- Девиантты мінез-құлық және сондай жастармен жұмыс жүргізу тақырыбы шетелдік ғалымдар тарапынан мол зерттелген. Олардың аттарын тізіп шығудың өзіне көп уақыт кетеді. Ал, отандық ғалымдарымызға келетін болсақ, аталған тақырып бойынша еңбектер санаулы. Олардың көпшілігі ғылыми мақала түрінде ғана.
- Джаманбалаева Ш.Е., Казымбетова Д.К. еңбектерінде Қазақстандағы девианттық мінез-құлық, осындай жастармен жұмыс жүргізу жайы, жалпы проблемалары қарастырылған. Жастармен әлеуметтік жұмыс жүргізу мәселесін арнайы зерттеу нысанына айналдырған еңбектер жоқтың қасы, сонымн қатар қазір девиантты мінезді алдын алу мақсатында түрлі дағдарыстық орталықтар құрылып жатыр. Осындай мәселелерді шешуге бағытталған іс-шаралардың аздығы арасындағы қарама-қайшылық туындап отыр. Бұл қайшылықтардың шешімін табу, біздің зерттеу проблемамыздың көкейкестілін анықтайды. Сондықтан да, зерттеу жұмысымыздың тақырыбын: «Девиантты мінез-құлықты жасөспірімдердің өзін-өзі бағалауынын психологиялық ерекшеліктері» деп анықтауға негіз болды.
- Зерттеудің мақсаты: Қазіргі кезеңдегі мiнез-құлықтарында ауытқушылығы бар жасөспірімдердің өзiн-өзi бағалауы ерекшелiктерiн жан-жақты эксперименттік тұрғыдан зерттеу.
- Зерттеу нысаны: Қазіргі кезеңдегі мiнез-құлықтарында ауытқушылығы бар жасөспірімдердің өзiн-өзi бағалауы.
- Зерттеу пәні: Мінез-құлқында ауытқушылығы бар жасөспірімдердің өзін-өзі бағалау ерекшеліктері.
- Зерттеудің негізгі болжамы: Егер мінез-құлқында ауытқушылығы бар жасөспірімдермен психокорекциялық әдістерді тиімді қолданса, онда олардың өзін-өзі бағалау деңгейіне оң ықпал етеді.
- Зерттеу базасы: Зерттеу № 23 орта мектебінің оқушылары және Тараз политехникалық колледжінің білімгерлері.
- Зерттеу міндеттері:
- -өзін-өзі бағалау мәселесі бойынша теориялық материалдарды талдау;
- -мінез-құлқында ауытқушылығы бар балаларға байланысты психокоррекциялық бағдарламаларын ұсыну.
- -мінездегі ауытқушылық мәселесіне теориялық және әдістемелік талдау жасау, сараптау, бақылау
- -орталықта, арнайы мектепте, жалпы мектепте мінезінде ауытқушылығы бар балаларға психологиялық көмек көрсету жүйесін орнату, құру.
|
