Қазақстан Республикасының Үкiметi мен Сауд Арабиясы Корольдігінің Үкіметі арасындағы Инвестицияларды көтермелеу және өзара қорғау туралы келісімге қол қою туралы

Қазақстан Республикасының Үкіметі ҚАУЛЫ ЕТЕДІ:

1. Қоса берiлiп отырған Қазақстан Республикасының Үкiметi мен Сауд Арабиясы Корольдігінің Үкіметі арасындағы Инвестицияларды көтермелеу және өзара қорғау туралы келісімнің жобасы мақұлдансын.

2. Қазақстан Республикасының Инвестициялар және даму министрi Әсет Өрентайұлы Исекешевке қағидаттық сипаты жоқ өзгерiстер мен толықтырулар енгiзуге рұқсат бере отырып, Қазақстан Республикасы Үкіметінің атынан Қазақстан Республикасының Үкiметi мен Сауд Арабиясы Корольдігінің Үкіметі арасындағы Инвестицияларды көтермелеу және өзара қорғау туралы келісімге қол қоюға өкілеттік берілсін.

3. Осы қаулы қол қойылған күнінен бастап қолданысқа енгізіледі.

Қазақстан Республикасының

Премьер-Министрі К. Мәсімов
«Қазақстан Республикасының Үкiметi мен Сауд Арабиясы Корольдігінің Үкіметі арасындағы Инвестицияларды көтермелеу және өзара қорғау туралы келісімге қол қою туралы» Қазақстан Республикасының
Үкіметі қаулысының жобасына

ТҮСІНДІРМЕ ЖАЗБА

№ р/н	Түсіндірме жазбада көрсетілуге тиіс мәліметтердің тізбесі	Әзірлеуші мемлекеттік органның ақпараты
1.	Жобаны әзірлеуші мемлекеттік орган	Қазақстан Республикасы Инвестициялар және даму министрлігі
2.	Жобаны қабылдау қажеттігінің негіздемесі	«Қазақстан Республикасының халықаралық шарттары туралы» 2005 жылғы 30 мамырдағы Қазақстан Республикасы Заңының 5 және 8-баптарына сәйкес
3.	Жоба қабылданған жағдайда болжанатын әлеуметтік-экономикалық және/немесе құқықтық салдар	Қаулы жобасын қабылдау екі ел инвестицияларының қызметі үшін қолайлы жағдайлар жасауға ықпал етеді және әлеуметтік, экономикалық, құқықтық және экологиялық теріс салдарға әкелмейді
4.	Жобаны іске асыруға байланысты болжанатын қаржылық шығындар	Жобаны іске асыру республикалық бюджеттен қаржы қаражатты талап етпейді
5.	Жобаны қабылдаудың нақты мақсаттары, күтілетін нәтижелердің мерзімі мен болжанатын тиімділігі	Келісімге қол қою екі ел арасындағы экономикалық ынтымақтастықты нығайта түседі
6.	Жобада қаралатын мәселелер бойынша Президенттің және/немесе Үкіметтің бұрын қабылданған актілері және олардың іске асыру нәтижелері туралы мәліметтер	Жоқ
7.	Заңнаманы кейін жобаға сәйкес келтіру қажеттігі	Талап етілмейді
8.	Премьер-Министрдің тапсырмасы бойынша басқа ұйымдарда қосымша сараптама (құқықтық, сыбайлас жемқорлыққа қарсы, экономикалық, экологиялық, қаржы және басқа да) жүргізілген жағдайда оның нәтижелері	Өткізілген жоқ
9.	Өзге де мәліметтер	Жоқ
10.	Материалдарды (үзінді көшірмелерді) Үкімет мүшелерінің мобильдік құрылғыларына «Қазақстан Республикасы Үкіметінің мобильдік кеңсесі» ақпараттық жүйесі арқылы беруге рұқсат етіледі	Рұқсат етіледі
11.	Қаулы жобасын мемлекеттік органның интернет-ресурсында (веб-сайтта, интранет-порталда немесе басқа ақпараттық жүйеде) орналастыру туралы ақпарат	Жоба Қазақстан Республикасы Экономика және бюджеттік жоспарлау министрлігінің www.mid.gov.kz интернет-ресурсында және мемлекеттік органдардың интранет-порталында орналастырылған
12.	Мемлекеттік органның интернет-ресурсында (веб-сайтында) әлеуметтік маңызы бар қаулы жобасына баспасөз релизін орналастыру туралы ақпарат (баспасөз релизінің атауы, күні)	Жоба әлеуметтік маңызды болып табылмайды
13.	Реттеушілік әсерге талдау жүргізу нәтижелері туралы ақпарат (бар болса)	Жоқ

Қазақстан Республикасының Ә. Исекешев

Инвестициялар және даму

министрі

2015 жылғы «__»_____________

 

Жобаның атауы: «Қазақстан Республикасының Үкiметi мен Сауд Арабиясы Корольдігінің Үкіметі арасындағы Инвестицияларды көтермелеу және өзара қорғау туралы» Қазақстан Республикасының Үкіметі қаулысының жобасы

Үкіметтік шешімдерді шығару секторына қол қойылғаннан кейін барлығы____________ құжат келіп түсті, оларда _______________парақ.