БАҒдарламасы зайсан қаласы 2006 жыл І. Бағдарламаның төлқұжаты. Бағдарламаның атауы

2006 жылғы 23 мамырдағы

№ 22 -13 шешімімен бекітілді


Зайсан ауданының 2006 - 2008 жылдарға

арналған "электрондық әкімдік"

қалыптастыру

БАҒДАРЛАМАСЫ

Зайсан қаласы

2006 жыл


І. Бағдарламаның төлқұжаты.

Бағдарламаның атауы	Зайсан ауданының 2006-2008 жылдарға арналған "электрондық әкімшілік" құру туралы бағдарламасы.
Бағдарлама жасаудың негізі	Қазақстан Республикасы Президентінің 2004 жылғы 10 қарашадағы №1471 Жарлығымен бекіген Қазақстан Республикасының 2005-2007 жылдарға арналған "электрондық үкімет" құру туралы мемлекеттік бағдарламасы және Шығыс Қазақстан облыстық маслихатының 2005 жылғы 18 қазанындағы №13/185-ІІІ шешімімен бекіген Шығыс Қазақстан облысы әкімінің 2006-2008 жылдарға арналған "электрондық әкімшілік" құру туралы бағдарламасы.
Дайындаушы	Зайсан ауданы әкімінің аппараты.
Мақсаты	Халықтың және бизнес-құрылымдардың мемлекеттік мекемелердің ақпараттық қорларына кедергісіз енуін және олардың бір-бірімен ақпарат алмасуын қамтамасыз ету мақсатында электрондық жүйе инфроқұрылымын қалыптастыру.
Міндеті	-азаматтар мен ұйымдардың ақпараттық қоғам жағдайында дұрыс жұмыс істеуін қамтамасыз ету үшін нормативтік құқықтық және әдістемелік базасын жасау; -жергілікті атқарушы органдардың ақпараттық инфрақұрылымдық базасын қалыптастыру; -мемлекеттік органдарда электрондық қызметті дамыту және құру; ИКТ саласында білім деңгейін көтеру және ақпараттық теңсіздікті жою жөнінде жұмыстар ұйымдастыру; электрондық үкімет пен электрондық облыстық әкімшілік инфрақұрылымдарына базалық компоненттер кіргізуге жағдай жасау; жергілікті атқарушы органдардың ақпараттық инфрақұрылымдарын қорғауды қамтамасыз ету; көрсетілетін электрондық қызметтің әртүрлілігін, сапасын, көлемін арттыру және біркелкі телекоммуникациялық инфрақұрылымдарды дамытуға жәрдемдесу;
Іске асыру мерзімі	2006-2008 жылдар
Қажетті ресурстар, Қаржыландыру көздері	Жергілікті бюджет, жеке инвестициялар, халықаралық және отандық қаржы ұйымдарының гранттары.
Күтілетін нәтижелер	Бағдарламаны жүзеге асыру нәтижесінде: аудандағы жергілікті атқарушы органдарда біркелкі құжат айналу жүйесі енгізіледі; мемлекеттік органдардың ақпараттық жүйесі мен қорларында әкімшілік процедураларының азаюына жағдай жасалады; халық пен бизнес-құрылымдарға электрондық қызмет көрсетуді дамыту қаматамасыз етіліп, ақпараттық инфрақұрылым базасы жасалады; ауданды ақпараттандыру процесін нормативтік-құқықтық және әдістемелік қамтамасыз ету жетілдіріледі; бірінші кезектегі базалық электрондық қызмет жүзеге асады; мемлекеттік органдардың ақпарат жүйесі мен қорларын тиімді қорғау жүзеге асады; әкімшілік пен халықтың бір-біріне сенім деңгейін көтеруге шешім қабылдап, ақпараттық ашықтық пен жариялылықты қамтамасыз етуге жағдай жасалады;

ІІ. Кіріспе.

Зайсан ауданын ақпараттандыру жөніндегі Бағдарлама (бұдан әрі-Бағдарлама) Қазақстан Республикасы Президентінің 2004 жылғы 10 қарашадағы №1471 Жарлығымен бекітілген Қазақстан Республикасында "электрондық үкімет" қалыптастырудың 2005-2007 жылдарға арналған мемлекеттік бағдарламасын (бұдан әрі-Мемлекеттік бағдарлама) іске асыру жөніндегі Қазақстан Республикасы Үкіметінің қаулысымен бекітілген Іс-шаралар жоспарын және Шығыс Қазақстан облыстық маслихатының 2005 жылғы 18 қазандағы №13/18-ІІІ шешімімен бекіген Шығыс Қазақстан облысының "электрондық әкімшілік" құру туралы бағдарламасын орындау үшін жасалды.

