“Alikhan Bokeikhan University”
Ақпараттық технологиялар және экономика факультеті
Қолданбалы биология кафедрасы
ІС-ТӘЖІРИБЕ КҮНДЕЛІГІ
Өндірістік іс-тәжірибесі
(Іс-тәжірибе атауы)
"ҚАЗАҚ ҚАЙТА ӨҢДЕУ ЖӘНЕ ТАМАҚ ӨНЕРКӘСІБІ ҒЫЛЫМИ-ЗЕРТТЕУ ИНСТИТУТЫ" ЖШС
(Іс-тәжірибеден өту жері)
26.03.2024-26.04.2024
(Іс-әжірибенің басталуы мен аяқталу мерзімі)
Студент: Мырзаканов Алдаберген Мақсутұлы
(Студенттің аты-жөні)
Топ: БТ-001 тобы 4 курс студенті
Семей 2024
Іс-тәжірибеден өту бойынша жұмыс жоспарының кестесі
№
|
Тәжірибенің басталу мерзімі
|
Жүргізілген жұмыстың мазмұны
|
Ескертулер мен қорытындылар
|
Ескертулер
|
1
|
2024-03-26
|
Өндірістік қауіпсіздік негіздері. Қауіпсіздік техникасы бойынша нұсқаулықпен танысу.
|
Өндірістік іс-тәжірибені бастамас бұрын өндірістік іс-тәжірибе жетекшісі қауіпсіздік ережелерімен техникасы бойынша дәріс жүргізді . Қауіпсіздік техникасы бойынша нұсқаулықпен танысып, нұсқаулыққа қол қойдық. Зертханада жүргізілетін жұмыстар бойынша бекітілген нормативтік құжаттармен және санитарлық-гигиеналық талаптармен таныстық.
|
Болған жоқ
|
2
|
2024-03-27
|
Зертханалық құрал-жабдықтармен жұмыс жасау ережелері. Құрылғылардың жұмыс жасау принциптері.
|
Зертханалық құрал-жабдықтармен жұмыс жасау ережелері бойынша таныстырылым жұмыстары жүргізілді. Зертханалық әр түрлі химиялық реактивтерден бастап үлкен өндірістік құрылғылармен және құрылғылардың жұмыс жасау принциптерімен таныстық. Бұл мекемеде сүт өнімдеріне анализдік талдаулар жүргізуге арналған түрлі реактивтермен қондырғылар бар. Мысалы сүттің титрлік және активті қышқылдығын, құрамындағы майды, ақуызды, сомо және көмірсуларды анықтауға, сонымен қатар шикізат құрамындағы витаминдер, минералдар, ауыр және жеңіл металлдарды, құрғақ заттарды анықтауға арналған құрылғылармен жұмыс жасадық.
|
Болған жоқ
|
3
|
2024-03-28
|
Нан пісіру технологиясы зертханасымен және зертханада жүргізілетін зерттеу жұмыстарымен, технологиялық процесстермен танысу.
|
Нан-тоқаш өндірісінің түрлерін немесе оның элементтерін өндіруде оңтайлы режим мен прогрессивті технологиялық процестерді дайындау, өнімнің жоғары сапасын сақтау, әзірленіп жатқан жобаны жобалау бойынша қолданыстағы нормативтік құжаттарға және техникалық талаптарға сәйкес оны дайындауға материалдық және еңбек шығындарын азайту бойынша арнайы тағылымдамадан өттік. Патенттік зерттеулер жүргізуге қатысу және құрылғылардың, жабдықтар мен өнімдердің ақауларын анықтау және жою жөніндегі ұсыныстарды әзірлеуге енгізілген технологиялық процестерді қамтитын құрылғыларды, жабдықтарды және басқа жабдықтарды жобалауға арналған технологиялық тапсырмаларды жасауға қатысу бойынша таныстырырылым жүргізілді. Технологиялық құрылғыларды сынауға қатысу, технологиялық процестер мен өндіріс режимдерін игеру және тексеру үшін жүргізілетін эксперименттерге қатысу туралы толық ақпараттармен таныстық.
