Жаңақорған ауданы мәдениет саласының 2012 жылы атқарған жұмыстары жайлы мәлімет

Жаңақорған ауданы бойынша 2 мәдениет үйлері мен 26 ауылдық клубтар, 3 мәдени демалыс кешендері, 6 халықтық өнер ұжымдары, 36 кітапхана, 1 аудандық тарихи өлкетану музейі, барлығы 68 мәдениет ошағы аудан халқына мәдени қызмет көрсетеді. 2012 жылы жаңадан ашылған мәдениет ошақтары жоқ. Аудандық музейден басқа аудандағы мәдениет мекемелерінің 2011 жылғы жалпы бюджеті 221065,0 мың теңгені құраса, 2012 жылы 253904,0 мың теңгеге жетті.

2011 жылы бөлім бойынша194,5 штат бірлігі болса, 2012 жылы жаңадан 2 штат бірліктері (аудандық кітапханаға программист, көлік жүргізуші, «Қаратау қазынасы» халықтық фольклорлық ансамблінің көркемдік жетекшісі, «Бидашевтар»халықтық отбасылық ансамблінің көркемдік жетекшісі) берілді. Жалпы мәдениет мекемелеріндежұмыс жасайтын 223 қызметкердің 129-ы мәдени қызметкерлер, олардың65-і жоғары білімді, 54-і арнаулы орта, 13-і орта білімді мамандар. 2011 жылы 20 мәдениет қызметкері кәсіби біліктіліктерін арттырып қайтса, 2012 жылы 45 қызметкер өңірлік оқыту орталықтарында дәріс алды.

Жыл көлемінде жеке және заңды тұлғалардан 22 арыз-шағым келіп түсті, оның 12-і ономастика саласы бойынша, заң талаптарына сәйкес барлық арыз- шағымдар бойынша мерзімінде тиісті жауаптар жолданды.

2011 жылы облыстық бюджеттен нысаналы трансферт арқылы «Аудандық мәдениет үйі» мемлекеттік кәсіпорнына ПАЗ-3206 автокөлігін алуға 4717,0 мың теңге, ұлттық киімдер мен концерттік костюмдер тіктіруге 2800,0 мың теңге, барлығы 7517,0 мың теңге беріліп, облыстық мәдениет басқармасы арқылы автокөлік алынып, киімдер тіктірілді.

Мәдениет ошақтарының материалдық техникалық базасын нығайту мақсатында 2011 жылы Келінтөбе, Төменарық ауылдық клубтарының көрермендер залына орындықтар алуға 3340,0 мың теңге, ұлттық киімдер алуға 1000,0 мың теңге, кітапханаларды баспасөз құралдарымен қамтамасыз етуге1167,0 мың теңге, аудандық мәдениет үйіне сахналық киім алуға 1000,0 мың теңге, кенттік мәдениет үйі мен Сунақата ауылдық клубына 2 дана дыбыс күшейткіш аппаратурасын алуға 760,0 мың теңге, кітапханаларға кітап тасуға қажетті жүк тасымалы автокөлігін алуға 2554,0 мың теңге, кітапханаларға кітап сөрелері мен кітап витриналары, жұмыс столдары мен орындықтар алуға 3050,0 мың теңге қаржылар бөлініп, аталған жұмыстар толығымен орындалды.

Мәдениет үйлері мен клубтар бойынша 2011 жылы өткізілген мемлекеттік сатып алулардан үнемделген 4679,7 мың теңге қаржыға ауылдық клуб үйлеріне өртке қарсы қондырғылар орнату үшін сметалық құжаттар дайындалды, сондай-ақ 816,0 мың теңгесіне кенттік мәдениет үйіне сұйық отынмен жылытылатын кіші бу қазандығы алынды, 411,7 мың теңгесіне қосымша қысқы маусымға қажетті отын алынды және 1 дана компьютер алынып, қалған қаржысы кәсіпорынның басқа да қажеттілігіне жаратылды. Кітапханалар бойынша 2011 жылы өткізілген мемлекеттік сатып алулардан үнемделген 1450,0 мың теңге қаржыға ауыл кітапханаларына қосымша кеңсе жиһаздары мен 2 дана комплект компьютерлер алынды. Сондай-ақ Жаңақорған ауданынан сайланған облыстық мәслихат депутатымен жүргізілген келіссөздер нәтижесінде облыстық мемлекеттік қызметшілерді және бюджеттік сала қызметкерлерін қайта даярлау және олардың біліктілігін арттыру өңірлік орталығынан 20 дана компьютер алынып, оның 14-і кітапханаға, 6-ы клуб үйлеріне берілді. Компьютерлердің принтерлері жоқ, оны алуға жұмыстар жасалынуда.

