Жалпы білім беру ұйымдарына арналған жалпы білім беретін пәндердің, таңдау курстарының және факультативтердің үлгілік оқу бағдарламаларын бекіту туралы
-сынып оқушыларының дайындық деңгейіне қойылатын талаптар
жүктеу/скачать 4.66 Mb.
|
12. 5-сынып оқушыларының дайындық деңгейіне қойылатын талаптар 87. Оқушылардың дайындығы пәндік, тұлғалық, жүйелі-әрекеттік нәтижелеріне қарай бағаланады. 88. Пәндік нәтижелері екі аспектен қарастырлады: білу керек және орындай алу керек. 89. Технология (ер балаларға арналған), 5 сыныптың соңында оқушылар 1) мектеп шеберханасындағы тәртіптің жалпы ережелерін және еңбектің жеке гигиенасын; 2) қол саймандарымен жұмыс істеген кезеңіндегі қауіпсіздік ережелерін; 3) топырақ зерттеу негіздерін және топырақ өңдеу техникасын, тыңайтқыштар түрлерін; 4) сәндік-гүлдік дақылдарын өсіру технологиясын; 5) ағаштың негізгі түрлері мен қасиеттерін, оларды қолмен өңдеу технологиясын; 6) металлдардың негізгі түрлері мен қасиеттерін, оларды қолмен өңдеу технологиясын; 7) графикалық құжаттар туралы қарапайым мәліметтерді; 8) қазақ халқының сәндік-қолданбалы өнерінің дәстүрлі түрлері жайлы жалпы мәліметтерді; 9) электр тізбегі, оның элементтері және электр схемаларындағы шартты графикалық белгілеулері туралы жалпы мәліметтерді; 10) сырт киімді, аяқ киімді және жиһазды күтуге арналған қазіргі заманғы құралдарын; 11) шығармашылық жобаны орындау кезеңінде құрылымдау және модельдеу негіздерін білу/түсіну тиіс. 1) жұмыс орнын ұйымдастыруды; 2) технологиялық қасиеттеріне байланысты материалды танып және таңдай білу, үлгі бойынша қолмен өңдеуге арналған саймандарды іріктеп алуды; 3) бұйымды жасау кезінде ағаш пен металды қолмен өңдеу әдістерін қолдануды; 4) технологиялық операцияларды анықтау және орындауды; 5) бұйым жасаудың технологиялық картасын оқу және әзірлеуді; 6) еңбек өнімін таратуға және дайындап шығаруға байланысты жұмыс жоспарларын құрастыруды; 7) геометриялық пішінді оюлардың қарапайым түрлерін пышақ немесе қашаумен орындауды; 8) конструктор бөлшектерінен қарапайым электр тізбегін құрастыруды; 9) киім және жиһаз қаптауышы бетінен дақтарды кетіре білуді; 10) технологиялық іс-әрекеті кезеңінде шығармашылық мақсаттарды шешу әдістерін қолдануды меңгеруі тиіс. 90. 6 сыныптың соңында оқушылар 1) мектеп шеберханасындағы тәртіптің жалпы ережелерін және еңбектің жеке гигиенасын, шеберхана жабдықтарын және ағашты қолмен өңдеу кезеңіндегі еңбек қауіпсізідігі ережелерін; 2) өсімдік шаруашылығының негізгі салаларын, жеміс-көкөніс дақылдарын өсіру технологиясын; 3) табиғи ағаштың қасиеттерін, құрылысын және кемістіктерін, жасанды ағаш материалдардың негізгі түрлері мен қасиеттерін; 4) цилиндр қалпындағы бөлшектің графикалық бейнелеуін; 5) цилиндр тәрізді бөлшекті қол сайманымен жасау технологиясын; 6) қозғалыс берілісінің механизмін және бұрғылау станогінің құрылысын; 7) амперметрдің, вольтметрдің, омметрдің құрылыстарын және осы құрылғыларды пайдалану ережелерін; 8) қазақтардың және Қазақстан Республикасының басқа халықтарының қолданбалы өнерін; 9) ағашты ою түрлерін және ағашты оюдың техникасы мен әдістерін; 10) металл мен теріні көркем өңдеу түрлерін; 11) тұрғын жай интерьерінің әр-түрлі стильдерін; 12) шығармашылық жобаны орындау кезеңінде құрылымдау және модельдеу негіздерін білу/түсіну тиіс. 1) жұмыс орнын ұйымдастыруды; 2) тұқымдарды, егуге арналған көшет материалдарын дайындау, оқу-тәжірибелік учаскесінде көкөніс дақылдарына арналған жерді өңдеуді; 3) технологиялық қасиеттеріне, суретіне, эскизге байланысты