Зайсан ауданының ақпараттандыру бағдарламасы бұл жергілікті жерде мемлекеттік басқарудың тиімді жүйесін дамытуға және ақпараттық-коммуникациялық технологияларды пайдалана отырып ауданның әлеуметтік-экономикалық дамуын қамтамасыз ету, жергілікті жерде ақпараттық қорға азаматтардың кедергісіз кіру құқықтарына жағдай жасау болып табылады.

ІІІ. Зайсан ауданының ақпараттандыру жағдайына сараптама.

1. 
   Ұйымдастыру құрылымы. Зайсан ауданы 9 әкімшілік-аумақтық бірліктен тұрады, оның ішінде 8-і ауылдық округтер және Зайсан қаласы. Аудан бойынша халық саны 38443 адамды құрайды.
   

2. 
   Өңірдегі ақпараттық жүйелер мен ресурстар.
   

Жоспарлау мен басқару бойынша өз қызметін жүзеге асыру үшін әкімдік орталық атқарушы органдардың аумақтық бөлімшелерінен ақпаратқа сұрау салады. Ақпарат автоматтандырылған режимде берілмейді. Жергілікті және орталық атқарушы органдар арасындағы өзара іс-қимылдың тұрақты (бекітілген) регламенті, сондай-ақ ақпаратты беру мен алмасу тәртібі туралы нормативтік-құқықтық база жоқ.

Бағдарламалық-техникалық жабдықтау.

Аудандық әкімдіктің бөлімшелерінде пайдаланылатын негізгі техникалық құралдар- Сeleron, Pentium базасындағы дербес компьютерлер. Интернет жүйесіне кіру жалғанатын немесе бөліп шығаратын желілермен жүзеге асырылады, электронды почта пайдаланылады. Ауданның жеке веб-сайты жоқ, бірақ облыс әкімінің сайтында Зайсан ауданының Интернет-беті ашылған. Ауылдық округі әкімдері аппараты компьютермен және принтерлермен жабдықталған. Электрондық пошта байланысы мен Интернет жүйесіне қосылмаған. 30 оқу орны компьютер сыныптарымен жабдықталған, соның ішінде 28 Интернетке шығу мүмкіндіктері бар, 2 мектеп мултимедиялық кабинетпен жабдықталған.

Зайсан ауданы мемлекеттік мекемелерінің қызметкерлерінің компьютерлік білімдерінің төмендігі байқалады. Мемлекеттік мекемелер компьютерлік құрал жабдықтармен толық қамтамасыз етілмеген. Ауданда Интернетке кіретін қоғамдық нүкте жоқ.

Жергілікті басқаруды ақпараттандыру бөлігінде белгілі бір проблемалар да бар, олар:

• 
  мемлекеттік органдардың аумақтық бөлімшелерінің ақпараттық ресурстарына қолжеткізу бөлігінде нормативтік құқықтық базаның жетілмегендігі;
  
• 
  ақпараттандыру қызметінің болмауы және ақпараттық технологиялар саласында қызметшілердің біліктілік деңгейінің жеткіліксіздігі.
  

Бағдарламаның негізгі мақсаты е-әкімдіктің ақпараттық инфрақұрылымын қалыптастыру және ақпараттық-коммуникациялық технологияларды кеңінен пайдалану негізінде жергілікті атқарушы органдардың ақпараттық ресурстары мен жүйелеріне халық пен бизнес құрылымдардың қолжетімділігін ұйымдастыру болып табылады.

Бағдарламаның мақсаттарына жету үшін мынадай міндеттерді шешу керек:

1. 
   жергілікті атқарушы органдардың ақпараттық қоғам жағдайында мемлекеттік органдардың аумақтық бөлімшелерімен, азаматтармен және ұйымдармен өзара іс-қимылын реттейтін, тиімді нормативтік және әдіснамалық база құру;
   
2. 
   жергілікті атқарушы органдардың базалық ақпараттық инфрақұрылымын қалыптастыру;
   
3. 
   жергілікті атқарушы органдардың е-қызмет көрсетулерін қалыптастыру мен дамыту және оған тұрғындар мен бизнес құрылымдардың қолжетімділігін қамтамасыз ету;
   
4. 
   ақпараттық теңсіздікті жою және АКТ саласындағы білім деңгейін көтеру жөнінде жұмысты ұйымдастыру;
   
5. 
   е-үкіметтің және е-облыс әкімдігінің базалық құрамдас бөліктерін енгізу үшін жағдайлар жасау;
   
6. 
   е-үкіметтің және е-облыс әкімдігінің үлгілік жобалық шешімдерін енгізу базасында жергілікті атқарушы органдардың ақпараттық инфрақұрылымын оңтайландыру;
   
7. 
   Зайсан ауданы әкімінің Интернет-сайтын ашу;
   
8. 
   Жергілікті атқарушы органдардың ақпараттық ресурстары мен жүйелерін қорғауды қамтамасыз ету;
   
9. 
   Мемлекеттік органдардың аумақтық құрылымдарын және облыс әкімдігінің, кәсіпорындар мен ұйымдардың жұмысы мен өзара іс-қимылдарын жетілдіру мақсатында біріңғай телекоммуникациялық инфрақұрылымды дамытуға ықпал ету, көрсетілетін ақпараттық телекоммуникациялық қызметтердің әр түрлілігін, сапасын және көлемін арттыру.
   

