<Қазақстанның 100 жаңа есімі>жобасының жеңімпазы Айтимов Ақсерік Сарыұлының тағылымды өмірі - “Қазақтың қандай халық екенін жер жүзіне танытып жүрген бірнеше азамат осы жобаның жеңімпазы атанды. Біз түрлі салада жетістікке жеткен осындай отандастарымыздың еңбегін дәріптеуіміз керек. Өйткені табысты жандардың тәжірибесі әрдайым басқаларға үлгі-өнеге. Өскелең ұрпақ өздеріңізге қарап бой түзейді, ұқсауға тырысады. Мен еліміздің әрбір перзенті сіздер сияқты өнегелі болсын деп тілеймін”, – деді Президент
- “Бұл жерде біздің жетістіктерімізді көрсететін көптеген сандар мен деректерді мысалға келтіруге болады. Бірақ барлық табыс адамдардың берекелі өмірімен, жеткен жетістігімен және кемел келешекке ұмтылысымен өлшенетінін есте ұстауымыз керек. Сіздер еліміздің байлығы екендеріңіз сөзсіз. Өсіп-өркендеген, әділетті, дамыған Қазақстанды құру сіздерге жүктеледі. Сондықтан адам капиталын жан-жақты дамыту біздің мемлекетіміздің басты басымдығы болған және солай бола бермек”, – деп атап өтті Қасым-Жомарт Тоқаев.
100 жаңа есімге президент пікірі
«Қазақстандағы 100 жаңа есім» жобасы – Тәуелсіздік жылдарында табысқа жеткен, еліміздің әр өңірінде тұратын түрлі жастағы, сан алуан этнос өкілдерінің тарихы. Жобада нақты адамдардың нақты тағдырлары мен өмірбаяндары арқылы бүгінгі, заманауи Қазақстанның келбеті көрініс табады», деген Елбасы мақаласындағы осы бір жолдар жобаның болашақ ұрпақ үшін қаншалықты маңызды екенін айғақтаса керек. - «Қазақстандағы 100 жаңа есім» жобасы – Тәуелсіздік жылдарында табысқа жеткен, еліміздің әр өңірінде тұратын түрлі жастағы, сан алуан этнос өкілдерінің тарихы. Жобада нақты адамдардың нақты тағдырлары мен өмірбаяндары арқылы бүгінгі, заманауи Қазақстанның келбеті көрініс табады», деген Елбасы мақаласындағы осы бір жолдар жобаның болашақ ұрпақ үшін қаншалықты маңызды екенін айғақтаса керек.
Жобаның мақсаты – олардың елге, қоғамға сіңірген еңбегін көрсету, көпшілікке таныстыру, жастарға үлгі ету.
АЙТИМОВ АҚСЕРІК САРЫҰЛЫ - Айтимов Ақсерік Сарыұлы 1950 жылы Батыс Қазақстан облысы, Зеленов ауданы, Бокаушино кентінде ауыл еңбеккерлері отбасында дүниеге келген.
- 1969 жылы Ростоши 8 жылдық мектебін, ал 1969 жылы Орал ауылшаруашылық техникумын "өсімдіктерді қорғау"мамандығы бойынша бітірді. Техникумды 1969 жылдан 1971 жылға дейін бітіріп, Ақсерік Сарыұлы саяси бөлімде офицер шенінде Кеңес Әскері қатарында қызмет етті. Әскерден оралғаннан кейін 1972 жылы Орал қаласындағы ауыл шаруашылығы институтына түсіп, оны аяқтаған соң "ғалым – агроном” біліктілігін алды. 1991 жылға дейін Орал облыстық ауыл шаруашылығын химияландыру жобалау-іздестіру станциясының тәжірибелік ізденістер бөлімінде мамандығы бойынша жұмыс істеді, онда зерттеу жұмысында үлкен тәжірибеге ие болды, олардың нәтижелері кейіннен кандидаттық диссертацияның негізіне алынды. Зертхана меңгерушісі болып жұмыс істей отырып, кәсіби қызметін қоғамдық қызметпен ұштастыра білді, бірнеше рет ұжыммен кәсіподақ комитетінің төрағасы болып сайланды.