материал таңдау, оларды өңдеуге арналған құрал-саймандарын іріктеп алуды; 4) қол саймандары көмегімен цилиндр тәрізді бөлшек жасауды; 5) бұйым жасау барысында материалдарды өңдеудің заманауи әдістерін және инновациялық технологияларын қолдануды; 6) технологиялық карта бойынша металдан бұйым жасауды; 7) тоқтың, кернеудің және кедергінің қуатын өлшейтін құралдарын пайдалана білуді; 8) құрылымдау және модельдеу әдістері мен принциптерін анықтау, бұйым композициясы қасиеттерін ажырату және пайдалануды; 9) тауарлар мен қызметтердің тұтынушылық қасиеттерін бағалауды; 10) еңбек өнімін жасау және таратуға бағытталған іс-әрекет жоспарларын құрастыруды; 11) тұрғын жай интерьері элементтерінің эскиздерін жасауды; 12) әр-түрлі материалдардан сәндік-қолданбалы мақсатындағы бұйымдарды жасап шығаруды; 13) технологиялық іс-әрекеті кезеңінде шығармашылық мақсаттарды шешу әдістерін қолдануды меңгеруі тиіс. 91. 7 сыныптың соңында оқушылар 1) қолмен өңдеу кезіндегі техникалық қауіпсіздігіне жалпы талаптарын және токарь станогында жұмыс істеу кезіндегі қауіпсіздік ережелерін; 2) жеміс-көкөніс дақылдарын өсіру технологиясын; 3) ағашты біріктірудің негізгі түрлері; 4) ажырайтын және ажырамайтын біріктірулер туралы жалпы мәлімет; 5) металлкесу станоктары туралы жалпы мәлімет; 6) тұрмыстық электр құралдарының, автоматикалық құрылғылардың түрлері мен қызметі, тұрмыстық электротехникалық құрылғыларындағы автоматика элементтері; 7) пәтер микроклиматын қолдауға арналған заманауи құралдары білу/түсіну тиіс. 1) көкөніс дақылдарын күтуді; 2) материалдарды өңдеудің қазіргі заманғы әдістерін және бұйым жасаудың инновациялық технологияларын қолдануды; 3) қарапайым біріктірулерді қолдана отырып, ағаштан бұйымдар жасауды; 4) сыртқы және ішкі бұрандаларды ою операцияларын қолдана отырып, металдан бұйымдар жасауды; 5) технологиялық құжаттарын оқу және дайындауды; 6) металды көркем өңдеудің әр-түрлі әдістерін қолдануды; 7) шығармашылық мақсаттарды шешу әдістерін технологиялық іс-әрекетінде қолдануды; 8) әр-түрлі материалдардан сәндік–қолданбалы өнер бұйымдарын жасауды; 9) дәнекерлеуді қолдана отырып электрмонтаждық жұмыстарды орындау, автоматика құрылғыларының қарапайым схемаларын жинауды; 10) жарық беру құрылғыларын орналастыру жоспарын дайындау, жарнама арқылы тұрмыстық техникасын таңдауды меңгеруі тиіс. 92. 8 сыныптың соңында оқушылар: 1) ағаш пен металды қолмен және механикалық түрде өңдеу кезінде қауіпсіздік техникасын сақтауына қойылатын талаптарын; 2) ауыл шаруашылығының дамуына ғылымның әсерін; 3) органикалық және минерал тыңайтқыштарының негізгі түрлерін; 4) ағаштан бұйым жасауға арналған конструкторлық және технологиялық құжаттарын дайындауды; 5) токарлық-бұранда кесу станогының құрылысын, негізгі токарлық операцияларын; 6) шығармашылық жобаларды орындау кезінде құрылымдау және модельдеу негіздерін; 7) өндірістің негізгі салаларын, құрылымдық материалдарын өңдеумен, олардан бұйымдар жасаумен, өнім алумен және агротехнологиямен байланысты мамандықтарын. білу/түсіну тиіс. 1) жұмыс орнын ұйымдастыруды; 2) жеміс ағаштары мен жидек бұталарын күтуді; 3) технологиялық және пайдалану қасиеттерін ескере отырып материалды анықтау және таңдауды; 4) ағаш пен металл өңдеуге арналған құралдарын, еңбек құрылғылары мен аспаптарын сызбасы және эскизі бойынша таңдауды; 5) металға бұранда ою жұмыстарын орындауды; 6) графикалық құжаттарды оқу және дайындау, технологиялық құжаттаманы жетілдіруді; 7) құрылымдау мен моделдеу қағидаттары мен әдістерін анықтау, бұйым композициясы қасиеттерін ажырату және пайдалануды; 8) технологиялық іс-әрекеті кезінде шығармашылық мақсаттарды орындау әдістерін қолдануды; 9) әр-түрлі материалдардан сәндік-қолданбалы өнері бұйымдарын жасауды меңгеруі тиіс. 93. 