Конкурстық ҚҰжаттама

1. Конкурстық құжаттама «Мемлекеттiк мүлiк туралы» Қазақстан Республикасының 2011 жылғы 1 наурыздағы Заңының 148-бабының 2-тармағына сәйкес және «Шаруашылық жүргізу құқығындағы мемлекеттік кәсіпорындарда байқау кеңесін құру қағидаларын, байқау кеңесінің құрамына сайланатын адамдарға қойылатын талаптарды, сондай-ақ Байқау кеңесінің мүшелерін конкурстық іріктеу және олардың өкілеттігін мерзімінен бұрын тоқтату қағидаларын бекіту туралы» Қазақстан Республикасы Ұлттық экономика министрінің 2015 жылғы 20 ақпандағы № 113 бұйрығына (бұдан әрі – Бұйрық) сәйкес әзірленді.

2. Конкурс Бұйрығы мен анықталған талаптарға сәйкес Алматы қаласы әкімдігінің өкілдері болып табылатын байқау кеңесінің мүшелері мен мемлекеттік кәсіпорын басшыларынан басқа Алматы қаласы Денсаулық сақтау басқармасы шаруашылық жүргізу құқындағы мемлекеттік коммуналдық кәсіпорнында байқау кеңесінің мүшелерін іріктеу мақсатында өткізіледі (бұдан әрі -Конкурс).

3. Конкурсты ұйымдастыруды және өткізуді «Алматы қаласы денсаулық сақтау ұйымдарының кейбір мәселелері туралы» Алматы қаласы әкімдігінің 2012 жылғы 24 қаңтардағы № 1/73 қаулысы және «Алматы қаласы денсаулық сақтау ұйымдарының кейбір мәселелері туралы» Алматы қаласы әкімдігінің 2012 жылғы 24 қаңтардағы № 1/73 қаулысына өзгеріс енгізу туралы» 2013 жылғы 11 шілдедегі № 3/585 қаулысымен құрылған жоғарыда аталған Алматы қаласы Денсаулық сақтау басқармасы шаруашылық жүргізу құқындағы мемлекеттік коммуналдық кәсіпорындарында байқау кеңесінің мүшелеріне үміткерлерді келесі құрамда конкурстық іріктеу комиссиясы жүзеге асырады (бұдан әрі - Комиссия):

4. Комиссия:

1) тиісті Кәсіпорын қаражаты есебінен конкурс өткізу туралы хабарландырудың баспаға шығуын қамтамасыз етеді;

2) конкурсқа қатысу үшін ұсынылған құжаттарды қабылдайды, тіркеуге алады, сақтайды;

3) конкурс қорытындысы бойынша Алматы қаласының әкімдігіне Конкурс жеңімпазын мемлекеттік кәсіпорын байқау кеңесінің мүшесі қызметіне тағайындау туралы ұсыныс енгізеді.

5. Конкурстық құжаттаманың 1 қосымшасына сәйкес байқау кеңесінің мүшесі қызметіне конкурс өткізу туралы хабарландыру республикалық ресми бұқаралық ақпарат құралдарында, сондай-ақ, Алматы қаласы Денсаулық сақтау басқармасының интернет-сайтында мемлекеттік және орыс тілдерінде конкурс өткізілетін мерзімге жариялануы керек.

6. Конкурсты өткізу туралы хабарландыруда келесі мәліметтер болуы керек:

1) конкурсты өткізу күні және орны;

2) орналасқан жері, пошталық мекен-жайы, телефоны көрсетілген және оның негізгі қызметі қысқаша сипатталған мемлекеттік кәсіпорын атауы;

3) конкурс қатысушыларына қойылатын талаптар;

4) конкурсқа қатысу туралы өтінішті ұсыну мерзімі;

5) конкурсқа қатысу туралы өтінішпен бірге ұсынылатын құжаттар тізімі;

6) құжаттар қабылдауды бастау күні.

7. Конкурсқа қатысуға ниет білдірген тұлғалардың құжаттарын қабылдау басталатын күн мерзiмдi баспасөз басылымдарына конкурс өткізу хабарландыруы орналастырылған күннен бастап айқындалады.

Құжаттарды қабылдау мерзiмдi баспасөз басылымдарына конкурс өткізу жарияланған күнінен бастап күнтізбелік отыз күн өткен соң аяқталады.

8. Конкурс келесі кезеңдерден тұрады:

1) конкурс тапсырысы салынған конверттерді ашу;

2) конкурсқа қатысуын растаған кандидаттардың біліктілік бағасы;

3) үміткерлермен сұхбат өткізу және бақылау кеңесінің мүшелерін іріктеу;

4) конкурсты қорытындылау.