|
Болған жоқ
|
4
|
2024-04-01
|
Өсімдік шаруашылығы өнімдерін өңдеу және сақтау технологиясы зертханасында жүргізілетін зерттеу жұмыстарымен танысу.
|
Өсімдік шаруашылығы өнімдерін өңдеу және сақтау технологиясы зертханасында жүргізілетін және қазіргі уақытта жүргізіліп жатқан биотехнологиялық зерттеу жұмыстармен таныстық. Осы зертханада жүргізілетін жұмыстар қатарында берілген химиялық құрамы мен функционалдық қасиеттері бар ұлттық және дәстүрлі тамақ өнімдерін өндіру үшін биотехнологиялық және электрофизикалық әдістерді қолдана отырып, өсімдік шикізатын ұтымды және кешенді өңдеу бойынша әлемдік нарықта бәсекеге қабілетті ғылыми-қолданбалы әзірлемелер мен жаңа технологияларды құру;
Өсімдік және жануарлар шикізаты негізінде ұзақ сақтау мерзімі бар ұлттық құрама тамақ өнімдерін өндіру;
Жемістер мен көкөністерді сақтау техникасы мен технологиясы; сапалық көрсеткіштердің ұзақ сақталуын, биологиялық және тағамдық құндылығын қамтамасыз ететін өсімдік шаруашылығы өнімдерін сақтау кезінде ауаның температуралық және ылғалдылық режимдерін сақтау жүйесі;
Бидай ұрығы негізінде ақуыз-витамин кешенін өндіру технологиясы және оны функционалдық мақсаттағы тамақ өнімдерінде қолдану;
Биотехнологиялық өңдеу әдістерін қолдана отырып, өсірілген бидайдан биологиялық қоспаны өндіру технологиясы;
Өсімдік шикізатын қолдана отырып, жаңа тағамдық ингредиенттерді алу технологиясы;
Тағамдық және биологиялық құндылығы жоғары макарон өнімдерін өндіру технологиясы сынды зерттеу жұмыстарымен таныстық.
|
Болған жоқ
|
5
|
2024-04-05
|
Мал шаруашылығы өнімдерін өңдеу және сақтау технологиясы зертханасында жасалынатын зерттеу жұмыстарымен танысу.
|
Мал шаруашылығы өнімдерін өңдеу және сақтау технологиясы зертханасында жасалынатын және осы қазіргі уақытта жүргізіліп жатқан жұмыстармен таныстық. Зертхананың зерттеулері: мал шаруашылығы шикізатының құрамы мен қасиеттерін терең зерттеуге; ет-сүт шикізатын ұтымды және кешенді өңдеуге; ет-сүт өнімдерінің сапасы мен бәсекеге қабілеттілігін арттыруға; функционалдық мақсаттағы өнімдерді өндіру кезінде жаңа технологиялық процестерді әзірлеуге бағытталған.
Қазіргі уақытқа дейін осы зертханада бие мен түйе сүтін ұзақ уақыт сақтайтын, бастапқы қасиеттерін жоғалтпайтын, тұтынуға ыңғайлы және тасымалдау кезінде үнемді өсімдік қоспалары бар таблеткалар мен құрғақ ұнтақтар түріндегі өнімдерді өндіру технологиялары әзіроенген. Технология көмірсуларға, минералдарға және дәрумендерге бай және әртүрлі аурулардың алдын алу, сондай-ақ адамның иммундық жүйесін арттыру мақсатында тұтынуға арналған ұзақ мерзімді сақтау өнімдерін алуға мүмкіндік береді. Зертхана ғалымдары эксперименттік қондырғылар әзірлеген:вакуум буландырғыш және вакуумды сублимациялық кептіргіш.Жаппай тұтыну және емдік-профилактикалық мақсатта биологиялық және тағамдық құндылығы бойынша теңдестірілген, аралық ылғалдылығы және ұзақ сақтау мерзімі бар жаңа буынның жаңа құрамдастырылған тамақ өнімдерін өндіру технологиялары бойынша таныстырырылым жұмыстары жүргізілді:
|
Болған жоқ
|
6
|
2024-04-10
|
Астық өнімдері және жем (азықтық) технологиясы зертханасыда орындалатын зерттеу нысандары мен технологиялық процесстермен танысу.