9 сыныптың соңында оқушылар 1) еңбекті қорғауға байланысты негізгі құқықтық, нормативтік және заңнамалық актілерін; 2) қол саймандарымен, электр аспаптарымен, металл және ағаш өңдеу станоктарында жұмыс істеу кезіндегі қауіпсіздік ережелерін; 3) құрылымдық және жасанды материалдардың негізгі түрлері мен қасиеттерін, оларды өңдеу технологияларын; 4) қайта құру іс-әрекетіндегі сызбаларын, схемаларын және белгілерін; 5) құрылымдық, табиғи және жасанды материалдарын көркем өңдеу туралы жалпы мәліметтерін; 6) шығармашылық жобаны орындау кезіндегі құрылымдау және моделдеу негіздерін; 7) кәсіптік білім алу және жұмысқа орналасу жолдары туралы мәлімет алу көздерін; 8) өндірістің негізгі салаларын, құрылымдық материалдарын өңдеумен, олардан бұйымдар жасаумен, өнім алумен және агротехнологиямен байланысты мамандықтарын; білу/түсіну тиіс. 1) жұмыс орнын ұйымдастыруды; 2) материалды технологиялық, экономикалық және пайдалану қасиеттерін ескере отырып ажырату және таңдау, нұсқасы, суреті, эскизі, сызбасы бойынша оларды өңдеуге арналған құралдарын, еңбек құрылғылары мен аспаптарын іріктеп алуды; 3) материалдарды өңдеудің заманауи әдістерін, бұйымдар жасаудың инновациялық технологияларын қолдануды; 4) технологиялық операцияларды анықтау және орындауды; 5) графикалық құжаттарды оқу және дайындау, технологиялық құжаттаманы жетілдіруді; 6) құрылымдау мен моделдеу қағидаттары мен әдістерін анықтау, бұйым композициясы қасиеттерін ажырату және пайдалануды; 7) тауарлар мен қызметтердің тұтынушылық сапасын бағалауды; 8) еңбек өнімін жасау және тарату іс-әрекеті бойынша жоспар құруды; 9) технологиялық іс-әрекеті кезінде шығармашылық мақсаттарды шешу әдістерін қолдануды; 10) әр-түрлі материалдардан сәндік-қолданбалы өнері бұйымдарын жасауды меңгеруі тиіс. 94. Технология (қыз балаларға арналған) 5 сыныптың соңында оқушылар: 1) асүй мен асханаға қойылатын санитарлық-гигиеналық талаптарды; 2) азық-түліктерді өңдеу; қазіргі асүй жабдықтарының түрлерін; 3) бутерброд пен ыстық сусындар дайындау технологиясы мен түрлерін; 4) көкөністердің тағамдық құндылығын; 5) тоқыма талшықтарының жіктелуін; 6) матаның өңі мен теріс жағын; 7) матаның негіз жібін, өңі мен теріс жағын анықтау; 8) мата, жіп, ине таңдауды; 9) қолмен тігілетін инешаншымдар мен тігімдерді орындауды; 10) матаны сырып тігу, бастыра тігу, бүгіп тігу, шеттіктеу тігістерімен біріктіру және өңдеуді; 11) ішкі көрініс, сәулет қысқаша мәліметтерді; 12) ұлттық салт-дәстүрлерді; 13) тұрғын үйдің ішкі көрінісін әрлеу, әсемдеу тәсілдерін 14) мақта мен зығырдан тігілген киімдер күтімін; 15) аяқ киімді күту тәсілдерін; 16) киімді күтудің шартты белгілерін; 17) маңызды көкөніс дақылдарын (пияз тектес, асқабақ тектес, асханалық); 18) көшеттерді отырғызу ережелерін (қырыққабат, бұрыш, баклажан, қызанақ); 19) жобаны таңдаудың себебін (мәселелері, қажеттілігі), міндетін, қолдану аймағын; 20) халық шығармашылығының түрлерін; 21) жобаны дағды, білім алудағы шығармашылық жұмыс ретінде, халық дәстүрі мен тарихына құрмет ретінде білу/түсіну тиіс. 1) асүй құрал-жабдықтарымен жұмыс істеуді; 2) сыртқы түріне қарап азық-түліктердің сапасын анықтауды; 3) тағам өнімдерін механикалық және жылумен өңдеуді; 4) жұмыртқа, көкөністерден жасалған тағамдар, бутерброд және ыстық сусындар дайындауды; 