Қазақстан республикасының мемлекеттік жалпығА

ҚАЗАҚСТАН РЕСПУБЛИКАСЫНЫҢ МЕМЛЕКЕТТІК ЖАЛПЫҒА

Стандарттың ережелерін ведомстовалық бағыныштылық және құқықтық-ұйымдық формасы ерекшелігіне қарамастан, магистранттарды дайындауды жүзеге асыратын Қазақстан Республикасының білім және ғылым ұйымдары қолдануы және оны сақтауы міндетті болып табылады.

Стандартты мемлекеттік басқару, аккредиттік органдары, білім және ғылым ұйымдарын аттестаттау мен лицензия беру комиссиялары, мамандықтар бойынша оқу-әдістемелік секциялары (кеңестер), тапсырыс берушілер мен жұмыс берушілер де пайдалана алады. Сонымен бірге магистрлерді дайындау сапасын сараптау үшін негізгі құжат болып табылады.
2 Нормативтік сілтемелер
Осы стандартта төмендегі нормативтік құжаттарға сілтемелер пайдаланылған:

Қазақстан Республикасының «Білім туралы» Заңы;

ҚР МЖМБС 5.04.033-2008 «Жоғары оқу орнынан кейінгі білім беру. Магистратура. Негізгі ережелер»;

ҚР МЖМБС 5.04.019-2008 «Жоғары білім беру. Негізгі ережелер»;

Қазақстан Республикасының «Халық денсаулығы және денсаулық сақтау жүйесі туралы» 2009 жылғы 18 қыркүйектегі № 193-IV Кодексі.

3 Терминдер мен анықтамалар

Осы стандартта Қазақстан Республикасының «Білім туралы» Заңына, ҚР МЖМБС 5.04.019, ҚР МЖМБС 5.04.033 сәйкес қысқартулар, терминдер мен анықтамалар қолданылған. Сонымен қатар, бұл стандартта төмендегідей қысқартулар пайдаланылған:

НП – негізгі пәндер;

БП – бейіндік пәндер;

МҒЗЖ – магистранттың ғылыми-зерттеу жұмысы;

МЭЗЖ –магистранттың эксперименттік-зерттеу жұмысы;

МӨЖ – магистранттың өзіндік жұмысы

МОБӨЖ – магистранттың оқытушының басшылығымен орындайтын өзіндік жұмысы

ІӘМ – іскерлік әкімшілік магистрі

4.2 Магистрлерді дайындау:

- осы стандартқа;

- Қазақстан Республикасының Жоғары және жоғары оқу орнынан кейінгі білім беру мамандықтарының классификаторына;

- оқу-бағдарламалық және әдістемелік құжаттарға;

- магистранттардың жеке жұмыс жоспарына;

- белгіленген тәртіп бойынша бекітілетін басқа да құжаттарға

сай іске асырылады.

4.3 Магистратурада 6М110200 – Қоғамдық денсаулық сақтау мамандығы бойынша мамандар дайындау екі бағытта жүргізіледі:

- бейіндік;

- ғылыми-педагогикалық.

Бейіндік магистратура қоғамдық денсаулық сақтау саласының жетекші мамандарын және денсаулық сақтау саласының кәсіби менеджерлерін дайындауды қамтамасыз етуге және басқару машығын қалыптастыруға бағытталған білім беру бағдарламаларын, оның ішінде ІӘМ (іскерлік әкімшілік магистрі) білім беру бағдарламасын жүзеге асырады. Бағдарламалар қолданбалы сипатқа ие.

Ғылыми және педагогикалық магистратура жоғары және ЖОО-дан кейінгі білім беру жүйесі мен ғылыми-зерттеу секторлары үшін тереңдетілген ғылыми педагогикалық дайындығы бар кадрларды ЖОО-дан кейінгі дайындаудың білім беру бағдарламаларын жүзеге асырады.

4.4 Ғылыми-педагогикалық магистратураның білім беру бағдарламаларын меңгерген және магистрлік диссертацияны қорғаған тұлғаға 6М110200 – Қоғамдық денсаулық сақтау мамандығы бойынша «медицина ғылымдарының магистрі» деген академиялық дәреже беріледі.

