«Жер учаскесінің нысаналы мақсатын өзгертуге шешім беру» мемлекеттік қызмет стандарты Жалпы ережелер «Жер учаскесінің нысаналы мақсатын өзгертуге шешім беру»
жүктеу/скачать 0.59 Mb.
|
- Бұл бет үшін навигация:
- Мемлекеттік қызметті көрсету тәртібі
- 3. Жұмыс қағидаттары
- 4. Жұмыс нәтижелері
- 5. Шағымдану тәртібі
- Мемлекеттік қызмет көрсету жөніндегі жергілікті атқарушы органдардың тізбесі
|
Қазақстан Республикасы Үкіметінің 2012 жылғы «1» қарашадағы № 1392 қаулысымен бекітілген
2. Көрсетілетін мемлекеттік қызмет нысаны: жартылай автоматтандырылған. 3. Мемлекеттік қызмет Қазақстан Республикасының 2003 жылғы 20 маусымдағы Жер кодексінің 49-1 бабының негізінде көрсетіледі. 4. Мемлекеттік қызмет жөніндегі ақпарат: 1) жергілікті атқарушы органның арнайы ақпараттық стенділерінде орналастырылады және бұқаралық ақпарат құралдарында мемлекеттік және орыс тілдерінде жарияланады; 2) Қазақстан Республикасы Өңірлік даму министрлігінің www.minregion.gov.kz интернет-ресурсында; 3) порталда орналастырылған. 4) орталықтың www.con.gov.kz интернет-ресурсында. Сонымен бірге, мемлекеттік қызмет туралы ақпарат call-орталықтың 1414 телефон нөмірі арқылы беріледі. 5. Көрсетілетін мемлекеттік қызметтің нәтижесі (уәкілетті тұлғаның электрондық цифрлық қолтаңбасымен куәландырылған (қол қойылған) электронды және/немесе қағаз түрдегі жер учаскесінің пайдалану мақсатын өзгертуге шешім (бұдан әрі – шешім) немесе мемлекеттік қызметті көрсетуден бас тарту туралы дәлелді жауабы болып табылады. 6. Мемлекеттік қызмет жеке және заңды тұлғаларға (бұдан әрі – мемлекеттік қызметті алушы) көрсетіледі. 7. Мемлекеттік қызмет көрсету мерзімдері: 1) мемлекеттік қызметті алушы осы стандарттың 11-тармағында анықталған қажетті құжаттарды тапсырған сәттен бастап мемлекеттік қызмет көрсету: -жергілікті атқарушы органға немесе орталыққа – 37 күнтізбелік күн; - портал арқылы – 33 күнтізбелік күн; 2) құжаттарды тапсыру және алу кезінде кезекте күтудің рұқсат берілген ең көп уақыты – 20 минут; 3) құжаттарды тапсыру және алу кезінде қызмет көрсетудің рұқсат берілген ең көп уақыты – 20 минут. 8. Мемлекеттік қызмет тегін көрсетіледі. 9. Жұмыс кестесі: 1) орталықтарда: күн сайын, дүйсенбіден бастап сенбіні қоса алғанда, демалыс және еңбек заңнамасына сәйкес мереке күндерін қоспағанда, белгіленген жұмыс кестесіне сәйкес үзіліссіз сағат 9.00-ден 20.00-ге дейін. Қабылдау «электрондық» кезек тәртібімен жедел қызмет көрсетусіз жүзеге асырылады. 2) жергілікті атқарушы органның: күнделікті, дүйсенбіден жұма күнін қоса алғанда, сағат 13-00-ден 14-00-ге дейінгі түскі үзіліспен сағат 9-00-ден 18-00-ге дейін көрсетіледі, демалыс күндері: сенбі, жексенбі және еңбек заңнамасына сәйкес мереке күндері. Құжаттарды қабылдау кезекке тұру тәртібімен алдын ала жазылусыз және жедел қызмет көрсетусіз жүзеге асырылады. 