Бағдарламаны іске асыру мынадай негізгі бағыттар бойынша жүзеге асырылатын болады:

б) халықтың неғұрлым қалың жігіне жергілікті БАҚ айдарларында Интернет-сабақтар сериясын жариялау ұйымдастырылады;

в) семинар-тренингтер ұйымдастырылып, компьютер үйрету сабақтары жүргізілетін болады;

г) қызмет көрсетуге қоғамдық қолжетімділікті дамыту кітапханалар мен "Казпошта" ААҚ бөлімшелері базасында ақылы, тегін және жеңілдік негізде, Интернетке қолжетімді сымсыз нүктелер арқылы е-қызмет көрсетуге қоғамдық қолжетімді пункттер желісін құру арқылы қамтамасыз етілетін болады.

а) жергілікті атқарушы органдар бөлімшелері өз жұмысында бухгалтерия мен қоймалық есеп жүргізу және т.б. жұмыстарды автоматтандыратын, бағдарламалық қамтамасыз етуді пайдалану;

б) жаңа үлгідегі Celeron, Pentium -4 базасындағы компьютерлік құралдар алу, соның ішінде файл-сервер, сервер қосымшалар мен мәліметтерді мұрағаттау құралдары ретінде пайдаланылатын дербес компьютерлер алу, 100Мбит/сек жылдамдықпен ақпарат алмасуды ұйымдастыруға мүмкіндік беретін, құрылымдалған жергілікті жүйелрді монтаждау бойынша жұмыстар жүргізу.

в) аудандағы мемлекеттік мекемелерді Интернет жүйесіне қосу, элетронды пошта қызметін пайдалану.

а) тұрғындарға әкімдік ұсынатын ақпараттар көлемін барынша кеңейту

б) азаматтарға ақпараттық қызметтер көрсетудің оларға аса ыңғайлы түрдегі тиімді

жүйесін құру;

в) әкімдіктің ақпараттық жүйелерінің электрондық қызмет көрсетулері нәтижесінде азаматтардың өмір сүруінің және аудандағы ұйымдар қызметінің барлық негізгі саласын қамту;

г) ауданда веб-сайт ашу.

Облыстық ақпараттық жүйелермен бірлесіп әрекет етуді ұйымдастыру.

а) ауданның мемлекеттік органдары инфрақұрылымының сапалы және сенімді жұмыс істеуін қамтамасыз ету мақсатында нормативтік актілерге, тұжырымдама талаптарына және ақпараттық қауіпсіздік саясатына сәйкестігіне техникалық құралдар мен бағдарламалық өнімдерді сертификаттау.

б) ақпараттық жүйелерді әзірлеуге ақпараттық қауіпсіздігін қамтамасыз етуге арналған техникалық тапсырмаларды келісудің біріңғай тәртібін айқындау.
VI.Бағдарламаны қаржыландыру.

2006 жылға Бағдарламаны іске асыру үшін қажетті қаржы ресурсының көлемі 2055 мың теңгені құрайды.

2007-2008 жылдары Бағдарламаның іс-шараларын іске асыру шығысы тиісті жылға аудан бюджетін қалыптастыру кезінде анықталады.

VII. Бағдарламаны іске асырудан күтілетін нәтижелер.

Бағдарламаны іске асыру азаматтар мен ұйымдардың жергілікті атқарушы органдардың электрондық қызмет көрсетулеріне жылдам әрі тиімді қолжеткізілімін қамтамасыз ету үшін жағдайлар жасау және ақпараттық технологияларды кеңінен қолдану негізінде жергілікті атқарушы органдардың жұмыс істеу тиімділігін арттыруға бағытталған.

Бағдарламаның іс-шараларын іске асыру нәтижесінде:

1. 
   тұрғындарға және бизнес-құрылымдарға электрондық қызмет көрсетуді дамытуды қамтамасыз ету үшін базалық ақпараттық инфрақұрылым құрылады;
   
2. 
   облыстық ақпараттық ресурстар мен жүйелердің өзара іс-қимыл базасында аудан әкімшілігінің әкімшілік рәсімдерін оңтайландыру үшін жағдайлар жасалатын болады;
   
3. 
   ауданның жергілікті атқарушы органдарында біріңғай құжат айналымының жүйесі енгізіледі;
   
4. 
   мемлекеттік қызмет көрсетулердің уақыты азаяды;
   
5. 
   тұрғындар мен әкімдіктердің арасында сенімділік деңгейін көтеруге, ақпараттық ашықтық пен жариялылықты қамтамасыз етуге мүмкіндіктер қалыптасады.