6) ЕДБ қарыз валютасы – теңге;

7) негізгі қарызды өтеу – ішінара немесе толық мерзімінен бұрын өтеу құқығымен тиісті қарыз шартының талаптарына сәйкес мерзімнің соңында;

8) «ҚДБ» АҚ және ЕДБ арасында жасалған банктік қарыз шарты шеңберінде қаражат отандық өндірістің жеңіл автокөлігін сатып алушыларға – жеке тұлғаларға кредит беру мақсаттары үшін ЕДБ-ге жіберіледі.

6. ЕДБ орналастырылған кредиттік қаражаттың нысаналы пайдаланылуы және игерілуі бойынша «ҚДБ» АҚ алдында есеп береді.

ЕДБ есептерін ұсыну тәртібі, нысаны және мерзімділігі, сондай-ақ осы Жоспарда көзделмеген ЕДБ кредиттерін берудің өзге шарттарында тиісті банктік қарыз шартында белгіленеді.

ЕДБ-ға бөлінетін қаражатты шетел валютасына инвестициялауға жіберуге тыйым салынады.

ЕДБ ай сайынғы негізде бұрын берілген қарыздарды түпкілікті қарыз алушылардың өтеуі есебінен босатылған қаражатты ҚР ҰБ-да өзінің жеке банктік шоттарына есептеуді жүзеге асырады.

7. Түпкілікті қарыз алушылар отандық өндірістің жеңіл автокөлігін сақтандыру және кепілге ресімдеу бойынша шығыстарды төлейді.

8. Бөлінген қаражат мақсатты пайдаланылмаған және/немесе уақтылы игерілмеген, сондай-ақ «ҚДБ» АҚ мен ЕДБ арасындағы жасалған банктік қарыз шарттарында көзделген жағдайлар туындаған жағдайда «ҚДБ» АҚ тиісті банктік қарыз шартын мерзімінен бұрын бұзуға және жоғарыда аталған бұзушылықтар анықталған орналастырылған қаражатты кері қайтарып алуға құқылы.

9. «ҚДБ» АҚ мен ЕДБ арасында жасалған банктік қарыз шарттары бойынша қарыздарды ЕДБ мерзімінен бұрын өтеген жағдайда, аталған қаражатты қайта пайдалану Мемлекеттік комиссияның тиісті шешімінің негізінде жүзеге асырылады.

Отандық өндірістің автомобильдерін сатып

алушыларды – түпкілікті қарыз алушыларды қаржыландыру шарттары
Нысаналы топ – отандық өндірістің жеңіл автокөлігін сатып алушылар – жеке тұлғалар.

1. Түпкілікті қарыз алушылардың мақұлданған өтінімдеріне кредит беру мақсатында ЕДБ «ҚДБ» АҚ-пен ҚР ҰБ-дағы ЕДБ-ның жекелеген банктік шотынан қаражатты есептен шығару үшін қажетті сомаларды алдын ала келісуді жүзеге асырады.

2. Кредиттер түпкілікті қарыз алушыларға мақсатты пайдалану, ақылық, мерзімділік, қайтарымдылық және қамтамасыз етілу шарттарында беріледі, оның ішінде:

1) жеңіл автокөліктің 1 бірлігінің құны 5 600 000 теңгеден аспайды;

2) кредит беру мерзімі – 5 жылдан аспайды;

3) түпкілікті қарыз алушы үшін номиналды сыйақы мөлшерлемесі жылдық 4,0 %-дан аспауы тиіс. Бұл ретте, ҚР ҰБ^ талаптарына сәйкес айқындалатын түпкілікті қарыз алушы үшін жылдық тиімді сыйақы мөлшерлемесі автокөлікті сақтандыру және кепілге ресімдеу бойынша түпкілікті қарыз алушының шығындарын ескере отырып, жылдық 7,5%-дан аспауы тиіс;

4) кредит беру валютасы – теңге;

5) міндетті бастапқы жарна – автокөлік құнының 20%-ынан аспайды;

6) түпкілікті қарыз алушы ЕДБ алдындағы қарызды өтеген кезде, отандық өндірістің жеңіл автокөлігін сатып алушыларды қайтарылған қаражат есебінен және осы Жоспарда айқындалған шарттарда ЕДБ-ге қайта кредит беруге жол беріледі.