3) порталда – тәулік бойы. 10. Мемлекеттік қызмет: 1) мүмкіндігі шектеулі мемлекеттік қызметті алушыларға қызмет көрсету үшін жағдайлар көзделген, өртке қарсы қауіпсіздік шаралары қабылданған орталық ғимаратында көрсетіледі. Ғимаратта анықтама бюросы, күту креслолары, ақпараттық стенділер орналастырылады; 2) мүмкіндігі шектеулі мемлекеттік қызметті алушыларға қызмет көрсету үшін жағдайлар көзделген, өртке қарсы қауіпсіздік шаралары қабылданған орталық ғимаратында көрсетіледі. Ғимаратта анықтама бюросы, күту креслолары, ақпараттық стенділер орналастырылады; 3) порталда – «жеке кабинет» арқылы жүзеге асырылады. Мемлекеттік қызметті көрсету тәртібі 11. Мемлекеттік қызметті алу үшін мынадай құжаттарды ұсыну қажет: жергілікті атқарушы органға немесе орталыққа жүгінген жағдайда: осы стандарттың 3-қосымшасына сәйкес нысан бойынша өтініш; жер учаскесіне құқықты куәландыратын құжаттың көшірмесі; жер учаскесіне сәйкестендіру құжатының көшірмесі; жер учаскесіне ауыртпалықтардың жоқтығы туралы әділет органдарынан анықтама; жер учаскесінің кадастрлық (бағалау) құнын анықтау актісі (қажет болғанда); елді мекеннің бас жоспарына сәйкес құрылыс объектілерін салған жағдайда, жылжымайтын мүліктердін әр бұрынғы меншік иесімен жер учаскесін сатып алу бойынша жасалған келісім шарттың көшірмелері (қажет болғанда); жылжымайтын мүлік объектісіне құқықты куәландыратын құжаттың көшірмесі (қажет болғанда); жылжымайтын мүлік объектісінің техникалық төлқұжаты (қажет болғанда); мемлекеттік қызмет алушының жеке басын куәландыратын құжаттың көшірмесі не мемлекеттік қызмет алушының атынан берілген сенімхаттың және сенім білдірілген тұлғаның жеке басын куәландыратын құжаттың көшірмесі – жеке тұлғаға; жерге орналастыру жобасының көшірмесі (жер учаскесінің бөлігінің немесе үлесінің нысаналы мақсаты өзгертілген жағдайда); заңды тұлғаны мемлекеттік тіркеу (қайта тіркеу) туралы анықтама –заңды тұлға үшін (бизнес сәйкестендіру нөмірін көрсете отырып заңды тұлғаны (қаржылық институтты) мемлекеттік тіркеу (қайта тіркеу) туралы куәліктің көшірмесі немесе анықтама). Ескертпе: * «Қазақстан Республикасының кейбір заңнамалық актілеріне заңды тұлғаларды мемлекеттік тіркеу және филиалдар мен өкілдіктерді есептік тіркеу мәселелері бойынша өзгерістер мен толықтырулар енгізу туралы» Қазақстан Республикасының 2012 жылғы 24 желтоқсандағы Заңы қолданысқа енгізілгенге дейін берілген заңды тұлғаны (қаржылық институтты) филиалдар мен өкілдіктерді мемлекеттік (есептік) тіркеу (қайта тіркеу) туралы куәлік заңды тұлғаның қызметі тоқтатылғанға дейін жарамды болады. Көшірмелерді тексеру үшін құжат түпнұсқасы көрсетіледі, құжаттарды тексергеннен кейін мемлекеттік қызмет алушыға қайтарылады; порталда: мемлекеттік қызметті алушының ЭЦҚ куәландырылған мәліметтер нысаны сұрауын электрондық құжат түрінде ұсынылады; жер учаскесіне сәйкестендіру құжатының сканерленген көшірмесі; жер учаскесінің кадастрлық (бағалау) құнын анықтау актісінің сканерленген көшірмесі (қажет болғанда); жылжымайтын мүлік объектісінің техникалық