|
Астық өнімдері және жем (азықтық) технологиясы зертханасыда орындалатын зерттеу нысандары мен технологиялық процесстермен таныстық. Бұл зертханада жануарлардың, балықтардың, құстардың әртүрлі түрлеріне арналған емдік-профилактикалық мақсаттағы құрама жемнің жаңа түрлерін әзірлеумен және оларды өндіру мен астықты терең өңдеу кезінде шикізат ресурстарын тиімді пайдаланудың ұтымды технологиясын жасаумен айналысады.
Жас жануарларға арналған емдік-профилактикалық құрама жемнің 8 ғылыми негізделген рецепті және сүт қышқылды бактериялармен байытылған май өнеркәсібінің қалдықтары негізінде алынған профилактикалық әсері бар жемшөп қоспаларын пайдалана отырып, ересек ауыл шаруашылығы жануарларына, құстарға және бағалы балық тұқымдарына арналған 12 рецепт әзірленген және нақтыланған. Азық қоспасында сүт қышқылы бактериялары энтеропатогенді E. coli, протей, стафилококк, сальмонелла және В тобына қарсы жоғары антагонистік белсенділікке ие бактериялар бар. Қазіргі уақыттағы азықтық өнімдерде кездесетін барлық мәселелер осы зертханада қарастырылып зерттеледі.
|
Болған жоқ
|
7
|
2024-04-15
|
Өнімнің сапасы мен қауіпсіздігінің биотехнологиясы зертханасында жүргізілетін зерттеу жұмыстарымен және қолданылатын негізгі нысандармен танысу.
|
Өнімнің сапасы мен қауіпсіздігінің биотехнологиясы зертханасында жүргізілетін зерттеу жұмыстарымен және қолданылатын негізгі нысандармен таныстық. Бұл зертхананың негізгі зерттеу бағыты шикізат пен тамақ өнімдерінің сапасын физика-химиялық зерттеу;
Санитариялық нормалар бойынша өнімнің сапасы мен қауіпсіздігінің сәйкестігіне микробиологиялық зерттеулер (СаНПиН);
Өнімнің сапасы мен қауіпсіздігін токсикологиялық зерттеу;
Шикізат пен тамақ өнімдерінің сапасы мен қауіпсіздігін зерттеудің жаңа әдістерін әзірлеу және енгізу;
Тамақ өнеркәсібі мамандарының біліктілігін арттыру үшін тамақ қауіпсіздігі бойынша оқу курстарын ұйымдастыру;
Шикізат пен тамақ өнімдерінің сапасы, қауіпсіздігі, қайта өңдеу және өндіру жөніндегі нормативтік-техникалық құжаттамаларды әзірлеу және халықаралық стандарттармен үйлестіру;
Шикізат пен тамақ өнімдерін өңдеу және өндіру, сондай-ақ олардың сапасы мен тамақ қауіпсіздігі бойынша ғылыми жобаларды әзірлеу және практикаға енгізу;
|
Болған жоқ
|
8
|
2024-04-18
|
Сүт сапасын анықтау және физико-химиялық талдаулар жүргізу.
|
Сүт сапасын анықтау және физико-химиялық талдаулар жүргізу. Сүттің орташа үлгісі – сиырдың бір күнгі сүтінің әр сауымынан алынған үлгісінің мөлшері. Әр сауымнан алынған сүттің құрамы әртүрлі болады. Сондықтан да сүттің орташа үлгісін дұрыс алу керек.