2. Кредитті игеру кезінде Қазақстан Республикасының барлық өңірлерінде филиалдық желінің болуы.

3. Қарыз қаражатын беру күніне негізгі қарыз және (немесе) есептелген сыйақы бойынша 90 күннен астам мерзімі өтіп кеткен берешегі бар кредиттер деңгейі ЕДБ-нің кредиттік қоржынының 15%-ынан жоғары ЕДБ үшін қосымша талап белгіленеді – ҚР ҰБ-мен жазбаша келісімдер жасасу. Жазбаша келісім негізгі қарыз және (немесе) есептелген сыйақы бойынша 90 күннен астам мерзімі өтіп берешегі бар кредиттер деңгейін ҚР ҰБ белгілеген мерзімде ЕДБ-нің кредиттік қоржынының 15%-ына дейін төмендету бойынша ЕДБ-нің міндетін көздейтін болады.
ЕДБ арқылы отандық автоөндірушілерді қолдау шеңберінде

негізделген қаржыландыру қаражатын мониторингтеу

1. «ҚДБ» АҚ ЕДБ-нің банктік қарыз шарттары бойынша өзінің қаржылық және қаржылық емес міндеттемелерін орындауын мониторингтеуді жүзеге асырады.

2. «ҚДБ» АҚ ҚР ҰБ-да ашылған ЕДБ арнайы шоттарынан қаражатты есептен шығаруды алдын ала келісуді мынадай тәртіппен жүзеге асырады:

ЕДБ «ҚДБ» АҚ-пен белгілеген нысанға сәйкес қаржыландыруға мақұлданған қарыз алушылардың тізімі бар хат пен қарыз алушыларды мақұлдау туралы ЕДБ-нің уәкілетті органдарының шешімдерін ұсыну арқылы ҚР ҰБ-да ашылған ЕДБ-нің арнайы шотынан қарыз қаражатын есептен шығаруға қажетті сомаларды алдын ала келісуді жүзеге асырады;

«ҚДБ» АҚ ЕДБ ұсынған деректердің мынадай шарттарға сәйкес келуі мәніне тексереді: автомобильдің 1 (бір) бірлігінің ең жоғарғы құны, сыйақы мөлшерлемесі, кредит беру мерзімі, міндетті бастапқы жарнаның болуы және ескертулер болмаған жағдайда, ҚР ҰБ-ға тиісті хат жібереді.

3. Апта сайынғы негізде «ҚДБ» АҚ ЕДБ-нен мақұлданған және берілген қарыздар бойынша ақпаратты жинау мен жинақтауды жүзеге асырады. Жиынтық ақпарат апта сайынғы негізде ҚР ҰБ-ге жіберіледі.

4) қарыз бойынша сыйақыны төлеу – жылына 2 рет;

5) негізгі қарызды өтеу – «ҚДБ-Лизинг» АҚ бастамасы бойынша мерзімінен бұрын ішінара немесе толық өтеу құқығымен тиісті қарыз келісімінің шарттарына сәйкес мерзімнің соңында;

6) қарыз валютасы – теңге.

«ҚДБ-Лизинг» АҚ кейіннен лизингке ұсына отырып, оның ішінде нысаналы пайдалану, ақылылық, мерзімділік, қайтарымдылық және қамтамасыз етілу шарттарында агенттерді тарта отырып, автокөлік құралдарын және арнайы мақсаттағы автотехниканы отандық автоөндірушілерден ауыл шаруашылығы техникасын қоспағанда, автокөлік құралдарын және арнайы мақсаттағы автотехниканы сатып алады, оның ішінде:

1) лизинг беруші – «ҚДБ-Лизинг» АҚ;