9. Конкурсқа қатысуға ниет білдірген (бұдан әрі -кандидат) тұлғалар, конкурсты өткізу туралы хабарландыруда көрсетілген мерзімде Комиссияға келесі құжаттарды ұсынады:

1. 
   Конкурстық құжаттаманың 6 қосымшасына сәйкес ұйымның атауы мен лотты көрсетілген конкурсқа қатысу туралы өтініш (1 қосымша);
   
2. 
   мемлекеттік және орыс тілдерінде түйіндеме;
   
3. 
   еркін үлгіде жазылған өмірбаян;
   
4. 
   кандидаттың жеке басын растайтын құжат көшірмелері;
   
5. 
   жоғары білімі туралы құжат көшірмелері;
   
6. 
   еңбек кітапшасының көшірмесі (болған жағдайда) немесе еңбек келісім-шарты не соңғы жұмыс орнынан еңбек келісім-шартын бұзуы және жұмысқа қабылдануы туралы бұйрық көшірмесі;
   
7. 
   Қазақстан Республикасы Бас прокуратурасының Құқықтық статистика және арнайы есепке алу Комитетінің аумақтық құрылымымен берілген сотталмағандығын және сыбайлас жемқорлық заңбұзушылықтарының жоқтығын растайтын құжат.
   

10. Кандидат конкурстық тапсырыстың түпнұсқасын конвертке салады да «Түпнұсқа» деп жазады. Бұл конвертте кандидаттың аты-жөні, мекен-жайы көрсетілуі керек. Содан кейін конверт сыртқы конвертке салынып, мөрленеді.

Ішкі және сыртқы конверттер :

1) шақыруда немесе мерзiмдiк басылымдағы ақпаратта көрсетiлген мекенжай бойынша Алматы қаласы Денсаулық сақтау басқармасына бағытталуы;

2) «Байқау кеңесi мүшелерiнiң - мемлекеттiк кәсiпорынның байқау  кеңесi мүшелерiнiң конкурсы» және « ____________ дейiн ашуға болмайды» (шақыруда немесе мерзiмдiк басылымда көрсетiлген конверттi ашу күнi мен уақыты) деген сөздердi қамтуы тиiс.

11. Конкурстық өтінім мемлекеттік және орыс тілдерінде бір-бір данадан жіберіледі.

12. Конкурстық комиссия шақыруларда немесе мерзiмдiк басылымдағы ақпаратта көрсетiлген жерде және уақытта ұсынылған конкурстық өтiнiмдер берiлген конверттердiң түпнұсқасын ашады.

13. Конкурстық өтiнiмдерi бар конверттердi ашу рәсiмiнен кейiн Конкурстық құжаттаманың 2 қосымшасына сәйкес конкурстық комиссияның хатшысы конкурстық комиссия мүшелерi мен хатшы қол қоятын ашу хаттамасын жасайды.

14. Егер конкурсқа қатысуға Қазақстан Республикасы Үкiметiнiң қаулысымен бекiтiлген талаптарға немесе конкурстық құжаттаманың 15 тармағында көрсетілген жайттарға сәйкес келетiн екеуден аз үмiткер конкурстық өтiнiм берсе не конкурстық өтiнiмдер түспесе немесе қайтарылып алынса, онда Конкурстық комиссия конкурсты өткiзiлмедi деп санайды және қайта конкурс өткiзу туралы шешiм қабылдайды.

15. Шаруашылық жүргiзу құқығындағы мемлекеттiк кәсiпорындардағы байқау кеңестерiне сайланатын адамдарға қойылатын талаптар жоғары бiлiмнiң, сондай-ақ мынадай талаптардың бiрiнiң:

1) денсаулық сақтау салаларындағы кемiнде он жыл жұмыс тәжiрибесiнiң;

2) денсаулық сақтау салаларындағы басшылық қызметте (заңды тұлға басшысы немесе оның орынбасарлары) кемiнде бес жыл тәжiрибесiнiң;

3) денсаулық сақтау салаларындағы қоғамдық бiрлестiктердiң мүшесi болуын қамтиды.

2. Мынадай:

1) Қазақстан Республикасының заңнамасында белгiленген тәртiппен соттылығы өтелмеген немесе алынбаған;

2) заңды тұлғаны банкрот деп тану туралы шешiм қабылданғанға дейiн бiр жылдан астам осы заңды тұлғаның басшысы болған;

3) бұрын сыбайлас жемқорлық құқық бұзушылық жасаған;

4) байқау кеңесiнiң басқа мүшесiмен немесе мемлекеттiк кәсiпорын басшысымен жақын туыстық және туыстық қатынастағы адамды байқау кеңесiнiң мүшесi ретiнде сайлауға болмайды.

16. Конкурстық комиссия осы Ереженің 9 тармағына сәйкес конверт ашылғаннан кейін бес жұмыс күн ішінде конкурстық тапсырыспен кандидаттармен ұсынылған құжаттарды қарайды және үміткердің Талаптарға сәйкестігін бағалау жүргізеді.

17. Конкурстық құжаттаманың 5 қосымшасына сәйкес конкурстық комиссия жүргізілген бағалаудың нәтижелері бойынша әңгімелесу күнін, уақытын және ол өткізілетін жерді көрсете отырып, шақыру жіберілетін, Талаптарға сәйкес келетін үміткерлерді іріктеуді жүргізеді.

18. Комиссия конкурсқа қатысушылармен әңгімелесу жүргізу кезінде «Сыбайлас жемқорлыққа қарсы күрес туралы» ҚР Заңын білуі, мемлекеттік кәсіпорын қызметі саласындағы қатынастарды реттейтін Қазақстан Республикасының нормативтік құқықтық актілерін және денсаулық сақтау немесе білім беру ұйымдарының қызмет ерекшеліктерін білуі тексеріледі.

