Жаңақоныс селолық округінің әкімі Е. А. Данабектің Жаңақоныс селолық округінің «2013 жылғы 9 айының әлеуметтік – экономикалық дамуының қорытындылары және алға қойылған міндеттері» туралы есебі

Елбасының 2012 жылғы «Қазақстан-2050стратегиясы қалыптасқан мемлекеттің жаңа саяси бағыты» атты Жолдауындағы белгіленген бағыттары мен тапсырмалар селолық округте қоғамның қай саласында да жүзеге асырылуда .

Ауыл шаруашылығы оның ішінде мал шаруашылығы селолық округ тұрғындарының негізгі өндірістік кәсібі болып табылады. Селолық округте 54 шаруа қожалығы жұмыс жасайды. Селоның шаруашылық субьектілерінің өндірген өнімі мен қызмет көлемі 9 айда 11,0 млн теңгені құрады. Селолық округ бойынша есепті кезеңде 2686 цн ет, 6900 цн сүт өндірілді. Мал басы мүйізді ірі қарадан 2240, қой ешкіден 10404, жылқыдан 663, түйеден 409 басқа жетті. «Қазагро қаржы» АҚ арқылы 1 трактор, 1 шөп тайлағыш алынды. «Сыбаға» бағдарламасы бойынша 2 қожалық 6,7 млн теңге несие алып мал сатып алуда, атап айтқанда 29 бас аналық сиыр, 5 бас асыл тұқымды бұқа сатып алынды. Осы шаруа қожалықтары мал тұқымын асылдандырудағы селекциялық бағыты үшін 71 бас аналық мал басына 991,0 мың теңге субсидия алды. 19 шаруа қожалығы, 314 бас мүйізді ірі қараға әр басына 10500 теңгеден 3 млн 297 мың теңгеге субсидия алды. Қоғамдық табындағы малды асылдандару мақсатында 10 бас асыл тұқымды бұқа сатып алынды. Жаңадан 2 шаруа қожалығы құрылды. Мал басы көбеюіне және құм бойынан жайлауға көшіп шығу мақсатында 11 мың га жер шаруа қожалықтарының иелігіне жалға берілді. Биылғы мал қыстату науқанына 100020 цн шөп дайындалып, барлық меншік түріндегі шаруашылықтар шөппен 104% ға қамтамасыз етілді. Науқан кезінде 10 бригада жұмыс істеп 40 адам маусымдық жұмыспен қамтылды.Шөптің бағасы тюгі 250 теңгеден сатылды. Ауыл тұрғындарын арзан ұнмен қамтамасыз ету жұмыстары жүргізілді. Шаруа қожалықтары қала тұрғындарын арзан етпен қамтамасыз ету мақсатында ет–сүт жәрменкелеріне белсенді қатысты. Ауыл жастары облыстық ұлттық ойындардан Байғанин ауданыңда өткізілген спартакиадаға қатысып көкпар ойынынан аудан намысын қорғап ІІ-ші орынға ие болды.

Селодағы кәсіпкерлік субъектілер саны – 57, оның ішінде 1-еуі заңды тұлға, 56-і жеке тұлға. Оларда жұмыс жасаушылар саны-133 адам. Осы жылы 1 монша, 1 дүкен, 1 тойхана салуға жер алып кәсіпкерлікпен айналысуға 3 тұрғын жұмыс жүргізуде.

1. 
   «Жұмыспен қамту - 2020» бағдарламасы бойынша жұмыстарды жалғастыру.
   
2. 
   Кәсіпкерлік түрлерін дамыту.
   

Селолық округте 2013-2014 оқу жылында 1 орта, 1 негізгі мектепте 121 оқушы білім алуда. ҰБТ-ның нәтижесі 70,8 балл. Балабақшада 20 бала тәрбиеленуде. Оқушылар сарайының, өнер лицейінің филиалы жұмыс жасайды. 1-4 сынып оқушыларымен аз қамтылған отбасы балалары ыстық тамақпен қамтамасыз етілген. «Өңірлерді дамыту» бағдарламасы бойынша спорт залының терезесі жөнделді. Аудандық ауыл жастары спартакиадасында селолық округтің командасы жалпы командалық есеп бойынша ІІ орынды иеленді. Наурыз мерекесіне орай ұйымдастырылған аудандық «Толағай» эстафеталық жарысынан ауыл командасы І орынды иеленді.

1. 
   Оқушылардың білім сапасын арттыру.
   
2. 
   Спорт инвентарьларымен толықтыру.
   