2) лизингтің мәні – ауыл шаруашылығы техникасын қоспағанда, автокөлік құралдары және арнайы мақсаттағы автотехника (бұдан әрі – автокөлік құралдары);

3) лизинг алушы – автокөлік құралдарын лизингке сатып алушы заңды тұлғалар және дара кәсіпкерлер;

4) лизинг мерзімі – 3 жылдан 5 жылға дейін;

5) номиналды сыйақы мөлшерлемесі – жылдық 4%-дан аспайды;

6) қаржыландыру валютасы – теңге;

7) лизинг бойынша бастапқы жарна (аванс) – лизинг мәні құнының 30%-ы;

8) негізгі қарыз төлеу бойынша жеңілдікті кезең – 6 айға дейін;

9) сыйақыны төлеу бойынша жеңілдікті кезең – жоқ;

1) қосымша шығыстар (сақтандыру, сервистік және агенттік қызмет көрсету) – лизинг алушының есебінен;

2) лизинг алушылар «ҚДБ-Лизинг» АҚ алдындағы төлемдерді өтеген кезде, қайтарылған қаражат есебінен және осы Жоспарда айқындалған шарттарда қайта лизингтік қаржыландыруға жол беріледі.
2. «Еурокоптер» тікұшақтарының өндірісін қолдау
«ҚДБ» АҚ «ҚДБ-Лизинг» АҚ-пен мынадай шарттарда қарыз шартын жасасады;

1) қарыз сомасы – 10 миллиард теңгеге дейін;

2) сыйақы мөлшерлемесі – 0,25 жылдық пайыз;

3) қарыз мерзімі – 20 жылға дейін;

4) қарыз бойынша сыйақыны төлеу – жылына 2 рет;

5) негізгі қарызды өтеу – «ҚДБ-Лизинг» АҚ бастамасы бойынша мерзімінен бұрын ішінара немесе толық өтеу құқығымен тиісті қарыз келісімінің шарттарына сәйкес мерзімнің соңында;

6) қарыз валютасы – теңге.

«ҚДБ-Лизинг» АҚ өз кезегінде мынадай шарттарда қаржыландыруды ұсынады:

1) лизинг беруші – «ҚДБ-Лизинг» АҚ;

2) лизинг алушы – «Қазавиақұтқару» акционерлік қоғамы, «ҚДБ-Лизинг» АҚ талаптарына сәйкес келетін өзге де компаниялар;

3) лизингтің мәні – отандық өндірістің тікұшақтары;

4) тікұшақтарды өндіруші (сатушы) – «Еврокоптер Қазақстан Инжиниринг» жауапкершілігі шектеулі серіктестігі;

5) лизинг нысаналы пайдалану, ақылылық, мерзімділік, қайтарымдылық және қамтамасыз етілу шарттарында беріледі, оның ішінде:

қаржыландыру лимиті – 10 миллиард теңгеге дейін;

лизинг мерзімі – 20 жылға дейін;

номиналды сыйақы мөлшерлемесі – теңгеде жылдық 4 %-дан аспайды;

қаржыландыру валютасы – теңге;

лизинг бойынша бастапқы жарна – жоқ

негізгі қарыз төлеу бойынша жеңілдікті кезең – 18 ай;

сыйақыны төлеу бойынша жеңілдікті кезең – жоқ.

Лизинг бойынша ерекше жағдайлар:

1) міндеттемелердің орындалуын қамтамасыз ету – белгіленген тәртіппен «Қазақстан Инжиниринг» ұлттық компаниясы» акционерлік қоғамының кепілдік немесе мемлекеттік кепілдікті беру жөніндегі уәкілетті мемлекеттің органның мемлекеттік кепілдігін ұсыну (осы талап Қазақстан Республикасы Бюджет кодексіне тиісті өзгерістер енгізуді талап етеді);

2) заңнамада белгіленген тәртіппен лизинг алушыны республикалық бюджет есебінен қаржыландыратын ұйымдар үшін тікұшақ қызметтерінің бірыңғай операторы етіп айқындау және лизинг алушының «ҚДБ-Лизинг» АҚ алдындағы міндеттемелерін орындау үшін жеткілікті тарифтер белгілеу.
3. Жолаушылар вагондарының өндірісін қолдау
Нысаналы топ – «Қазақстан темір жолы» ұлттық компаниясы» акционерлік қоғамы (бұдан әрі – «ҚТЖ» ҰК» АҚ) не «ҚДБ» АҚ ішкі актілерінің талаптарына сәйкес келетін «ҚТЖ» ҰК» АҚ-ның еншілес ұйымы.