19. Комиссия шешімі комиссия мүшелері жалпы санының көпшілік даусымен қабылданады. Дауыс теңдігі кезінде Комиссия төрағасының даусы шешуші болып табылады.

Комиссияның қабылдаған шешімі Конкурстық құжаттаманың 2 қосымшасына сәйкес хаттама түрінде ресімделеді, Комиссия мүшелерінің, сондай-ақ хаттаманы жүргізуші хатшының қолы қойылады.

20. Комиссия шешімімен келіспеген жағдайда бұндай шешімге Қазақстан Республикасының заңдылықтарына сәйкес кандидаттардың шағымдануына болады .

21. Конкурсты өткізудің жалпы мерзімі конкурсты өткізу туралы шешім қабылданған күннен екі айдан көп емес уақытты құрайды.

22. Комиссияның оң қорытындысын алған конкурсқа қатысушымен Алматы қаласы Денсаулық сақтау басқармасының басшысы Конкурстық құжаттаманың 4 қосымшасына сәйкес тиісті шарт жасасады.

шаруашылық жүргізу құқындағы коммуналдық

мемлекеттік кәсіпорында байқау кеңесі

мүшелерін конкурстық іріктеуді ұйымдастыру

және өткізу бойынша» Конкурстық құжаттамаға

1 қосымша

Шаруашылық жүргiзу құқығындағы мемлекеттiк кәсiпорындардағы байқау кеңестерiне сайланатын адамдарға қойылатын талаптар жоғары бiлiмнiң, сондай-ақ мынадай талаптардың бiрiнiң:

1) денсаулық сақтау салаларындағы кемiнде он жыл жұмыс тәжiрибесiнiң;

2) денсаулық сақтау салаларындағы басшылық қызметте (заңды тұлға басшысы немесе оның орынбасарлары) кемiнде бес жыл тәжiрибесiнiң;

3) денсаулық сақтау салаларындағы қоғамдық бiрлестiктердiң мүшесi болуын қамтиды.

2. Мынадай:

1) Қазақстан Республикасының заңнамасында белгiленген тәртiппен соттылығы өтелмеген немесе алынбаған;

2) заңды тұлғаны банкрот деп тану туралы шешiм қабылданғанға дейiн бiр жылдан астам осы заңды тұлғаның басшысы болған;

3) бұрын сыбайлас жемқорлық құқық бұзушылық жасаған;

4) байқау кеңесiнiң басқа мүшесiмен немесе мемлекеттiк кәсiпорын басшысымен жақын туыстық және туыстық қатынастағы адамды байқау кеңесiнiң мүшесi ретiнде сайлауға болмайды.

Конкурсқа қатысуға ниет білдірген тұлғалардың құжатын қабылдау бұқаралық ақпарат құралдарында конкурс өткізу туралы хабарландыру жарияланғаннан отыз күнтізбелік күннен кейін аяқталады.

Конкурсқа қатысу туралы өтінішпен бірге ұсынылатын құжаттар тізбесі:

1. 
   конкурсқа қатысу туралы өтініш;
   
2. 
   мемлекеттік және орыс тілдерінде түйіндеме;
   
3. 
   еркін үлгіде жазылған өмірбаян;
   
4. 
   үміткердің жеке басын куәландыратын құжат көшірмелері;
   
5. 
   жоғары білімі туралы құжат көшірмелері;
   
6. 
   еңбек кітапшасының көшірмесі (болған жағдайда) немесе еңбек келісім-шарты не соңғы жұмыс орнынан еңбек келісім-шартын бұзуы және жұмысқа қабылдануы туралы бұйрық көшірмесі;
   
7. 
   Қазақстан Республикасы Бас прокуратурасының Құқықтық статистика және арнайы есепке алу Комитетінің аумақтық құрылымымен берілген сотталмағандығын және сыбайлас жемқорлық заң бұзушылықтарының жоқтығын растайтын құжат.
   

Конкурсқа қатысуға ниет білдірген тұлғалардың құжатын қабылдауды бастау күні бұқаралық ақпарат құралдарында жарияланған күннен бастап келесі мекенжай бойынша Қазақстан Республикасы, 050040, Алматы қаласы, Бостандық ауданы, Жандосов көшесі, 6 Алматы қаласы Денсаулық сақтау басқармасы 302 бөлме, 2755703 телефоны арқылы анықталады.

«Алматы қаласы Денсаулық сақтау басқармасы

шаруашылық жүргізу құқындағы коммуналдық

мемлекеттік кәсіпорында байқау кеңесі

мүшелерін конкурстық іріктеуді ұйымдастыру

және өткізу бойынша» Конкурстық құжаттамаға

2 қосымша

Алматы қаласы Денсаулық сақтау басқармасы шаруашылық жүргізу құқындағы коммуналдық мемлекеттік кәсіпорындарында байқау кеңесі мүшелеріне үміткерлерді іріктеу конкурсына қатысуға өтінімдері салынған конверттерді