5) матаның түрлерін анықтауды; 6) мата, жіп, ине таңдауды; 7) қолмен тігілетін инешаншымдар мен тігімдерді орындауды; 8) матаны сырып тігу, бастыра тігу, бүгіп тігу, шеттіктеу тігістерімен біріктіру және өңдеуді; 9) сәндік және әрлеу жұмыстарын орындауды; 10) жиһазды орналастыру, түстерді таңдауды; 11) киім тазалау және дақтарды кетіруді; 12) киімге қарапайым жөндеу жұмыстарын жүргізуді; 13) киімді жөндеудің тиімді тәсілдері және оны күтудің құралдарын таңдауды; 14) бөлме жағдайында көшеттер отырғызуды; 15) өсімдіктерді көшіріп отырғызу, суару, күтуді; 16) тұқымның өнгіштігін тексеруді; 17) өсімдікті топыраққа отырғызуды; 18) шығармашылық қызметте өзінің мүмкіндіктерін бағалауды; 19) жобаны дайындау, туындаған идеяны жүзеге асырылатын нәтижесіне дейін жеткізу бұйым дайындауды; 20) жасалған жұмысты бағалауды; 21) құрақ техникасын орындау, кілемше, панно, көрпе, майлық, үйкекті (заттың астына қоятын бұйым) тігуге байланысты жұмысты технологиялық жағынан дұрыс орындауды; 22) дайын бұйымды әсемдеуді меңгеруі тиіс. 95. 6 сыныптың соңында оқушылар: 1) көкөніс шаруашылығының күзгі жұмыстарын орындауды; 2) жеміс ағаштары мен жидек дақылдарын отырғызу ережелерін; 3) жидектік дақылдарды вегетативтік көбейту жөнінде; 4) жидектік дақылдарды отырғызу ережесін, күту, арамшөптер мен зиянкес жәндіктерден қорғау тәсілдерін; 5) жемістер мен жидектердің емдік қасиеттерін; 6) асхана, асүйге қойылатын санитарлық-гигиеналық талаптар; 7) ыстық өнімдермен жұмыс істеу ережесін; 8) адам ағзасына қажетті минералдық тұздар мен микроэлементтердің маңызы туралы жалпы мағлұматтарды; 9) сүттің химиялық құрамын, сүт сапасын анықтау тәсілдерін, сүттің аспаздық маңызын, қоректік құндылығын; 10) сүт пен сүт өнімдерінен жасалған қазақ халқының ұлттық тағамдарын дайындау технологиясын; 11) жармадан ботқа пісіру ережесін, бұршақ тұқымдастардан, макарон өнімдерінен тағам түрлерін дайындаудың ерекшеліктерін, пісіру кезінде қосылатын судың қатынасын; 12) ұлттық тағам түрлерін; 13) дастарқан әзірлеу ережесін. 14) жануарлардан талшықтар алу тәсілдерін; 15) талшықтардан тоқыма өндірісі және үй жағдайында жіп алу тәсілдерін; 16) жануарлардан алынатын табиғи талшықтардың қасиеттерін; 17) қарапайым өрімдерді, саржалық және атластық өрім раппортын, матаның өңі мен теріс жағын, мата ақауларын анықтауды; 18) жүн және жібек маталардан тігілген киімдер күтімі ерекшеліктерін, тігін машинасының міндеттерін, құрылысы мен жұмыс істеу принципін; 19) тігін машинасымен жұмыс істеу кезіндегі қауіпсіздік техникасы ережелерін; 20) тігін инесінің құрылысын; 21) иненің құрылысын; 22) жеңіл киімге талаптар; 23) бұйым дайындауға қолданылатын маталар мен өңдеу түрлерін (материалдар, түсі, символикасы, ою-өрнегі); 24) өлшем алу ережесі және оның шартты белгілерін; 25) жапсырма және бастырмалы тігісті орындау технологиясын; 26) жабық және ашық қиықты бүгіп тігуді; 27) бұйым өңдеудің негізгі технологиялық тәсілдерін; 28) дайын бұйым сапасына қойылатын талаптарды; 29) ішкі көріністегі композицияның маңызын; 30) ішкікөріністегі әсемдеу тәсілдерін; 31) ұлттық дәстүрге сай келетін интерьер ерекшелігін; 32) киіз үй аспаптары және жиһаздарын, әшекейлерін; 33) киім мен аяқ киім күтіміне қойылатын негізгі талаптарды; 34) киім күтімі символдарын; 35) аяқ киім сақтау тәсілдерін, кептіру ережелерін; 36) жобаның негізгі құрамын; 37) жоба оқу саласы түрі ретінде; 38) адамдардың қажеттіліктерін анықтау тәсілдерін; 39) нақты бұйымды дайындау үшін қандай білім, білік және дағдыларға ие болу