Орташа үлгіні тоңазытқышта 2 тәулікке дейін 3-50С температурда сақтауға болады. Оған мүмкіндік болмаған жағдайда консерванттар пайдаланылады. Ол үшін 100мл сүтке 30-33% судың асқын тотығының (Н2) 1-2 тамшысын қосады немесе 10% ерітінді түрінде калий қос хромды қышқылының 1мл мөлшерін, кейбір жағдайда формалиннің 1-2 тамшы 40% ерітіндісі пайдаланылады.
Органолептикалық көрсеткіштерін бағалауда ыдысын қарайды, сүт температурасын өлшейді, сыртқы түрін, консистенциясын, түсін, дәмін және иісін анықтайды. Сүт температурасы 8°С-тан, ал стерилденген - 20°С-тан аспауы керек.
Сүттің дәмі мен иісі таза, бөтен дәм мен иіссіз болу керек. Сүттің иісін жабық тұрған ыдыстың қақпағын, тығынын ашып анықтайды. Сүттің дәмі аздап тәтті келеді. Оны анықтау үшін бір жұтым (200С) сүтті ұрттап, тілді ұшынан бастап түбіне дейін жайып өтеді. Содан соң ауа жұтып, жайлап мұрнымен шығарады.
Тығыздық – сүттің физикалық қасиеттерінің бірі. Осы арқылы сүттің табиғи жағдайын білеміз. Оның көрсеткіші арқылы литрден килограмға айналдырамыз. Сүттің құрғақ заттарының мөлшерін есептеп шығарамыз.
Тығыздықты ареометрмен өлшейді. Алдағы уақытта ареометрмен жеке шаруашылықтарды да қамтамасыз еткен жөн. себебі сүттің майлылығы 10-15 күнде тексеріліді. Ал тығыздығы арқылы біз сүттің табиғилығын, су немесе басқа ерітінділердің қосылғанын білеміз.
Сүттің тығыздығы сауын біткеннен кейін 2 сағаттан соң 15-250С шамасында тексеріледі.
200-250 мл сүтті тегіс жерге орналастырған цилиндр ыдысқа құйып, оған жайлап ареометрді батырады. 1-2 минут өткеннен кейін ареометрдің төменгі шкаласы бойынша тығыздығын, ал температурасын жоғары шкала арқылы өлшейміз. Сүттің тығыздылығы 1,030 болса, оны ареометрдің градусына айналдырғанда 300А немесе 1,032-320А болады. Сүттің тығыздығы мал тұқымына, азығына, жем-суына байланысты. Тығыздықтың мөлшері сүтке су қосқанда азаяды да, ерітінділер қоссақ немесе майын алып тастасақ көбейеді.
Сүттің майлылығын май өлшеуішпен (бутирометр), болмаса тағы басқа арнайы аспаптармен анықтайды. Бұл әдіс майлы сүттің құрамындағы белоктарды қойылтылған күкірт қышқылымен еріткеннен кейін центрифугалап бөліп алуға арналған.
Таза бутирометрге (май өлшеуішке) 10 мл қойылтылған күкірт қышқылын (тығыздығы 1,81-1,82) құямыз. Оның үстіне 10,77 мл сүт құйып, 1 мл изоамиль спиртін қосамыз. Бутирометрді тығыздап резинка тығынмен тығындап, температурасы 65-700С су ваннасына 5 минут тығын жағымен төмен қаратып қоямыз. Айтылған уақыт өткен соң бутирометрді алып, 5 минут центрифугада айналдырамыз. Содан кейін бутериметрді қайтадан 5 минуттан 65-700С температурасы бар су ваннасына қоямыз. Ваннадағы судың деңгейі бутирометрдегі ерітіндінің деңгейінен жоғары болу керек, әйтпесе салқындаған майдың көлемі көрсеткіштен аз болады. Су ваннасынан бутирометрді алғаннан кейін майдың төменгі деңгейін 0-ге қойып жоғарғы деңгейіне дейінгі аралықты өлшейміз. Көрсеткен бөлікшелердің саны майдың процент өлшемін көрсетеді. Әрбір кішкене бөлім 0,1%-ке тең де, 10 кішкене бөлім 1 %-ке тең. Міндетті түрде екі рет анықтап барып, орташа көрсеткішін аламыз.