төлқұжатының сканерленген көшірмесі (қажет болғанда); елді мекеннің бас жоспарына сәйкес құрылыс объектілерін салған жағдайда, жылжымайтын мүліктердін әр бұрынғы меншік иесімен жер учаскесін сатып алу бойынша жасалған келісім шарттың сканерленген көшірмелері (қажет болғанда); жерге орналастыру жобасының сканерленген көшірмесі (жер учаскесінің бөлігінің немесе үлесінің нысаналы мақсаты өзгертілген жағдайда); заңды тұлғаны мемлекеттік тіркеу (қайта тіркеу) туралы анықтама –заңды тұлға үшін (бизнес сәйкестендіру нөмірін көрсете отырып заңды тұлғаны (қаржылық институтты) мемлекеттік тіркеу (қайта тіркеу) туралы куәліктің көшірмесі немесе анықтама). Ескертпе: * «Қазақстан Республикасының кейбір заңнамалық актілеріне заңды тұлғаларды мемлекеттік тіркеу және филиалдар мен өкілдіктерді есептік тіркеу мәселелері бойынша өзгерістер мен толықтырулар енгізу туралы» Қазақстан Республикасының 2012 жылғы 24 желтоқсандағы Заңы қолданысқа енгізілгенге дейін берілген заңды тұлғаны (қаржылық институтты) филиалдар мен өкілдіктерді мемлекеттік (есептік) тіркеу (қайта тіркеу) туралы куәлік заңды тұлғаның қызметі тоқтатылғанға дейін жарамды болады. Мемлекеттік ақпараттық жүйелерде бар жеке басын куәландыратын құжат, заңды тұлғанын мемлекеттік тіркеліуі туралы куәлігі, жылжымайтын мүліктің (ауыртпалықтардың) тіркелуі туралы анықтаманы және оның техникалық сипаттамасын уәкілетті кәсіпорын портал арқылы тиісти мемлекеттік ақпараттық жүйелерінен уәкілетті қызметкерлердің ЭЦҚ куәландырылған құжаттардың мәліметтері. Осы стандарттың 11-тармағында көрсетілген тиісті құжаттар толық ұсынылмаған жағдайда жергілікті атқарушы орган мемлекеттік қызметті алушының құжаттарды тапсырған күнінен бастап екі жұмыс күнінен аспайтын уақытта мемлекеттік қызметті көрсетуден бас тарту жөнінде жазбаша ақпараттандырады. Одан әрі жергілікті атқарушы орган аталған негіздеме бойынша мемлекеттік қызметті көрсетуден бас тартуға құқығы жоқ. 12. Өтініш бланкілері мекенжайлары және телефондары осы стандарттың 1-қосымшасында көрсетілген жергілікті атқарушы органның кеңсе қызметкерлерімен беріледі. Мемлекеттік қызметті портал арқылы алу үшін мемлекеттік қызметті алушының ЭЦҚ куәландырылған мәліметтер нысаны сұрауын электрондық құжат түрінде толтыру қажет. Орталықтарда өтініштердің бекітілген нысандағы бланкiлері күту залындағы арнайы тағанда, сондай-ақ «Орталық» РМК-ның интернет ресурсында www.con.gov.kz орналастырылады. 13. Құжаттарды қабылдау осы стандарттың 1-қосымшасында көрсетілген мекенжайлары бойынша жергілікті атқарушы органның уәкілетті тұлғасымен жүзеге асырылады. Порталда электрондық сұранысты жіберу мемлекеттік қызметті алушының «жеке кабинетінен» жүзеге асырылады. Сұраныс автоматты түрде қызметті тандауға байланысты мемлекеттік органға – адресатқа жіберіледі. Орталықтарда құжаттарды қабылдау операциялық залда «тосқауылсыз» қызмет көрсету арқылы жүзеге асырылады. 