Жамбыл облысы Талас ауданының Ойық тірек ауылдық елді мекеннің 2014 2018 жылдарға арналған кешенді даму жоспары ойық а. 2014 жыл Кіріспе

2014 жылғы 11 желтоқсанындағы

№ 33 шешіміне қосымша

Жамбыл облысы Талас ауданының Ойық

тірек ауылдық елді мекеннің

2014 - 2018 жылдарға арналған

КЕШЕНДІ ДАМУ ЖОСПАРЫ


Ойық а.

2014 жыл
Кіріспе
Жамбыл облысы Талас ауданы Ойық тіректі ауылдық елді мекенінің 2014-2018 жылдарға арналған кешенді даму жоспары (ары қарай - КДЖ) осында тұратын халық пен іргелес жатқан аумақ тұрғындарына қолайлы жағдайлар жасау мақсатында дайындалды.

Ойық ауылы аудан орталығынан 100 шқ. қашықтықта орналасқан және халық саны 2942 адамнан тұратын Ойық ауылдық округінің орталығы болып табылады. Аула саны – 480.

Ойық ауылының негізгі қызмет ету бағыты мал және егін ауылшаруашылық өнімін өндіру болып табылады.

Ойық ауылынын айналасында 5 ауылдық елді мекен орналасқан, атап айтқанда:

• С. Шәкіров ауылы – халық саны 1545 адам, қашықтығы 25 шқ.;

• Амангелді ауылы – халық саны 535 адам, қашықтығы 30 шқ.;

• Бостандық ауылы – халық саны 1666 адам, қашықтығы 35 шқ.;

• Талапты ауылы – халық саны 514 адам, қашықтығы 40 шқ.;

• Аққұм ауылы – халық саны 1456 адам, қашықтығы 45 шқ.;

• Бөлтірік шешен – халық саны 1227 адам, қашықтығы 30 шқ.;

• Көшек батыр ауылы – халық саны 553 адам, қашықтығы 35 шқ.

Аталған ауылдар Ойық ауылымен тығыз экономикалық байланыста, өйткені олардың бәрі аудан орталығы – Қаратау қаласына және облыс орталығы – Тараз қаласына өтеді, оның ішінде Ойық ауылы арқылы Тараз - Ұланбел автотрассасы өтеді, және де облысаралық жолаушыларды тасымалдау және ауыр жүк көліктермен тасымалдау жүргізіледі.

КДЖ елді мекендердің экономикалық қызметін, инженерлік және әлеуметтік инфрақұрылымдарын дамытуға, өткеру рыногына және елді мекендерге транпорттық қолжетімділікті кеңейтуге, мемлекеттік және коммерциялық қызмет көрсету орталықтарын құруға және дамытуға, жаңа жұмыс орындарын ашып, халықты жұмыспен қамтуға бағытталған іс-шараларды іске асыруды қарастырады.

Ойық ауылының дамуының ағымдағы жағдайын талдау
Ойық ауылдық округінің құрамына Ойық, Тұрымқұл және Сейілбек елді мекендері кіреді.

Ауылдық округтің жалпы аумағының көлемі 152913 га., оның ішінде егістік жері – 3539 га., шабындық жері – 1084 га., жайылым жері – 137484 га.

Ойық ауылдық округтің халық саны 2942 адамды құрайды, оның ішінде: ерлер – 1321, әйелдер – 1621, зейнеткерлер – 168, мүгедектер – 53, 18 - 29 жас аралығындағы жастар – 429, оқушылар – 374, жұмыс істейтін халық саны – 358, өз бетінше жұмыспен қамтылғандар – 738, жеке шаруашылықпен айналысатындар және ақы төленбейтін отбасы жұмысшылары – 198, жұмыссыздар – 6 адам.

Еңбекке жарамды халық саны 991 адамды құрайды, оның ішінде ауылда жұмысқа орналастырылғаны 358, оның 62-сі шаруа қожалықтарында, жеке кәсіпкерлер – 9, мемлекеттік және әлеуметтік объектілерде – 482 адам.

