Егінсу ауылдық округі әкімінің 2011 жылы атқарылған жұмыстар туралы есебі Құрметті округ тұрғындары!

Елбасының 2005 жылғы 6 сәуірдегі «Жергілікті атқарушы органдарының жергілікті тұрғындар алдында атқарған жұмыстары жайындағы есебі» туралы Жарлығын іске асыру мақсатында, жыл сайын әкімдердің есеп беру кездесулері өткізіледі.

Бұл жұмыс тұрғындарды елде болып жатқан әлеуметтік – экономикалық, саяси реформалармен хабардар етуді жоғарлатуға бағытталған.

Бүгінгі менің есебіме аудандық сәулет, қала құрылысы және құрылыс бөлімінің бастығы Касенов Досымхан Ануарбекұлы қатысып отыр.

Жыл бойынша сіздермен әртүрлі сұрақтар бойынша бірнеше кездесулер өткізілді. Оларда проблемалық сұрақтар талқыланып, олардың шешілу жолдары қаралды. Бүгін біз соларды қорытындылаймыз. Былтырғы жылғы есеп беру кездесуде осы ауылдағы ауыз су мәселесі туралы сұрақ қойылған болатын. Бүгінгі күні ауылды сумен қамтамасыз ету жүйесін жөндеуге республикалық және облыстық бюджеттен 186 млн. теңге қаражат бөлініп, құрылыс жұмыстары жүргізілуде.

Сондай – ақ ауылда дәріхана жоқтығы туралы сұрақ көтерілген. Бұл мәселе облыс көлемінде оң шешімін тауып, бүгінгі күні Жанұзақ және Борсақ ауылдарындағы медициналық кызметкерлер тестілеуден өтіп, дәрі – дәрмек сату үшін сертификат алды. Ұлан ауылының медициналық қызметкері тиісті лицензияны алған соң, осында да , дәрі – дәрмек сататын пункт ашылады.

Ұлан ауылында Почта пункті аптасына 3 күн жұмыс істейді. Барлық төлем ақы, журнал газеттерге жазылу жұмыстары толық көлемде жүргізіледі.

Алматы тас жолынан Ұлан ауылына дейінгі жолды жөндеуге жоба жасалынып, экспертизадан өтті. 2012 жылы күрделі жөндеу жұмыстары жүргізіледі.

Ауылда электрик жоқ, бұл сұрақ толық көлемде әлі шешімін тапқан жоқ. Борсақ, Жанұзақ ауылдарының көшелерін жарықтандыруға 2012 жылға тапсырыс берілді.

Аудан, облыс орталығына қатынасу үшін автобус қажет. Бұның есебі жасалынып ауданаралық қатынас жасау үшін аудандық коммуналдық шаруашылық бөліміне сұраныс жасалынды.

Тұрғындармен барлығы – 463 тонна ет, 2764 тонна сүт, 128100 дана жұмыртқа өндірілді.

Шаруа қожалығымен – 328 тонна ет, 1800 тонна сүт өндірілді.

Ауылдағы «Көрпебай», «Бүркіт», «Жандос», «Тоғанас» шаруа қожалықтары облыс орталығындағы аудан көлемінде өткізілетін демалыс күнгі жәрмеңкелерге белсене қатысып, өз өнімдерін арзандатылған бағамен сатады.

Өткен қиын қыста осы шаруа қожалығының басшылары ауыл тұрғындарына жем, шөппен тегін көмек жасады.

Бүгін осы шаруашылықтардың басшыларына Е. Мурсалимовқа, Т. Ахметжановқа, М. Сулейменовке әкімшілік атынан ризашылығымызды білдіргіміз келеді.

Округте барлығы 76200 га жер учаскесі бар, оның ішінде – 9447 га егістік жер, шабындық – 3748 га, жайылым жерлер – 34641 га, орташа балл бонитет – 22.

Сондай – ақ картоп салу бойынша тапсырма да орындалды. 92 га жерге картоп егіліп, жақсы өнім алынды. Тұрғындардан сүт жинау «Шығыс сүт» жауапкершілігі шектеулі серіктестік арқылы жүргізілуде. Биылғы жылғы қысқа шөп толық көлемде жиналды.

Келген оралман ағайындарға 2780 га жер бөлініп беріліп суармалы арық тазаланып, су жіберіліп, осының арқасында картоптан мол өнім алынды. Осы жылы 2 ауылдық өндірістік кооператив ұйымдастырылды. Округ бойынша шағын кәсіпкерлікпен 13 адам шұғылданып халыққа игілікті істер атқаруда.