14. Жергілікті атқарушы органның кеңсе қызметкерімен мемлекеттік қызмет алушыға осы стандарттың 11-тармағында көрсетілген құжаттардың қабылдағаны туралы қолхат беріледі, онда: 1) өтініштің нөмірі және қабылданған күні; 2) сұрау салынған мемлекеттік қызмет түрі; 3) қоса берілген құжаттардың саны мен атаулары; 4) құжаттарды беру күні (уақыты) мен орны; 5) мемлекеттік қызмет көрсету үшін өтінішті қабылдаған тұлғаның тегі, аты, әкесінің аты мен лауазымы көрсетіледі. Портал арқылы жүгінген жағдайда мемлекеттік қызметті алушының «жеке кабинетіне» мемлекеттік қызметтің нәтижесін алу күні мен уақытын көрсете отырып, мемлекеттік қызметті көрсету үшін сұраныстың қабылданғаны туралы хабарлама-есеп жолданады. Орталық арқылы жүгінгенде мемлекеттік қызметті алу үшін мемлекеттік қызмет алушыға: сұрау салудың нөмiрi және қабылдау күнi; сұралып отырған мемлекеттiк қызметтiң түрi; қоса берiлген құжаттардың саны мен атауы; құжаттарды беру күнi, уақыты және орны; құжаттарды ресiмдеуге өтiнiштi қабылдаған орталық қызметкерінің тегi, аты, әкесiнiң аты; өтініш берушінің тегi, аты, әкесiнiң аты, уәкілетті өкілдің тегi, аты, әкесiнiң аты және олардың байланыс телефондары көрсетiле отырып, тиiстi құжаттарды қабылдағаны туралы қолхат берiледi. 15 Мемлекеттік қызметті алушыға мемлекеттік қызметтің нәтижесі: жергілікті атқарушы органда – осы стандарттың 1-қосымшада келтірілген мекенжайларға байланысты (мемлекеттік қызмет алушыға немесе сенімхат бойынша өкіліне) қолма-қол беріледі; порталда – «жеке кабинетте» ұсынылады. Дайын құжаттарды мемлекеттік қызмет алушыға берудi орталық қызметкері мерзiмi көрсетiлген қолхат негiзiнде жүзеге асырады. 16. Мемлекеттік қызметті көрсетуден, егер құқықтық режимі, жер учаскесінің санатқа тиесілігі және жерді аймақтарға бөлуге сәйкес рұқсат етілген пайдалану негізінде нысаналы мақсатын өзгертуге рұқсат беру мүмкін емес болған жағдайда бас тартылады,. Жергілікті атқарушы орган белгіленген мерзімде мемлекеттік қызмет алушыға бекiтілген шешім немесе қызмет беруден бас тарту туралы дәлелді жауап бермеген жағдайда, онда беру мерзімінің өткен күнінен бастап шешім берілді деп есептеледі. Жергілікті атқарушы орган белгіленген мерзім ішінде мемлекеттік қызметті алушыға шешім немесе бас тарту туралы дәлелді жауапты бермеген жағдайда, оны беру күнінін мерзімі өткеннен кейін шешім берілген болып есептеледі. Жергілікті атқарушы орган қызметті көрсету мерзімі өткен күннен бастап бес жұмыс күнінен кешіктірмей мемлекеттік қызметті алушыға шешім беруге міндетті. 3. Жұмыс қағидаттары 17. Жергілікті атқарушы органның және орталықтың қызметі мынадай қағидаттарға негізделеді: 1) адамның конституциялық құқықтары мен бостандықтарын сақтау; 2) қызметтік міндеттерді орындау кезінде заңдылықты сақтау; 3) сыпайылық; 4) түбегейлі және толық ақпарат беру; 5) ақпаратты қорғау және құпиялылықты сақтау; белгіленген мерзімде мемлекеттік қызметті алушы алмаған құжаттардың сақталуын қамтамасыз ету.
