Жамбыл облысы Талас ауданының Майтөбе тіректі ауылдық елді мекеннің

2014 жылғы 11 желтоқсанындағы

№ 33 шешіміне қосымша

Жамбыл облысы Талас ауданының

Майтөбе тіректі ауылдық елді мекеннің

2014 - 2018 жылдарға арналған

КЕШЕНДІ ДАМУ ЖОСПАРЫ

Майтөбе а.

2014 жыл

Кіріспе
Жамбыл облысы Талас ауданы Майтөбе ауылды елді мекенінің 2014-2018 жылдарға арналған кешенді даму жоспары (ары қарай - КДЖ) осында тұратын халық пен іргелес жатқан аумақ тұрғындарына қолайлы жағдайлар жасау мақсатында дайындалды.

Майтөбе ауылы аудан орталығынан 25 шқ қашықтықта орналасқан және халық саны 1693 адамнан тұратын Берікқара ауылдық округінің орталығы болып табылады.

Майтөбе ауылының негізгі қызмет ету бағыты мал және егін ауылшаруашылық өнімін өндіру болып табылады.

Майтөбе ауылының айналасында 50 шқ қашықтықта Есейхан, Қараой, Қасқабұлақ, Тамды және Қожағаппар ауылды елді мекендері орналасқан. Аталған ауылдар Майтөбе ауылымен тығыз экономикалық байланыста, өйткені Тараз – Қаратау – Жаңатас автотрассасы өтеді.

КДЖ елді мекендердің экономикалық, инженерлік және әлеуметтік инфрақұрылымдарды дамытуға, өткеру рыногына және елді мекендерге транпорттық қолжетімділікті кеңейтуге, мемлекеттік және коммерциялық қызмет көрсету орталықтарын құруға және дамытуға, жаңа жұмыс орындарын ашып, халықты жұмыспен қамтуға бағытталған іс-шараларды іске асыруды қарастырады.
Майтөбе ауылын дамуының ағымдағы жағдайын талдау
Берікқара ауылдық округінің құрамына Майтөбе, Қожағаппар елді мекендері кіреді.

Ауылдық округтің жалпы аумағының көлемі 33162 га, оның ішінде егістік жері – 4920 га, шабындық жері – 4795 га, жайылым жері – 23447 га.

Майтөбе ауылының халық саны 1693 адамды құрайды, оның ішінде: ерлер – 836, әйелдер – 857, 6 жасқа дейінгі балалар – 162, зейнеткерлер – 119, мүгедектер – 22, 18-29 жас аралығындағы жастар – 312, оқушылар – 334, жұмыс істейтін халық саны – 261, өз бетінше жұмыспен қамтылғандар – 313, жеке шаруашылықпен айналысатындар және ақы төленбейтін отбасы жұмысшылары – 161, жұмыссыздар – 9 адам.

Еңбекке жарамды халық саны 886 адамды құрайды, оның ішінде ауылда жұмысқа орналастырылғаны - 252, оның шаруа қожалықтарда - 56, жеке кәсіпкерлер – 9, мемлекеттік және әлеуметтік объектілерде – 187 (әкімшілікте – 10, орта мектеп пен балабақшада – 111, денсаулық сақтау объектілерде – 10 және басқаларда - 12).

• 
  Берікқара ауылдық округі әкімінің аппараты;
  
• 
  ветеринарлық пункт;
  
• 
  А. Дәулетбеков атындағы орта мектеп;
  
• 
  «Балауса» балабақшасы;
  
• 
  музыка мектебі;
  
• 
  ауыл клубы;
  
• 
  кітапхана;
  
• 
  дәрігерлік амбулатория;
  
• 
  Казпошта бөлімшесі;
  
• 
  учаскелік полиция.
  

Майтөбе ауылында 1041 бас ІҚМ, 261 бас жылқы, 19835 бас қой мен ешкі бар. Барлығы 328 ауланың ішінен 21 аула мал ұстамайды.

Майтөбе ауылының ағымдағы жағдайын талдау нәтижесі бойынша төмендегіні айтуға болады:

• Майтөбе ауылының бас жоспары әзірленбеген;

• ауыл әкімшілігінің өз ғимараты жоқ;

• Майтөбе ауылының жолдарын жөндеуден өткізуді қажет етеді;

• ауылды газдандыру қажет;

• ауыл ішіндегі су желілерінің құрылысы қажет;

• ауылдағы көшелерді жарықтандыру;

• өртке қарсы учаскесі жоқ;

• ХҚК пункті жоқ;

• қоғамдық монша жоқ.

Ауылда қайта құрылу қарқындарының жоғары болмауына байланысты туындаған мәселелер бар. Салалардың баяу дамуының негізгі себептері: ауыл шаруашылық тауар өндірушілердің кірістері қажетті деңгейде болмағандықтан ауыл шаруашылығын техникалық-технологиялық жабдықтаудың төмен деңгейі, пайдаланылмайтын құнарлы ауыл шаруашылығы жерлерінің болуы, әлеуметтік және инженерлік инфрақұрылым қанағаттанғысыз деңгейде дамуы, ауылдық жерлерде өмір сүру деңгейінің және сапасының төмен болуынан білікті кадрлардың тапшылығы.

Осының бәрі іс-шараларды қабылдап, іске асыруды қажет етіп, Жамбыл облысы Талас ауданы Майтөбе тірек ауылын дамытудың 2014-2018 жылдарға арналған іс-шаралар жоспарында көрініс тапты.

ДСБ - Денсаулық сақтау басқармасы

МБ – Мәдениет басқармасы

ДШжСБ – Дене шынықтыру және спорт басқармасы

АШБ – Ауыл шаруашылық басқармасы

ҚЖКжАЖБ – Құрылыс, жолаушылар көлігі және автомобиль жолдары басқармасы

ЖҚҮжӘББ – Жұмыспен қамтуды үйлестіру және әлеуметтік бағдарламалар басқармасы

КжИИДБ - Кәсіпкерлік және индустриалды-инновациялық даму басқармасы

ЭжКШБ – Энергетика және коммуналдық шаруашылық басқармасы

ЖҚБ – Жер қатынастары басқармасы

ТРжТПРБ – Табиғи ресурстар және табиғат пайдалануды реттеу басқармасы

ЭжБЖБ – Экономика және бюджеттік жоспарлау басқармасы

ІІД – Ішкі істер департаменті

СД – Салық департаменті

ТЖД – Төтенше жағдайлар департаменті

БЖК 2020 – бағдарлама «Бизнес жол картасы 2020»

ЖҚЖК 2020 – бағдарлама «Жұмыспен қамту жол картасы 2020»

ҚТҮБ – 2020 - бағдарлама «Қолжетімді тұрғын үй 2020»

ЖБ – Жергілікті бюджет

РБ – Республикалық бюджет

ОБ – Облыстық бюджет

АБ – аудандық бюджет