Ауылдық округ бойынша 2011 жылы салынған егістік көлемі және алынған өнім

Округ бойынша алты және одан да көп бала тәрбиелеп, өсірген 1 ана «Алтын алқа», 1 ана «Күміс алқа» белгілерімен марапатталып, тиісті жәрдемақыларын алып отыр.

Округте бір әлеуметтік қызметкер жұмыс істейді. Ол 6 жалғызбасты зейнеткерлер мен мүгедектерге көмек көрсетеді.

Жыл басынан 20 адам қоғамдық жұмысқа қатысты. Бүгінгі күні жұмыссыздар саны – 5 адам. 20 адамға 650227 мың теңге төленді.

Биылғы жылы 14 оралман механизатор курстарын оқып шықты.

«Жұмыспен қамту 2020» бірінші бағдарламасы бойынша шопырдың оқуына 2 адам, есепші 1 адам, малды ұрықтандырушы мамандығына 2 адам оқуға жіберілді.

Осы бағдарлама бойынша 4 бала колледждерде оқуға жолдама алды. Олар: Байбатыров Тимур, Асылханов Мейірбек Саратовка ауылындағы ауыл шаруашылық колледжіне, Кенжебекулы Ернар, Шайзатов Даният Өскемен қаласындағы Серікбаев атындағы ІТ колледжіне.

«Жұмыспен қамту 2020» екінші бағдарламасы бойынша 7 адам несие алуға өз өтініштерін және бизнес жобаларын тапсырды. Өкінішке орай 7 тапсырылған жобаның ішінде 1 жоба қабылданып 6 жобада кепілдікке қойылған мүлік құны жетпегендіктен қабылданбады.

1-4 сынып оқушылары мен аз қамтылған отбасының балалары толығымен ыстық тамақпен қамтылып, облыс әкімінің тапсырмасын орындау мақсатында, күнделікті балалардың рационына бал енгізілген.

Барлық мектептерде 1-4 сынып оқушылары мен аз қамтылған отбасының балаларына тегін тамақ беру ұйымдастырылған. Демеушілік жасап отырған азаматтар бар, олар – Сулейменов Мырзахан, Ахметжанов Турсынбек, Бухарбаев Қайрат, Кунафин Орал, Самарханов Нурбек, Азаматов Надір, Мухамадиев Құмарғазы, Сабырова Зинаят апай, Кумарбеков Бекболат ет, сүт, бал өнімдерімен көмек көрсетті.

Ауыл мектебінің қасында 20 орындық интернат жұмыс істейді. Бүгінгі күні онда 15 бала тұрып білім алуда. Интернат барлық жабдықтармен қамтылған.

Сондай-ақ 20 орындық шағын балалар орталығы жұмыс істеуде.

Сонымен осы жылы балалар үйінен 23 баланы асырап алуға ниет білдірген отбасылар болды. Қазіргі уақытта Жанұзақ ауылынан Ахметжанова Айтжан 2 қыз бала, Магауиянов Марат 1 ұл баланы қамқорлыққа алды.

Амбулаторияның басшысы – Шаямбекова Еркеш Сайдыгумаровна – ерінбей, күндіз-түні ауыл тұрғындарына көмегін көрсетеді.

Алдын ала емдеу жұмыстары және профилактикалық жұмыстар жүргізіледі. Кезекшілік ұйымдастырылған.

Салық
Округ бойынша тұрғындардан жер салық төлемі – 108637 теңге, мүлік салығы – 29680 теңге, біржолғы талондардан 54650 теңге жиналды. Салық жинау бойынша жоспар 2011 жылы 100 пайызға орындалды.
Көші – қон
Көшіп келген адамдардың саны – 65,

Көшіп кеткен адамдардың саны – 30.

Негізінен Қазақстанның ішіндегі оқу, жұмыс істеу үшін көшіп-қонулар.
Құқық қорғау
Округте учаскелік полиция қызметкері Заманбеков Айдар жұмыс істейді. Қызмет көрсету аумағында 1715 адам тұрады, Ұлан ауылында 1273 адам тұрады.

Жыл көлемінде 20 заңбұзушылықтар тіркеліп, олар бойынша 12 қылмыстық іс қозғалды.

Профилактикалық тіркеуде 54 адам тұр. Оның ішінде дәреже бойынша: – 53 адам ішімдікпен қиянат көретіндер;

- 1 адам мерзімнен бұрын шартпен босатылған.