2012 жылы осы жұмыстар жалғастырылып,жергілікті бюджеттен Келінтөбе, Қыраш, Өзгент, Қандөз, Қаратөбе, Әбдіғаппар, М.Нәлібаев, Кейден, Жайылма, Түгіскен ауылдық клуб үйлеріне музыкалық аппаратура алуға – 5 млн.теңге қаржы бөлініп музыкалық аппаратуралар алынды. Жергілікті бюджеттен аудандық мәдениет үйіне ұлттық киімдер алуға – 3800,0 мың теңге, «Ордакент» ардагерлер үйіне жиһаздар алуға – 200,0 мың теңге қаржы бөлінді. Қожамберді, Жаңарық, Сунақата, Қандөз, Әбдіғаппар ауылдық клубтарына өртке қарсы дабыл қаққыш қондырғылар орнату үшін жергілікті бюджеттен – 2347,0 мың теңге қаржы бөлінді. Жаңадан салынып пайдалануға берілетін Манап ауылдық клубының қызметін қамтамасыз етуге облыстық бюджеттен 2889,0 мың теңге қаржы бөлінді. Аталған жұмыстар толығымен орындалды.

Мәдениет ошақтарын қысқы маусымға қажетті қатты отынмен қамтамасыз етуге мәдениет үйлері мен клубтарға- 6330,0 мың теңге, сұйық отын алуға -1785,0 мың теңге, кітапханалар жүйесіне-1218,0 мың теңге қаржылар бөлініп, мәдениет ошақтары қысқы маусымға қажетті қатты отынмен қамтамасыз етілді.

Мәдениет үйлері мен клубтар бойынша2011 жылы мәдениет үйлері мен клубтар тарапынан 1254 мәдени көпшілік шаралар ұйымдастырылса, 2012 жылы 1276 мәдени көпшілік шаралар ұйымдастырылды.8-наурыз, 22-наурыз, Ынтымақ күні, Жеңіс күні, Балаларды қорғау күні, Астана күні, Конституция тағы да басқа даталы мерекелік шаралармен қатар «Ел іші – өнер кеніші», «Күмбірлеген күй, мың бұралған би», «Манап оқулары», «Мәдениетім мәртебем», «Тіл тағдыры – ұлт тағдыры», «Мерейлі отбасы» атты аудандық байқаулар, «Отаным бақыт ордасы» атты патриоттық әндер байқауы, «Айтыстың ақберені Манап ақын», «Асқақтай бер Астана», «Мақтанышым айбарым, желбіре көк байрағым» атты мүшайралар, «Сырдың сырбаз сүлейі», «Сырдың дүлділі», «Айтыстың ақберені Манап ақын» атты тақырыптарда аймақтық ақындар айтысы, «Манаптың бір өзі бір театр» атты ғылыми конференция, әнші-сазгер Б. Байкенжеевтің «Бексұлтанның Әндері- ай» атты үнтаспаның тұсаукесері, «Экспресс» халықтық ән-би ансамблінің 40 жылдық мерейтойына арналған «Жылдамдық жолында» атты ән кешітері өткізілді.«Қаратау қазынасы» халықтық фольклорлық ансамблі, «Әлшекей» ұлт аспаптар оркестрі мен «Айсыновтар», «Бидашевтар» жанұялық ансамбльдері есепті концерттерін ұйымдастырып, жыл көлемінде өткізілген мәдени көпшілік шараларға өз репертуарларын ұсынды. «Дала жұлдыздары» халықтық мәдени үгіт бригадасының «Елбасы Жолдауы-Елдіктің арқауы», «Жолдау – келешек кепілі» атты бағдарламалармен барлық кент, ауылдық округтерге ұсынылса, 16 клубы жоқ елді мекендерге 3 мәдени-демалыс кешендерінің «Алдағы жылдардың – Айқын бағдары» атты бағдарламасы ұсынылды. Облыс орталығында өткізілген мәдени шараларға аудан өнерпаздары қатыстырылды. 2011 жылы 6 халықтық өнер ұжымдарының 4-і облыс орталығында ұйымдастырылған аттестациядан өткізілді. Сондай-ақ қосымша «Қаратау қазынасы» фольклорлық ансамблі мен «Бидашевтар» отбасылық ансамблі халықтық атаққа ұсынылып, «Халықтық» атаққа ие болды.Мәдениет үйлері мен клубтар жанынан ашылған көркемөнерпаздар үйірмелерінің саны 95, оларға 1059 мүше тартылған.

Аудан өнерпаздары облыстық халық шығармашылығын дамыту және мәдени продюссерлік орталығы тарапынан ұйымдастырылған байқаудың 7-не қатысып, 3- нен де түрлі жүлделі орындарды иеленсе, сондай-ақ облысымыздан тыс жерлерде өткен «Ғұмырдария» атты халықаралық және «Ақкөгершін», «Рауан», «Ақмаңдайлым», «Ән қанатында»атты республикалық, аймақтық байқауларға аудан өнерпаздары қатысып, жүлделі І, ІІ, ІІІ-орындарды иеленіп қайтты.