Округте 1 ауылдық дәрігерлік амбулаториясы және 1 медициналық пункт жұмыс жасайды. Материалдық – техникалық базасы жабдықталған, арнайы автокөлігі бар. Күндізгі стационарлық 2 емдеу төсегі бар. 9 айда жүрек-қан тамырлары ауруы бойынша 136 адам скринингтік тексеруден өткен. Жоспар бойынша флюро тексеруден тұрғындар толық тексерілген. Жатқызу бюросы порталы бойынша аудандық ауруханада – 4 науқас, облыстық клиникаларда – 4 науқас жоспарлы түрде емделген. Балалар арасында туберкулез сырқаты табылған жоқ. 0-7 жасқа дейін балаларға сырқатына қарап тегін дәрі-дәрмектер орталықтан әкеліп таратылды. «Денсаулық» күні, «Саламатты Қазақстан-2011-2015» бағдарламасы бойынша іс шаралар өткізіліп келеді.

1. 
   Материалдық – техникалық базасын одан әрі нығайту.
   
2. 
   Салауатты өмір салтын насихаттау.
   

Селолық округте 1 клуб, 1 кітапхана тұрғындардың мәдени – рухани демалысын ұйымдас-тыру мақсатында қызмет атқаруда. Кітапханада 4497 кітап қоры бар.2013 жылы кітапхана 50-ден астам кітап қорымен толықтырылды. Кітапхана 20 түрлі газет-журналдарға жазылған. Мерекелік даталы күндер, Жаңа жыл,Наурыз, 8 наурыз Халықаралық әйелдер күніне, 9 мамыр Жеңіс күніне, Астана күні, студенттерменен кездесу кештері т.б. іс шаралар өткізіліп тұрады.

«Көркейе бер туған жер»! акциясы аясында клубқа музыкалық құрал-жабдық алынып берілді. «Туған өлкем-Танымал да ғажайып» атты облыстық фотобайқауға 1 жас түлегіміз қатысып жүлделі орын алды.

Міндеттер__Таза_ауыз_су_бағдарламасының_басталған_жұмыстарын_жалғастыру.___Қоршаған_орта'>Міндеттер__Кәсіби_қайта_даярлауды_ұйымдастыру.__Әлеуметтік_жұмыс_орындарын_ашу.__Халықтық_тұрмыстық_қамту'>Міндеттер

1. 
   Қоғамдық мәдени-рухани ағарту жұмыстарының жаңа жолдарын енгізу.
   
2. 
   Кітапхананың кітап қорларын толықтыру.
   

2013 жылы селолық округ бойынша 10 адам жұмысқа орналасты. Жаңадан 3 жұмыс орны ашылды. «Мектепке жол» акциясы өтіп жиналған 25 мың теңгеге оқушыларға киім-кешек алынып берлді. «Жұмыспен қамту-2020» бағдарламасы бойынша 8 адам әлеуметтік жұмысқа тартылды. Аз қамтылған екі отбасына 50 мың теңгеге материалдық қайырымдылық көмек көрсетілді.

1. 
   Кәсіби қайта даярлауды ұйымдастыру.
   
2. 
   Әлеуметтік жұмыс орындарын ашу.
   

Аққайтым селосы 98%-ы, Қопасор ауылы 84%-ы , Қыстақтардың 78%-ы телефонмен қам-тамасыз етілген. Аққайтым селосы толық газдандырылған. Аққайтым селосында таза ауыз су бағдарламасы аясында осы жылы барлау жұмыстары жүргізіліп, жеткілікті тұщы су қоры табылды. Аққайтым, Қопасор ауылдары, қыстақтарда 97 үйде «Отау тв» спутниктік қондырғысы бар.

1. 
   Таза ауыз су бағдарламасының басталған жұмыстарын жалғастыру.
   

Санитарлық тазалыққа, көгалдандыруға көңіл бөлінді. Құм тоқтату мақсатында ауыл сыртындағы 20 га аймақ қоршалып, сексеуіл егу жұмыстары жүргізілуде.

1. 
   Көгалдандыру, санитарлық тазалау жұмыстарын жалғастыру.
   

Ауыл халқы Елбасының саясатын қолдап, Елбасы жолдауындағы көрсетілген міндеттердің шешілуіне жауапкершілікпен қолдау көрсетіп, насихаттап отырды. Округ тұрғындары 2013 жыл-дың баспасөзіне жазылуды белсенді қолдап 785 мың теңгенің 451 дана газет-журналына жазылды. Учаскелік инспектор құқық бұзушылықтың алдын-алу мақсатында тұрғындармен жұмыс жүргізіп отырды.