керектігін; 40) шығармашылық жобаны қалай жоспарлау және жүзеге асыру керектігін білу/түсіну тиіс. 1) жемістің пісуін анықтауды; 2) өнімді, тұқымдарды жинауды; 3) сыртқы белгілеріне қарап, жармалардың сапасын анықтай білуді; 4) макарон, бұршақ тұқымдас дақылдар дәндері өнімдерінен, сүт және сүт өнімдерінен ботқа, тағамдар дайындай білуді; 5) жарма, бұршақ тұқымдастарына, макарон өнімдеріне алғашқы өңдеу жүргізуді; 6) асүй жабдықтарымен, құралдарымен және аспаптарымен жұмыс істеуді; 7) кешкі ас дайындауды және кешкі асқа дастарқан әзірлеуді, қонақты дастарқанға шақыруды; 8) сүттен дайындалатын қазақ ұлттық тағамдарын дайындауды; 9) ыдыс жууға және зарарсыздандыруға арналған құралдарды қолдануды; 10) саржалық және сәтендік өріммен тоқылған жүн және жібек маталарды тани білуді; 11) маталардың эксплуатациялық қасиеттерін анықтауды және оларды бұйымдар дайындау кезінде сарамандық жұмыста қолдана білуді; 12) жіптің керілуі мен инешаншым ұзындығын реттеуді; 13) машинаны тазалауды және майлауды; 14) аяқ және электр берілісті тігін машинасында жұмыс істеуді; 15) тігісті машинаның кері жүрісімен бекітуді; 16) машинаға инені орнатуды; 17) мата түріне байланысты ине мен жіп түрлерін таңдай білуді; 18) тігім сапасын реттеуді; 19) түзу және ирек тігімді орындауды; 20) киімді жобалауды, конструкциялауды және модельдеуді; 21) өлшем алуды және жазуды; 22) сызбаларды оқуды және құруды; 23) пішімді матаны пішуге дайындауды; 24) пішімді матаға үнемді орналастыруды; 25) пішім бөлшектерін өңдеуге дайындауы; 26) өлшеу жүргізуді; 27) ақауларды анықтауды және жүргізуді; 28) мата және өңдеу түрін таңдауды; 29) киімге арналған өңдеуді (символдарды, ою-өрнектерді, қолмен тігілетін тігіс түрлерін) технологиялық нақты қолдана білуді; 30) бұйым суретін және эскизін жасауды; 31) киімді көркем әшекейлеуді (бұйымды кестемен, ызбамен, жиектеу таспасымен, шілтер, жапсырма, машина да ирек тігіммен әрлеуді); 32) есік, терезе дизайнын орындауды; 33) қолда бар материалдардан үйдің керек-жарақтары мен киіз үй жиһаздарын, әшекейлерін жасауды; 34) пәтерді, үйді құрғақ және ылғалды жиыстыруды; 35) бұйым етегін жөндеуді; 36) аяқ киімнің ішкі жағын дезодорациялауды; 37)өзінің жобалық қызметінің міндетін қысқаша қисындап мазмұндауды; 38) өзінің жобасына қажетті ақпаратты іріктеуді және қолдануды; 39) жұмысын жоспарлауды және бұйым дайындауды; 40) дайындалған бұйымдарға қойылатын сәйкестік талаптар тізбесін анықтауды; 41) бұйым дайындауға кететін шығындарды анықтауды; 42) экологиялық тазалығын ескере отыра бұйымның сапасын анықтауды; 43) бұйымды жобалау мен дайындау кезінде пайда болатын кемшіліктерді талдауды және қиыншылықтарды анықтауды; 44) жобаны қорғау барысында өз көзқарасын білдіруді және тұжырымын дәлелдеуді меңгеруі тиіс. 96. 7 сыныптың соңында оқушылар: 1) азық-түліктерді өңдеудің температуралық режімі мен тағамды өңдеудің ұзақтығын сақтаудың санитарлық маңызын; 2) ыстық тағамдармен жұмыс істеу ережелерін; 3) балық пен қамырдан тағамдар әзірлеу технологиясын, олардың адамның тамақтануындағы маңызын, сақтау мерзімдерін; 4) түскі асқа дастарқанды жабдықтау ережесін; 5) химиялық талшықтар (негізгі және бейматалар) өндірісінің ерекшеліктерін; 6) өндіріс жағдайында жіп алу жолдарын; 7) химиялық талшықтардың (жасанды және синтетикалық) қасиеттерін; 8) химиялық талшықтардан тігілген киімдерді күту ерекшеліктерін; 9) маталардың түрлерін, олардың қолданылуын; 10) аралыққа және жылылыққа салынатын материалдардың айырмашылығын; 11) химиялық талшықтардан жасалған