Әбдіраш Айсулу Темірбекқызы

Қажымұқан атындағы коммуалдық мемлекеттік мекемесінің бастауыш сынып мұғалімі

ОҚО, Ордабасы ауданы ст Бадам

Сабақтың тақырыбы: Адам болам десеңіз. Заттың атын білдіретін сөздер

Сабақтың мақсаты: Білімділігі: Оқушыларға тақырыпты түсіндіре отырып, Абай Құнанбаевтың өмірі мен балалық шағын таныстыру. Оқушыларға заттың атын білдіретін сөздер туралы түсінік беру, сұрақ қою арқылы зат есімді дұрыс табуды меңгеру.

Табыс критерийі: Жақсы қасиетті сіңіре біледі, зеректікке, ұқыптылыққа, адалдыққа, адамгершілікке ұмтылады.

Күтілетін нәтиже: Өлең мазмұнын түсінеді, қорытынды жасай біледі, сөздік қорын, ойлау қабілетін дамыту, мәнерлеп сөйлеуге, көркем жазуға, өз бетімен жұмыс орындайды. Тақырыпты талдай алады, түсінік айта алады.

Сабақтың түрі: Жаңа сабақ

Әдіс – тәсілдері: Түсіндіру, мәнерлеп тізбектей оқыту, топтастыру, ой қозғау, талдау.

Көрнектілігі: Абай суреті, оқулық, сызбалар, венн диограммасы, сөз жұмбақ.

Сабақтың барысы:

1. 
   Ұйымдастыру кезеңі.
   

Айналаға алақанмен

Күн шуағын шашамыз.

Сәттілік тілеп күлімсіреп,

Біз сабақты бастаймыз.

2. 
   Бағдарлау – мотивациялық кезең.
   

Ә) Өлеңді мәнерлеп оқу.

Б) Тақырыбы: Малдың пайдасы.

В) Өлеңнің авторы кім?

Ой қозғау стратегиясы:

• 
  Малдың қандай пайдасы?
  
• 
  Төрт түлік малды ата?
  
• 
  Мал туралы қандай мақал – мәтел білесіңдер?
  

• 
  Балалар, бізге Алматыдан хат келіпті. Қане, бәріміз тынышталып осы хатта не жазылғанын оқиық:
  

«Сәлеммен Алпамыс» - деп хатты аяқтапты.

Кәне, балалар, Алпамысқа көмектесеміз бе? Олай болса мен Алпамыс жіберген әр суретті көрсетемін. «Бұл не?» - деп сұрақ қойып отырамын. Сендер сол заттардың атын айтып тақтаға жазасыңдар.

• 
  Балалар хаттың ішінен тағы бір сурет шықты. Бұл кім екен?
  
• 
  Бұл Алпамыс.
  
• 
  Олай болса, ойымызды жинақтап, қорытындылап хат арқылы Алпамысқа оқу – құралдарының аттарын жолдайық.
  
• 
  Осыдан бүгінгі сабағымыздың тақырыбы: Заттың атын білдіретін сөдер шығады.
  

3. 
   Операционалдық – орындаушылық кезең.
   

190 – жаттығу.

А) Мұғалімнің өлеңді оқуы.

Ә) Оқушылар өлеңді тізбектей оқиды.

Б) Өлеңді талдау: - Өлеңнің авторы кім?

- Абай Құнанбаев кім?

- Абай атамыз қандай нәрселерден аулақ бол дейді?

- Бес нәрсеге асық бол.

- Бес асыл іс дегенді қалай түсінесіндер?

Сергіту сәті. «Желсіз түнде жарық ай»

Желсіз түнде жарық ай

Сәулесі суда дірілдеп

Ауылдың жаны терең сай

Тасыған өзен гүрілдеп.

Сөздікпен жұмыс:

Қашық – алыс

Асық – жақын

Рахым – қайырым

• 
  Адам, талап, еңбек сөздеріне сұрақ қойыңдар.
  

Абайдың өмірінен үзінді

Шын аты Ибраһим, оны әжесі Абайды есімімен атап кеткен. Абай Құнанбаев 1845 жылы жылан жылында туылып, 1904 жылы ұлу жылында 60 жасында қайтыс болған. Ол Семей облысыс Шыңғыс тауында дүниеге келген. Абайдың әкесі Құнанбай болыс, сұлтан болған. Абайдың шешесі Ұлжан сабырлы, кең мінезді әзілқой тапқыр болған. Әжесі Зере жұмсақ мінезді адам болған.

Абай 12 жасында Ахмет Риза медресесінде 4 жыл оқып, 3 айлық орыс мектебінде оқып, 15 жасында ел – жұрты оны би етіп сайлаған. 20 жасында орақ тілді шешен, халық өмірін ойлаған көсем болған. Абай атамыздың өлеңдері өте көп, соның ішінде бүгін біз «Адам болам десеңіз» өлеңін оқып отырамыз.

4. 
   Рефлексиялық – бағалау кезеңі.
   

Жасыл – түсіндім

Сары – әліде сұрақтарым бар

Қызыл – мүлде түсінбедім

Үйге тапсырма беру.

Әсемпаз болма әр неге өлеңін жаттау.