Аудандық мәдениет үйі жанындағы М.Көкенов пен Б.Байкенжеевтің шығармашылық өнер мектептері аудан мектептерімен бірлесіп таным сағаттары мен кездесу кештерін өткізді. Мәдениет үйлері мен клубтар тарапынан көрермендер залын жалға беру, дыбыс күшейткіш аппаратурасымен қамтамасыз ету, ақылы негізде мекемелердің шараларын өткізіп беру, ұлттық киімдерді жалға беру, ақылы концерттер мен би кештерін өткізу т.б. ұйымдастырылған ақылы қызмет нәтижесінде 2011 жылы 2178,7 мың теңгенің ақылы қызметі орындалса, 2012 жылы 3654,0 мың теңгенің ақылы қызметі орындалды.

Мәдениет үйлері мен клубтардың, халықтық өнер ұжымдарының жұмысын жетілдіре түсу бағытында 2012 жылы мәдениет үйі тарапынан 28 рет арнайы әдістемелік іс сапарлар ұйымдастырылып, 1 елді мекенде көшпелі семинарлар өткізілді.

Жергілікті бюджеттен аудандық мәдениет үйіне күрделі жөндеу жұмыстарын жүргізуге – 13661,0 мың теңге, Алмалық ауылдық клубына күрделі жөндеу жұмыстарын жүргізуге – 9295,0 мың теңге қаржы бөлініп, жөндеу жұмыстары жүргізілді. Мәдениет үйінің жөндеу жұмыстарына сметалық құжаттарын жасау үшін – 2000,0 мың теңге, аудандық кітапхана ғимаратына жөндеу жұмыстарына сметалық құжаттар жасау үшін - 1496,0 мың теңге, М.Нәлібаев ауылдық клубына күрделі жөндеу жұмыстарын жүргізуге сметалық құжаттар жасату үшін – 631,0 мың теңге қаржы бөлінді.

2011 жылы 150 орындық Манап ауылдық клубының құрылыс жұмыстары басталды. Мәдениет үйлері мен клубтардың техникалық жағдайына сараптама жүргізілді, Талап, Кеңес, Бесарық ауылдық клубтары құлау қаупінде, Қаратөбе, Түгіскен, Қожакентауылдық клуб үйлері мен аудандық мәдениет үйі күрделі жөндеуді қажет етеді. Шалхия, Өзгент ауылдық клубтарының жеке ғимараты жоқ, бірі мектептің ғимаратында, бірі әкімшілік ғимаратында орналасқан.

Іс-тәжірибе алмасу мақсатында «Кітапхана – ақпараттың мәдени орталығы», «ХХІ ғасырдағы менің кітапханам», «Тілден асқан байлық жоқ», «Білімді ұрпақ – ел келешегі» тақырыптарында 4 көшпелі семинар, 4 рет әдістемелік зерделі кеңес өткізілді. Кітапханалар жұмысына талдаулар жүргізіліп, ауылдық кітапханаларға 4 әдістемелік құралдар мен 12 мәдени көпшілік шаралардың сценарийлері таратылды.

Кітапханалардың кітап қорларына тексеру жүргізу жоспарына сәйкес 2011 жылы 3 кітапхананың кітап қорына тексеру жұмыстары жүргізілсе, 2012 жылы 18 кітапхананың (№1, №2 кенттік кітапханалар, Қожакент, Билібай, Байкенже бөлімшесі, Сунақата, Екпінді, Жайылма, Шалқия, Қыраш, Қосүйеңкі, Кейден, Бесарық, Кеңес, Манап, М. Нәлібаев, Түгіскен, Қаратөбе) кітап қорына тексеру жұмыстары жүргізілді. Нәтижесінде 351 дана тозығы жеткен кітап, мазмұны ескірген 5649 дана кітап, барлығы 6000 дана кітаптар заңдылықтарға сәйкес есептен шығарылды.

Жергілікті бюджеттен 1186,0 мың теңге қаржы қаралып, барлық аудандық, кенттік және ауылдық кітапханалар баспасөз құралдарымен толығымен қамтамасыз етілді. Аудандық орталық кітапхана РАБИС бағдарламасының 5 модулімен жабдықталған. Осы бағдарламаның бүгінгі таңда «Каталогизатор», «Ізденіс Тапсырыс», «Оқырмандарды тіркеу» модулдерімен ғана жұмыс жүргізілуде. Аудандық орталық кітапхананың кітап қоры кітапханалық библиографиялық жіктеу бойынша орналасқан, 2011 жылы РАБИС бағдарламасына кітапхананың кітап қорына 65210 дана әдебиеттер мен газет журналдардан 1632 мақала енгізілсе, 2012 жылы электронды каталогқа 11 124933 дана кітаптың 9311 аталымы және мақалалардың 1815 сипаттамасы енгізілді.