Қышқылдық градусы дегеніміз күйдіргіш натрийдің (Na OH), децинормальды ерітіндінің миллилитр мөлшері, ол 100 мл сүтті нейтрализациялайды.
Сүттің қышқылдығын анықтау үшін шыны сауытқа 10 мл сүт, 20 мл дистилденген су және фенолфталеиннің 1 проценті спирт ерітіндісінің 3 тамшысын құяды. Шыны сауыттағы қоспаларды әбден араластырады, бюреткадан өте ептілікпен, бір минут ішінде кете қоймайтын, солғын қызғылт түс білінгенше децинормальды сілтіні (натрий немесе калий) құяды. Миллиметрдегі 10-ға көбейтілген сілтінің шығыны қышқылдың градусын көрсетеді.
Сүттің тазалығы «Рекорд» немесе «Голландия» атты аспаптармен анықталады. Оның әдісі бойынша диаметрі 27-30 мм мақта немесе фланелді сүзгімен әбден араластырылған 250 мл сүтті сүзіп алады. Сүзгіні қағаздың (жақсысы пергаментте) үстіне салып кептіріп, эталонмен салыстырады. Сүзгінің үстіндегі қалдықтардың мөлшеріне қарай, сүт бұл көрсеткіш бойынша (ГОСТ 8218-56) қандай топқа жататынын анықтайды.
Сүттегі формалинді анықтау. Шыны түтікке 2-3 мл күкірт қышқылы мен азоттың қосындысын (тығыздығы 1,30, 100 мл күкірт қышқылына бір тамшы азоттан) және осындай мөлшерде сүт құяды. Соңғысын еппен, бөліп-бөліп құю қажет. 1-2 минуттен кейін сүт пен реактивтің түйіскен жерінде күлгін түсті немесе қоңыр көк дөңгелектер байқалса, онда сүтте формалиннің бар екендігін білеміз. Сүтте формалин жоқ болған жағдайда дөңгелектер әлсіз сарғылт қоңыр түске боялады.
|
Болған жоқ
|
9
|
2024-04-19
|
Шұжық түрлерін дайындау технологиялары және жұмыстың орындалу реттілігі.
|
Шұжық түрлерін дайындау технологиялары және жұмыстың орындалу реттілігі. Өндіріс кезеңдері келесідей:
Шикізат қабылданады. Жоғары сапалы сиыр, шошқа еті немесе қой еті қолдануға рұқсат етіледі. Шикізатты сақтаудың шекті мерзімі-9 ай, бірнеше рет мұздатуға жол берілмейді.
Шикізат одан әрі өңдеуге дайындалады. Жартылай ұшалар мұқият тазаланады, тамырлар сорттарға сәйкес жасалады, сіңірлер, үлкен қан тамырлары, сүйектер және дайын өнімде болмауы керек басқа қоспалар алынып тасталады.
Ет ұсақталып, тұздалады. Торларының саңылаулары жеткілікті үлкен диаметрлі ет тартқыштар мен шыңдарды қолдануға рұқсат етіледі. Алдын ала тұздау процесінде дәмдеуіштер мен жақсартатын қоспаларды шикізаттың барлық көлеміне біркелкі таратуға мүмкіндік беретін тартылған ет араластырғыш қолданылады.
Әрі қарай ұнтақтау жүргізіледі. Шыңдарда торлар өзгереді, енді олардың диаметрі 2-ден 8 миллиметрге дейін болуы керек. Ұнтақталған етпен бірге рецепт бойынша тағайындалған басқа ингредиенттер, соның ішінде шпик өңделеді.