19. Мемлекеттік қызметтің сапа және тиімділік көрсеткіштерінің нысаналы мәндері жыл сайын осыған құзыреті бар Қазақстан Республикасы Өңірлік даму министрлігі басшысының бұйрығымен бекітіледі. 5. Шағымдану тәртібі 20. Жергілікті атқарушы орган қызметкерлерінің әрекетіне (әрекетсіздігіне) шағымдану тәртібін түсіндіру және шағымдарды дайындауға жәрдем көрсету үшін мемлекеттік қызметті алушы жергілікті атқарушы орган белгілеген жауапты қызметкерге жүгіне алады. Мекен-жайлары және телефондары осы стандарттың 1-қосымшасында көрсетілген. 21. Мемлекеттік қызметті көрсетуді ұйымдастыруға облыстардың (республикалық маңызы бар қаланың, астананың), ауданның (облыстық маңызы бар қаланың) жергілікті атқарушы органы жауапты болып табылады. Мемлекеттік қызметті алушы көрсетілген мемлекеттік қызметтің нәтижелерімен келіспеген жағдайда мекенжайы және телефондары осы стандарттың 1-қосымшасында көрсетілген облыстардың (республикалық маңызы бар қаланың, астананың), ауданның (облыстық маңызы бар қаланың) жергілікті атқарушы органдарының жауапты лауазымды адамына жүгіне алады. 22. Мемлекеттік қызметті көрсету кезінде дөрекі қызмет көрсетуге шағым: мекенжайлары мен телефондары осы стандарттың 1-қосымшасында көрсетілген және жергілікті атқарушы органның үй-жайларында орналасқан стенділерде көрсетілген тиісті жергілікті атқарушы органның аппарат басшысының атына; порталдағы – «кері байланыс» сілтемесі арқылы жолданады. 23. Мемлекеттік қызметті алушы көрсетілген мемлекеттік қызмет нәтижелерімен келіспеген жағдайда заңнамада белгіленген тәртіппен сотқа жүгінуге құқылы. 24. Шағымдар жазбаша нысанда пошта арқылы немесе электронды түрде (қолданыстағы заңнамада көзделген жағдайларда) немесе қолма-қол қабылданады. 25. Қабылданған шағым: 1) жауапты кеңсе қызметкерімен кіріс құжаттарын тіркеу журналында; 2) порталдағы «жеке кабинетте» тіркеледі. Мемлекеттік қызмет алушыға күні мен уақыты, шағымды (арызды) қабылдаған тұлғаның аты-жөні және берілген шағымға жауап алатын орны, шағымның қаралу барысы туралы білуге болатын лауазымды адамдардың байланыс деректері көрсетілген талон беріледі. Жеке және заңды тұлғалардың өтініштерін қараудың белгіленген мерзімдері – күнтізбелік 30 күн, ал қосымша ақпарат алуды және зерделеуді талап етпеген жағдайда – күнтізбелік 15 күн. Шағымды қарау нәтижелері жазбаша түрде пошта арқылы хабардар етіледі. Мемлекеттік қызмет алушы порталдағы «жеке кабинеттен» электрондық өтініш жолдаған кезде мамандандырылған кәсіпорындардың өтінішті өңдеуі барысында жаңартылатын өтініш туралы (өтініштің жеткендігі туралы белгі, тіркелуі, орындалуы, қаралғандығы туралы немесе қараудан бас тарту туралы) ақпарат қолжетімді болады. 26. Егер мемлекеттік қызметті алушы құжаттарды алуға мерзімінде келмеген жағдайда, жергілікті атқарушы орган оларды 6 ай бойы сақтауды қамтамасыз етеді. «Жер учаскесінің нысаналы мақсатын өзгертуге шешім беру» мемлекеттік қызмет стандартына 1-қосымша
жүктеу/скачать 0.59 Mb. Достарыңызбен бөлісу:
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||