бұйымдарды күту бойынша белгілерді, кір жуудың және ылғалды-жылумен өңдеу режимдерін; 12) тігін машинасының құрылғыларын; 13) машина тігістерін, оның түрлерін (біріктіру, шет тігісі, әрлеу); 14) тігін машинасымен жұмыс істеу кезінде қауіпсіздік техникасы ережелерін; 15) жеңіл ақауларды жою тәсілдерін; 16) жұмыс орнындағы жабдықтарға қойылатын талаптарды; 17) иық бұйымдарының сызбасын құру үшін өлшем алу ережесін және олардың шартты белгілерін жазуды; 18) өз өлшемдері бойынша дайын пішімді өзгерту тәсілдерін; 19) бұйым дайындау кезінде қолданылатын маталар мен әшекейлерді; 20) бұйымды өңдеудің технологиялық реттілігін; 21) дайын бұйымның сапасына қойылатын талаптарды; 22) адам өмірінде пәтер интерьеріндегі бөлме өсімдіктерінің маңызын; 23) пәтерде бөлме өсімдіктерін тиімді орналастыру тәсілдерін; 24) гүл шоғын құрастыруға қойылатын эстетикалық талаптарды; 25) қолөнер тарихын; 26) ілгек бізбен тоқуға арналған материалдар мен құралдарды; 27) ілгек бізбен жұмыс істеу тәсілдерін; 28) тоқу кезінде қолды дұрыс ұстауды; 29) түрлі іліп тоқу (шалу) технологиясын; 30) жайманы шеңберлеп тоқуды; 31) өрнек раппортын және оны жазуды; 32) ілгек бізбен тоқудың шартты белгілерін; 33) жобаның мақсаты мен міндеттерін; 34) жобаны жоспарлау және жүзеге асыруды; 35) бұйым дайындау технологиясын; 36) өзіндік құнын; 37) білімдері мен іскерлігіне өзіндік баға беруді білу/түсіну тиіс. 1) балықтың сапалылығын анықтауды; 2) консервілердің жарамдылық мерзімдерін анықтауды; 3) ас үй жабдықтары, құралдар және құрылғылармен жұмыс істеуді; 4) балықтан тағамдар әзірлеуді; 5) ұн өнімдерін пісіруді; 6) химиялық талшықтардан жасалған маталарды тануды; 7) табиғи және химиялық талшықтардан жасалған маталардың құнына салыстырмалы талдауды; 8) табиғи және химиялық талшықтардан жасалған маталардың қасиеттерін анықтауды; 9) жасанды және синтетикалық маталардың қасиеттерін анықтауды; 10) бұйымның қасиеттерін біле отырып, бұйым дайындау кезінде материалды дұрыс пайдалануды; 11) бұйымдарды жуу үшін ұнтақты таңдауды; 12) жіптің тартылуын және тігіс жиілігін реттеуді; 13) тігін машинасының кері жүрісімен тігісті бекітуді; 14) тігін машинасын тазалау және майлауды; 15) тігін машинасының инесін материалдың қалыңдығына сәйкес дұрыс таңдауды және оны орнатуды; 16) жөрмелген және шеттіктеу тігістерін орындауды; 17) киімді жобалауды, конструкциялауды және модельдеуді; 18) өлшем алуды және жазуды; 19) пішім және матаны пішуге дайындауды; 20) мата жайылмасына пішімді тиімді орналастыруды; 21) бұйым өлшемін алуға дайындау, өлшемін жүргізуді; 22) ақауды анықтауды және түзетуді; 23) жапсырманы жапсыруды; 24) мата жиегі мен түймелікті торлауды; 25) жекелеген шет тігістерін орындауды; 26) пәтердің ішкі көрінісіне арналған бөлме өсімдіктерін таңдауды; 27) гүлдерден композиция құрауды; 28) өсімдіктер күтімін; 29) гүлдерге жарық түсуін ескере отырып талаптарға сәйкес олардың пәтерде орналасуын анықтауды; 30) ілгек бізбен дұрыс жұмыс істеуді; 31) түрлі іліп (шалу) тоқуды; 32) бұйымға арналған жайма тоқуды; 33) шеңберлеп тоқуды; 34) тоқу кезінде сызбаны пайдалануды; 35) сән журналымен жұмыс жасауды; 36) масштабты немесе нақты өлшемде жеңіл бұйымдарды тоқуды; 37) бұйым тоқуға арналған жіптер мен ілгек бізді таңдауды; 38) бұйымның үлгісін әзірлеуді; 39) жобаның тақырыбын таңдау критерийлерін анықтауды, 40) негізгі және қосымша ақпараттарды дұрыс таңдау мен қолдануды; 41) жұмысты жоспарлау мен бұйымды дайындауды; 42) бұйымды дайындауға кететін шығындарды анықтауды; 43) кіріс түсіру мақсатымен дайындалған бұйымды өткізуді; 44) экологиялық жағдайды ескере отырып, бұйымның сапасын бағалауды; 45) кемшіліктерді талдауды және қиыншылықтарды анықтауды; 46) жобаны қорғау барысында өз көзқарасын білдіруді меңгеруі тиіс. 97. 