Дайындалған тартылған ет қабыққа беріледі. Толтыру мүмкіндігінше тығыз болуы керек, сондықтан гидравликалық механизмдері бар вакуумдық шприцтерді қолдану ұсынылады.
Соңғы сатыларда өнім тұндырылады, технологиямен белгіленген температуралық режимде ысталады және салқындатылады.
|
Болған жоқ
|
10
|
2024-04-22
|
Ет өнімдеріне жүргізілетін микробиологиялық талдаулар және қойылатын негізгі санитарлық талаптар.
|
Ет өнімдеріне жүргізілетін микробиологиялық талдаулар және қойылатын негізгі санитарлық талаптар бойынша талдаулық жұмыстар жүргізілді. Ет ұлпаларының бұзылуы мен микроорганизмдердің дамуына септігін тигізетін факторлар. Етте микроорганизмдердің дамуы əртүрлі факторларға тəуелді болады: Температураның əсері. Осмос қысымының əсері. Орта реакциясының мəні. Микроорганизмдердің дамуына байланысты еттердің бұзылулары. 1. Еттің бұзылуының кең тараған түрі: 2. Еттің шіруі (белоктардың ыдырауы). 3. Еттің зең басуы. 4. Еттің қараюы. 5. Еттің пигментациялануы. 6. Еттің шырыштануы. Етті сүрлеу əдістері. Еттің бұзылуына əкелетін микроорганизмдердің дамуы мен зақымданулардың алдын алу үшін етті сүрлеу қажет. Сүрлеудің бірнеше əдісі бар: 1. Физикалық əдістер: етті төмен температура арқылы сүрлеу; етті жоғары температура арқылы сүрлеу; кептіру; ультракүлгін сəулемен сəулелендіру. 2. Химиялық əдістер: тұздау; ыстау; газды ортаны қолдану.
Шұжық өндірісін санитарлық бақылау. Шұжық өнімдері – тағам ретінде қолдануда қосымша термикалық өңдеуді қажет етпейтін еттік өнімдер. Сондықтан шұжықтарды дайындау процесіне жəне дайын өнімге өте қатал санитарлық талаптар қойылады. Бұл талаптар бойынша шұжықтарда СКМ-дің келесі топтары анықталады: 1. ІТТБ (колиформалар). 2. Сульфитредукциялаушы клостридиялар. 3. Стафилококктар (алтын түсті). 4. Сальмонеллалар. Осындай әр түрлі зерттеу жұмыстары осы зертханада жүргізіледі.
|
Болған жоқ
|
11
|
2024-04-23
|
Майлылығына байланысты сүзбе түрлерін өңдірудің технологиялық процесстері.
|
Майлылығына байланысты сүзбе түрлерін өңдірудің технологиялық процесстері. Біз зертханалық жағдайда сүзбе дайындадық. Ол үшін төмендегі технологиялық процесстерді орындадық. Сүзбе-белокты сүт қышқылды өнім. Құрамында толық құнды белоктардан басқа минералды заттар бар.Оның құрамына белок 14-17% ,май 3-18%,минералды заттар 1-1.5% кіреді.Сүзбе қарт адамдарға,сонымен қатар өкпе және сүйек туберкулезінде, асқазан,бүйрек ауруларына пайдалы.
Сүзбе өндірісінде пастерленген және пастерленбеген сүт қолданылады.
Пастерленген сүттен алынған сүзбені тікелей тамаққа қолдануға және одан сүзбе өнімдерін дайындауға қолданылады.Пастерленбеген сүттен алынған сүзбе тек жартылай фабрикаттарды (сырник,варениктер),балқытылған сырларды және қолданар алдында термиялық өңдеуді қажет ететін сүзбе өнімдерін өндіруде қолданылады.
Сүзбе қышқыл-мәйекті және қышқылды әдістермен өндіріледі.
Сүзбені қышқыл мәйекті әдіспен өндіргенде сүтті пастерлейді,суытады да,сүт қышқылды бактериялар және мәйекті ферменттен тұратын ашытқы қосады,алынған ұйытындыны текшелерге кесіп сығымдайды.