- 1991 жылы "Эксперимент" мамандандырылған шағын кәсіпорнының директоры болып қызмет етіп, 1993 жылы ақпараттық - компьютерлік сауаттылық саласындағы мамандарды курстық даярлау бойынша өңірдегі алғашқы "Андас" оқу орталығын-қазақ-неміс бірлескен кәсіпорнын құрады.
- Кәсіби қызметін құрылтайшылықпен үштастыра отырып, 1997 жылы БҰҰ қамқорлығымен ғылыми экспедиция құрамында ол "Капустин Яр” полигонында зерттеулер жүргізіп, сол жылы Алматы жоғары индустриалды-экономикалық колледжін ашып, директоры, ал 1999 жылы-қазақстандық ақпараттық технологиялар және басқару институтының Батыс Қазақстан филиалының басшысы болады.
- 2001 жылы "Транс" ғылыми-зерттеу институтын, 2004 жылы "Экожержоба"ИУ құрып, 2005 жылы техника ғылымдарының кандидаты ғылыми дәрежесін алу үшін диссертациясын сәтті қорғап шығады. Оның басшылығымен 200-ден астам оқытушылар мен қызметкерлер жұмыс істеп, 6000-нан астам студенттер оқиды.
ҚР Ұлттық Инженерлік Академиясының академигі, облыстық мәслихаттың депутаты, еуропалық интеграцияны дамытуға қосқан жеке үлесі үшін “біріккен Еуропа” халықаралық марапатының лауреаты, ҚР Президенті Н.Ә. Назарбаевтың Алғыс хатымен, “ҚР Конституциясына 10 жыл”, “Астанаға 10 жыл” мерейтойлық медалімен, ҚР Білім және ғылым саласындағы ерекше еңбегі үшін “ҚР Білім беру ісінің құрметті қызметкері” төсбелгісімен, “Шапағат”медалімен марапатталды.
100 жаңа есімге кіргелі беделді тұлғамыз Ақсерік Сарыұлы батыс халық жұртшылығымен көптеген кездесулер өткізіп келеді. Соның бірі ретінде Тасқала ауданы Сәулет мектеп лицейінде өткен кездесуді атап өтсек болады.
Сөзімен ісін бір арнада тоғыстыра алған атпал азаматымыз Ақсерік Сарыұлымен өткізілетін әр кездесу қоғамның әртүрлі топтары үшін өте пайдалы болып, толғандырып жүрген сан сауалға толыққанды және мән мағыналы жауаптар алынады.
Бұл өз кезегінде оның өмірі мен жұмыс жолын таныта, насихаттай отырып, жастарға және өзінен кейінгі барлық буынға үлгі болары сөзсіз.
«Жастар өмірге шынайы көзбен қарап, өз тағдырларына өздері иелік ете алатын азаматтар болуы үшін оларға үлгі ұсынуымыз керек» деп Н.Назарбаев ескерткендей елімізде ақылымен, дарынымен заманауи қазақстандық қоғамды қалыптастыруға үлес қосарлық тұлғалардың санаты аз емес. Республикаға танымал адамдармен қатар игі іс тындырған өзге де жайсаң жандарға қарап, үлгі ала отырып, жастар да өзін жетістік жолында, елге еңбек сіңіру мақсатында өмірін сарп ететін болады; елі үшін, жері үшін қандай да бір сауапты іс атқарып кетуге ұмтылады. Әрбір адамның міндеті де, жобаның негізгі мақсаты да бұл туған елі мен кіндік қаны тамған атамекеніне адал қызмет ете білу. Міне осыны дәріптейтін Ақсерік Айтимовтай біртуар тұлғаларымыз көбейіп, еліміз көркейіп, әлемдік деңгейде таныла берсін!
Назарларыңызға рақмет!
Достарыңызбен бөлісу: |