8 сыныптың соңында оқушылар 1) азық-түліктермен жұмыс істеу кезінде сақталатын санитарлық-гигиеналық ережелерді; 2) ауру тарататын микробтар және одан сақтануды; 3) бірінші тағамдар әзірлеу технологиясын, олардың адамның тамақтануындағы маңызын; 4) сорпа дайындауға қойылатын талаптар; 5) ашытқылы қамыр дайындау тәсілдерін; 6) үй жағдайында консервілеу негізін; 7) белдемшелерді конструкциялауды (құрастыруды); 8) өлшем алу ережесін және олардың шартты белгілерін жазуды; 9) бұйым дайындау кезінде қолданылатын маталар мен өңдеу түрлерін; 10) бұйымды өңдеудің негізгі технологиялық тәсілдерін; 11) бұйымды өңдеудің технологиялық реттілігін; 12) отбасы, қызмет, қажеттіліктер, отбасылық экономика, кәсіпкерлік жөнінде түсінікті; 13) әлеуметтік, материалдық, орынды (тиімді) қажеттіліктерді; 14) отбасы бюджетінің шығыс бөлігі және балансын; 15) шаруашылықты орынды жүргізу ережесін; 16) шығынды жоспарлауды; 17) жеке бюджет, қор (ақша) жинақтауды; 18) жоба тақырыбын таңдау, ойын жүзеге асыруды, таңдаған тақырыбын негіздеуді; 19) жобаны орындауға қажетті материалдарды іріктеуді; 20) өзіндік құнын алдын-ала есептеуді; 21) бұйымды дайындау технологиясын және бұйымды өткізуді (тауар, қызмет, бұйымдар, іс-шаралар) білу/түсіну тиіс. 1) асүй жабдықтары, құралдар және құрылғылармен жұмыс істеуді; 2) қоспа сорпа дайындауды; 3) ашытқылы қамыр дайындау және олардан өнім дайындауды; 4) орамжапырақты ашытуды; 5) белдемшені жобалау, конструкциялау және модельдеуді; 6) өлшем алу және есептеуді; 7) сызбаны оқу және сызуды; 8) матаға пішімді үнемді орналастыруды; 9) пішім бөлшектерін өңдеуге дайындауды; 10) өлшеу жүргізуді, ақауларын жөндеуді; 11) бұйымды тігу кезінде технологиялық операцияларды дұрыс орындауды; 12) матаны және әрлеу түрлерін таңдауды; 13) мата жиегі мен түймелікті торлауды; 14) қажеттілігіне қарай орынды сұрыптап, сатып алуды (қажетті, бірақ міндетті емес); 15) ақшаны сауатты жұмсауды; 16) өз шығындарын талдауды; 17) шығармашылық жобаны дұрыс безендіруді (дизайн-папка); 18) жобаны таңдау кезінде пайда болатын мәселелер мен қажеттіліктерді анықтауды; 19) бұйымға қойылатын негізгі талаптарды айқындауды; 20) жұмысты жоспарлау және бұйымды дайындауды; 21) экономикалық тұрақтылықты; 22) қиыншылықтарды анықтауды, талдауды және бұйымның сапасын бағалауды; 23) жобаны қорғау барысында өз көзқарасын білдіруді және тұжырымын дәлелдеуді меңгеруі тиіс. 98. 9 сыныптың соңында оқушылар 1) азық-түліктерді өңдеудің температуралық режимі мен сақтау ұзақтығының санитарлық маңызын; 2) еттен әзірленетін тағамдардың жіктелуін, гарнир, тұздық түрлерін, әзірлеу технологиясын; 3) етті дәстүрлі мүшелеу және еттен табақ тарту ретін; 4) ас мәзірінің түрлерін; 5) бұйым дайындау кезінде қолданылатын маталар мен әрлеу түрлерін; 6) өлшем алу ережесін және олардың шартты белгілерін жазуды; 7) бұйымды өңдеудің негізгі технологиялық тәсілдерін; 8) бұйымды өңдеудің технологиялық реттілігін; 9) қолөнер тарихын, бүгінгі күні қолданбалы өнердегі маңызын; 10) үйде қолданылатын қазақ халқының дәстүрлі бұйымдарын жасау негізін, материалдар мен құралдарды; 11) жұмыс тәсілдерін; орындау технологиясын; 12) кәсіби қызметтің маңызын; 13) өнер, тамақтану, сауда саласының кәсіптерін; 14) кәсіби өзіндік анықтаудағы тұлғаның ерекшелігін; 15) кәсіби