«ҚДБ» АҚ «ҚТЖ» ҰК» АҚ-қа не «ҚДБ» АҚ талаптарына сәйкес келетін «ҚТЖ» ҰК» АҚ еншілес ұйымына нысаналы пайдалану, ақылылық, мерзімділік, қайтарымдылық және қамтамасыз етілу шарттарында кредит береді, оның ішінде:

1) кредит сомасы – 5 млрд. теңгеге дейін;

2) номиналды сыйақы мөлшерлемесі – жылдық 2,0%-ға дейін;

3) кредит беру мерзімі – 20 жылға дейін;

4) негізгі қарызды төлеу бойынша жеңілдікті кезең – 120 айға дейін;

5) сыйақыны төлеу бойынша жеңілдікті кезең – жоқ;

6) кредит беру валютасы – теңге;

7) кредит бойынша қамтамасыз ету – белгіленген тәртіппен «Самұрық- Қазына» ұлттық әл-ауқат қоры» акционерлік қоғамының немесе «ҚТЖ» ҰК» АҚ-ның кепілдігін ұсыну.
4. Отандық экпорттаушыларды қолдау
Отандық экспорттаушыларды қолдау шеңберінде тікелей кредит беру, негіздемелік және лизингтік қаржыландыру
Нысаналы топ – Қазақстан Республикасының аумағында өңдеу өнеркәсібі саласында отандық тауарлардың экспортын және өнімдер импортын жүзеге асыратын ОІКС (оның ішінде резидент емес). Қаржыландырудың жалпы сомасы – 2015 жылы 35 миллиард, 2016 жылы 15 миллиард теңге.

1. Экспорттаушыларды қолдау «ҚДБ» АҚ және/немесе «ҚДБ-Лизинг» АҚ-ның (бұдан әрі – кредиторлар) талаптарына сәйкес қолданыстағы құралдар арқылы қаржыландыру ұсыну, оның ішінде қаржы институттарына/Қазақстан Республикасының аумағында шығарылатын өнімдерді импорттаушы (резидент емес) ұйымдарға кредит беру жолымен жүзеге асырылатын болады.

2. Кредит беру және/немесе лизигтік қаржыландыру нысаналы пайдалану, ақылылық, мерзімділік, қайтарымдылық және қамтамасыз етілу шарттарында беріледі, оның ішінде:

1) кредит беру/лизинг мерзімі – 20 жылға дейін;

2) номиналды сыйақы мөлшерлемесі – жылдық 6%-дан аспайды. Бұл ретте жылдық тиімді сыйақы мөлшерлемесі қаржы институттарының/импорттаушы ұйымның (резидент емес) комиссиясын және кредиторлардың саяси тәуекелдерін сақтандырған жағдайда экспорттық-кредиттік агенттіктердің комиссиясын жабуды қамтуы мүмкін;

3) кредит беру/лизинг валютасы – теңге немесе мәміле шарттарына байланысты өзге валюта;

4) кредит беру/лизинг бойынша қамтамасыз ету – «ҚДБ» АҚ және/немесе «ҚДБ-Лизинг» АҚ талаптарына сәйкес.

3. Отандық экспорттаушыларды қолдауды қаржыландыру бойынша рәсімдер мен қарау мерзімдерін оңайлату мақсатында «ҚДБ» АҚ-тың және/немесе «ҚДБ-Лизинг» АҚ-ның жобаларды қарау тәртібін және оларға қойылатын талаптарды регламенттейтін ішкі қағидаларына тиісті өзгерістер мен толықтырулар енгізу көзделеді.