Сүзбені қышқылды әдіспен өндіргенде сүтті сүт қышқылды ашытқымен ашытады, ұйытындыны кеседі ,ал сарысудын бөлінуін тездету үшін қыздырады.Бұндай әдіспен майсыз сүзбе алынады.
Бастапқы шикізат түріне байланысты сүзбе майлы , жартылай майлы және майсыз деп бөлінеді.
Ақуызды сүт қышқылды өнімдерге сүзбені,сүзбелік сырларды, сүзбе массасын, сүзбелік торттарды,сүзбелік пасталарды,альбуминдік сыршаларды,тағамдық ақуызын жатқызамыз.Сүзбе сүт қышқылды бактериялардың таза дақылдарын қосып және мәйек ферментін қосып сарысуын бөлу арқылы өндіреді.Ұйытындыны сусыздандыру нәтижесінде өнімге ақуыз бен май көлемі концентрленеді.Осыған байланысты сүзбені ақуызға бай сүт өнімдеріне жатқызамыз.Сүзбенің негізгі бөлігін казеин құрайды.
Сонымен қатар сүзбе витаминдерге,минералды заттарға (Са,Ғ,Mg)т.б. бай болады. Сүзбеден әртүрлі сүзбелік өнімдер әзірленеді және түрлі кулинарлық тағамдарда қолданылады.
Сүзбе және сүзбе өнімдері пастерленген сүтке мезофильді сүт қышқылды бактерияларды қосып өндіргендіктен диетикалық қасиеттерге ие.
|
Болған жоқ
|
12
|
2024-04-24
|
Сыр дайындаудың негізгі технологиялық процесстері.
|
Сыр дайындаудың негізгі технологиялық процесстері. Зертханалық жағдайда сыр өнімін дайындадық. Ол үшін төменгі технологиялық процесстерді орындадық. Алдымен қажетті нормалданған сүт мөлшерін дайындап аламыз. Бізге қажетті температураға дейін шикізатты жылытамыз. Қажетті температуға жеткен сүтті арнайы ашытуға арналған микроорганизмдер арқылы ашытамыз. Сарысуы бөлінгенге дейін ұстаймыз. Сарысуы пайда болғаннан кейін шикізатты арнайы бөлшектеп кескіш пышақтың көмегімен төртбұрыштылап кесеміз. Шикізатты қатайғанға дейін ұстаймыз. Қажетті консистенцияға жеткеннен кейін сырды пресстеу аппаратына жібереміз. Толық пресстелгенге дейін ұстаймыз.Дайын өнімді төменгі температуралы камерада ұстаймыз. Сырды қаншалықты ұзақ сақтаса сол құрлым дәмі ерекше қанық бола түседі.
|
Болған жоқ
|
13
|
2024-04-25
|
Ашытудың негізгі кезеңдері бойынша әдебиеттік шолу.
|
Ашытудың негізгі кезеңдері бойынша әдебиеттерді және электронды ресурстарды қолдану арқылы сүтқышқылды өнімдерді, нан-тоқаш өнімдерін ашыту процесстері туралы толық ақпарат жинақтадық.
|
Болған жоқ
|
14
|
2024-04-26
|
Өңдірістік іс-тәжірибесі бойынша есепті қорытындылау және қорғау.
|
Өңдірістік іс-тәжірибесі бойынша есепті қорытындылау және қорғау. Жұмыстардың толық не ішінара орындалуына байланысты студентті бағалау.
|
Болған жоқ
|
Университеттің іс-тәжірибе жетекшісі: Турсынханова Айым Елтаевна
(Жетекшінің аты-жөні) қолы
м.ө
Мекеменің іс-тәжірибе жетекшісі: Есимбеков Жанибек Серикбаевич
(Жетекшінің аты-жөні) қолы
м.ө
Достарыңызбен бөлісу: |