жарамдылық, денсаулығына байланысты кәсіп таңдауды; 16) ХХІ ғасырдың кәсіптерін (жұмыстың ерекшелігі мен маңызын); 17) жобаның мақсаты мен міндеттерін, оның қажеттілігін, пайдасы мен құндылығын; 18) бұйымды жоспарлау және дайындау технологиясын; 19) өзіндік құнын, дайын бұйымды өткізуді білу/түсіну тиіс. 1) ас үй жабдықтары, құралдар және құрылғылармен жұмыс істеуді; 2) азық-түлік сапасын; 3) еттің сапалылығын анықтауды; 4) механикалық және жылумен өңдеуді; 5) жаншылған және бұқтырылған еттен өнім, палау, қуырдақ әзірлеуді; 6) ас мәзірін құруды; 7) киімді жобалау және модельдеуді; 8) өлшем алуды және есептеп жазуды; 9) сызбаны түсінуді және сызуды; 10) бұйым бөлшектерін калькаға немесе қағазға көшіруді; 11) матаның үстіне пішімді тиімді орналастыруды; 12) пішім бөлшектерін өңдеуге дайындауды; 13) дайын бұйымның өлшемін жүргізуді және кесдескен ақауды түзетуді; 14) бұйымды тігу кезінде технологиялық операцияларды дұрыс орындауды; 15) матаны және әрлеудің түрлерін таңдауды; 16) таспадан, бисерден, жіптен, жүн және иірімжіптерден жеңіл бұйымдар жасауды; 17) үйді, пәтерді безендіруді; 18) бисер тоқу техникасымен композиция жасауды; 19) кәсіпке өзіндік талдау жүргізуді; 20) кәсіби өзіндік анықтаудағы тұлғаның ерекшелігін; 21) «Мамандық нұсқаушысы» анықтамалық әдебиеттермен жұмыс жасауды; 22) өмірлік жоспар құру, түйіндеме жазуды; 23) жоба тақырыбын таңдау критерийлерін анықтауды; 24) бұйымның үлгісін, эскизін әзірлеу, жетілдіруді; 25) бұйымды дайындауға кететін шығындарды анықтауды; 26) ақпаратты дұрыс іріктеп алуды және пайдалануды; 27) жұмысты жоспарлау және бұйымды дайындауды; 28) кемшіліктерге талдау жасауды; 29) жұмысты бағалауды; 30) жобаны қорғау барысында өз көзқарасын білдіруді; 31) білімдері мен іскерлігіне өзіндік баға беруді; 32) дайындалған бұйымды өткізуді меңгеруі тиіс. 99. Жеке тұлға нәтижелері, оқушылар 1) оқуға, еңбекке деген жауапты көзқарастарын, оқушылардың өзін-өзі дамыту, өздігімен білім алуға дайындықтары мен қабілеттіліктерін, тұрақты танымдық мүдделерін, мамандықты саналы түрде таңдауға дайындықтарын қалыптастыру, сонымен қатар, әлеуметтік маңыздылығы бар еңбекке қатысу тәжірибесін дамыту; 2) белсенді азаматтық ұстанымын, жоғары патриоттық сезімдерін білдіру; 3) басқа адамға деген саналы, сыйластық және тілектестік көзқарасты, басқа адамдармен диалог құру қабілеттілігін қалыптастыру; 4) әлеуметтік нормаларын, топтар мен қоғамдастықтарда тәртіп ережелерін меңгеру; 5) адамгершілік мінез-құлықты, өз қылықтарына деген жауапты көзқарасын тәрбиелеу; 6) экологиялық мәдениеті негіздерін қалыптастыру; 7) қазақтардың сәндік-қолданбалы өнерін меңгеру арқылы эстетикалық сана-сезімін тәрбиелеу және оны көрсете білу керек. 100. Жүйелілік-әрекеттік нәтижелері, 5-9 сынып оқушылары 1) өздігінен өзінің оқу мақсаттарын анықтауға,ғылыми мәліметтерді талдауға, өңдеуге, синтез жасауға және қолдануға икемділігін; 2) жобалау және құрылымдау әдістерін игере білуін; 3) оқу мақсатының дұрыс орындалуын бағалай білуін; 4) оқу мақсаттарын шешу үшін белгілер мен нышандарды, моделдер мен схемаларды қайта құра және пайдалана алуын; 5) мұғаліммен және жолдастарымен оқу қызметтестіктерін және бірлескен іс-әрекеттерін ұйымдастыра білуін, дамыған коммуникативтік қабілеттерін меңгергенін; 6) қазіргі заманғы ақпараттық-коммуникациялық технологияларын меңгергенін көрсете білу керек. Қазақстан Республикасы Білім және ғылым министрінің 2013 жылғы 3 сәуірдегі № 115 бұйрығына 47-қосымша жүктеу/скачать 4.66 Mb. Достарыңызбен бөлісу:
|