15-Тақырып: Заманауи мектеп кітапханасында қызмет көрсету . (1сағат)
Семинардың өтілу түрі – Баяндама талқылау
Мазмұны: Мектеп кітапханасы қазіргі кезде бірқатар функциялар атқаратын әлеуметтік институт ретінде қарастырылуда. Мектеп кітапханасы әлеуметтік иниститут ретінде атқаратын негізгі қызметі:
1. Білім беру – ақпараттық ресурстар мен қызметтер арқылы оқушыны тәрбиелеп, оқытып жеке тұлға ретінде қалыптастыруға септігін тигізу:
2. Ақпараттандару – ақпараттарға қол жеткізу, оқушының, мұғалімнің және басқа да білім беру жүйесіндегі қызметкерлердің ақпараттық талаптарын қамту:
3. Мәдениетке баулу – оқырмандардың рухани дамуына жол ашу, оларды отандық және дүниежүзілік мәдени құндылықтарға жақындату, мәдени өсуіне продуктивті және репродуктивті жағдай жасау:
4. Бос уақытты тиімді пайдалану – оқушылардың бос уақытын мәнді етіп өткізуіне жағдай жасау шығармашылық коммуникативті орта ұйымдастыру:
Еліміздегі мектеп кітапханаларының бүгінгі жағдайын зерттей келе шығатын қорытынды ретінде кітапхана қызметін модернизациялаудың негізгі бағыттарын атап өтсек болады: мектеп кітапханасын басқарудың жалпы мемлекеттік жүйесін қалыптастыру; кітапхана қызметінің нормативтік-құқықтың базасын жаңарту; материалдық- техникалық базасын жетілдіру; кітапхана қорының сапасын көтеру; кооперацияларды дамыту және кітапхана қызметін интеграциялау, мектеп кітапханалары мен кітапхана жүйелерін орталықтандыру; кітапхана қызметкерлерін дайындау, білімін көтеру, қайта даярлау жүйесін көтеру жолдарын қарастыру.
Бақылау сұрақтары:
Кітап ісінің құрылымы және құрамы.
Кітап ісінің негізгі салалары, олардың қоғамдық міндеттері.
Баспагерлік, полиграфиялық, кітап сату, кітапаханалы-библиографиялық іс. Олардың мінездемесі.
Кітап ісінің түрлі салаларының өзара байланыстары және өзара әрекеттері.
Әдебиеттер тізімі:
Достарыңызбен бөлісу: |
