Ыстық пернелер және оларды баптау

Кез келген программа секілді көптеген панельдер мен меню командаларына оғай қол жеткізуді ұйымдастыратын «ыстық» пернелер немесе пернелер комбинациясы бар.

№2 Дәріс

Flash технологиясы қадамдық форматтағы анимацияны, Web-те пайдалануға болатындай етіп түрлендіру үшін дайындайтын анимациялық қосымша. Flash-тің негізі сурет салудан басталады.

Компьютер екі форматтағы графиканы бейнелейді: векторлық және растрлық. Растрлық бейнелер пиксельдер деп аталатын дискретті элементтерден тұрады. Әрбір пиксельдің өзіндік түстік мәні болады. Пиксельдің әр түрі жиналып бейне болатын форманы құрайды. Растрлық бейнеде оның көлемі мен әр пиксельдің түсі туралы ақпарат болады. Бейнені беру пиксельдер бойынша жүзеге асады.

Векторлық графикада, бейнелерде суреттер түзулер мен қисықтар арқылы тұрғызылады. Түзулер мен қисықтардың атрибуттарын (қалыңдығы, түсі, бағыты, орналасу) беретін командалар векторлық деп аталады. Олар кейін компьютермен өңделеді. Векторлық графика бейнені детальдау мен оның өлшемін өзгерткенде дәлдік пен нақтылықты жоғалтпайды. Векторлық графиканы өңдеу түзулер мен қисықтардың атрибуттарын өзгертумен жүзеге асады. Векторлық графика файлының көлемі кіші және оларды тез әзірлеуге болады. Растрлық бейненің көлемі мен жүктелу уақыты тікелей сурет өлшеміне тәуелді болады. Ал векторлық графикада инструкцияларды беру жүргізіледі, олар кейін проценттермен өңделеді, файл көлемі және жүктелу уақыты файл көлеміне емес, берілген инструкцияға байланысты болады.

Flash-те салынған суреттер штрихтар мен бояулардан тұрады. Штрихтар ішінде бояулар орналасқан контурлар қызметін атқарады. Ол екеуінде туратын суреттің өзінде де контурлар мен бояулар бір-біріне тәуелсіз болады.

Бір қабар көлемде бір-біріне тиістіріліп салынған суреттер бір-бірімен әрекеттеседі. Бір қабат көлемінде бір – біріне тиістіріліп салынған суреттер бір бірімен әрекеттеседі. Бір суреттің үстіне салынған екінші сурет өз денесі жабатын жерінде бірінші сурет элементтерін алмастырады. Бір түсті суреттер тиістіріліп тұрса, бірігіп кетеді, әр түрлі түстері бірікпей қалады. Pencil, Line, Brush, Oval және Rectangle инструменттерімен салынған түзулер басқа суреттерді кесіп өтетін сегменттерге бөліне алады. Бұл қасиетті негативті суреттерді жасауда пайдалануға болады. Суреттердің өзара әрекеттесуін болдырмау үшін оларды топтау керек немесе әр түрлі қабаттарға орналастыру керек.

Сурет салу барысында штрих және бояу түрі Stroke (штрих) және Fill (Бояу) өрістерінде көрініп тұрады. Олар инструменттер палитрасында орналасқан. Бояуды Color Mixer (Түстік микшер) панелінен де баптауға болады. Олардың біріншісіндегі өзгеріс басқасында автоматты түрде беріледі. Кез келген салынған суреттің контуры болады, бірақ бояуды тек тұйық контурлы облыстар үшін пайдалануға болады.