Бейіндік магистратураның білім беру бағдарламаларын меңгерген және магистрлік диссертацияны қорғаған тұлғаға 6М110200 – Қоғамдық денсаулық сақтау мамандығы бойынша «денсаулық сақтау магистрі» деген академиялық дәреже беріледі.

ІӘМ-нің білім беру бағдарламаларын меңгерген және магистрлік диссертацияны қорғаған тұлғаға 6М110200 – Қоғамдық денсаулық сақтау мамандығы бойынша «іскерлік әкімшілік магистрі» деген академиялық дәреже беріледі.

4.5 Осы стандарт ережелерінің мақсаттары:

- магистранттар дайындауды жүзеге асыратын білім беру және ғылым ұйымдары жұмысының тиімділігін арттыру;

- магистранттардың өз бетімен оқуын, ғылыми зерттеу жүргізуін және педагогикалық қызмет атқаруын ынталандыру;

- «денсаулық сақтау магистрі», «іскерлік әкімшілік магистрі» және «медицина ғылымдарының магистрі» деген академиялық дәрежелерді беру туралы Қазақстан Республикасы құжаттарының халықаралық білім беру кеңістігінде және халықаралық еңбек нарығында мойындалуын қамтамасыз ету.

4.6 Кәсіптік қызмет объектілері.

Магистратураны бітірушілердің кәсіптік қызмет объектілері.

бейіндік дайындық бойынша:

- денсаулық сақтауды басқару органдары, денсаулық сақтау және әлеуметтік қамсыздандыру ұйымдары.

ғылыми және педагогикалық дайындық бойынша:

- жоғары және жоғары оқу орнынан кейінгі білім беру ұйымдары;

- ғылыми ұйымдар.

- денсаулық сақтауды басқару органдары, денсаулық сақтау және әлеуметтік қамсыздандыру ұйымдары.

4.7 Кәсіптік қызмет түрлері.

6М110200 – Қоғамдық денсаулық сақтау мамандығы бойынша магистратураны бітірушілер кәсіптік қызметтің келесі түрлерін орындай алады

бейіндік дайындық бойынша:

- әкімшілік-басқару (денсаулық сақтауды басқару органдарының мамандары және денсаулық сақтау ұйымдарының әкімшілік-басқару қызметкерлері);

- талдау (ақпараттық-талдау орталықтарының қызметкерлері);

- сараптамалық-консультациялық (денсаулық сақтау және әлеуметтік қамсыздандыру ұйымдарының сарапшылары, консультанттары).

- салауатты өмір салтын қалыптастыру (аурулардың алдын алу және денсаулықты нығайту жөніндегі мамандар).

ғылыми және педагогикалық дайындық бойынша:

- педагогикалық (жоғары және жоғары оқу орнынан кейінгі білім беру ұйымдарының оқытушылары);

- ғылыми-зерттеу (ғылыми ұйымдардың қызметкерлері).

- әкімшілік-басқару (денсаулық сақтауды басқару органдарының мамандары және денсаулық сақтау ұйымдарының әкімшілік-басқару қызметкерлері);

- талдау (ақпараттық-талдау орталықтарының қызметкерлері);

- сараптамалық-консультациялық (денсаулық сақтау және әлеуметтік

қамсыздандыру ұйымдарының сарапшылары, консультанттары).

- салауатты өмір салтын қалыптастыру (аурулардың алдын алу және денсаулықты нығайту жөніндегі мамандар).

4.8 Оқу мерзімі

Магистратураның білім беру бағдарламасын меңгерудің нормативтік ұзақтығы:

- профильдік дайындықта - 1-1,5 жыл;

- ғылыми және педагогикалық дайындықта - 2 жыл.

4.9 Магистратурада білім беру процесінің аяқталуының негізгі критерийлері:

- бейіндік дайындықта магистрант - оқу мерзімі 1 жыл болса, кем дегенде 30 кредитті меңгеруі тиіс, оқу мерзімі 1,5 жыл болса, кем дегенде 40 кредитті меңгеруі тиіс, (ІӘМ білім беру бағдарламасы бойынша) оқу мерзімі 1,5 жыл болса, кем дегенде 45 кредитті меңгеруі тиіс;

- ғылыми және педагогикалық дайындықта магистрант кем дегенде 55 кредитті меңгеруі тиіс.