2 адам 6 айдан 3 жылға дейінгі мерзімде араққорлықтан емделуге Өскемен қаласына жіберілді.

Ауылдық округте қоғамдық тәртіпті бақылау бойынша 7 адамнан құрылған 2 бірлестік ұйымдастырылған.

• 
  жер мәселелері жөнінен – 7;
  

Мектептің, ескерткіштің маңайлары тазаланып, гүлзарлар жасалды, сонымен қатар 50 түп ағаш отырғызылып, қоршаулары боялды.

Ауылдық тазалығына бөлінді – 80,0 мың. теңге, көріктендіру жұмыстарына – 100,0 мың теңге, жарықтандыру – 142,0 мың теңге.

2012 жылдың бюджеті 9 млн. 874 мың теңге, оның ішінде көшелерді жарықтандыруға – 2 млн.750 мың теңге, тазалыққа – 100 мың теңге, көріктендіру жұмыстарына – 120 мың теңге бөлінді.

Елбасының «Болашақтың іргесін бірге қалаймыз» Қазақстан халқына жолдауында, Қазақстанның 2011 жылға арналған даму бағдарламасын, ғаламдық экономикалық және саяси ықпалды қайта бөлу мен тарихи кезеңдер ауыса бастаған күрделі уақытта ұсынды. Біздің дағдарыстан шынығып, ширап шығуымыз қажеттігіне көбірек көңіл аударды. Біз ел тәуелсіздігінің 20 жылдығына қадам бастық. Біз бүгінгі Жолдау арқылы мерейлі белестегі атқарған істерімізді қорытындылап, болашаққа бағдар жасадық. Әкімшілік осы жолдаудан туындаған міндеттерді облыс, аудан әкімінің берген тапсырмаларын жүзеге асыру үшін жыл басында жоспар құрып осы жоспарға байланысты жылдық жұмысты жүргізді. Осы атқарылған жұмыстарға ақсақалдар алқасы, әйелдер кеңесі және жастар ұйымы да қатысты.

2011 жылы саяси жаңалықтарға толы болды. Ол Қазақстан Республикасының Президентінің сайлауы.

ҚР Тәуелсіздігінің 20 жылдық мерекесі.

ҚР Сенат депутаттарын сайлау

2011 жылы еліміздің барлық халқы Қазақстан Республикасы Тәуелсіздігінің 20-жылдығын атап өтті. «Туған жерге тағзым», «20 қайырымдылық іс» акциялары жыл бойы жүргізілді. Бұл акцияға белсене араласқан шаруа қожалық басшыларына, мектеп түлектеріне өз алғысымызды білдіреміз.

Біздің міндетіміз осы мерекені тұрғындардың тұрмыс деңгейін жақсартып, үлкен нәтижелерге қол жеткізіп, бейбітшілік өмірде қарсы алу жұмыстары жүргізілді.

Құрметті ауыл тұрғындары! Өздеріңізге белгілі, елімізде өткізілген Президентті сайлау кезінде округ тұрғындары өздерінің белсенділіктерін танытты, округ бойынша Елбасы Нұрсұлтан Әбішұлы Назарбаевқа 99 пайыздан жоғары дауыс берілді. Ол дегеніміз еліміздің тұрақтылығына, болашағына және бірлігіне дауыс берді деп түсінуге болады. Қазақстан еліміздің экономикасы, гүлденуі және біздің бейбіт өмір сүруіміз өзіміздің қолымызда.

2012 жылдың 15 қаңтар күні Мәжіліс сайлауымен бірге жергілікті мәслихаттардың сайлауы өткізіледі. Округтік сайлау учаскелік комиссиясы жұмыстарын істеуде. Осы алдымыздағы сайлауда өз белсенділіктеріңізді көрсетулеріңізді сұраймын.

Біздің алдымызда елімізді асқар асуларға бастайтын тарихи маңызы зор тағдырлы шешімдер қабылдау міндеті тұр. «Нұр Отан» партиясының XIV съезі жаңа кезеңге бетбұрыс бастауы болады деп үміт артамыз.

Біздің қуатымыз – бірлікте.

Біз берік бірлігіміз бен бекем тірлігіміз арқылы ұланғайыр жетістікке қол жеткіздік.

Алдағы уақытта да иық тіресе жүріп, биік белестерді бірге бағындыра береміз.

Біздің бағытымыз айқын, болашағымыз жарқын.