• 
  Ойық ауылдық округі әкімінің аппараты;
  
• 
  ветеринарлық пункт;
  
• 
  Д. Қонаев атындағы орта мектеп;
  
• 
  Б. Альменұлы атындағы орта мектеп;
  
• 
  «Ақнұр» балабақшасы;
  
• 
  А. Тәжімбетов атындағы мәдениет үйі;
  
• 
  кітапхана;
  
• 
  дәрігерлік амбулатория;
  
• 
  орман шаруашылығының бөлімшесі;
  
• 
  Қазақтелеком бөлімшесі;
  
• 
  аудандық электр жүйесінің бөлімшесі;
  
• 
  Қазпошта бөлімшесі;
  
• 
  учаскелік полиция пункті.
  

Ауылдық округте 2377 бас МІҚ, 465 бас жылқы, 12795 баз қой ешкі есепте тұр. Барлығы 480 ауланың ішінен 10 аула мал ұстамайды.

Ойық ауылының ағымдағы жағдайын талдау нәтижесі бойынша төмендегіні айтуға болады:

• Ойық ауылының 2012 жылы әзірленген бас жоспары бар;

• ауылдық әкімшілік ғимараты күрделі жөндеуді қажет етеді;

• екі мектеп күрделі жөндеуді қажет етеді;

• ауыл ішілік 20 шқ. жол орташа жөндеуден өтуді қажет етеді;

• елді мекенді газдандыру қажет;

• халыққа тұрмыстық қызмет көрсету орталығы жоқ;

• көшелер ішінара жарықтандырылған.

Ауылда қайта құрылу қарқындарының жоғары болмауына байланысты туындаған мәселелер бар. Салалардың баяу дамуының негізгі себептері: ауыл шаруашылық тауар өндірушілердің кірістері қажетті деңгейде болмағандықтан ауыл шаруашылығын техникалық-технологиялық жабдықтаудың төмен деңгейі, пайдаланылмайтын құнарлы ауыл шаруашылығы жерлерінің болуы, әлеуметтік және инженерлік инфрақұрылым қанағаттанғысыз деңгейде дамуы, ауылдық жерлерде өмір сүру деңгейінің және сапасының төмен болуынан білікті кадрлардың тапшылығы.

Осының бәрі іс-шараларды қабылдап, іске асыруды қажет етіп, Жамбыл облысы Талас ауданы Ойық тірек ауылын дамытудың 2014-2018 жылдарға арналған іс-шаралар жоспарында көрініс тапты.

*-құрылыс кезеңінде

Қысқартылған атаулар:

ДСБ - Денсаулық сақтау басқармасы

МБ – Мәдениет басқармасы

ДШжСБ – Дене шынықтыру және спорт басқармасы

АШБ – Ауыл шаруашылық басқармасы

ҚЖКжАЖБ – Құрылыс, жолаушылар көлігі және автомобиль жолдары басқармасы

ЖҚҮжӘББ – Жұмыспен қамтуды үйлестіру және әлеуметтік бағдарламалар басқармасы

КжИИДБ - Кәсіпкерлік және индустриалды-инновациялық даму басқармасы

ЭжКШБ – Энергетика және коммуналдық шаруашылық басқармасы

ЖҚБ – Жер қатынастары басқармасы

ТРжТПРБ – Табиғи ресурстар және табиғат пайдалануды реттеу басқармасы

ЭжБЖБ – Экономика және бюджеттік жоспарлау басқармасы

ІІД – Ішкі істер департаменті

СД – Салық департаменті

ТЖД – Төтенше жағдайлар департаменті

БЖК 2020 – бағдарлама «Бизнес жол картасы 2020»

ЖҚЖК 2020 – бағдарлама «Жұмыспен қамту жол картасы 2020»

ҚТҮБ – 2020 - бағдарлама «Қолжетімді тұрғын үй 2020»

ЖБ – Жергілікті бюджет

РБ – Республикалық бюджет

ОБ – Облыстық бюджет

АБ – аудандық бюджет